اها حلو ع راحتج ... تيقى حرية شخصيةالمشاركة الأصلية كتبت بواسطة ود 'ے
اها حلو ع راحتج ... تيقى حرية شخصية
الدين مو باللبس، ،، تلكين وحده لابسه عبايه وجفوف وبوشيه وكلهن وهي شلاعبه مالاعبه، وتلكين لبس عادي وبسيط بس تعرف الله عدهه انسانيه ،، اللبس مو كلشي، ، الدين مايقاس باللبس، ، صح لازم لبس محتشم ،، بس الدين واللبس مااعتقد مرتبطات ابعض
الاقتداء الظاهر عندج يختلف. .. اني الي اعرفه اقتداء بكلشي.... كل إنسان مو كامل بس لازم يسعى للكمال اكيد اني من اقتدي بالسيدة زينب عليها السلام مراح اوصل لمقامها لكن لكل إنسان ماسعىلا زينبية يعني تسوين الاعمال اللي تسويها السيدة زينب ,يعني مو تلبسين اللي جانت تلبسه .. على هذا الحجي لازم الشباب هم يقلدون لبس الامام الحسين (ع) و يبطلون يصنعون بناطير و شي و يسوون شلون لبس الامام الحسين
بس كل زمن و اله احكامه....
المهم معروف بكل العالم اذا ردتي تقتدين برمز من رموزج فأنتي مو بالضرورة تقلدين كلشي بي و حت لو ردتي تقلديه بكلشي فهذا شي مستحيل لان مستحيل تكونين السيدة زينب(ع) بحد ذاتها و بالتمام ...
الله خلقج بزمن يختلف و بجسد يختلف وبأحوال تختلف و كالج تصرفي بعقلج ...
متقبليها ياب
هو اخذها على سبيل المثال ..و مع احتراماتي للي يلبسون عباية اكو بعضهن يلبسوها بس لأن تقليد لا اكثر يعني ...مو لتقليد السيدة زينب (ع)...على حد حديثج
و أعتقد أخذها ع سبيل الطرافة يعني لا اكثر
و بالنسبة للمجتمعات الغربية فهو ميكول لازم الاقتداء بيها بالانحلال الاخلاقي...بس ديكول احنه لازم نكون مثلهم من ناحية أحترام حرية الأخر
(لا أكراه في الدين قد تبين الرشد من الغي)
(لكم دينكم و لي دين)
اني ماكلت إجبار رجعي لأول تعليق كلت العباية مو واجبه بل مستحيه وميصير وحدة تلبسها بدون اقتناع لأن راح تسيء العباية
الي كلته كلما زاد التقوى تجلى في السلوك والمظهر
ماعرف منين جايبين فكرة الوحدة اذا لبست العباءة من دون قناعة راح تسيئ لها ..اني لبستها وما احبها ..بس لابستها باحسن صورة ..لان الاساءة راح تكون الي مو ع الاعباءة اذا لبستها بصورة غير لائقة
سبق وان ذكرت بالعديد من مداخلاتي بأن التديّن و الاخلاق الحميدة و عمل الخير و محبة الآخرين لا علاقة لها بالملابس ، لا طردياً و لا عكسياً...
لو اردنا ان نرتقي بعراقنا الحبيب الى مصافي الدول المتقدمة ، علينا ان نتخطى أسوار الماضي، نعم نحترم اقوالهم و افعالهم، ولكن علينا ان نزيد على بنيانهم بما يتوافق مع عصرنا ،لا ان نقلّدهم تقليداً اعمى،
في سباقات الجري يفوز بالمرتبة الاولى من كان طليق الجسم و طليق الحركة ، بعكس من يجري حاملاً على كاهله اثقالا.
ازيحوا الاثقال عن كاهلكم كي تستطيعوا الفوز.
دائما اگول الحمدلله لانو اني من بغداد ،
لانو اغلب المحافظات الجنوبيه نگول تقريباً زيهم يفرض يكون عبايه للبنت ، واني ما مقتنعه بيها :/
جان طلعت من الدين الاسلامي يجبروني عليها واني صغيره
احنا ببغداد نلبسها اغلب شي بالزيارات بس
واغلب شي نجف وكربلاء يلبسونها ك زي ..
من اروح للكربلاء رأساً اعرف هالبنت من المحافظه لو لاء ، لانو كلهم تشوفينهم معودينهم ع مُحنك وكذا واللبس جوا العبايه جبه او هيج شي او شي طويل كلش ..هاا وبشرط يكون لون داكن ، مستحيل يكون اصفر اخضر وردي سمائي ابيض وهالالوان :$ .. ما اعرف ليش يخنگونهن بالالوان الداكنه هيج
ما اعرف ليش يفرضون هالزي وهم اولادهم ما فارضين عليهم ممنوع يطلعون بالبرمودا والفانيله مثل ما يفرضون ع بناتهم العبايه!
وبالنسبه الي الصراحه ولا مرا شفت بنت لابسه عبايه كدرت تعكس احترام هالزي ع الاقل او تعكس لي نطرة حلوة :). ومشفت واحده غيرت نظرتي ع امهات العبايه اللي اشوفهن دائما ساترات فضائحهن بحجه العبايه ! .. دائما اي واحده اشوفها تزيد شعوري بانو لازم ما اثق بأم العبايه ابد ابد !! ولازم ابعد عنها مسافه عشر مترات
طبعا مدا احجي ع الكل . بس دا اكول ما شفت .. وانو اني ما شفت ما يمنع وجودهن خاف يجي مُعترض ع كلامي
وهُم دائماً يربطونها بالاخلاق،
..
هذاك اليوم اكو بنت ع النت عرفتها من فتره قصيرة بكروب ديني تقريباً ..
جابو سيرة اللبس وكذا ف اني وصفت الهم لبسي وكذا من اطلع برا البيت و ماشاء الله كلها صارت متدينه براسي وطلعوني ملحده وزنديقه وكافره الا شوي ، ع الرغم لبسي مستور جداً اني:/
المهم واحده تتمدح بروحها وكذا واني البس عبايه وحتى نقاب وبس من نسافر لاميركا البس جبه طويله للقدم ولون مو جذاب ، وكعدت تطلع احكام انو كذا لون شال حرام وكذا لفه شال حرام..
وهي تحجي لاختي كل شي عاد ورا كم يوم اختي تكول ام عبايه ونقاب كاعده تسولفلها ع البوي فريند مالتها من العراق ومن اميركا وعندها هواي بوي فريندات تكعد تسولف لاختي عليهم
وهي قبلها كاعده تنكل بيا بدون متعرف اني شنو وشنو اخلاقي :)
صارت عند نفسها احسن من البنات بس لانو تلبس عبايه ونقاب وجواهن جبه وما شافت حالها من منزله اخلاقها بكثرة الاولاد حولها ، وغير امور همين .
وهالنماذج اللي انت ذكرتيها هواي موجوده ، لا والمحلو اذا سووها كدام امج او ابوج هالحركه :)
وانت كوة مقنعتهم بلبسج*-* ..
تستخدم اسلوب المُغالطه المذكور ب نطريه الفستق
خطيه اللي يجون يمها يتورطون بالمحاظرات :/
هيج ناس عند نفسهم بس هم الصح والباقي غلط ^_^
المهم انو اللبس لا يشف ولا يصف.. يعني مو شفاف ولا لاززززززكك من بعض المناطق
وواحد ما عليه بحجي الناس المهم هو مقتنع ومقنع اهله بلبسه
نسيت عن شنو الموضوع
داقرا الردود واطلع انواع لا و ما
ع العموم اخر شي افكر اتدخل بي هو اللبس
العباية زي عربي ليس في العراق فقط ، موجود في دول الخليج ، موجود في مصر ، و كذلك في المغرب بعض الشيء ، و في منطقة القبائل في الجزائر ، لذلك لا مشكلة من ارتداء هذا الزي ، بالتأكيد لا يعصم البنت في النهاية لكل مكان (اعراف) الواجب على المثقف احترام هذه الاعراف ، في الجنوب يعتبروه زي رسمي ان كنا ضد هذا الامر يجب ان نذهب للشمال و نعترض على الزي الرسمي (الكردي) للنساء ، في النهاية ارى من ينتقد هذا الزي هو ليس سوى تعدي على حقوق الاخرين عندما تزور مكان وتكون ضيف يجب ان تحترم عاداته و عندما تذهب الى بيتك عُد لطبيعتك ، هذه هي الثقافة و الوعي وليس ان نذهب ونهاجمهم بل وننتقص من عقولهم و نستهزء بـ اعرافهم ، ببساطة لأنه لم يرق لنا زيهم ^__^
بما ان المنشور يعبر عن رأي الناشر
ف التعليقات تعبر بالتأكيد عن رأي المعلقين
برأيي أن البنت اللي تلبس الحجاب - بغض النظر عن نوعه أو اسمه الشائع - عن حب و قناعة ف هذه بنت مؤمنة و صالحة .
الحجاب - بغض النظر عن نوعه أو اسمه الشائع - له ضرورة مجتمعية بالاضافة الى الضرورة الشخصية .
بالمختصر المفيد .. الحجاب ليس هو المطهر للانسان ، لكن هو دليل حرص البنت -التي تلبسه عن رغبة و حب- على نشر العفة في المجتمع .
أنا أرى ذلك كمسلم غير متعصب ..
عزيزتي :
العباية يعتبر زي رسمي عند البعض ولازم نحترم هذا الشي وهي بالاول والاخير ملابس لا تعطي اخلاق ولا شي للمرأة مجرد ستر بالعباية او غيرها هذا الشي منتهين منه .. والدليل البعض لبسو عباية بدون احتشام ف اسم" عباية " مايرتبط بالاحتشام الا اذا لبستيها بالطريقة الصح ، مثل الحجاب تماماً الكثير يطلق عليهم محجبات بس السؤال هل فعلاً محجبات !!؟
اذا اهل البنت من عاداتهم هذا الزي المفروض احترامة وماكو شي اسمه اذا لبسته غصب راح اسيء اله هذا الشي غلط لان اذا ماجانت عندج نية اساءه ماراح تسيئين اله ابد ،
رد مع اقتباس
