سواءً اکو عالم من بعد هذا عالمنا لو ماکو عالم... مایقلل من الوحدة اللی نحس بیها ...أحنه اجینا هنا من دون ما احنه نرید .. العالم عمره اکثر من 13 ملیار و وسعه 92 ملیار سنة ضویة و احنه هنا بوسط هذا الظلام کله و ماندری منین اجینه و لا نعرف شنو المطلوب من حضورنا هنا ... عالم مخیف وعجیب ... بس هذا السماء الازرق اللی نشوفه فوگ روسنا یحتوی علی نهار و وبعد ماکو کل العالم غارق فی ظلام ... وراح نموت من بعد کم سنة قلیله واحنه مانعرف شنو صار ... راح نفارق های العدة القلیلة من المخلوقات اللی نفهمها ویفهمونا(البشر) ونروح ..وین ؟ مانعرف !!! ..عالمنا غامض لدرجة احنه للآن ماگدرنا نفهم لسان الحیوانات اللی تعیش معانا بهذا الکوکب ... لا أحنه نهتم بمشاعرهن ولا هن یهتمن بمشاعرنا ... اذا بس احنه هنا بهذا العالم ..لعد لیش هذا العالم بهذا الوسع ..؟؟ کان یکفینا هذا الشمس و القمر و الکوکب هذا اللی نعیش بی ... ومن نروح یعاتبوننا لیش فعلتو هیچ و لیش مافعلتو هیچ ... واحنه بأشد احتیاج هسه حتی یجینا واحد یگدر یجاوب علی اسئلتنا ... واحد یخبرنا شنو های الخلقة المعقدة ... منو المستفاد من حضورنا هنا و منو اللی یتضرر ؟؟ تخیلو معی ...أحنه بوسط قفس مظلم ومانگدر نخرج منا کیفما فعلنا وشگد ما نتطور ... بکل حالة احنه نکسر الخاطر ..
المشاركة الأصلية كتبت بواسطة سام2
