الف الحمد الله على سلامة الجميع ..تنذكر متنعاد ياربالمشاركة الأصلية كتبت بواسطة انسان ثاني
تجربتي ويا المعكرونة ^-^ (كورونا)
اسرتنا متكونة من والدي و والدتي و اختي و اني ، عدنا شغالة بالبيت اجنبية اندنوسية الجنسية ، اكو مكاتب خاصة بالشغالات تجيبهم من بلدانهم بعقد لمدة سنتين ، من اجتنا گالت لوالدتي انها تعاني من مشاكل بالتنفس شيء اشبه بالربو ، لذلك تفهمنا وضعها من البداية ، بوقت الي تصير بي عجة والدتي تخليها بالغرفة على التبريد وماتطلع ابد حتى لا تختنگ ، بالشتاء هواي تتمرض و تداريها والدتي ، المهم قبل شهر تقريباََ تمرضت البنية اني شكيت بيها كورونا اتصلنه بالدكتورة جيرانا كشفت عليها گالت التهاب رئوي حاد (هذا شيء معتادين عليه) بعدها بكم يوم تمرض والدي و صارت عنده صخونة ، رجع الشك بالكورونا ، بسرعة اخذناهم حتى نحلل و لگينه المسحة يسوها بـ لسان و هاي مو مضبوطة فـ سوينه تحليل الدم و طلعت النتيجة سلبيه ، گلنه خلص معناها مرض طبيعي ، بعدها بـ اسبوع والدي تحسن ورجع طبيعي بس البنية بدأت تختنگ كلش ، هنا انا بدبت اتعامل وياها ع انها مصابة كورونا وحجرت اهلي بالغرف و بقيت بس اني اتعامل وياها و اعقم نفسي و كل تعاملي بالكمام و الكفوف ، اجه الطبيب شاف اوكسجينها نازل و علگنالها مغذي و ضربها ابر كورتيزون ، بس بدأت تتفاقم الحالة بسرعة و بعد يومين نزل اوكسجينها لـ ٦٠ ، وهذا وضع كلش خطر ، سوينالها سي تي سكان و طلع عدها ضرر بالرئة عالي كلش تقريباََ ٤٠٪ ، دخلناها مستشفى و بعدين رجعت للبيت نمت و من گعدت جبت جماعة يعفرون البيت و اخذنا والدي و والدتي لـ سي تي سكان و هم طلعوا مصابين ، هنا ما اعرف ويامن احير ويا اهلي لو ويا هل مسكينة ، اني هنا جنت متأكد ١٠٠٪ انه اني هم مصاب ، بس جنت خايف ع شخصين هم اختي و السايق لان خطية الولد ماله ذنب وما قبل يعوفنه وبقا يفتر ويايه و هو الي التزم الشغالة من بقت بالمستشفى ، المهم رحنه حللنه اني و السايق و اختي و طلعنه الحمد لله مو مصابين ، بقيت اهلي بالحجر داخل غرفتهم و اتعامل وياهم بحذر والبنية بالمستشفى الله ينطيهم العافية للأطباء انقذوها من الموت
و النتيجة البنية تشافت بفضل الله و بفضل الاطباء و العلاج الروسي ، اشتغل وياها بفعالية كبيرة و خلال اسبوع تقريبا تشافت تماماََ سولها مسحتين للشعب الانفية و طلعت سالبة و هسه هي رجعت يمنا للبيت و ان شاء الله الاسبوع القادم احجزلها تذكرة و تروح لـ اهلها لأن انتهت فترة العقد من شهر رمضان بس بسبب توقف الطيران بقت يمنا
اما والدي و والدتي الحمد لله اليوم الطبيب اكد شفائهم خاصة وهمه اصلا ما عانوا من مضاعفات ، يعني والدتي حتى صخونة ما ظهرت عليها ، يعني اصابتهم جانت خفيفة
بالمحصلة جانت ازمة و عدت و خلصنا منها بخير وسلامة
احب اشكر اصدقائي بالدرر الي جانوا ع تواصل ويايه و يسألون عن حالة الاهل ، سوزان و نايا و رامي الاصيل و سوسن محمود ، ممنون الكم اصدقائي فضلكم ما ينسي و اشكر دعائكم
تباََ للمعكرونة هههه
ربي يخلص العالم من هذا الوباء وتعم العافية على كل روح
اما تشكرنا فهذا واجبنا يارامي واهلك اهلنا
طبعا انت ايضا كنت مساند الي بوقت ما اهلي كلهم اصيبوا بهذا الفايروس وكانت وقفتك وياي متنسي هواي هونت عليه وطمنتني نعم الاخ والصديق رامي
شكرا لانك بالقرب دائما
