كلمات قصيدة المن تعاتب منهو اليجاوب (مكتوبة) المرحوم ياسين الرميثي
المن تعاتب منهو اليجاوب ... !
دمك يالرسول اجرته الرحميه
احقاد العمام وشر بني اميه
المن تعاتب منهو اليجاوب
بحث موضوعنه ابمسلم
انخوضه بعد تنويعه
ولو قائم ابحد ذاته
يضطرنه اعله توسيعه
تعلق بي مصير أمة
ونظام انفرض تشريعه
الى ابعاده والمطلب
موقف مسلم انذيعه
رسول من ابواليمه جاي
كتاب ويا بتوقيعه
والمفروض بالكوفه
ابطبعهه منطقه شيعه
احتمت بحسين من يزيد
الما تهوى ولا اتطيعه
وعلى هالضوء اجه مسلم
امخول ياخذ البيعه
ابخطاب ومنبر وجامع
وصلا والناس مدفوعه
ابهاي ولن حدث طارئ
خسي ومجهول موضوعه
ولن مسلم يرى الموقف
ما يبعث التشجيعه
شاف الجاي من اجله
ضعف وابتده ابتمييعه
لا گول اختلى المسجد
ولا بي ناس مجموعه
تشوف الابو ايجر ابنه
ويهمسله ابمساميعه
سلاطين اعله كرسيهم
وكل اليغلب انطيعه
ذهنية الناس .. ما الها مقياس "
ابن زياد وحده ومن دخل جازف
الشوارب واللحى من الخوف تتراجف
المن تعاتب
منهو اليجاوب
اخاف ارجع على الماضي
متحصل فايده باليد
اخاف اوضع نقاط السود
ابمحلها الحرف يتعقد
لچن على القاعده امشي
وارمي الحجر وتبعد
تخطط هالطريق وسار
يبو ابراهيم وتعبد
وگام الابن يسلك بي
اعتاد من الابو والجد
من يوم الصحت بالدين
الغيم ابتدأ يتلبد
غاية وهدف تحطيمه
لجن اسمه انجعل مسند
تشك الرمح بالمصحف
وترفعه وبيه تتمجد
والعتره ابحرصهه اعليه
صفه اعليهه الظلم يشتد
ابتده الموقف من البضعه
من الاول والاجه تعود
بعد اشتعتب اشتحجي
ومنو بـ هالجرم يتحدد
عن كل ضحيه .. لا مسؤوليه "
لو تمشي بالوچ الباب عـالبضعه
وردت اتعاتبه ايجاوبك بالسرعه
المن تعاتب
منهو اليجاوب
لو تنشد امن الاسلام
الهادي ابعترته اشوصه ؟
منو اليـسمع منو يجاوب
ويجعل هالحجي ايخصه
العتره اتجرعت آلآم
التنقص بألف قصه
اسرتين التولتهم
ابغصه اشد من غصه
ابادوهم ومن دمهم
كل اسره خذت حصه
ولا كطره خجل بالناس
نزت منهم ابگصه
نحچي الحچي ايطول .. انعاتبها شنگول ..!
اللهم اللعن شر بني العباس
واللعن آل أميه السلسله من الراس
المن تعاتب
منهو اليجاوب
يالهادي لون نجرأ
و ستار التغطيه انرفعه
نگول الگامت بـ أدوار
قتل اهلكـ من البضعه
حقدهم مو على العتره
الظاهر الك بي تسعه
ابيوم الصحت هلثقلين
الي ردتة انگلب وضعه
لون اموصي بأهلك شر
اعتبرو خير بالسرعه
لون گايل لــتؤوهم
الگلب چان اصبح اشوسعه
لون گايل ظلام الهم
يـنوروهم بـالف شمعه
ابضيعه فدك حرموهم
ينطوهم الف ضيعه
لون گايل امنعو الماي
لتسگوهم ولا جرعه
چان اروهم من العين
ابدال الماي بالدمعه
لون گايل ادفنوهم
ابسجن دائم بلا طلعه
چان الكل سجن عـالگـاع
إلا وحكمو ابـ قلعه
لون گايل المنهم مات
حماميل اربعه اتشيعه
چان ابموتة الكاظم
الرشيد ابهامتة ايشيعه
ابطيبة وصيتك .. انغدرت ذريتك
ذبحو يسرو صلبو سبو نسوان
سمو دفنو عدلين بـ البنيان
المن تعاتب
منهو اليجاوب
نعود لمعركة مسلم
ونشوف اشلون تترتب
رجل مرسول من حسين
امره انفرض وتوجب
الدوله اتلاحقه اتريده
بكل اسلوب يتنسب
جيته ودعوته لحسين
ابمهدهه اتموت والاعجب
گدرت توصله وتوليه
ابشكل منة العقل يذهب
اخذو للقصر وهناك
عليه السافه اتغلب
اضحك وابچي .. واخرس لتحچي
ابن زياد صار ابن الشرع والدين
ومسلمنه مخرب خارجي وية.حسـيـن
المن تعاتب
منهو اليجاوب
كلمات الشاعر الذهب " المرحوم رسول محي الدين "
قرأت بصوت شيخ الرواديد " المرحوم ياسين الرميثي "
التدوين لـ زهراء العبيدي
1439
رد مع اقتباس
المشاركة الأصلية كتبت بواسطة Haidar Iraq
