هنا

[ملكةه]

"
""بارت. 15

احتاج لغيبوبة.....
تعزلني عن الدنيا.....
لبعض الوقت ......."

تلفتت منا ومنا ودمعه بعيني وجسمي يرجف
اجت عيني بعين ايناس
غمزتلي وگالت بلعافيه
وطلعت
بقت امي تقره عليه ايأت قرآنيه
وآنه كامشه اذاني ما اريد اسمعه واصرخ طلعووووه بررره
ما اريدن اشوفنه
بقت امي كامشتني بقوه وتبجي وياي
وتحجي والله البنت مسويله عمل
حسبي الله ونعم الوكيل راح تروح البنت من ايدينا
الله يبلاهم

شاهر ...طلعت من يمهم ما گدرت احتمل اشؤفنه وابقئ متكتف ما بيدي شي احرره من الي دايصير بيها
حسيت روحي مربط
والياس سيطر عليه
مشيت بخطواتي المتباطئ
اخذتني رجلي لـ غرفة برسن فتت ورديت الباب وراي
سديت أذاني ما اريد اسمع صراخه
وصوت النحيب الي يخترق گلبي
ويمزقه
نزعت ستره بعصبيه وشمرته بلگاع
فتحت رباط عن رگبتي وذبيته
حسيت روحي مخنوگ اريد اتنفس ماكو
كلشي صار يلچم روحي حتئ نفس
جنت مخطط بهذا اليوم ح يكون اسعد يوم يمر عليه
ردت اخذه بحضني اضمه
من العالم كله
احتويه اهتم بيها اكثر من نضر عيني

شنو الي صار وگلب كلشي فجأة
ليش مكتوب علينا تعب
و القدر يلعب ادوار
چا وين راحه نلگاه
گعدت بلگاع وحسيت روحي محطم
خليت راسي بين رجليه
وگمت ابجي مثل طفل الي سرقو منه لعبته

واخذو منه اجمل احلامه
وفصلوه عن حضن امه
هاي بنيت گلبي وردت وياه اگضي تالي عمري
الي جانت تشوفني
ملاك
هسه تشوفني وحش
ااااااه يانار گلبي اااه
صرت اشهگ بلبجي

حسيت ايد تخلت ع كتافي رفعت راسي
بتثاقل والدموع مغوشه بعيني
لان هاي ايناس
ما حجيت وياه شي
رجعت راسي بين رجليه

_ليش تبجي منو يستاهل تره آنه اول ما شفته عرفته بنص عقل اكو بشر يسؤي سوايته
وتطرد زوجه بليله دخله

_أنه مدنگ وهاي حجت هيجي ردت اگوم واخلص عليها
گوه تمالكت روحي وما رديت عليها
بس نهارت اعصابي من سمعتها تگول

ولو هاي يجوز لعبه منها الله العالم شنو مخبصه وي شباب
وحتئ ما تنكشف مثلت فلم من افلامه المعتاده
طبعا لا ام ولا اب عدها
منو يحاسبها باقيه ع حل شعرها تصول وتجول

شاهرر....ما حسيت روحي الا وحاط أيدي ع رگبته واخنگ بيها
منووووووو ولج الي مخبصه هااااااااااا
شايفه اذا جبتي اسمه
ع لسااااااااانج
وحق الي كفل زينب اميحج من الوجود
حسيت نار تطلع من عيوني
حسيت نفسي اريد افرغ هاي طاقه كلها بيها
بقيت اخنگ بيها وهيه تحاول تبعد بيدي
وانه ما ادري بروحي فقدت كلش

ما حسيت غير ع ابوي جرني واجت اخته شالته من جوه أيدي وسحبته وراحت وهيه تسب
وتغلط

_يابه شبيك ليش هديت عليها ردت تموته يايابه
عاوزنا احنه تموت وتگع براسنه

_عساه ماتت وندفنت الي يجيب اسم زوجتي ع لسانه بلموزين ما يلؤم غير روحه
رفعت عيني ع ابوي
بابه طمني شونه برسن
شنو الي دايصير وياه

باوعلي بحيره وگال يابه ان شاء الله خير امك انطته مهدا ونامت توه
لان البنت مو طبيعيه تگمز وتصرخ
وهذا وخروو مني وهذا يريد يقتلني
امك تگول مسواله عمل
لان من تقره عليها ايات قرانيه
برسن ترفض تسمعه وهذا دليل ع انو اكو عمل نگس
خل يصبح صبح والله كريم
لو نعرف ناخذه لاخر العالم
اوعدك ارجعه مثل قبل وترد لـ حضينك
طبطب ع ضهري وگلي گوم بويه
تؤضئ وصلي
وادعي لـ ربك ينجيه من الي هيه بي
العصبيه ما تجيب شي بس تشعل نيران ما تطفي
صلي وانت ترتاح
مو وليدي

هزيتله راسي راح ابوي
وآنه طلعت من غرفتي اخذتني رجليه يم
غرفتنا ردت اطب
چان تطلع بوچهي أمي

هااا يمه بشري شلون صارت
حجت وياي وهيه تسد الباب
يمه البنيه حالته صعبئ
والي دايصير وياه مو بيده هذا أثر عمل مسؤاله
يصبح صبح وناخذه
للساده
ونشؤف وضعه خاما صارله هواي العمل ومضئ بيها
هيجي يصير تأثيره اقوئ
فلهذا ياامي حاول تتحمل ولا تشؤفه وجهك
لان خاصة انت
تشؤفك وحش هسه انت بنسبه اله مو شاهر انت
وحش
ماشي يمه لخاطري لا تزيد جرحه البيها كافيها

حسيت كل كلمه تطلع من أمي تغرس الف سهم بگلبي و تحطمني تحطم
حسيت كل احلامي تلاشت
گتله بنبرة حزن
لا يوم شون اذيها وهاي بنت گلبي
اهم شي ترجع برسن مثل قبل

_يابعد روحي يأمي حرموك من احلئ يوم بعمرك الله يحرمهم العافيه
الله ينتقم من كل واحد يمشي وره هلعمال الله يهد بيوتهم

_لا يمه سهله اهم شي صحة برسن
اروح آنه اصلي لـ ربي واندعيله يخفف
عليها المها

_بارك الله بيك يمه هسه انزل آنه جوه ابدل ورجع يمها ما اگدر اتركه وحدها

_ماشي يمه راحت اامي نزلت وآنه بقيت واگف بمكاني متبربط وعيني ع باب شي يگلي فوت شوفه
وشي يمنعني اخاف تگعد وتشؤفني گباله وترجع لـ حالته
مشيت بيأس وتعب هاد حيلي
توضيت ورحت لـ غرفه فرشت سجاده
وصليت ودعيت ربي هواي يدلينا ع درب صحيح ويكشف النه الحقيقه

بجيت بكثره لحد ما حسيت راسي ورم وبعد ما اگدر اشيل أيدي تعب
اخذ كل حيلي
غفيت وآنه بمكاني
ما حسيت لـ وجه صبح
ع صراخ برسن گمت مفزوع وركضت

وصلت يم الباب وگفت ما گدرت اطب خاف تنهار اكثر من تشوفني
بقيت اروح وارد والحيره دمرتني
ص

عبئ من تشؤف اعز شي ع روحك يتوجع گدامك وما تگدر تسؤي شي
حاس روحي بنص نار وتاكل بيه

طلعت أمي ركضتت اله يمه ليش هيجي تصرخ يمه شنو الي يوجعه

_يمه جهز روحك ولحگنا بسياره لا تحاول تشؤف روحك الها
راح ناخذه للسيد دلوني عليه بشطره اسمه سيد حمد
خل نشؤفه شيگول النه
يلا يمه راح اخذه وانزل لحگنا

_ايي يمه ثواني وجاي ركضت ذبيت ماي ع وجهي
وغيرت ملابسي وطلعت اركض شفتهم حركو سيارتهم انتضرتهم يطلعون ركبت سيارتي وطلعت
وراهم وأنه ادعي لربي نلگه حل لـ حالته
او علاج يخفف علتها
بعد مشوار
نزلو اهلي وام غايب وياهم

آنه امشي وراهم بمسافه ما اريد تلتقي عيونه بعيونها
لحد ما طبو ع سيد
فتت وراهم وگعدت بهدوء

شرحتله امي حالتها صفن هو عليها
وگال هلبنت مسوالها عمل والعمل قوي كلش
وماضي بيها من فتره
لان العمل مدفون بمقبره

هنا آنه نهاريت ردت احجي وياه بس خفت ع برسن
ردت عليه امي
چا سيد فدوه لـ عينك شلون اعوف بنيتي هيجي
سيد جايين ع الله وعليك
تخلصنا سيد يصيبك أجر بهلبنت اليتيمه
لا حوله ولا قوه تره

امي تبجي وتحجي وبرسن فاصله عن العالم
دنگ سيد وگال آنه ما بيدي شي
الي اگدر عليه انطيه سبوحات وحرز يحفضه
بس العمل متلبس بيها ومسيطر عليها

ام شاهر...چا سيد شلون گول النه فدوه لـ عينك ماكو حل نخلصها منه

سيد..اي اكو حل لازم الي مسؤيه العمل تطلعه من مكانه
وتفككه تبطل العمل عنها
لان سحر المقابر يكون اقؤئ عمل وهذا العمل
محد يسيطر عليها الا ياكل
المسحور اكل ويموت يلا
يااما صاحبة العمل الي مسؤيته تموت
واحد منهم يموت

_سيد وشلون نعرف صاحبة العمل فدوه لـ عينك سيد شوفنا حل

_راح اگللكم ع موصفاة البنت الي مسؤيه سحر
واذا گدرتو تخلوه تعترف وتطلع العمل
بهذا يكون نجاة بنتكم
غيره ما بيدي شي

_ايي يالله ربي يباوع النه

_البنت الي مسؤيه العمل منكم وبيكم تطب وتطلع هذة البنت حاقده والغيره مسيطره عليها
اتجهت لهذا درب حتئ تحصل مبتغاه

_شهگت امي وگالتله سيد شرايده منه وشنو مبتغاه
رفع ايده سيد وأشر عليه تريد ابنج تريد تسيطر عليه كليآ
هذة البنت حية اخذو حذركم منها

_گامت تبجي امي وتسمي وتستغفر وتحسب رد عليها سيد وگال راح انطيكم موصفاته

شكله سمره طوله متوسط....................انطانه كل الموصفاة الي دل ع ايناس

آنه نجيت وما ضل عقل براسي
نار وشبت بضلوعي

انطئ لامي شغلاات لـ برسن طلعت امي وام غايب ساندات برسن
تحطم گلبي لـ شوفته
سحبت ابوي واجت امي يمي
وگتلهم اضن عرفتو الي

وره هذا شي ما يحتاج نطول بعد
آنه رايح عليهم اليوم اهد البيت ع راسهم

حجئ ابوي شتسؤي يابه خليك هادي وفكر بعقل تره تهور ما يجيب نتيجه

_يابه هو ضل عقل شلون يعني انتضر برسن تمووت يلا اتصرف كلولي يلا
انطوني حل
وخلصوني تكتفت وگفت كبالهم

كال ابوي روحي انتي يامره اخذي البنيه ورجعي للبيت
واحنه نروح لـ بيت ابو سرمد
ونشوف

هزت راسه امي وگالت ياالله بجاه حبيبك محمد تثبره ثبيره وتخليه تعترف بلسانه
ع نفسها
چا آنه اروحن
وطمنوني لا تخلوني بقلق
وراحت

اتجهت آنه للسياره وگمت ما اشوف بعيوني
من العصبيه

حسيت دنيا كله نهارت ع راسي
لطببه لـ بيتك توكله وتشربه
وتفتحله ايدك
تالي يطعنك ويطلع
ما اسمئ شاهر آنه اذا ما طلعت الحيه من زاغور

صعد ابوي وياي وسقت سياره بعصبيه
بحيث كل شوي اريد انصدم
بسيارات
ويهدي بيه ابوي
ما عاودت اوصل بيتهم
آنه وصلت گبل فريت سياره
باب بيتهم بعصبيه بحيث من سرعه حسيت سياره عاطت
نزلت بسرعه وطبگت الباب وراي بقوه

اجئ ابوي يركض وراي يگلي بويه بسياسه خل نفتهم
وآنه گمت ما اشوف شي گبالي
اعصابي منهاره كلش

دفرت الباب وطبيت طلعت مرة عمي گبالي
ترحب بينا
گتله بعصبيه صيحي بنتج ووووووين اريده

وهيه تسوي ياا عمه شبيك ع اقل سلم

صرخت عمه صيحي بننننننننننتج لا اهد البيت ع روسكم ابوي يسكت بيه
وهيه تحجي برتباك شكو غير افهم
والمن تريد

صحت بصوووت عالي
اااااااااايناس ووووينج تعااااي

شفته اجت وتصيح شكو هذا العياط
ما حسيت روحي الا وطاير عليه
ولزمته من رگبته

صارت جواي مثل دوده وانا شر يطافر من عيوني
گتله تحجين الحقيقيه
لا وسماج ادفنج هسه هنا

حجت بصوت يرجف هاي شبيك شاهر
شحجي

گتله سحر الي مسويته وعمالج القذره
وتعرفين كل زين بروحج
شنو مسويه

جرني ابوي من يمه وهيه ختلت وره امه
گتله ياابه هدني لا وعلي اهد البيت ع روسهم
ولج احجي لا اطلع من طوري

حجت من وره ضهر أمه چا وآنه شلي دخل جاايين
ذبون بلاويكم براسي
مرتك تمثل افلامه وآنه الي مبتليه

هيه حجت هيجي طرت عليه وجريته من وره امه
لزمت حنكه حيييل
وامه وابوي يجرون بيه
وصارت هوسه كله صيح

حطيت عيوني بعيونه شوفي
وكزيت بسنوني عليها
اذا ما حجيتي هسه كلشي
وحق علي انسئ انتي بنت عمي
واخيسج بسجن
ثواني الج بس اذا ما حجيتي
اجييب
شرطه الج
احجي احسلج لا اضيعج ومحد يلگه الج اثر
فهمتي لو لا

شفته ارتبكت وكامت تتلعثم بلحجي
وتريد تضم وجه ما تعرف وين
حجت بصوت خايف
ها شرطه لا فدوه احجي كلشي
بس كلشي ولا ش

رطه

يتبــــــع


حلمي تحطم وأختفئ
والعزم في قلبي غفا
والدمع من عيني يسقط مرهفا
أملي تحطم في الصخور
والحزن اضحئ بي يدور
واليأس يكتب نفسه بين سطور
الخوف قيد أضلعي
لم يبقئ لي شخص معي

[ملكةه]

""بارت. 16والنهايه

.في أمل ؟ -أه في أمل وين الأمل ؟ -طول ما الورد بيزهر في أمل ، طول ما الشمس بتشرق في أمل طول ما إحنا بنتتفس في أمل

شفته ارتبكت وكامت تتلعثم بلحجي
وتريد تضم وجه ما تعرف وين
حجت بصوت خايف
ها شرطه لا فدوه احجي كلشي
بس كلشي ولا شرطه

ابتعدت عنه خطوات يلا احجي كلشي بسرعه
وگف يمي ابوي
وهيه يمها وكفت امه

گالت اي آنه ردت اخذك منه وما ردتك تزوجه
عاد اتجهت لوحده تسوي عمل گالت الي
بس اسوي الج اخلي مثل المحبس بيدج
وآنه صدگت بيها
واخذت لعندي والما عندي حتئ تسويلي
صدكني اعرف روحي غلطت وأنه متندمه
شاهر سامحني انه غلطانه
واعترفلك
حتي اذا تريد اروح واعتذر من برسن بس سامحوني

شاهر....تقربت منه وگتله باعي مال نسامحج انسي بعديش نسامح راح تموتين البنيه
هدمتي حياتنه وما رفت الج جفن
ما كفئ اخوج حرمها من اهلها جايه انتي
مكثره عليها فرحتها وعافيتها وتردين تاخذينها منها
شنو من طينه انتو مخلوقين
ما عدكم كلوب لا حجر محطوط بمكانه وهم لو حجر چان ذاب ع هاي اعمالج
رفعت اصبعي بوجها وعلامة الخوف مرسومه ع ملامحها
هسه تاخذيني لهاي الي سوت
الج العمل سامعه لو لا
هزت راسه وهيه تبجي

راحت لبست واجت رحنا آنه وابوي
اخذناه وياه
طلعنا گبل للمركز
سجلنه شكوه واخذنه مفرزه وطلعنا
عليهم للبيت
دلتنه ايناس داهمو البيت شرطه

واخذوه وطلعو من بيته اشكال
من اعمال

بلبدايه نكرت المره ومن ضغط من شرطه
اعترفت وبعد معاناة اخذتنا للمكان الي دفنت بي العمل
رحنا للمقبره
وطلعت العمل

فرحت كلش واخيرآ راح تحرر برسن من معاناته وتعبها
اخذت العمل وطلعت گبل للسيد

بقئ يستغفر وقره عليها اشكال
وذبه گال بعد ماكو خطر عليها بس تبقئ مستمره
ع سبوحات وشايله الحرز منا لحد ما تتحسن

خليت ورجعت للبيت منهك وتعبان كلش
گلت لامي فرحت كلش
الحمدلله من الله خلصنا من هلعمل القذر
ايناس ما رفعنا عليها قضيه
لهذا طلعوه شرطه افراج هيه وربها تتجازئ

بقت حالة برسن شوكت تتحسن
كبل شمرت روحي ع طخم ونمت من تعب

مر وقت ع برسن وبلشت تتحسن يوم عن يوم ترجع لـ حالته
يوميه بليل افوت لـ غرفتها ع روس. اصابعي امشي
بس حتئ اشبع عيوني بملامحها لليوم اخاف
تشوف وجهي
اگعد يمها اتامل ملامحها اتمنئ اخذه بحضني
تالي أياس
واطلع
اطب لـ غرفتي اشبع بجي
انتضره يوم عن يوم تتحسن

هلوقت هملت كلشي وصرت شبه معتزل
عن الكل ع گد الاكل وشرب
جسد بلا روح
ولا فكر ولا عقل براسي مرات يتسلل اليأس بيه ومرات اتغلب عليها ولازم اكافح ع مود سعادة
برسن هاي امانة جود
وبنيت گلبي

مرت 4اشهر ع حالة برسن
بيومه چان عندي شغل بشركه طلبوني ضروري طلعت من البيت مستعجل

برسن.......بعد مرور وقت وآنه بحاله مأيوس منه
وفاصله عن العالم كله
فايته بعالم كله اضلم ومملي وحوش ورعب
وما ينطاق

بفضل الله تحررت منه واحمد الله واشكره هواي
بعد ما حجتلي امي كلشي
ما اعرف شلون اجازيهم هواي تعبتهم وياي واذيتهم رغم هذا ابد ما شكو مني ولا ملوني

وخاصة شاهر خجلت كلش من تصرفي تجاه
وشلون طردته من غرفتي
بااحلئ يوم اله
صار عليه ابشع يوم وذكرئ لئيمه
ولازم اعوضه الفات

نزلت صبح واحس روحي غير عن ذيج برسن الميته
كلي نشاط وحيويه
امشي وتلفت لعل ولمح شاهر
وين
بس شلون راح احط عيني بعينه احس الخجل ماكلني

لگيت خالتي بلمطبخ صباح الخير خالتو وبسته من كتافه

_ياهلا بهصباح ياهلا بلورده وعطره اللهي يسعد صباحج وينور حياتج

_ويسعدج ياام الخير كله انتي
اگول خاله اهلي وين وشاهر وين

_ياصلوات ع محمد وال محمد يمه شگلتي سالتي ع شاهر
الحمدلله وشكر ربي من رحمت بحاله وسالت ع رجلها

برسن دنگت وابتسمت كعدت ع كرسي وگتله خاله سولفيلي
شسوه شاهر خاما مل مني لو تغيير فدوه لا ضمين عليه شي كلشي احجيلي حتلو يضرني

جرت الكرسي وگعدت بصفي وگالت
چا اكو جفن يمل رمشه
اكو جسد يمل روحه خاله شاهر يحبج وعگبج ترك حتئ زاد
عگبج تاذئ كلش وعتزل
يوميه بليل يفوت لـ غرفتج ويشبع بجي ويطلع
بقت خالتي تشرحلي ع هم شاهر

بداية فرحت بس بعدين نقهرت كلش لان سببت حزن اله هلگد
وتعذب من ورأي
قررت اعوضه وكافي انتضار لازم نعيش ايامنه جايه
مثل كل ثنين مزوجين وبسعاده

خططت وي خالتي تجيب الي ورد وزينه
لازم من يرجع شاهر يشوفني غير

صعدت للغرفه وبلشت اختار ملابس لان ليلتنه ح تكون غير اوعدك حبيبي
طلعت ثوب ستن ابيض
طويل وبي فتحات لحد الفخذ
وبي تعلگات من فوگ
ذبيته ع جربايه

جابت الي خالتي ورده وشموع وزينه
گتله انه ارتبتهم
ضحكت وراحت گالت ربي يسعدكم واشوف اطفال اطفالكم
وآنه اربيهم
فرحت لـ دعوته ربي يخليج النه

طبگت الباب ورجعت علگت زينه سويته ع شكل قلوب وياه نشرات
اضويه زغار

بلشت ارتب بيهن لزگتهم رجعت فرشفت الارضيه ورد احمر
خليت بلاطراف شموع

حضرت دي جي حتئ من يفوت شاهر اعلگه

اخذت نضره ع غرفه صارت تجنن هسه كملت اروح اخذ دوش واجي
شل

ت المنشفه والبرنص سبحت وطلعت
گعدت يم المرآيه نشفت شعري وشسؤرته
نزلته ع طوله
بلشت بلمكياج خليته طوخ اخذت نضره ع وجهي
وشكلي اممممممم اجنننن
لبست ثوب صار قالب ع جسمي

گمت من مكاني وبقيت احوس بلغرفه شلون اخلي شاهر يصعد عليه
وشلون اجيبه اريده يتفاجئ

بين افكاري ودوختي سمعت صوت شاهر آنه سمعت صوته
لو حسيت جسمي كله برد وبنفس الوقت يدير عرگ
زادت حيرتي شلون اخلي يفوت برجله يمي
اصيحله لو شسؤي
اخر شي سحبت الفون وطلعت ع كيفي من غرفتي
اتلفت منا ومنا وين شاهر عاينت من درج
ليجوه شفته گاعد بصاله
شامر روحه ع طخم من فدوه لطولك ياحبيبي اروح احس شعور حلو لامس گلبي وداعب مشاعري ترفه

كتبت اله رساله

شاهر الحگلي مدري شبيه
وانطيته ارسال
انتضرته يفتح رساله شفته فتحه ورتبك آنه فتت للغرفه اركض
فتحت دي جي ع
اغنية

اجيت انام ليله يمك
وانسئ كل قهري من اشمك
وأحضنك وبهمسه اگلك انا ابوك وانا امك
كل سنه حبنا نعيده

واحس گبلي راح يطلع من القفص صدري
سمعته خطواته سريعه بتجاه غرفتي
دفع الباب وفات يركض
صرخ وينج حبيبتي شنو الي_____ ما كمل كلامه وصفن بوجهي وجمد بمكانه

تقربت منه خطوات وهمسلته مشتاقتلك وبسته من حنكه

شاهر ...جنت فرحان كلش لان بشغل ترقييت وتمنيت مريتي تشاركني هاي الفرحه
نسيت الفرحه من ذكرت حالة برسن
اول ما طبيت للبيت زفرت واختنگت كبل مددت ع طخم واليأس ماخذني
سمعت جهاز رن شلته عاينت ع رساله
افتر عقلي
گمزت بسرعه بحيث درج سويته
شبختين
بس لا رجعت لـ حالته وآنه ما عاودته تطيب
فتحت الباب بسرعه وفتت
جاي احجي واشوف جمال الي اخذ عقلي وسحرني وعگد الساني
شفت ملاك گدامي بلبيض
واجواء الغرفه تاخذك بغير عالم وردت استوعب ماكو شفت برسن تتقرب مني
وهمسلتلي مشتاقتلك وطبعت بوسته ع حنكي ما صدگت اخذته بين ايدي بقوه شنو حبيبي شنو عيديه خل اسمعه

_ااااحبك اااحبك مشتاقتلك اريدك

_ما صدگت آنه وين گمت ابوس بيها بكل مكان بلهفه
بعدت وجه لزمته بيدي عايني بعيوني حبيبتي يعني هسه ما تخافين مني
تشوفيني شاهر مو

_لا انت مو شاهر

_ردت اوخر عنه گلبي كمز وخفت لا تشوفني وحش تراجعت خطوات
چان تگول
انت هذا وتاشر ع گلبه انت نبضاته وبلاك يستحيل اعيش
يانور عيوني يافرحتي وضحكتي

شعروي صار مدموج خوف ع حب ع صدمه ع اشتياق ولهفه
ما حسيت ع روحي غير شايله بين ايدي وافر بيها
وهيه تضحك بصوته الي كله دلع

برسن ....شالني وبقئ يفر بيه نزلت وعاينت بعيونه حبيبي

_يروحه لـ حبيبج

_خاما مليت مني وتعبتك وياي بهاي الفتره

_كمش خدي وبقئ يمشي عليه طرف اصبعه عمري شايفه واحد يمل من نفس ريته
لو واحد يمل من بنيته

هزيت اله راسي وحضنته بقوه ودي افوت بنص كلبه ودي ادفن روحي بجسمه
اخذني شاهر بحضنه بلهفه وحب ويغلبه الاشتياق
اخذني لغير عالم
وآنه بحضنه انسانه غير عن ذيج الي ممليه هموم
يمه اسعد وحده
تم زواجنا. وعشنا بغرفتنا مثل كل الازواج واكثر جان زواجنا ممزوج بلحب والاشتياق
وسعاده ولاهم الهتمام وتفاهم بينه مفهوم من لمعة العيون
قبل الكلام

مرت فتره وسافرنا آنه وشاهر شهر عسل للتركيا
وطلعنه وراه لـ شكم دوله سياحه

وره سنه نزلت من غرفتي اركض نفسي تلعب واحس روحي تريد تطلع
بقيت اتقيء وشاهر فوگاي يحوم عبالك بي الام مو بيه
ويصرخ يمه لحگيلي مريتي راح تموت
اجت امي
وطبطت ع كتاف شاهر
لا تخاف يمه هذا دلع نسوان الحوامل كلشي ما بيها بس راح يجينه بيبي جديد ويفوت الفرحه لهذا البيت
ومشت
بقينا نباوع واحد ع ثاني آنه وشاهر ؛

رد شالني ليفوگ راح تجينا بنوته تشبهج
والفرحه ما سايعتنه ثنينه غمرنا الفرح اكثر بهذا الخبر

مر وقت وصار عندي ولد سميته جود ع اسم اخوي
وحاليآ عمره سنتين
وانتضر مولودي ثاني عن قريب ينور حياتنه
ولليوم ما حسيت نفسي يتيمه وبلا اهل لان بيت عمي صارولي اهل وكلشي
وشاهر صار الي كلشي حلو بهاي دنيا واعز مخلوق الئ قلبي ويوم عن يوم حبنه يزيد

اما ايناس بعد فتره لگوه وي واحد من جماعة ابوه سكارئ
ع جربايه بموقف المزوجين
وصارت كعدة عشارئين وتالي زوجوهم زوجت واحد اكبر من ابوه
وعاشت وياه بذل وتعاسه لهذا يومه وهيه مذمومه ومحد يريده

ورواء تخرجت وصارت دكتوره صيدلانيه وحبت واحد وياه هم دگتور صيدلاني
وتزوجو وعايشن بسعاده

اما ام غايب زوجه مات وهيه وره فتره ماتت الله يرحمه جانت انسانه طيبه ونعم منها الله يعوضه بجنه وينور قبرها

اهلي كل خميس اذكرهم بثواب وكل فتره ازور قبرهم ولليوم ذكراهم بقلبي
رحمه والغفران الهم ....

لهنا احبتني اختم معاكم قصتي قدري_المشؤم
اتمنئ استفدتو منه بقدر ما اسمتعتم

في الحياة ستدرك أن الفرص يجب
ان لا تمنح للجميع
فلبعض لا يستحق
والبعض غيابه اجمل فرصه
واحدهم ريحله اروع مكافأة من القدر

وماكو داعي اذكر العبر منه لان القصه كله عبر
وحق المضلوم ابد ما يروح
وكل منه ياخذ جزاته بهاي دنيا

احبتي عيشو حياتكم ع نياتكم. ولا تمشون وي ناس بغل وحسد
تره مهما كثرت هاي الاعمال تنقلب ع صاحبه
ومهما طالت بيكم الم

صاعب
لا تايسون
مهما طال ضلام هناك بصيص نور
دوم خلي هذا نور بعيونك وترك ضلمه الي عشته
لا حياة مع اليأس

[ملكةه]

اتمنئ عجبتكم القصه وكنت خفيفة ضل عليكم
استودعكم الله
انتضروني بقصه جديده

[^-^بطيخة^-^]

ما اكدر اوصف لج مشاعري من جنت ااقرا بارت موت اخوها جود وامها ،
جانن اقسى شي ، صار لي هواي ما متعاطفه ويا موقف او هيج ، بس من قريت هالبارتات مال موت اهلها عيوني دمعن بعد صيام فتره ههههه
بس ما حسيت الرومانسيات اثرن بيا ،
الكاتبه ما كدرت توصل مشاعرهم بشكل مؤثر بالقارئ بحس عالي ،، هذا بالنسبه الي ههه ، يجوز غيري توصلهم فد شعور معين ، اما انا ف "جلمود صخر"



قصه حلوة ، وبيها عبرة ، انو كل ضيق بعده فرح ، وكل مر س يمر ^_^

كوماو زنايب ع مجهودج

..

[ملكةه]

ما اكدر اوصف لج مشاعري من جنت ااقرا بارت موت اخوها جود وامها ،
جانن اقسى شي ، صار لي هواي ما متعاطفه ويا موقف او هيج ، بس من قريت هالبارتات مال موت اهلها عيوني دمعن بعد صيام فتره ههههه
بس ما حسيت الرومانسيات اثرن بيا ،
الكاتبه ما كدرت توصل مشاعرهم بشكل مؤثر بالقارئ بحس عالي ،، هذا بالنسبه الي ههه ، يجوز غيري توصلهم فد شعور معين ، اما انا ف "جلمود صخر"



قصه حلوة ، وبيها عبرة ، انو كل ضيق بعده فرح ، وكل مر س يمر ^_^

كوماو زنايب ع مجهودج

..

نورتي ححبي