من چنه اطفال كلش نفرح بالعيد بالرغم احنه ما صايمين ، بس شعور حلو من تشتري ملابس جديدة ميصير تلبسها الا بالعيد ،تكشخ وتطلع و ياهوه يشوفك يگلك الله شنو هل ملابس الحلوة ، تحس انك محط انظار الجميع ، بعدين تروح تعايد الاقارب وينطوك عيديات ، هسه فقدنه لذة هذا الشعور ايجوز صارلي فد ١٤ سنة ما طالع قبل العيد ومشتري ملابس خصيصاً للعيد ، صار العيد شيء روتيني بل صار محطة للنوم ، ماكو اي احساس غريب بـ الاعياد ، ما ادري ليش هيچ هو العيد تغير لو احنه كبرنه و فقدنه هذه اللذة !!!!!
التعديل الأخير تم بواسطة انسان ثاني ; 6/June/2019 الساعة 12:57 pm
اليوم رحت اعايد جدي ، چانت علاقتي بيه كلش قوية ، سكنت وياه تقريباً ٤ سنوات (بهذه الاربع سنين تعارفنه ، قبلها اني ما اعرفه لانه من قبل ولادتي هو تارك العراق)، چان صديق قبل لا يكون جد ، بالرغم هو كلش چبير بالعمر بس صاحب فكر متفتح جداً ، الشايب الوحيد الي مستحيل تحس بالملل بالگعدة وياه وابد ما يتامر ، نظامة اخدم نفسك بنفسك ، چنه نقضي هوايه وقت اروحله اگله ابو الجد تعال نلعب ورق لو دومنة لو شطرنج ، ونجرها لساعات وما نمل ، چنت من اتمرض هو يطبخلي ويسويلي شوربة و يضربني ابر ، جدي انسان عظيم
اليوم رحت اسلم عليه صار تقريباً سنة ما شايفه ، بالبداية ما عرفني ! كلش انقهرت بقيت اباوعله و اجر حسرات ، الزهايمر دمره ، خطية هو عايش بعالم ثاني يستغرب كل الوجوه ، شعور مُرعب انك تشوف المرض شيسوي بالاشخاص الي تحبهم ، اني متأكد هسه جدي كلشي ما يذكر مني ، بس اني مستحيل انسى مواقفه الحلوة ، و مستحيل انسى عطفه عليه ، الله يحفظك النه ابو الجد
بمناسبة العيد ، قبل ثلاث سنوات الا كم يوم اني سجلت بالدرر
ما انسى ذيج الايام و شون سجلت ، چنت بحالة نفسية كلش سيئة ، لان قبل العيد بـ ايام معدودة صار انفجار الكرادة ، استشهدوا بي اصدقائي و عندي مشاكل شخصية كذلك ، بعدها دخلت بحالة كآبة مو طبيعية ايجوز قريب الشهر اني ما طالع من البيت ، اثناء ما اتصفح بالنت ظهر گدامي المنتدى ، بالرغم اني صارلي سنوات تارك عالم المنتديات بس من الضوجة و الكابة كلت خلي اسجل ، اجه ابالي اسم انسان ثاني ، سجلت گلت خلي اخذ فرة ، وراها تركت الدرر لمدة اسابيع او بمعنى اصح نسيته ، بعد كم اسبوع چنت ابحث عن شيء من خلال البحث دخلني گوگل للدرر ، انتبهت فوگ مكتوب اهلاً بك انسان ثاني ، صفنت منو هذا انسان ثاني ! هههه بعدها بديت اذكر و بديت اشارك ، اثناء هذه المشاركات نزل موضوع توفى العضو كرار ، بدأت اصابع الاتهام تُشار الى انسان ثاني على اساس اني كرار ، والدليل اني كاتب انسان ثاني يعني متخفي و اكو انسان اول ، طبعاً هذه الاستنتاجات اجت من كم عضو عايش دور كونان ههههه والله ايام حلوة
يبدو انها قالت كل شيء
لا تسامح هوايه ، بعض المواقف تتطلب منك ان تكون انسان حدي ، اذا المقابل ما احترم الوعود خلص هو الخسران ، ابد لا تحمل نفسك عبء و هم ، خليك مثل ما انتَ ، هيچ راح ترضي نفسك ...
هذا المكان هواي يفتقد مصطفى
ان شاء الله يكون بخير
فعلا ً ...مفتقدين مصطفى ...
مكانك خالي صوفي ..
ابو الصوف الظاهر زعلان وما يجي
لازم ناخذله الكبار و نمشي عليه حتى يرضا
توفي الغالي منتظرين رجعتك المكان وحشه بدونكالمشاركة الأصلية كتبت بواسطة انسان ثاني
ابو الصوف الظاهر زعلان وما يجي
لازم ناخذله الكبار و نمشي عليه حتى يرضا
منو مزعله ؟!!!!ابو الصوف الظاهر زعلان وما يجي
لازم ناخذله الكبار و نمشي عليه حتى يرضا
