ليش خليت القصايد بس الك مكتوبة
وليش واگعلك غيابي وراحتي المسلوبة
وليش يفرح عادي گلبك وفرحتي المنهوبة
وليش يضحك ضال وجهك
ومن حِزن فرگاك أبقى
شما أوفّي بدين دمعك
بعمري أضل مطلوبة
وليش يرخص غالي دمعي
وذيج عيني المِن بچيها
تنخرس لِسنة حجيها
ومن وراها الروح صارت
أرچيچة أحسها ولاأبد مهيوبة
وليش أحسّن طال عمرك
وروحي عُگبك گمت أحسها
جنازة جنّها بفرگتك مصلوبة
وليش روحك عدلة لسّه
وروحي البهجرك أحسها
مفرفحة بچيلة وتِعالج
جنّها طيرة وبالجنح مصيوبة
وليش قاسي وياي گلبك
وزين تدري هواي أحبك
وليش گمت آنه أتعاير
وصرت أحسّن طيب گلبي
من وراه كل ذاگ تعبي
همّي منه وبي انه المعيوبة
ولهفة يمك
ياما شوگي هواي دزني
يردني خايب
چنّي مو منك أحِسني
مدري مو من دنياك آنه
مدري دنياي أصبحت مگلوبة
رد مع اقتباس
المشاركة الأصلية كتبت بواسطة Haidar Iraq
