موفقين عيني'
موفقين عيني'
فريحة
فستق
نورتوا
شوف لو خيروني ان اكون أنثى او امراةالمشاركة الأصلية كتبت بواسطة مصطفى العراب
ساختار امراة
لان الأنثى تكون نازوكية ههههه اوي اوي تصلح فقط للفراش
المراة هي من تجمع بين المصطلحين معاً تكون أنثى و عصامية من جهه
احيانا تعريف المصطلحات مربك قليلا امممم
صديقي متزوج و عنده بنية تخبل ما شاء الله ، مستقل بـ بيت وحده ، و عايش احلى حياة ممكن يتمناها اي شاب ، بس دائماً مهموم ، اگله شبيك ؟ يگول مشكلتي متزوج وحدة و احب وحدة و مصادق وحدة ، كل وحدة بيها صفات احبها ، بس لازم اختار وحدة و اتخلى عن ثنين ، فكرت بكلامة هواية ، وصلت الى نتيجة انه جان المفروض ما يرتبط بـ اي وحدة بيهن ، لانه جان يبحث عن شيء ناقصه بكل وحدة ، من الافضل لو باقي بدون زواج الى ان يلگه وحدة بيها صفات الثلاثة سوه ، هم راح يرحم نفسة من هذا العذاب و هم ماراح يأمل بنات العالم بحلم وردي مستحيل يتحقق .....
ولد صديقي اسمه علي من اصدقاء الدراسة ، بسنة ٢٠٠٥ چان عنده ابن عمته اسمه عمر ساكن بـ الاعظمية ، صارت عدهم ظروف طلعوا من الاعظمية و سكنوا ببغداد الجديدة ، ويا بدأ الفتنة الطائفية صار اي واحد اسمه عمر يخاف يدخل المناطق الشيعية ، و بعتبار بغداد الجديدة مسيطر عليها جيش المهدي قرروا اهل عمر يغيرون اسمه بالنفوس وسواه (ايسر) بس احنه كلنه نصيحله عمر لان هيچ متعودين ، بـ ٢٠٠٧ راح يم واحد من اصدقائة بالاعظمية و لگفوه (جيش عمر) چانوا فصيل تابع للقاعدة گلوله وين بيتكم گللهم بغداد الجديدة فـ عبالهم شيعي گلوله اجيت والله جابك ، گلهم والله اني سني و اسمي الحقيقي عمر بس غيرت اسمي لان اخاف من جيش المهدي گلوله لعد انت مرتد تغير اسم هذا الصحابي الشريف حتى تعيش بين الروافض ، تالي ذبحوه لعمر و استشهد ، چان عبالة تغيّر الاسم يضمنلة حياة طويلة بس ماعرف انه هذا التغيّر هو الي راح يقضي على حياته ، الله يرحمك ابو خطاب رحت وانت بعدك ماتعرف شنو هو سبب الاختلاف بين السنة و الشيعة .....
ووف ..ربي يرحمه ..مشكلتنه واحد ياكل بالثاني سني شيعي ..ماعدهم انسانيه ناسينها بسبب الدين وهم اصلا ممطبقين الدين ومنطين حقه..
فعلاً يا نور
عندي أصدقاء قريبين مني . مرات اشوفه اونلاين وادزله رسالة ميرد عادي . وحتى لو اوف لاين ادري يمكن سمع صوت الرسالة وشاف اسمي بس نفسياً هو ماعاجبه يرد على اَي واحد . مو ماعاجبه يحجي ويايه واني بدوري راح أزعل وأخذ موقف . أدري راح يجاوبني بوكت مايصير مستعد . وحتى اذا حجه وياية ماراح انتظر يعتذرلي ليش ماردّ بساعتها
نفس الكلام اكو ناس هم قريبين مني صارلهم فترة طويلة ميسألون . بالرغم من تواجدهم يومية عالنت
بوستاتهم . ويشيرون هواي بس ادري بمعزتي بداخلهم . ومو معنى اذا ماالوم واحد بيهم على هالموضوع لأن ميهمني او هم ميهموني لاابد بس احنه أصدقاء . لازم ننطي الكل واحد مساحة شخصية ينفرد بنفسه . يتفرج من بعيد على كل اليصير . يسكت ويصير العالم كباله سايلنت وبدون دوخه . ننطي مساحة للهدوء بس منخسر صداقة من وره امور تافهه مثل ذني . منخلي نقط على اقل شي . الدنيا متستاهل تصغر عقلك احنه كبار وعاقلين . كل واحد بينا مثل ماتجي فترة ماله نفس يحجي ويه غيره وميريد الناس تزعل منه وتنطي عذر . لازم انت هم تنطي نفس العذر الصاحبك
الصار بنفس موقفك
ماكو داعي نخنك النحبهم ويحبونا ونخسرهم لأسباب معدومة الأهمية ....
بوست عجبني من صديقي علي بيرهوف
صح والله ياريت كولها تنتبه لهاي النقطة ،،
..خسرت صديقة رافقتها ٤ سنين بسبب هذا الشي
