الاتعس من الانسان المنافق هو الانسان الي يبسمر *-*
فاذا قصدك من هالكتابة هو ان تغيض احد فاطلب منك ان تبطل هالشي
وادري هالشي مو بيك بس للاحتياط
الاتعس من الانسان المنافق هو الانسان الي يبسمر *-*
فاذا قصدك من هالكتابة هو ان تغيض احد فاطلب منك ان تبطل هالشي
وادري هالشي مو بيك بس للاحتياط
متابعه
هاي هيه انت كلتها هل شيء مو بيه ^_*
أحبك كثيراً
ها تخوني يا حقيرالمشاركة الأصلية كتبت بواسطة مصطفى العراب
أحبك كثيراً
قبل كم يوم اجاني صديق قديم صار تقريباً سنتين ماشايفة ، عمرة اتوقع ٣٠ او اقل بقليل ، تخرج من كلية الصيدلة ، يتيم الام و الاب عنده بس خوات وعايش ابيت زوج اخته ، حالتهم متوسطة ، حب بنية صغيرة اتوقع بعمر ٢٠ ، من عائلة متمكنة ، بس تخرج من الكلية راح خطبها ابوها بالبداية رفض لانه بعده ما متعين (شهادته من خارج العراق لازم تتعادل يعني) لكن ابو البنية انسان متفهم جداً ومن شاف البنية رايده الولد وافق بس بشرط انه يشتري بيت ، بدا الولد يشتغل بالشركات الخاصة بالتجيهزات الطبية ، بهل اثناء ظهر اقارب البنية طبيب يدرس في امريكا واجه للعراق حتى يخطب البنية ومايدري بيها مرتبطة ، بقى يقرا براس البنية اني راح اسعدج و الخ ..... فـ البنية اتصلت بصديقي وكلتله اقاربي هيج يكول و اثناء فضفضتها كلتله شكو بيها لو انت متمكن مثله ! ، هنا انجرح الولد وقرر يبتعد ، و كللها اعتبريني ماموجود وتزوجي ، صار فتور بالعلاقة لكن بعد كم يوم اجتله البنية واعتذرت ، مشت الامور الى ان شاف بنت صاحب الشركة تجي للشركة ، فمرة من المرات صاحب الشركة كَعده يمه كَله هاي بنتي عمرها فوك ٤٠ تزوجت واحد ضحك عليها و اخذ منها فلوس وطلكَها واختفى ، صديقي افتهم الفلم انه المدير معجب بي ودا يحاول يفتح وياه موضوع الزواج ، فـ اجاني وهو حاير دا يستشيرني ، بصراحة صفنت قبل لا اجاوبة بس بعدين لكَيت الجواب كلش بسيط انه هو دا يحاول يرد الصاع لحبيبتة من فكرت تتزوج غيره و هاي الحيرة الي هو بيها هي حيرة وهمية لانه مايريد يتزوج فقط لاجل الزواج انما يتزوج لان يحب البنية ، و كتله شيل فكرة بنت صاحب العمل لان انت لهنا رديت الصاع وخلص بس اذا سويتها وتزوجت فعلاً فـ انت خنت الملح والزاد ويا حبيبتك وهذا مو ثوبك ، اقتنع الولد بجوابي ^_____^
مرة گاعد يم صديقي آرام چان رايح سياحة لـ ايران فـ گتله اوصفلي مجتمعهم اني مازاير ايران بس اسمع عنها ، گلي اني رحت لشمال ايران ع بحر ، هناك الدعارة كلش منتشرة و الشرب موجود و بكل الانواع والكميات ، گتله ما معقولة ايران دولة اسلامية شون هيچ تصير گلي لا يغرك المنظر ، وراها رحت لنجف گعدت يم صديقي ضابط حچيتله گلي فعلاً لا تغرك المجتمعات المنغلقة انت تدري اكثر نسبة متاجرة الخمور بكربلاء ؟ و اكثر نسبة شباب يشربون بكربلاء و النجف ؟ و هاي النجف بيها بيوت دعارة حتى بنص الولاية بشارع الصادق و بالعگود ، بصراحة صفني هل حچي معقولة احنه هيچ مجتمعات ندعي المثالية و احنه ما نملك تبسط مقوماتها !
مرة چنت اقرا انه اسهل طريقة لسحق خصمك السياسي هو تسخيفه من خلال النكات ، رجعت لنظام صدام وشفته شون عامل الشيعة اهل بابل و واسط و ذي قار و القادسية و ميسان و البصرة و المثنى ، بفترة الثمانينات بسبب حرب ايران و بداية التسعينات چان النظام يعتبر الـ (شروگ) مو بشر بحيث في بغداد چانت معظم نكاتهم عـ (شراگوه) بعدها من شد ويا الاكراد صارت النكات تصورلك الكردي شكد متخلف ، بعدها شد ويا اهل الغربية وصارت النكات على دليم ويطلعوهم سُذج ، حرب خلت الشروگي يستحي يگول اني شروگي و الكردي يستحي يگول كردي والدليمي كذلك (في وقتها طبعاً) لذلك نظام صدام شگد ماچان استبدادي ومنحط لكن چان يُدار من قبل قادة يخططون و ينفذون خططهم بـ امتياز
عكس دولتنه هسه ، گالوا المتظاهرين كلهم مندسين الناس شبعت ضحك عليهم و هذا دليل على ضعف الدولة في التاثير على عقول المواطنين
عجبتني
موفقيـن
