هنا

[Ph. Zahraa]

ففف

[جْــيْــكـــي'ۦ، 'ۦ]

ما أشوف العباية شي ضروري
وثانياً العبايه مراح تحدد أنو انتِ خلاص أسلاميه متدينه حد النخاع
وبخصوص المرأة فهاي اكو هواي منها هيج نماذج ...
شكراً

[Ph. Zahraa]

ما أشوف العباية شي ضروري
وثانياً العبايه مراح تحدد أنو انتِ خلاص أسلاميه متدينه حد النخاع
وبخصوص المرأة فهاي اكو هواي منها هيج نماذج ...
شكراً

شكرا الك جيكي
خوش رأي

[Laraa]

اتذكر من كنت مسلمة كنا ماعرف عند اي امام
فأمي گلتلي گومي صلي ( طبعاً كنت اصلي دون قناعة حتى اكون صريحة ) اني هم گمت صليت بدون ما استخدم التربة
وحده من ( طنط حشرية ) مثل اللي تنصحج بالعباية خلت التربة گدامي حتى اسجد عليها
وصلت للسجود و وخرت التربة ، من كملت صارت مفتي الديار و على اساس تنصح وتسولف بصوت عالي و النسوان كلهن يبحلقن طبعاً اني لبستها وگمت مجاوبتها
ابتعدت مسافة وسمعتها تحجي عليه رجعت گتلها حبابة اعرف اية بالقران تتحدث عن الغيبة بس ماعرف اية تتحدث عن وجوب الصلاة على التربة

يا عزيزتي ، بعيداً عن الاهل و أي انسان اخر اذا انتِ تحسين داخلج نظيف
اطمئني لان قطعة القماش متنظف نفس الانسان ولا تمنح اخلاق
اذا الله موجود فطرق التقرب اله هواي مو شرط عباية او طقوس معينة ولا حتى الخوف
المحبة تكفي كلش

تحياتي

[Ph. Zahraa]

اتذكر من كنت مسلمة كنا ماعرف عند اي امام
فأمي گلتلي گومي صلي ( طبعاً كنت اصلي دون قناعة حتى اكون صريحة ) اني هم گمت صليت بدون ما استخدم التربة
وحده من ( طنط حشرية ) مثل اللي تنصحج بالعباية خلت التربة گدامي حتى اسجد عليها
وصلت للسجود و وخرت التربة ، من كملت صارت مفتي الديار و على اساس تنصح وتسولف بصوت عالي و النسوان كلهن يبحلقن طبعاً اني لبستها وگمت مجاوبتها
ابتعدت مسافة وسمعتها تحجي عليه رجعت گتلها حبابة اعرف اية بالقران تتحدث عن الغيبة بس ماعرف اية تتحدث عن وجوب الصلاة على التربة

يا عزيزتي ، بعيداً عن الاهل و أي انسان اخر اذا انتِ تحسين داخلج نظيف
اطمئني لان قطعة القماش متنظف نفس الانسان ولا تمنح اخلاق
اذا الله موجود فطرق التقرب اله هواي مو شرط عباية او طقوس معينة ولا حتى الخوف
المحبة تكفي كلش

تحياتي

aشكرا جزيلا لرايج الحلو
أكيد كلمن و أختياره و قناعته و نظرته للحياة

[^_AHMED_^]

حسب العرف الاسلامي يجب على المرأة ستر عامة الجسم
ويأمكانها اظهار قرص الوجه والكفين بالاضافة الى القدمين
اكان ذلك بعباءة ام غيره ... كل الود

[❀aşk çiçeği❀]

اني كوني بمجمتع نجفي انجبرت ع العبايه واني بعمر ١١سنة وبالنسبة الي العباية جانت هواي تعيقني واحس نفسي واني لابستها صرت عجوز وكبرت بساع
بس حالياً تعودت عليها حالها حال الحجاب بالنهاية منكدر نتجاهل مجتمعنا ونسد مسامعنا عن العالم الواحد خلي يحتفظ كلشي بينا وبين نفسه افضل
اني ما اكدر اكول العباية واجبة لان اكو هواي متجمعات كلغريية مثلا بيها مسلمات جنسبهم واصلهم من الغرب فأكيد الله مرح يغضب عليهم لان عود ملابسات عبايه كلشي ع القناعة حتى الصلاة والحجاب

شكراً زهراء

[ساحة حرب]

العبائه مو واجبة بالإسلام لكن مستحبة
لازم نلبس عبائه الأخلاق قبل عبائه اللبس
ومو كل وحدة لابسه عبايه تلكوها مؤمنه
لكن...
البنت اذا تريد تحفظ نفسها تلبس عباية وهنا تضرب هدفين سوية الي هم :
راح تكون مثال البنت الزينبيه من جهة
ومن جهة أخرى راح تساعد اخوها المؤمن حتى يغض بصره

وكلما زاد إيمان وتقوى البنت راح تحب العباية
لأن الإيمان إذا كان حقيقي راح يتجلى بالسلوك والتصرف وكلشي بحياتنه

وأهم شي ان يكون لبس العباية عن حب و قناعه وبعيد عن الأجبار لأن إذا لبستها بأجبار راح تسيء ألها ومراح تنطيها استحقاقها

تقبلو مروري

[Ημdα]

مع احترامي للرآي الاخر بس احنه بغداد مختلفين تقريبا يعني العباية مجرد نلبسها من نروح لكربلاء او النجف بوجهه نظري العباية مو واجب بس مستحب.شنو الفائدة لابسه عباية وهي مو على اقتناع بيها مجرد مفروض عليها....

[الشاعرة نونو]

انا ماالبس عباية بس لبسي مستور وبرأيي العباية مو لبسه اجباري واذا نريد نتقرب لله سبحانه فهذا بالاعمال المستحبة مو بالعباية