هنا

[Ph. Zahraa]

الاقتداء الظاهر عندج يختلف. .. اني الي اعرفه اقتداء بكلشي.... كل إنسان مو كامل بس لازم يسعى للكمال اكيد اني من اقتدي بالسيدة زينب عليها السلام مراح اوصل لمقامها لكن لكل إنسان ماسعى

اني ماكلت إجبار رجعي لأول تعليق كلت العباية مو واجبه بل مستحيه وميصير وحدة تلبسها بدون اقتناع لأن راح تسيء العباية
الي كلته كلما زاد التقوى تجلى في السلوك والمظهر

هذا هو
رأيج صحيح حبيبتي

[Ph. Zahraa]

ماعرف منين جايبين فكرة الوحدة اذا لبست العباءة من دون قناعة راح تسيئ لها ..اني لبستها وما احبها ..بس لابستها باحسن صورة ..لان الاساءة راح تكون الي مو ع الاعباءة اذا لبستها بصورة غير لائقة

و الله ني هم ماعرف منين جايبيها .. مرات يستلزم الواحد يلبس عباية حت لو ميحبها
شكرا للمداخلة

[Ph. Zahraa]

سبق وان ذكرت بالعديد من مداخلاتي بأن التديّن و الاخلاق الحميدة و عمل الخير و محبة الآخرين لا علاقة لها بالملابس ، لا طردياً و لا عكسياً...
لو اردنا ان نرتقي بعراقنا الحبيب الى مصافي الدول المتقدمة ، علينا ان نتخطى أسوار الماضي، نعم نحترم اقوالهم و افعالهم، ولكن علينا ان نزيد على بنيانهم بما يتوافق مع عصرنا ،لا ان نقلّدهم تقليداً اعمى،
في سباقات الجري يفوز بالمرتبة الاولى من كان طليق الجسم و طليق الحركة ، بعكس من يجري حاملاً على كاهله اثقالا.
ازيحوا الاثقال عن كاهلكم كي تستطيعوا الفوز.

صحيح رأي جدا جميل ..و هو هذا اللي ردت اكوله

[رسـيـــل_*]

الحمدلله البس عبايه ونقاب

موضوع جداً راقي

آستمري

[Ph. Zahraa]

دائما اگول الحمدلله لانو اني من بغداد ،
لانو اغلب المحافظات الجنوبيه نگول تقريباً زيهم يفرض يكون عبايه للبنت ، واني ما مقتنعه بيها :/
جان طلعت من الدين الاسلامي يجبروني عليها واني صغيره

احنا ببغداد نلبسها اغلب شي بالزيارات بس

واغلب شي نجف وكربلاء يلبسونها ك زي ..


من اروح للكربلاء رأساً اعرف هالبنت من المحافظه لو لاء ، لانو كلهم تشوفينهم معودينهم ع مُحنك وكذا واللبس جوا العبايه جبه او هيج شي او شي طويل كلش ..هاا وبشرط يكون لون داكن ، مستحيل يكون اصفر اخضر وردي سمائي ابيض وهالالوان :$ .. ما اعرف ليش يخنگونهن بالالوان الداكنه هيج


ما اعرف ليش يفرضون هالزي وهم اولادهم ما فارضين عليهم ممنوع يطلعون بالبرمودا والفانيله مثل ما يفرضون ع بناتهم العبايه!


وبالنسبه الي الصراحه ولا مرا شفت بنت لابسه عبايه كدرت تعكس احترام هالزي ع الاقل او تعكس لي نطرة حلوة :). ومشفت واحده غيرت نظرتي ع امهات العبايه اللي اشوفهن دائما ساترات فضائحهن بحجه العبايه ! .. دائما اي واحده اشوفها تزيد شعوري بانو لازم ما اثق بأم العبايه ابد ابد !! ولازم ابعد عنها مسافه عشر مترات


طبعا مدا احجي ع الكل . بس دا اكول ما شفت .. وانو اني ما شفت ما يمنع وجودهن خاف يجي مُعترض ع كلامي



وهُم دائماً يربطونها بالاخلاق ،
..
هذاك اليوم اكو بنت ع النت عرفتها من فتره قصيرة بكروب ديني تقريباً ..

جابو سيرة اللبس وكذا ف اني وصفت الهم لبسي وكذا من اطلع برا البيت و ماشاء الله كلها صارت متدينه براسي وطلعوني ملحده وزنديقه وكافره الا شوي ، ع الرغم لبسي مستور جداً اني:/

المهم واحده تتمدح بروحها وكذا واني البس عبايه وحتى نقاب وبس من نسافر لاميركا البس جبه طويله للقدم ولون مو جذاب ، وكعدت تطلع احكام انو كذا لون شال حرام وكذا لفه شال حرام ..

وهي تحجي لاختي كل شي عاد ورا كم يوم اختي تكول ام عبايه ونقاب كاعده تسولفلها ع البوي فريند مالتها من العراق ومن اميركا وعندها هواي بوي فريندات تكعد تسولف لاختي عليهم بمعنئ انو عندها شله ولد من العراق وامريكا و تبيع ايمانيات ودين براس غيرها

وهي قبلها كاعده تنكل بيا بدون متعرف اني شنو وشنو اخلاقي :)
صارت عند نفسها احسن من البنات بس لانو تلبس عبايه ونقاب وجواهن جبه وما شافت حالها من منزله اخلاقها بكثرة الاولاد حولها ، وغير امور همين .


وهالنماذج اللي انت ذكرتيها هواي موجوده ، لا والمحلو اذا سووها كدام امج او ابوج هالحركه :)
وانت كوة مقنعتهم بلبسج*-* ..
تستخدم اسلوب المُغالطه المذكور ب نطريه الفستق

خطيه اللي يجون يمها يتورطون بالمحاظرات :/
هيج ناس عند نفسهم بس هم الصح والباقي غلط ^_^



المهم انو اللبس لا يشف ولا يصف .. يعني مو شفاف ولا لاززززززكك من بعض المناطق ..


وواحد ما عليه بحجي الناس المهم هو مقتنع ومقنع اهله بلبسه

صحيح
...هههه عجبتني هاي بوي فريند
المهم ترا اكو كومة لابسات عباية و نقاب يعني و محترمات جدا و اني اعرفهم و صديقاتي هماتين..و ميتدخلون بغيرهم و لبسهم على نفسهم
بس أكو لازم يعكرن عيشة غيرهم
شكرا للقصة الجميلة

[Ph. Zahraa]

نسيت عن شنو الموضوع
داقرا الردود واطلع انواع لا و ما
ع العموم اخر شي افكر اتدخل بي هو اللبس

ههههه ظلي لعد طلعي انواع ما و لا
احسلج
(لا اكراه في الدين)لا نافية للجنس

[Ph. Zahraa]

العباية زي عربي ليس في العراق فقط ، موجود في دول الخليج ، موجود في مصر ، و كذلك في المغرب بعض الشيء ، و في منطقة القبائل في الجزائر ، لذلك لا مشكلة من ارتداء هذا الزي ، بالتأكيد لا يعصم البنت في النهاية لكل مكان (اعراف) الواجب على المثقف احترام هذه الاعراف ، في الجنوب يعتبروه زي رسمي ان كنا ضد هذا الامر يجب ان نذهب للشمال و نعترض على الزي الرسمي (الكردي) للنساء ، في النهاية ارى من ينتقد هذا الزي هو ليس سوى تعدي على حقوق الاخرين عندما تزور مكان وتكون ضيف يجب ان تحترم عاداته و عندما تذهب الى بيتك عُد لطبيعتك ، هذه هي الثقافة و الوعي وليس ان نذهب ونهاجمهم بل وننتقص من عقولهم و نستهزء بـ اعرافهم ، ببساطة لأنه لم يرق لنا زيهم ^__^

لا مداهاجمهم اني همه ديهاجموني اولا
ثانيا هو مو زي رسمي اكثر من بدعة دينية مفروضه ع _بعض_ الفتيات
و اني مدانتقصهم و بالعكس داكول اكو بنات محترمات جدا يلبسون عباية لكن لازم ميتدخلون بحرية غيرهم

[Ph. Zahraa]

بما ان المنشور يعبر عن رأي الناشر
ف التعليقات تعبر بالتأكيد عن رأي المعلقين

برأيي أن البنت اللي تلبس الحجاب - بغض النظر عن نوعه أو اسمه الشائع - عن حب و قناعة ف هذه بنت مؤمنة و صالحة .
الحجاب - بغض النظر عن نوعه أو اسمه الشائع - له ضرورة مجتمعية بالاضافة الى الضرورة الشخصية .

بالمختصر المفيد .. الحجاب ليس هو المطهر للانسان ، لكن هو دليل حرص البنت -التي تلبسه عن رغبة و حب- على نشر العفة في المجتمع .

أنا أرى ذلك كمسلم غير متعصب ..

لا انت مسلم متعصب و بشدة
و اني مداحجي عالحجاب بحد ذاته بس داحجي عالعباية
و لا هو _الحجاب_ او هي _العباية_ دليل على حرص المرأة على دينها

[ادم موسئ]

الطرق الى الله بعدد انفاس الخلائق

[Ph. Zahraa]

عزيزتي :

العباية يعتبر زي رسمي عند البعض ولازم نحترم هذا الشي وهي بالاول والاخير ملابس لا تعطي اخلاق ولا شي للمرأة مجرد ستر بالعباية او غيرها هذا الشي منتهين منه .. والدليل البعض لبسو عباية بدون احتشام ف اسم" عباية " مايرتبط بالاحتشام الا اذا لبستيها بالطريقة الصح ، مثل الحجاب تماماً الكثير يطلق عليهم محجبات بس السؤال هل فعلاً محجبات !!؟

اذا اهل البنت من عاداتهم هذا الزي المفروض احترامة وماكو شي اسمه اذا لبسته غصب راح اسيء اله هذا الشي غلط لان اذا ماجانت عندج نية اساءه ماراح تسيئين اله ابد ،


​

صحيح محترمه هالشي
بس داكول يا عزيزتي انو لازم اللي تلبس عباية او اللي تفرض لبس العباية على بتها متدخل بلبس غيرها