شکرا سامالمشاركة الأصلية كتبت بواسطة سام2
الآن .. نعم !!!
فاطمة
شکرا سامالآن .. نعم !!!
فاطمة
اول ما شاهد غالیلیو اقمار مشتری و الفلک شنو کان أحساسه ؟
طالیس هم کان یحس بالوحدة بسبب افکاره ؟؟ شگد یحس بالغرور الآن من یشوفنه للآن گاعدین نستخدم قوانینه بصناعة السدود و بباقی الامور؟
شنو کان احساس دموکریت من کان یسولف للناس قبل 2500 سنة عن الذرة ؟
فیثاغورس شلون کان یشوف الطبیعة ؟؟
رسول الله اول ما رجع من المعراج شنو کان احساسه ؟
علی بن ابی طالب شنو کان یحب یسئلونه من گال سلونی قبل أن تفقدون ؟
الحسین الشهید شنو کان احساسه من کان یشوف الخیل گاعده تجی تدوس صدره ؟
السیدة سکینة علیها السلام کیف احتفظت بآخر نظرة من نظرات ابوها ؟
حسین الحلاج کیف کان یفسر الحب ؟
العالم ذوالفنون ... علامة الدهر ... الشیخ جعفر محمد بن محمد بن الحسن الطوسی المعروف ب الشیخ نصیر الدین الطوسی ... شنو کان احساسه من کتب کتاب کشف القناع عن اسرار شکل القطاع وتکلم عن ما یقارب نصف میلیون حکم لـ القطاع الهندسی .. فی حال اعظم العلماء الآن ممکن یوصل لـ 20 حکم فقط !! انسان مثل هذا العالم شگد یهتم لـ افکارنه عنه ؟ هم یهتم أنو احنه قرینه هذا کتابه لو لا ؟... شنو کان احساسه من کان بهذا المستوی من العلم و قال لـ اصحابه اذا ردتو تدفنونی بـ الکاظمین بین اثنین من الائمة مو تکتبون علی قبري العلامة و لا تکتبون شیخ ولا أی شیء و من سئلوه شنو نکتب علی قبرک گال لهم اکتبو و کلبهم باسط ذراعیه بالوسیط ...!!! بأی مستوی من الأدب کان ...یستحی یم الامام یکتبون علی قبره مرتبة من مراتبه العلمیة !!!
ابوالریحان البیرونی کیف کان ینظر للموت وقت اللی طلب من أحد اصدقائه بـ اخر لحظات حیاته أنو یشرحله مسئلة هو (ابوالریحان) ماکان منتبه الها؟ کم کتاب قرأ قبل لا یکتب التفهیم لأوائل صناعة التنجیم ؟
الشیخ الرئیس ابو علی سیناء شنو من احساس کان عنده وقت اللی تعلم کافة العلوم وهو أبن الـ 18 سنة؟؟
انیشتاین و تسلا شگد کانوا یحسون بالوحدة ؟؟
تسلا من کان یحزن وین کان یحب یروح یشکی؟
ماری کوری هم کانت تفکر بالحب ؟شنو احساسها من أخذت جائزة نوبل للمرة الثانیة؟
شرودینگر و هایزنبرغ و رادرفورد ووو شنو کان تفسیرهم لحیاتنا ؟
میچیو کاکو بشنو کان یحلم بطفولته ؟؟
استیفان هاوکینگ بآخر لحظة من حیاته شنو کان یحب یگول للحیاة هنا ؟ الحیاة اللی ما انصفته؟!!
...
لا تکون اولویة ثانیة لـ شخص ... لا تخابر شخص اکثر من مرتین ... لا تسئل علی شخص اذا شفته ما یهتم یسئل علیک ... لا تحاول تتحبب للی یعرفونک حتی تکون بالقرب منهم ... واجه الجرئیین بالکلام بقوة ... مثل ماهو عنده لسان انت هم عندک امکانیة ... کون مؤدب جدا ... بس کون قوی و صریح... انتبه انو اکثر اللی یحبونک یخبرونک بحبهم بتجاهلهم الک ... مرات اللی یحبک یستفزک ... انتبه لهای النقاط بس احتفظ بشخصیتک ... قلل من الرسمیات بینک وبین اصدقاءک بس احتفظ بحدود بینک وبین اصدقاءک ... اصدقاءک المقربین اکثر من اللی مو مقربین یحتاجون لکلامک الحلو و اخلاقک الحلوة ... اللی یتقرب الک هذا گاعد یخبرک انو انا ترکت الناس و اجیت معاک فـ انت لازم بحجم کل الناس اللی ترکهم تشبعه بالحنان ... اسرارک هی اسرارک مو اسرار صدیقک حتی یعرف بیهن ... لا تخجل من اظهار حزنک ... لکن لا تتوسل احد لحل مشاکلک ... فقط الاقویاء یتکلمون عن حزنهم من دون ما یخافون انو تتزلزل مکانتهم ... اللی ما ینتبه لک و لحزنک ... خیروح وین ما یحب ... من تصافح صافح بقوة ... انظر بعین اللی تصافحه و ابتسم بوجه ولا تضحک ... احترم ضیفک ... لا تخون واحد کلیت من ملحه ... لا تغتاب شخص ابدا لأن الغیبة مو من شیم الرجال و لا من شیم الأصیلین ... بزماننا هذا الغیبة مقرونه بسوالف النسوان .. وعیب علی رجل یغتاب ... اللی خلاک اولویة ثانیة او ثالثة او اکثر لا تخلیله وقت الا اذا یکون محتاجک ... هنا لازم توگف معاه ... البعض یحبک لخاطر الکلام الحلو .. لاتحرمه من کلامک المعسول ... بس لا تخلیله ملف بخیالک ... البعض یریدک حتی یضحک معاک و علی سوالفک ... انت اکید تعرف های الناس و انا اعرفهم وکلنا نعرف هیچ ناس بین اللی نعرفهم بحیاتنا ... هذول اصدقاء بس وقت اللی تشوفهم وبس ... ابدا لا تسبقهم انت بالسلام ... البعض یحبونک لخاطر مکانتک الاجتماعیة أو منفعة ابدا لا تبقی مع هیچ ناس ..باوائل صداقتک اترکهم ... و اهرب منهم ... البعض یحبونک من دون سبب یریدونک انت بلا مقابل من دون فکرة مسبقة ...یحبونک وهم یعرفون انهم بالمستقبل ماراح یکونون معاک ... احتفظ بیهم ... دائما اسبقهم بالسؤال عنهم ... اخبرهم باحتیاجک لهم ... أنت بالحقیقة محتاج لهم ... اخبرهم باشتیاقک لهم ... و لاتخاف انو یبیعون علیک ثقل ... هیچ ناس ما یگدرون یکونون قاسین معاک ... ابنی حیاتک علی اساس الوفاء ولاتبنیها ع الحب لأن الحب محدود لأشخاص والوفاء للناس کلها ... حب الناس کلها اذا لزم االامر ... الحرکات الصغیرة اللی یسونها اصدقائک الک حتی یسعدونک مو تنساها ... مرات اسمح للی یحبونک و تحبهم یتدللون علیک ... اسمح لهم یزعلونک .... و انت حاول تسبقهم بالاعتذار ... بـ اختصار اسعد نفسک واسعد اللی حولک
التعديل الأخير تم بواسطة فاينمن ; 27/July/2018 الساعة 2:38 am
شکرا علی هذا الحضور الحلو
هناك سام بوجود نفس وهناك نفس بوجود سامشکرا علی هذا الحضور الحلو
هناك سام بوجود نفس وهناك نفس بوجود سام
یه حنجره بی هم نفس
قالوا لي هل جننت ...قلت كيف لا فما زلت مسحوراً بعينيها !
جبال الهموم قد تزلِ ... بحرفٍ منكِ روياً علِ
كوادٍ كسيراً شكلي اذا ... هجرتي المودة او ترحلِ
وسهلاً جميلاً لو ان ذا ... لخديكِ لوناً ذا محمرِ
ونهراً زلالاً بقرب الطريق ... اذا ادمعتِ عيناً او تخجلِ
