هنا

[ملكةه]

#في_طرفة_عينبارت 1

في طُرفةِ عين ... تمر السنين مرورا سريعا كأنها الحُلم او كأنها دقائق معدودات مرت مرور الكرام .. لكن هناك احداثٌ فيها نتذكرُها وكأنها حدثت البارحه ..

كاعده بالصالون واني اراقب البنات الي ديشتغلن بي وحركاتهن مثل النحلات بنشاطهن وحيويتهن الي دتسشور والي تمكيج والي تصبغ شعر الزبونات .. ويتخلل الى مسامعي اصواتهم بس احس الاصوات بعيده .. فجأه وصلني احساس غريب رجعني عشر سنوات لوره من جنت متزوجه إبن عمي .. تذكرت بيها احداث صارت كأنما البارحه صايره مو من عقد كامل من الزمن والي هو عشر سنوات .. الأحساس هذا غريب كلش وكأني راح اللتقي بالماضي .. او لسه داعيش احداثه .. وكأنها مرت بطرفة عين هالمده الزمنيه الي تحدث اثناء ماينطبق الجفنين على بعضهم وهي حركه سريعه ومتحتاج وقت طويل بس مرات تمر سنين ومن نحس بمرورها نكول حيل وكأنما مرت بطرفة عين هي اني هسه هيج اكول حيل شبسرعه مرت وغيرت كلشي بيه حتى شكلي و اسمي !!!
شذكرني بيها اليوم !!!؟؟؟
فزيت من صفنتي ع صوت وحده من البنات اليشتغلن عندي كالت
- باجي هذن البنات يگولن جايات من طرف فرات ..

اني بلحظه حركت ايدي من جوه حنكي واستغربت الموضوع اول مره فرات يدز الي بنات للصالون ممسويهه من قبل ابد !!.. باوعت ع البنات نظراتهم غريبه الي وحده ضعيفه وطويله شعرها اسود طويل وملابسها سود ملامحها ناعمه تباوعلي وترفع تك حاجب .. الخ تشبها نفس الدم هم ضعيفه بس شعرها مصبوغ اشگر وقصير وملامحها متجهمه ووهي تباوعلي كأني مسويه شي .. بقيت كاعده بمكاني وقلبي ممرتاح الهن ونوب فرات!!! فاكه عيوني واباوع اريد اطلع الكلمه مكدرت كوه كتلهن اي امروني
وحده منهن والي هي ام شعر الاسود خلت ايدها ع الميز بكل قوه وبحركته كل الموجودين بالصالون انتبهوا
گالت اكولج
- انت متستحين وحده رخيصه خطفتي فرات من مرته ملكيتي اله المتزوج تاخذي !؟؟
رفعت اصبعها تهدد وكملت كلامها
اله اخلي جماعة بابا يكطعوج وصله وصله ويشمرون لحمج للچلاب ..

اني دم مبقى بيه تفشلت كلش وانحرجت والكل عافت شغلها وظلت تباوع اريد اللتقط انفاسي واقوي نفسي وارد عليها ..
وكفت وخليت تك ايد على خصري گتلها اسمعي لج تره فرات زوجي قبل ليتزوج وهي الي أخذته مني وهسه يله اطلعي منا من غير مطرود ..
مصدكتني واصرت تكذبني وتهددني بكلاب ابوها وتهجمت عليه خرمشتني بأيدي .. تصرفها خله البنات يلزمنها هي والي وياهه الي جانت هادئه مو مثل هي الخبله وطلعوها بره الصالون .. اما اني لزمت جبيني امسح بي اريد ارتاح والبنات يسألن بيه انت زينه مصارلج شي؟ اي اكيد صارلي شي ميجيني من الزلم غير وجع الراس عود ردته سند اليه وعضيد بس كله ضيم بضيم اخخ منك فرات اكيد بعد ماتعاركت ويا البارحه سوه هيج بيه لا لا ممعقوله يسويهه ويگول الها هو متزوج ويهدد مصالحه وي ابوها ..

كنت احس اني وحدي وي ألمي وحزني وفشلتي اخذت مفاتيح السياره ولفافي ربطته ع رقبتي وشعري بدون مااطلعه منه وجنطتي واشرت لأم بنين تدير بالها ع الصالون اني رايحه
- كالت ديري بالج ع نفسج
قبل لتكمل جملتها طلعت وركض لسيارتي ..
ماعرف شسوي وشنو اريد صعدت وسديت الباب خليت راسي ع الستيرن اريد افرغ بركان الغضب والالم الي بداخلي .. لزمت التليفون اتصلت بفرات ميجاوبني شمرت التليفون بالجنطه و حركت السياره كلت اروح اله وين ميصير واخلي يطلگني اني تعبت كلش تعبت ..
حركت السياره ومشيت .. اسوق برعونه ماادري ساعتها حسيت اريد اموت لان من صدك تعبت ..
كلما ارتاح واستقر تطلعلي سالفه عوجه تدمر كل الي بنيته .. واني على هالحال دك التليفون ..سحبت الجنطه اريد اخذه انگُلبت ووكع كلشي منها جوه ..
والتليفون بعده يدك اكيد فرات هذا بين خبصتي واني داسوق دعمت !!
بس شنو ماادري ؟؟!! نزلت من السياره اركض للدعاميه شفت ولد مجطول بالارض ويتألم رحت اركض اله راسه كله دم كعدت يمه ع الارض وخليته بحضني منضره يخوف وينزف ويبجي بس ميحجي كسر كلبي وروحي لحظات حسيته إبني الي فقدته من سنييين ويمكن لو باقي الهسه جان يمكن بعمره .
اللتمت الناس عليه بثواني أخذت اللفاف ولفيت راسه اسمع واحد يكوله اسو حبيبي خما صار الك شي واخذه مني وظل يعيط عليه
- شبيج متعرفين تسوقين شكو تسوقين .. ماانتبهت الوجهه بس كتله اني راح اتكفل بكُل شي ..
ثواني وصعدوا للسياره گلي تدبريهه لو هم راح تسويلنه حادث ؟؟
مجاوبته ولاانتبهت الوجهه وصعدت بالسياره وهو والولد صعدوا وره .. الغريب الولد هادئ وميعيط بس ابو خبص الدنيا وبس يرزل بيه ويييييدخن صوته مو غريب عليه ابد بس مباوعت اله اللتهيت اسوق لا اسوي حادث ثاني .. يربي بوجه منو مصبحه اليوم شهاليوم هذا .. وصلنه للمستشفى .. اخذوا الولد وراحوا گالوا يخيطون راسه بقيت اني وابو الولد وكف ع جهه يدخن اللتفت عليه ركزت بي وبملامحه الي مستحيل انساهه بيوم ومافارقت خيالي كل هالسنين .. كل يوميه
اتذكره

واليوم بالذات اجه على بالي .. واجاني احساس راح اللتقي بي ..

متغير ضعفان شعره طولان ولحيته هم وطاك بي شيب خفيف ..يغطي القليل من شعر راسه ولحيته ..
اباوعله وهو هم انتبه النظراتي.. تغيرت ملامحه بلحظات من تجهم وغضب الى نظرات ثانيه حسيته اعجاب هالنظرات مجنت اشوفها بعيونه قبل عشر سنين .. مكدرت الزم نفسي ومااكوله اني عرفته تقربت منه وصوت كعب البوت الطويل الي لابسته مع تنوره قصيره جلد صار مسموع .. تقربت منه واباوع بوجهه وهو مستغرب ..
گتله انتَ عمار ..؟؟

گتله انتَ عمار ..
أي ليش تسألين
معرفتني ؟؟!
هه لا ولا زغراً بيج بس ماعرفتج . .
اي حقك اني گوه عرفتك متغير حييل
انتِ من وين تعرفيني ؟!!
احتاريت بين اگوله اني طليقتك او بنت عمك اثنينهم صح بس بنت عمك ترهم اكثر .. جاوبت
گتله اني ندى بنت عمك ..
صفن بوجهي شويه وظل يضحك گال
- هه تضحكين عليه انتِ ؟؟
- ليش اضحك عليك هي الحقيقه لعد شون عرفتك انت عمار ؟؟
- من انطيت الاسم بالمستشفى عرفتيني
وبعدين ندى مو هيج شكلهه ابد جانت محلوه
- اني بالاصل حلوه بس ضيمك وضيم امك وخالتك جان مخربني وبعدين اني اذا ماعرفك شون اعرف بنت عمك ندى ؟
- هههه لا اني من فتحت عيوني ع الدنيا وشفت ندى مجانت حلوه هيج اله مسويه عمليات تجميل
- ممسويت شي
- تقنعيني ؟؟ ههههه ندى اسنانهه جانت مخربطه خارطة حلكها كلها
- عادي سويت تقويم الهم وتعدلن
- جانت اكو شامه جبيره بوجهج كلش جبيره ووشعرج جان سيم مال مواعين وعيونج سود وسميييينه حيل معقوله كل هذا تغير طبيعي
- باوعتله بعده بهي عقليته سكتت اله ودرت وجهي وخليته يحجي .. ثواني وطلعوا الولد ونقلوا الغير غرفه بس حالته تعبانه قهرني كلش حسيت بشي اتجاهه .. ماادري لان ابن عمار ؟؟
وعمار جان اول حب بحياتي
ويقال (مالحب الا للحبيب الاولِ فالجرح من يديه يطيب وينجلي)
ياتره طاب جرحي منك عمار لو ميعتبر جرح لأن جان حب من طرف واحد ؟؟
بقى يم إبنه وحالته مو تمام وظل يتقيأ .. قهرني حييل ..
رحت يمه كتله مستعده الكل شي اسوي واي اجراء تتخذونه مستعده إله .. گال روحي اني المسؤؤل لان تعاجزت اعبر الشارع اشتري پاكيت جكاير فدزيته هو وصار الي صار ..
تركتهم وطلعت رحت لسيارتي وبدربي للسوك اخذت للطفل ملابس لان ملابسه كلها دم ..
اخذت اله بلوز وتراك شتوي حتى يرتاح بي خاف يطول بالمستشفى .. رحت للمطعم مااعرف شنو يحب الولد الصغير بس بعدني اتذكر عمار جان يحب التكه يعشقها اخذت اله ووياهه بيتزا لان الاطفال يحبوهه .
ورجعت للمستشفى طبيت للردهه الي بيهه همَ جان عمار ماكو بس الولد نايم خليت العلاكه ع الدولاب الي بصف السرير ورحت ادور على عمار شفته بحديقة المستشفى يدخن .. رحت اله گال
- هاا شو رجعتي مو ع أساس ترحين
- جبت ألكم اغراض خليتهه يم ابنك
- ليش تعبتي نفسج ميحتاج
- لا ماكو تعب .. عمار اذا تحب اروح بسيارتي اجيب امه خاف يظل بالهه عليهه
باوعلي بنظرات متتفسر وضحك كال بارتباك هاا لا ميحتاج
كتله لعد اني باجر أمر عليكم
- لتعبين نفسج
- ماكو تعب ابد دير بالك عليه لتعوفه وحده خطيه
- اي اكيد
- باي
- هله والله بايات
باوعتله بنظرات وهو هم وعفته ومشيت بعد ماللتفت اله بس احس گلبي جان يابس وهسه استرطب مادري ليش ... لان شفت احد من اهلي واللتقيت بالماضي الي كلي حنين اله لو لان عمار نفسه ..
رحت للسياره ... اسمع تليفوني يدُك .. اخذته رقم فرات شكد متحمله عليه اليوم كلش كارهته ..
احس قلبي فايض غل وحقد عليه كرهته كره من يوم تزوج .. بس انجبرت ابقى ويا .. مجاوبته
رجعت للبيت شفت أم حسن طمنتني على أبويه والحجيه وراحت كالت فد ساعتين وارجع كتلهه ماشي
رحت لغرفة ابويه لكيته نايم عفته ورحت لغرفة الحجيه كاعده تتفرج تلفزيون رحت كعدت يمهه كتلهه ها ممحتاجه شي .. كالت لا روحي ارتاحي انت تعبانه ..
اذا احتاجيتي شي صيحي عليه
وام حسن راحت
اي راحت لبيتهه فد ساعتين وتجي
انتِ راح تطلعين ؟
اي احتمال اطلع المغرب ليش تردين شي
لا بس ضوجه ..
ابدل ملابسي واجي يمج
لا روحي ارتاحي حبيبه .. انتِ اكيد تعبانه
بس ابدل اسوي اكل واجي يمج اكُل
اي روحي
عفتهه وكمت لغرفتي التليفون ماسكت واكيد فرات ومالي خلگه .. جاوبته بنتر
الو هاا فرات متوقعتك تخابر بعد عركة البارحه
متعود على عركاتج شسوي وبعدين
انتِ وين صار ساعات اتصل بيج ؟؟متجاوبين ؟؟
وين يعني بالظيم بالظيم
متعرفين تحجين بهدوء انتِ راح تبقين هيج ؟؟
اي ابقى هيج مدام انتَ هيج
شصاير اليوم متكوليلي
نتشاوف ويصير خير عندي حجي كومه احجي ..
اجي هسه نروح لبيتنه ؟؟
لاء ... خلي اكل وابدل يله تجي
ماشي حياتي من تجهزين نفسج انطيني علم حتى اجي
حياتك هه يلا فرات باي ...
اوف لو اعرف شبيج اليوم ولا داتحمل اصبر باي نونه .. يصير خير عود

سديته .. دروووح ياخير اليجي منك واليوم لو ماالله ستر جان راح الولد ومات من وره مرتك اخخخ شون حرجتني بيا وجه اروح للصالون .
المكالمات كومه من ام بنين مجاوبت جوعانه
وتع

بانه .. طبيت للحمام اغتسلت وطلعت بدلت ملابسي فد نوب حتى اروح وي فرات لبيتنا مثل ماهو يكول بس اني مااعتبره بيتي ..
لبست بدي رمادي وجينز وستره جلد
رحت للمطبخ فتحت الفريزر عود كلت اسويلي صدر دجاج مشوي هذا اكلي من سنين هيج ملتزمه حتى لاارجع اسمن ..بس مالي نفس وبالي يم ابن عمار ويم الحجي الي راح احجي الفرات عسى ولعل يتركني ويبقى يم زوجته وإبنه ..
طلعت تفاحه غسلتهه وقطعتها ورحت يم الحجيه
شفتهه غافيه والتلفزيون مفتوح .. خطيه ضاجت وحدهه .. طفيته وطلعت . اكلت واتصلت على فرات يجي .. كال جاي .. أصلا هو طالع من خابرته لأن وصل بسرعه .. فتحت إله الباب باوعتله واريد هسه اتعارك ويا بس اريد مكان وحدنه لاأبويه يسمع ولاالحجيه وخاف تجي ام حسن هم لذلك اجلتهه .
دخل ورأسا حضني وباسني مثل كل مره اشوف بعيونه اللهفه والحب بس اني بارده ويا ..
فرات بشرته بيضه شعره اسود ولحيته كثيفه دائما الي يباوع اله يشوف بنظراته التجهم .. بس عكس قلبه الي دائما اسيئ الظن بي ومااحسن النيه ويا هيج احساسي ..
بعد حظنته كال
- هاا حبيبي شونج
- زينه
- ممبين عليج زينه وجهج اصفر ومبين الخوف بعيونج
- مو هسه نحجي نروح للبيت ونجي براحتنه عود
لزم ايديه اثنينهم وباسني على خدي قوي
- ماشي اهم شي راحتج ..
ثواني وسمعت صوت أبويه يصيح مريم مريم
كلت اهووو هم مريم هي الك شكد مانسيتهه وهي من اول وگعه الك عافتك ..
فرات سمعني ضحك كال
- شبيها الحلوه تدردم
- يغثني من يصيح لمريم
- ميخالف ابوج هذا وتعبان ومريض تحملي حياتي ..
- ليش كايله شي اني بس هو سيئ باختياراته
اولها تزوج امي وعافته وشمرتني اني هم ونوب تزوج مريم بس تمرض هم شمرته وعايشه حياتهه احسن عيشه بستوكهولم ولا حتى تسال عنه ..
اقترب مني فرات وشالني كال
- اني اصير الج ام واب وكل شي تردين ومسويلج اليوم مفاجاه
- فرات نزلني وكلشي لتطلعلي اليوم اريد احجي وياك براحتي ولازم تسمعني للأخير ماشي ..
نزلني وباسني كال
- ميخالف اني شعندي غيرج
ابويه بعده يعيط رحنا اله للغرفه وفرات اجه ويايه
كتله ها بابا تريد شي
- وين مريم صار ساعه اصيح عليهه
- بابا يامريم هي متكولي صيحت (بابا عنده زهايمر وميتذكر بس هالمريم هي)
فرات سحبني من ايدي وشورني
احجي ويا بهدوء وكوليله مريم طلعت هسه تجي تره يزيد
باوعت الفرات واريد اعضه حتى ارتاح شكد بارد
رجعت البابا كتله مريم طالعه هسه تجي
ايي وينهه ماصار هالطلعه سديت ايدي قوي وصكيت اسناني ونطيته ظهري البابا اللتفتت الفرات واني اليوم كلش مزاجي سيئ .. شافني هيجي بعدني وراح يم ابويه الي مستمر يعيط بأسم مريم كعد يمه
فرات .. هاا عمي شونك اليوم
الاب .. هلا حاتم شعجب مار علينه اليوم
ندى.. بابا هذا يا حاتم هذا فرات ..
باوعلي فرات وظل يغمزلي ويهز راسه بمعنى اي مشي مشي .. جاب كرسي الي وكال كعدي
كعدت بصف فرات وبابا ع الجربايه يحجي مخربط وفرات كوه حابس الضحكه واني مالي خلك حتى اتنفس مو بعد اضحك ولسه الخوفه مال الصبح بيه ..
شويه وعاط ابويه نمل نمل ويأشر على ملابس فرات هو جفل وظل ينكت بملابسه سحبته من ايده كتله
- اييييه شبيك فرات متعرفه البابا بسرعه صدكت
- ولج مو يكول نمل عبالي صدك نمل . وضحك
ضحكت كوه عليه. كرصني من خدي كال اي هيج ضحكي معاجبني اليوم وضعج كلش
دقايق ودخلت ام حسن . جيرانه اخليهه يم بابا والحجيه وانطيهه مبلغ شهري .. طلعنه بالسياره وطول الوقت كالبه الخلقه عليه يحجي واني بس اريد انفجر لازم ايدي يبوس بيهه.. نزل جاب اكل من المطعم ورجع صعد وصلنه البيتنه ..
دخلنه للبيت ... خله الاكل بالمطبخ واني گعدت ع القنفه بالهول اجه كعد بالكاع يم رجليه .. يبوس بيدي واني اباوعله معاجبني اصلا هو تعود عليه هيجي بس ميهتم اهم شي ابقى اله واني مليت واليوم اكثر بعد .. كال
- هاا حبيبي نروح ناكل
- لا مالي نفس فرات
- جبت الج اكل مال دايت ادري بيج مراح تاكلين اي اكل
- حتى اكل لو حتى لاأسمن ؟؟!
- سمينه ضعيفه اني احبج واريدج انت احبج الروحج وبس
سحبت ايديه منه
- فرات عفيه اخصمها مليت تدري شصار اليوم
- شكو احجي تره خلص صبري والله غير اعرف شبيج يعني كل الي سويتي البارحه وجاي اصالحج هسه شكو بعد وشصار
- زوجتك ..
- شبيهه
- اجتني اليوم للصالون رزلتني فشلتني كدام الكل
اباوعله انصدم كام وضرب طرف القنفه الخشبي بأيده كتله فرات خله ايده على حلگي كال اني احلهه كافي مشاكل نادين كافي خلينه نعيش اني وياج بسلام
كتله لا فرات لا اسمع اليوم اجيت اقتل بشر اني طلعت مثل المخبله وسويت حادث بس الله ستر..
ظل يلزم بيه مثل الخايف وحضني ويبعد بشعري من وجهي ويبوسني ويكول اسم الله عليج خو مصار الج شي شال ايدي ويبوس بيهه وباوع لأثر الخراميش كال شنو هي منو مأذيج وظل يبوس بيهه
سحبتهه منه ودفعته كتله فرات الله يخليك كاافي كافي وعليت صوتي
ابتعدت عنه ظليت اصيح انفجرت ماتحملت هو بارد ويبوس ويسوي حركات عود يرضيني واني فايره كتله تعبت واني زو

جتك المخفيه تعبت
واني اشرب هذا السم(حب مانع الحمل) حتى لااحمل وزوجتك متنعمه ومرتاحه وتزوجتهه وراي وهسه عندك ولد منها كافي فرات اني مو لعبه بيدك اخذ كُل شي انطيته اليه وروح ماريد منك شي بس اعتقني اطلق سراحي طللللكككنيييي ......
يتبع

[ملكةه]

#في_طرفة_عين

طرفة عين
بارت 2
كال اششش لتصيحين لتعيطين كافي كافي اني هم مليت ضرب الطبله برجله كسرها .. خفت منه كعدت ع القنفه ورفعت رجليه ليفوك الارض صارت مليانه زجاج .. شافني خايفه .. كال اذا ابقى هنا أذيج
سكت وطلع .. بقيت كاعده بمكاني ومتجمده اريد ارتاح شي يخنگني احس حتى النفس الي اتنفسه وجع وبداخلي منجم ويريد ينفجر ..
بس الدمعه متنزل اريد ابجي مااكدر احس كومه دموع متجمعه بعيوني بس متقبل تنزل .. ظليت اتوجع اكثر حتى عيوني صارت ضدي .. ومتريحني وتمطر دموع حتى ارتاح ..
بعد اكثر من ربع ساعه دخل فرات .. وكعد ينضف الارض بلا ميحجي واني هم ساكته . كمل كل شي واجه يمي رفع راسي بأيده وظل يباعد شعري عن وجهي ويباوع بعيوني ..
هي شنو عيونج حمر ليش هيج تضوجين روحج اذا على هديل وتهجمها عليج اليوم بس ارجع احاسبهه هي والي گال الها عليج وعلى مكانج
وخرت ايده كتله لا دخيلك لا مو هاي ابوها عنده نفوذ وخاف يأذوك مو مثل نادين هايه الي ماعدهه لاسند ولاعضيد يحميهه
اني سندج وحمايتج وكولشي وبعدين تتوقعين اخاف اني منهم؟؟!!
ماعرف انت ادرى
نادين فدوه اصبري عليه اني مو وعدتج كل شي واله حل بس بالصبر يجي يوم اخذج ونطلع منا ونترك كل شي ورانه ..
ابنك ومرتك ابوك تعوفهم ..
اعوف كل شي عمودج
اني مااسمح الك تعوف ابنك مااله ذنب خطيه
عايفه يم امه ..واذا ع موضوع الاطفال وليش مااريد يصير عدنا طفل لان اني ماضامن حياتي يجي يوم ويمكن اموت وانت ماالج احد نادين حبيبتي اني حياتي مهدده مااريدج تتأذين من بعدي اريد أمن على مستقبلج بالاول وبعدين كلشي بالتدريج هسه اعوفج ترتاحين داخل للغرفه اني .
انقهرت عليه كام سحبته من ايده واخيرا دموعي نزلن كتله فرات!!! ظل يباوع ونزل حضني نمت على رجلينه وظليت ابجي مااريده يموت هالحجي كلش يأثر بيه ظل يلعب بشعري .. كال تدرين ليش اني محتكرج الي واريدج ويايه ..
اني بس ابجي .. ومحجيت .. شبعانه من هالحجي كمل كلامه كال ..
انت النجمه الوحيده الي بسماي تخيلي سما ظلمه ومابيهه بس نجمه وحده واذا عتمتي شراح يصير بيه راح اگضي العمر كله اعمى الله يخليج انطيني فرصه باعي هي دموعج حمم وتنشمر عليه وتچويني صدككيني مااريد اتسبب بألمج بس بنفس الوقت مااريد اعيش بدونج ... اعرف دتتعذببن تتالمين بس مو اكثر من عذابي اني ..
رفعت راسي من حضنه كال اني راح افوت للغرفه ..
ارتاح وانت هم ارتاحي ماشي .. وباسني قريب ع شفتي وصعد فوك ..
مسحت دموعي وبقيت دقايق كاعده .. متأكده فرات مراح يتركني هو مصر يبقيني إله .. على شنو أبجي خلي اكوم واشوف تاليهه وين راح تصفى ..
رحت غسلت وجهي .. وبعدهه رجعت للهول نزعت القمصله و دخلت للمطبخ حضرت الاكل الي جايبه ..
ع الطاوله .. وصعدت فوك دخلت للغرفه شفته متمدد ع السرير رحت كعدت بطرف السرير .. كتله يله ناكُل تره جوعانه من الصبح مأكلت شي ..
كام على حيله وبوس ايدي وجه وكفا اخر شي عض اصبعي خفيف يمكن يحاول يضحكني لان اني مبين عليه مطنكره كلش .. حسيت يريد مني إبتسامه
إبتسمت حضني من كتفي وكام من السرير ونزلنه جوه اكلنه وخلصنه اكل ..
كال تطلعين
وين اروح يعني اكيد مراح نكدر ننزل لمكان عام لان خاف يشوفونه اهلك او جماعة ابوك
ممم ميخالف نفتر بالسياره
لا نبقى هنا احسن
ماشي براحتج حياتي

رحت للغرفه .. وبدلت ملابسي .. لبست دشداشه بلا ردن طويله ومن جوه بيهه شراشيب من صفحه وحده حد الركبه لونها سمائي وفتحت شعري ..
ورحت يمه بالهول اول ماكعدت بصفه حضني وباسني على راسي وعيونه تريد تاكلني مثل كل مره يباوعلي عبالك اول مره يشوفني ويشمشم بيه رقبتي وشعري ووره أذني .. اني بس مستسلمه إله .. كال راح انقل ملكية هذا البيت الج..
رغم الي عانيته بالماضي من حرمان وأذيه بس مجنت اهتم لكل عطايا فرات إليه ..ماادري ليش يمكن لان اشوف هالشي قليل بحقي بسبب زواجنا المخفي عن اهله ولهسه معاقدين محكمه هذا كله اشوفه اهم وهو اليضمن مستقبلي ويا .. سكتت رفع راسي من صدره كال اشو ساكته متفرحين ؟؟
انت تعرف شنو الي يفرحني فرات
اي اعرف اعرف والله اعرف بس كتلج شغله يرادلها صبر ماشي ..
اي صابره اني بس اليوم جية مرتك خلتني انهار ماتحملت
وعركة البارحه نسيتيهه ؟؟!
لا مانسيتهه بس اني الي حق اطالب بعقد المحكمه هي اقل حقوقي وانت تكولي إصبري حتى الصبر مل وتركني وحدي
دتعااااي هسه وكافي نتعارك تره حتى العركه ملت منه ..
اي اني هم مليت شنو رأيك نتفرج على فلم ؟
أي يله اني هم ردت اكول هيج بلكي منتعارك. بس شنو نتفرج ؟؟
امممم عندي اثنين افلام ابالي عاجبني اتفرج وياك عليكم
شنو هم ؟
الاول اسمه سفاح منشار تكساس والثاني اسمه أميتيڤل هورور
هورور رعب وبعد سفاح هم ونتفرج اني وياج ملگيتي غير الرعب توقعت راح نشوف فلم رومانسي بطلت خل نرجع نتعارك احسن
لا منتعارك انت موكلت تحب كل شي بيه لازم تحب الشغلات الأحبها واليوم
واليوم لازم تشوف ويايه الفلم متخسر شي تره القصه حقيقيه ومؤثره كلش ..
لازم

؟؟
اي
وحقيقيه؟؟ اصلا جذب يجذبون ويكولون حقيقيه حتى يجذبون أعلى مشاهدات ويأثرون بالمشاهد هم

لا حبيبي هي قصة الفلم مال السفاح حقيقيه صارت بالسيتينات والتاريخ يشهد الها والثاني قصه حقيقيه من السبعينات هم القاتل الاصلي أفرج عنه ب2004
وتزوج وعايش حياته بعد ماقتل اخوانه واخواته وامه وابو ...
زين اكولج شي حبيبي ليش متحجين الي انت القصه بدون منشوف واني اكعد اباوع الحلكج شكد احب شفايفج من يتحركن ..
لا عيني لا نشوفه يعني نشوفه اريد اشوفك شون من تجبر الواحد على شي شنو يكون الاحساس
اششش راح تبدين مو ؟؟ ديله شغلي خلي نشوفه أمري لألله ..

ههههه
شغلت الفلم وكعدنه نتفرج وي كل لقطة رعب ينز ويجفل واني خربانه عليه من الضحك مااخاف وهو ممتعود يشوف هيج افلام بنص الفلم وكال طفي بعد مااريد اشوف شنو هالمشاهد هي نوب هذا راح يقتل الاطفال ويقتل زوجته
طفيته كتله لا ميقتلهم
مو كتلج انت سولفي الي احسن
اي شونه الشعور بالخوف حلو لا
اممم احسج دتلمحين الشي مو
اي تذكر من طبيتوا علينه انت وجماعتك بنص الليل اني والحجيه وحدنه شكد خفت متت خوف جيت اموت والله ومن شفت عدكم سلاح وخليته براسي وظليت تهددني وتسألني على علاء واني ماعرف مكانه باوعت لشكلك صدك خفت منك نظراتك خوفتني حيل حسيت نفسي صدك بفلم رعب

اما اني الشعور يختلف لهسه اتذكر جنتي لابسه بدي اسود وبي وردي وبجامته ورديه وطالع جسمج مغري كلش شعرج شايلته ليفوك من تقربت منج اتعمد اقرب راسي من شعرج اشم ريحته بلحظتها جانت كلش حلوه ومن رفعت وجهج وهددتج بالمسدس اجت عينج بعيني وجانت حمره مجنتي تبجين هنا حسيت اكو قوه عندج تمنعج من البجي اخترقتي قلبي وروحي وكل كياني وكل شي بيه ردتج الي وبس ..

لحظات من الصمت سادت المكان بس اباوع بعيونه ماكو حجي بعد .. سحبني من ايدي وصعدنه لغرفة النوم .. لحظات حسيت بقرف باوعتله كتله انت متجربني على شي مو ؟؟
وعليش اجبرج حبيبتي اني احبج ومتأكد انت تعرفين بهذا الحب واكيد مترفضيني مو
بقيت اباوعله واتلفت بعيوني
اخذني من خصري وخلاني ع السرير جنت ضايجه مالي خلكه كللش .. احس اني مكب لشهواته وبس ويمكن هسه اذا رأسا بلش راح ادفعه وماخلي ..
حضني من وره صرت اني بحظنه ومحوط بطني بأيدي وظل يبوس برقبتي كال اعرف انت ضايجه من هالوضع بس صدكيني ممطول تدرين شغله اني داخبث
شون يعني
يعني جاي اسوي مشاكل بين ابويه وابو هديل حتى ينفك ارتباطهم وكله على مودج اعرف النتائج وخيمه وكارثيه بس الخاطرج كله يهون .
ولزم ايدي يبوسها وجه وكفه .. تكيت راسي على صدره وبسته بركبته وتفاعلت ويا
ثواني وغطاني بجسمه ورحنه بغير عالم .. .. .. ..

بعدها ..
نومني على صدره كلي اليوم شعجب متفاعله ويايه ولاداعرفج
اي اني اجزم اليوم مو طبيعيه !!
اني اعرف شبيج .. لان شبعتي عركه من البارحه لليوم واني ساكت عنج لذلك اني انتصرت عليج واستسلمتي ..
كمت من على صدره كتله لا عيني ماانتصرت عليه بس راح اخذ استراحة مقاتل فتره وارجع

الله يستر ..

اخذ راسي بوسني اكثر من خمس اوست بوسات على جبيني ماحسبتهم المهم همَ هوايه وكام راح للحمام وبقيت اني بالفراش ..
طلع ينشف بشعره .. كال يله كومي حتى نروح
كمت من الفراش وشمرت الغطا مثل المفزوعه كتله ها وين نروح ؟؟
وخر الخاولي منه كال يعني وين اوديج للبيت يم ابوج ..
هاا يعني خلص اخذت الي تريده فرغت شهواتك وهسه تريد تروح مو ..؟؟؟
إنتِ مو ع اساس تردين تاخذين استراحه شبسرعه خلصت ؟؟!!
رجعت خليت راسي ع المخده وكتله روح اني راح ابقى هنا
متبقين وحدج يله كومي نادين لتصيرين عنيده
روح ماروح اني ما. ما.
اجه طب ويايه الفراش انطيته ظهري ظل يتدنه وقربني كلي اله وحضني واني ناطيته ظهر .. درت بس راسي عليه وارتسمت على وجهي ابتسامة الانتصار غمزتله يباوعلي ببراءه ورفع حواجبه شنو
گتله هسه منو الي إنتصر على منو
بعد شعري عن رقبتي ويشم بيه كال هو انت دومج منتصره عليه .. مد ايده على تليفونه بوعتله جانت زوجته (هديل) تتصل من كم ساعه ومابطلت غلقه وشمره ع الميز .. ونمنه ..

الصبح تريگنا سوه ووصلني للبيت .كلي حضري نفسج حتى نمشي باجرائات . نقل الملكيه مال البيت كتله ماشي بس بداخلي ممهتمه هالشي مو من اولوياتي دخلت للبيت رحت شفت ابويه والحجيه وحضرت نفسي حتى اروح اشوف ابن عمار ..
إجه على بالي اكشخ واطلع بكامل اناقتي حتى يعرف اني شكد تغيرت او حتى اريح نفسي من العذاب الي شفته بالماضي بسبب شكلي .. او اريد اطلع كدامه حلوه وخلاااااص ..
لبست تنوره قصيره لف بالنص وي اللتقاء اللفه فتحه لونها جوزي وستريج اسود خفيف وبلوز بيج وجوزي مخطط بالعرض وخليت مكياج ورتبت شعري لبست طاك نسقته وي الملابس .. وكذله صفح خليتها وره اذني شعري لونه جكليتي .. خليت مكياج

لبست عدسات .. وطلعت بكامل أناقتي .. من سنين واني اتمنى عمار يشوف شكلي الجديد .. وهي اول امنيه تحققت ..
طلعت وبطلعتي خابرت ام بنين كتلهه ع الحادث مال البارحه والي صار المهم

ا

ني اني مالي خلك اروح للصالون بعد الي صار البارحه .. خليهه على ما انسه يله اروح ..
طلعت من البيت .. صعدت السياره .. ورحت للسوك اشتريت الهم شغلات وطلعت كبل للمستشفى ودخلت للردهه الي هم بيها جانو يردون يطلعون الحمدلله الي لحكت عليهم .. باوعتله شفته مدري شصار بيه احس هسه صار كل شي بالماضي شوفت عمار تذكرني بطفولتي مراهقتي ايام زواجنا اني ويا وكل شي ..كلت
صباح الخير شنو الاخبار
باوعلي ولمعت عيونه وظل يباوعلي من فوك الجوه توترت وظليت اعدل بشعري حد ما كال .. يا هلا ببنت العم شونج
اني زينه شلونه ابنك ماعرفت اسمه
هه حقج اسمه ياسر واصيحله اسو
رحت يمه بوسته هو خجل كلش ولا عبالك ابن عمار الجريئ كلش هادئ وانطوائي .. كملت حجي وي عمار
هاا راح تطلعون
اي صار زين ماله داعي وجودنه هنا اكثر صار زين اسو
يلا ماشي اني اوصلكم
واحنا دنمشي كال شونه عمي صار سنين منعرف اخباره ..
اي طبعا انتوا تخليتوا عنا ولاتعرفون عنه شي من سنين
اني جنت بتركيا اشتغل ومصار هوايه من جيت
اهاا لعد شوكت تزوجت وصار عندك ولد
بعد الي صار بيناتنه واجه ابوج اخذج تزوجت وبعدهه بكم شهر طلكت وسافرت
واسو وين جان
يم امي
من شوكت
مصار هوايه ..
اهاا .. تحب تروح ويايه تشوف ابويه هو عندي هسه وتعبان شويه ..
اي اروح ليش لا
ماشي
صعدنا بالسياره كعد بصفي وابنه بالوره توترت يباوعلي بنظرات ثاقبه احس تخترقني كلي .. جريت نفس وتشجعت شغلت السياره .. وهو كل شويه يباوعلي احس نظراته تحجي إعجاب
باوعتله وضحكت هو هم ضحك ..
استغليتها فرصه اشغل أغنية اصاله ..
تذكر اللحظات الي بعتني فيها
نظرتي ونبضات گلبي وانت تطفيها
جيت احكي ماحكيت
مامدى انت مشيت وماللتفت وانا من سابع سما الاحلام طحت .. هدمتني .
بنيت نفسي وعشت ونسيتك خلاص
كسرتني
لملمت اشتاتي ولاغيرك نقص
هدمتني ...
ليه راجع ؟؟ من تبي؟؟ عاشكك ذاك الغبي !!!..
الي كنت عيونه كنت اول من يخونه . ..

وكفنه بنص الازدحام ظليت احرك اصابعي ع الستيرن بتوتر .. بحركه سريعه سحب ايدي ولزم اصبعي الي بي الحلقه كال وهو مصدوم انتِ تزوجتي ..؟؟؟
يتبع ..

[ملكةه]

#في_طرفة_عين
في طُرفةِ عينٍ
بارت 3
بالماضي وعيت ع الدنيا واني طفله حالي حال اليتامى رغم وجود امي وابويه عايشين مو ميتين بس مو يمي .. ربتني بيبي ام ابويه ..
امي منفصله عن والدي .. وهو بدوره متزوج بغير محافضه.. امي مااعرف عنها شي سوى انها تخلت عني بعد الولاده .. كبرت بيت عائله كبيره عمامي وزوجاتهم واولادهم .. البيت جان بسيط واغلب عمامي جانوا بلا شغل او يشتغلون عماله يوم يحصلون عشره لا .. وبما انه اني مالي ام ولا اب يحميني .. تعرضت للاستغلال من قبل نسوان عمامي جان البيت عباره عن باحه كبيره بدون سقف او حوش وجان اكو حوض صبه بالحوش والشمس بالصيف تصكع بي اني هنا جنت لو اغسل مواعين العائله كلها لو اشطف الملابس لذلك اكتسبت بشره سمره .. وتصبغات من الشمس وبثور .. بالاضافه الى هذا جنت اعاني من زياده بالوزن .يعني جنت محلوه ابد. وصلت للثالث متوسط وبطلوني كعدت بالبيت بيبيتي متكدر تحميني جان ابويه يدز الي مصرف كله ينلكف وميبقى منه ولا شويه ..
عمامي جانوا بالبيت 4 فقط ابو عمار جان طالع بيت وحده .. بعدهه ظلوا عمامي شويه شويه يطلعون من البيت بقت بس مرت عمي الزغير الي هي خالت عمار اخت امه ..
شوفتني نجوم الضهر من الاذيه والعذاب جهالهه كله شامرتهم عليه اني انضفهم اللبسهم اوكلهم واذا مسويتهه تكلب الدنيا عليه ..
أما عمار اخخ عمار .. جان احلى واحد من بين ولد عمي كلهم عيونه خضر، بشرته برونزيه ،اكتافه عراض مفتول العضلات. .،شعره بلا مشط سارح كل البنات معجبات بي وهو شلونه مبقت وحده مسوه وياهه علاقه بالمنطقه
جان گلبي أسير يم عمار مو بيدي حالي حال هالبنات واحب وهم عندي مشاعر واحس بيهه .. حبيته من زغري حتى من يحجي عليه احبه كلما يجي لبيت جدي يكولي اييييع لتصيرين مقابيلي شكلج يطرد النعمه ويسد الشهيه ..
جنت اكيف لان حجه ويايه عمار حتى لو ذم ..
كبرت وصار عمري 16سنه وعمار بالعشرينات عمره
ظل يجي لبيت جدو بالليل وحالته غريبه عرفت جان يجي سكراان وابو يطرده او يبسطه وينهزم يجي البيتنه وتلفي خالته او بيبي .. اني جنت اكعد بالليل اكل هوايه جان هذا طبعي الليل كله اگررش شنو گبالي اكله اذا غدا زايد من الظهر تمن ومرك او اذا لكيت خبز اكل اكثر من خبزه حتى لو وحدهه اكل اشبع بطني امليهه وانام .. بالنهار يحجون عليه عمي وجهاله ومرته من اكل يكولولي دبه شكد تاكلين عاد اني اكل كدامهم شويه بس من وراهم كومه .. تكعد مرت عمي الصبح تدور ع الاكل تظل تدك على راسها وين راح الاكل ؟؟؟ اكوللهه هاا يمكن عمار بالليل من يجي ياكله وميدري بروحه .. هي تصدك وتسكت .. كل مره اخاف انلكف بس مانلكفت. . وياريت لو ملكوفه ع اقل جان تبت من هالسالفه وضعفت شويه بس بقيت ع هذا حالي ..
بفد ليله من ليالي الصيف الحاره .. وكالعاده جنت انام يم بيبي .. بس بليلتهه مرت عمي كلتلي راح انوم الجهال بغرفة الخطار نامي يمهم كتلهه ماشي بدون ماعرف ليش نومت الجهال عدهه ولد اثنين واحد عمره سنتين والثاني 4 ونمت بصفهم ع الگاع .. وعيت مفزوعه ع صوت مرت عمي تصرخ باوعت النفسي بالاول ملابسي مرفوعه وعمار بصفي وتطلع منه ريحة المشروب .. جفلت وغطيت نفسي وصارت هوسه هجم عمي عليه وظل يضرب بيه بوكسات بوجهي واني ماعرف شنو صار اسمعه يكولي ادبسز ساقطه هو سكران انت شبيج طايحة الحظ
وظل يضرب بيه احس عظامي تنعنعت من الضرب
الحد ما بيبي ومرته فكوني اخذتني مرت عمي كلتله رايحه اشوفها بغرفتي طببتني واني الدم يصب من حلكي .. دفعتني ع الكاع وظلت لازمه الباب شويه وطلعت اسمعها تكول يبووو هذا يمكن مخربها لان داشوف دم .. واسمع بيبي تكول يبووو شيفكنه من امير (ابويه)
عمي .. خلوني ادخل اموتها واخلص من عارها
مرته .. لا يمعود شتموتها تريد تفضحنه حتى ابوها يكول ماحافظوا ع الامانه اني باجر اخذهه للدكتوره ونجبره هم يتزوجها انت بس اهدأ .
وهدأته مجنت فاهمه على كلشي اني بلحظتها جنت صغيره ومنطويه ومعندي صديقات محد يحبني كاضيه يومي كله بالشغل والاكل .. مافهمت شنو الي صار .الليله كضت على اعصابي .. جنت ميته خوف
لايجون يقتلوني نمت والدمايه يبست عليه ..
الصبح كعدت ارجف رغم الحر وبقيت بغرفة عمي رحت للمرايه باوعت واحد من اسناني الاماميه مكسوره بالنص يعني نص منه معلك باللثه والنص الخ واكع اني اصلا اسناني مخربطات ومامسطرات عدل ونوب هذا زاد الطين بله !!! متت قهر ليش اني هيج ليش ماعندي احد يحميني ليش عافتني امي لو كل ام تعرف شيصير البنتهه من تتركها مجان تخطوا هالخطوه وتترك فلذة كبدها بس للاسف بعضهُنَ من دون احساس من دون ضمير تخلف وتشمر ضناهه ومتعرف شحيصير بي بعدهه المهم مصلحتها وخلاصها هي !!!
بعدها جتي ام عمار وظلت تدك النايحه سوتها علينه مناحه وظلت تدعي على عمار اني من يمي قلبي انقمت ابنها هيج تدعي عليه !!
ام عمار ... صخاام صخمك عميران ولك انت من بد خلفتي كلهه شالع گلبي ومأذيني الله يطيح حظك على هي العمله
سمعتها تصايح ويا عمار بعدها انركعت باب البيت الرئيسي

حييل
يمكن هو طلع .. اجوني اثنينهن للغرفه هي واختها وكالن روحي غسلي خل نطلع ..
رحت غسلت ولبست ورحت كعدت يمهن وام عمار كضتهه بس بجي تكول لبيبي
دعواتج لانهار عمه رجلهه يريد يطلكها ويتزوج ويتصخم وجهنه

انهار اخته لعمار متزوجه من سبع سنوات من واحد تحفه وسيم وغني ومناقصه شي تزوجها على حب تعرفت عليه بالمعهد اثناء دراستهه وتزوجوا رغم رفض اهله بسبب الاختلاف الطبقي بينهم بس هو أصر يتزوجها بعد زواجهم ماصار عدهم اطفال ..

خلصوا حجي وطلعنه اني والثنائي المرح ام عمار وخالته الي هن اثنينهن نسوان عمامي من ساعة السوده الي صارن بيهه نسوان عمامي ..
جن عبالي راح يودوني للدكتوره بس لاشفت دكتوره ولادكتور فروني بالشمس بالسواكه وراحن وكفن بباب بيت صديقتهن ساعه يلغن ومن كلتلهن دخلوا كالوا مستعجلين بس وكفنه ساعتين ابابهم ..
ورجعنا للبيت .. وظلن يدكن النايحه ويلطمن ويحجن العمي والبيبي هذا مخربها وخاف تحبل وشيفكنه وظلن يتوسلن بعمي يحاجي عمو ابو عمار ويخلي يتزوجني كبل لاننفضح ..!!!
اني كاعده وخايفه وعمي كلساع يزير عليه الكلك مسويه جريمه واني كلشي ممسويه وكلشي ممفتهمه !

مرت أيام عليه مشفت منها غير الاذيه وعمار مشفته بعد وبيوم واحد قرروا كل شي .. خطوبتنا وزواجنا اني وعمار .. مسوينه حفلة مهر حسب الي سمعته من بسبسات عمتي واختها انه عمار معاند كلش وقافل
بس ابو وعمامي مهددي يأدبو اذا ماتزوجني ..
وبطرفة عين شفت نفسي بالبدله البيضه وبيت عمي وتحديدا بغرفة عمار .. جان الاثاث بسيط كلش
بعدها زفوا عمار ع الغرفه جانت ملامحه متجهمه وغاضبه باوعلي ودار يتحسر ..
مجنت اكدر اوصف شعوري بلحظتها جنت احبه بس مااريده ينظلم وياي .. اني وين وهو وين ..
الكل جان يضحك عليه بالعرس محلوه محلوه هي كوه لو مدري شسوي راح اطلع محلوه والحلاقه هم جانت رخيصه كلش معرفت المكياج المناسب الي طلعت اخزي .. كعد عمار ناطيني ظهر وفوك الخمسين جكاره دخن على ما صار فجر ونام بدون مايطخني..
وهيج مرت الأيام كلما يشوفني يگولي لتصيرين كبالي مااشتهي اشوفج مااشتهي اكُل ..
ولد انطباع بداخلي انكسار تشتت ألم مينوصف جنت احبه وهو يكولي هالحجي شكد اتأذه .. حاولت اريد اغير نفسي وشكلي بس مجنت اعرف شون ولااحد يعلمني واريد اضعف بس مااعرف شنو اسوي .. ارتب نفسي واخلي مكياج واروح اكُعد يمه يطردني وخري لتجيين يمي مااريدج ..
طلعه ابوه مانعه يطلع من البيت حتى ليروح يشرب ويكبسل وهو كلش مستاء .. من عشت وياهم عرفت امه شكد متحبه وكله تدعي عليه وابد محد مهتم اله جنت اتمنى يرضى أهتم بي اني بس ميشتهيني ابد كارهني بسبب شكلي من يطب للغرفه يطردني بدون ميباوع الي ..
جانت امه يوميه تسالني هاا ماصار بينكم شي اكوللهه لا ماكو ..
بنتها جانت نهار وليل تبجي على زوجها الي بلش يخطب ..
فد يوم المغربيه وعمو ماكو عمار بالهول كاعد وينفخ ريحة الجكاير ازكمت انف كل واحد بالبيت واني بالمطبخ
اسمع امه تكوله هاك فلوس واطلع تونس لاتضوج ولاتضوج روحك .. استغربت من الموضوع امه حتى الاكل تسوي تفرقه بينه وبين اخوته انوب تنطي فلوس !!!
عمار ماجذب خبر راح بدل وطلع .. اجتني للمطبخ عمتي كرصتني وظلت تطبطب عليه كالت عفيه لحم عفيه شحم شكدج
اني جنت اكل وكفت فكي عن الحركه حتى لاتعرف داكل .. كالت سمعي ولج الليله عمار طلع واكيد من يرجع سكران اني مراح اخلي ابو يشوفه انت راح تبقين كاعده ومن يجي تعطري وسوي كذا وسوي كذا .. استغربت !! اني شون اسوي هيج خاف مايقبل كالت نجبي وسوي الي اكلج عليه
بالليل عمو رجع ورأسا خلته ينام بقينه اني وهي كاعدين لازمين حراسات العمار من يجي ..
ومن اجه رأسا طببته بالغرفه كالت قفلي الباب
جان يترنح وثمل ويحجي مخربط .. تقربت منه ريحة المشروب تفح منه تزكم .. بس تحملته مجنت اشعر بالقرف منه مثلما هو يحس بهالشي اتجاهي لا جنت كلشي احب منه .. ظليت اغري واسوي اله حركات الي علمتني عليهه امه .. وهو ساعتها من كد ما سكران يمكن يشوفني نانسي عجرم مو ندى الجكمه ..
بعدهه تقرب مني حسيت بألم فضيع خنكني اريد ابعده عني مااكدر صح سمينه بس ماعندي قوته ..!
وصار الي صار .. عافني وراح بسابع نومه ظليت بس ابجي من الالم رحت للحمام غسلت .. وطلعت العمتي بعدهه كاعده كتلهه عمه هيج صار وهيج كالت سكتي هو ماخذج من كبل بس هذا شي عادي كتلهه لا عمه والله تدممت
نجبي ومن هالشهر اريدج حامل
ها عمه ليش
ليش ليش بعد حتى يعقل ماتشوفينه مخبل وكاضيهه سكُر وعربده
كتلهه ان شاءالله بيد الله
طبيت للغرفه احجي بكلبي قابل بكيفي واحبل من هالليله وهو مخبل من وراج انت مخبلته هم تتسمين ام انتِ ..
طبيت للغرفه ونمت بالكاع خاف يكعد ويحجي عليه مااحبه يهيني احسن شي اتجنبه وانام جوه .
كعدت الصبح .. وكبل ع الشغل خلصت كل شي وصعدت فوك اشر ملابس سمعت صوت طليت شويه شفت عمار يحجي ويتغزل ببنت جيرانه كلام يخبل كله حب ورومانسيه وكفت اسمع تمنيته الي هالكلام بس اني وين وهي وين هي كلش حلوه

و

نازكه ورشيقه اني طاكه بالعرضين من السمن ..
جان كلش صعب اعيش ويا وعيت على خياناته يوميه شكل وغير هي البنت جان يحبها كلش نهار كله ينتظرها بالسطح .. اما اني جنت مجرد شي حالي حال القنفه او الميز مو مثل اي متزوجه ثانيه
شكد صعبه متزوجه وعندج زوج بس وجوده وعدمه واحد مااكدر اسوي شي مهما عدلت ورتبت ونضفت سشورت سبحت مايلفت نظره الي اي شي يشوفني غول مو مره هنا اني مابيدي شي احس نفسي مربطه وبنص المي وموكادره افك وثاقي ومباقيلي هوايه واختنك ..
بهالايام رجعت انهار لزوجهه .. بس بعده مصر يتزوج يريد طفل والرجال ميصبر ..
وبنفس الايام انخطبت حبيبة عمار الي جان يحبهه
بيومها انكلب البيت بالعياط تعارك عمار وي امه
راح تتزوج وصار سنين احبها كله منج انت مو ام انت عذاب
ولك انت هي الجكمه العوبه كافي عليك انت منو يزوجك منو ينطيك مره السكران المكبسل لاشغله ولاعمله من بد ولدي معذبني وشالع گلبي عساك ماتتهنه ..

سديت اذني حتى لاأسمع شي بعد هي الكلمات الي سمعتها .. طب عمار للغرفه باوعلي بنظرات غضب كال كلهه منج شكد اكرهج تلعب نفسي منج اطلعي مااريد اشوفج اطلعيييي ..
طلعت اركض ركض وميته خوف وقهر وكل مشاعر الحزن والانكسار بداخلي .. اتعثر بحزني وبالبجي واكوم واحس روحي تايهه ضايعه ..حزني اضعاف حزنه على حبيبته
مرت الايام ورجع عمار للشرب بالليل يشوفني نانسي وبالنهار يشوفني غوول .. جنت اتمنى مايطلع النهار حتى ليشوف شكلي .. صرت احسد كل وحده حلوه على جمالهه .. بسبب شرب عمار المشاكل زادت وي ابو ظل يترك البيت وميجي اسبوع اسبوعين يله ..جنت اشتاقله شوك الزرع للماي اعطش على شوفته رغم من يشوفني يلعن الساعه الي صرت بيهه بنت عمه ..
بهالايام صرت اعاني من الغثيان واتقييئ وحالتي حاله اخذتني عمتي للمختبر وسويت تحليل حمل ..
وطلعت حامل ..
من اجه عمار جان واعي ومو سكران .. بس دخل ضحكتله
كال
على شنو تضحكين عبالج ضحكتج حلوه ؟؟ خوب هذا سنج المكسور بالنص ايييع يلعب النفس

كتله
اني اريد اكولك ااااني حامل
حامل !!؟؟ منيين ؟؟
شسالفه عمار اني مو مرتك
واني يمته متقربلج
انت متدري بنفسك بالليل تجي شسوي تجي سكران مو واعي وتتقربلي
ايييع صدك عود اني اتقربلج لعبت نفسي وين الحمام اروح اذب كلش ماتحمل بعد ..

كرهت نفسي بلحظتها وماكدرت اكرهه ليش مداكدر اكرهه ليش .. شكد غبيه ساذجه ليش ابتليت بهالشكل وصرت مكروها اريد ابجي احجي اشكي بس محد دايسمعني اريد اصرخ بأعلى صوتي. صرخة ألم على حظي على ام جابتني وشمرتني على اب تزوج وعافني على زوج يشمئز مني .. معندي احد كعدت بالكاع ابجي تذكرت الروح الي بين احشائي .. ضحكت واستبشرت به خيرا هالطفل يمكن هو خلاصي وراحتي ..
بهالايام رجعت انهار للبيت جتي زعلانه من زوجها وبعد ايام خابروا كلوله انهار حامل بس مراح ترجعلك روح تزوج موتريد تزوج عمود طفل ؟؟
وظلوا يدلعون عليه ويردون يغثوا .. لان شلع قلبهه
هو مبقه شي مسواه حتى يرجعها مقبلت ترجع اله .
مرت الايام والاشهر وعمار طلع من البيت سافر يشتغل بغير محافظه .. وبقيت وحدي احجي وي ابني مرات واكوله شكد اشتاق لابو وهو مايحس بيه .
مرت الايام وحسيت بوجع قوي كلش حاجيت عمتي
كالت روحي سبحي بمي حار كتلهه وديني المستشفى عفيه كامت خذتني دفعتني بالحمام وتصب على بطني ماي حار بس مو يحرك وانما احس بحرورته على جسمي بعدهه طلعتني وانطتني ماي وبي زيت كالت هذا ماي وزيت الخروع يساعدج علما تجي القابله ..كل شويه اسألها ليش مااروح للمستشفى متحجي . جبرتني اصعد الدرج وانزل وامشي بالممر كالت انت بكر خاف تتعسر ولادتج .. بقيت اتوجع وجع الموت متت الى ان اجت القابله فرشوا جواي وظليت اطلك الحد مااعرف شنو صار بعدهه حسيت انسلتت من. روحي روح سمعت صوت ابني يبجي بس صوته بعيد كلش كلش محسيت بشي رحت بغير عالم .. كعدت شفت نفسي وحدي بالغرفه بس احس مبنجه ومخدره مااكدر احوص ظليت اتلفت رجعت لوعيي تفحصت بطني ماكو طفلي بيها .. كمت من السرير كوه عليه اتمشى احس اكو الم بنفسي ..
فتحت الباب ورحت ادور عمتي ملگيتهه شفت بس اختها كتلهه عمه وين ابني
كالت ابنج انولد تعبان ودته ام عمار للخدج
ليش شبي تعبان
بعد شبي ماادري خذته هي راح تبقى يمه امشي وياي انت عمج جاي يتانينه
وين اروح للمستشفى اشوف وليدي
لاع امشي وياي للبيت انهار حامل ومابيهه تداريج تحتاجين مدارات
كتلهه خوش ورحت وياهه وماكو خبر عن ابني كلما اسألهه تكلي حالته تعبانه وتنطيني دوه وكبل انام اكضي يومي بالنوم ..
لحد ماسالتهه كالت الي تره ابنج مات
شون شون شون مات لا مايموت ابني شيموته الصبح كبل لااجيبه جان يحوس ببطني
بعد مات هسه كلهه يم ربج هو انطاجيا هو خذا

ظليت ادك والطم لا ماما ت جذب جذب
حاولت تهديني تكلي لاينفتحن خياطاتج على كيفج توج جايبه
اني ميهمني كضيتهه صريخ وبجي وبيبي وياي وتبجي على حالي
بهالحظه احتاجيت عمار يمي بس هو ماكو ..

كان مفهومي للضياع مفهومًا سطحيًا؛ إلى أن جاء ذلك اليوم

الذي أدركت معنى الخسارة ألتي أدت لشعوري بالضياع.
كان جنيناً صغيرًا قد أحتظنته عروش أحشائي ذلك المكان ألذي ملأته حبًا وحنانا، لينمو ويكبر حتى يولد طفلًا متكاملًا وتام الخلقة، وإذ يأتي ذلك اليوم الذي خسرته ليصحح لي مفهومي عن الخسارة والضياع.
تبادرت عدة أسألة بداخلي؛ هل أنا أذنبتُ بحقه، ألم أكن أماً صالحة تهتم بنموه؟ ، حتى وأن كان لازال جنيناً ببطني.
كان الخبر كالصاعقة وقعت عليِّ لتحيلني لحطامٍ، وعلى رمادِ أمومتي المفقودة شعرت بالضياع لتلك الخسارة، نظرت الى الجميع وانا في دوامه وعينان تبحث عن ملاذٍ أودعه حزني و أشكو له مصيبتي إني فقدتُ طفلي للتو
جلست بجانب جدتي وشهقات بكائي مسموعة، رغم أنها كانت تهدأ من روعي الا إني لم أتوقف عن البكاء ولوم نفسي.
شعرت أني مذنبة هل كنت سببا لوفاته قبل أن يرى نور الحياة، رغم أني لم أفعل ما يؤذيه لكن شعور الذنب سيطر علي.
بقلمي نورا ناصر
يتبع ..

[ملكةه]

في طرفة عين
بارت 4
بقيت أيام الدمعه مافارگت مقلتي والغصه بروحي وبگلبي كرهت كل شي من حولي ..
مجنت فاهمه الوضع ابد ليش هيج ديصير بيه ليش شمروني هنا ومحد سأل عني ؟؟.
رحت المرت عمي كتلها اريد اشوف ابني
ششوفين منه يمه مات وشبع موت ودفنوو
لاتكولين يمه اني ماعندي ام ..واريد اشوف قبره
هي فوكها بعد اكلج يمه
مااريدج تشفقين ولاتعطفين علي ودوني الكبر ابني
المقبره بعيده كلش شيودينه
لعد شوفوني شهادة وفاته
ماعنده شهادة وفاة
ليش بالله
لان مانولد بالمستشفى
لاجذبين عليه لاجذبين كل واحد لازم اله شهادة وفاة
دوخررييي عني ابتليت بيج امج شمرتج واني ابتليت بيج ..
ظليت الوب مامطمئنه ممصدگه ابد لو شايفته بعيني ميت هم مااصدك جان يسبح سبح ابطني
صرت احاجي نفسي واحاجي بطني اكوللهه ليش مات مو يدري بيه احبه مويدري محتاجته اني ليش ليش
.
. بعدها بأيام وايام اجه عمار فرحت الجيته رغم حزني ..گلت يمكن اجه يواسيني ..جنت محضرتله كومه حجي كلت نروح لقبر ابنه وخليهم يشوفونه شهادة وفاته بسسس
جنت بغرفة بيبيتي ودخل هو من طب حسيت بشويه ارتياح اكو من راح يشاركني همي لان الي فقدناه ابنه اثنينه .. كعد بالارض بصمت واني بداخلي كلي امل هو ملاذي الي محتاجته اشكو يمه حزني وألمي هو الوحيد ..
كال ..
ندى اني هم ضايج مثلج تره ومردته يموت وعلموده سافرت حتى ابدي من جديد واترك اصدقاء السوء واشتغل اله هو .. بس هسه راح بعد وماكو داعي نستمر سوه اني مااريدج وراح اطلكج واسافر واكيد عمامي وابوي مايقبلون راح اخذج اطلكج بدون مايعرفون ..
كتله كافي اطلع بره لاتكمل اطلع اطلع طردته وظليت ابجي ابجي . شكد جنت مكسوره ومتأذيه قراره هذا كسرني اشتات وأني بأمس الحاجه اله . هدمني خلاني اشك بان اني راح اعيش حياة طبيعيه بعدهه . وأيست منه فد نوب
صدك تطلكنه وماشفته ابد ..
ابوي عرف بطلاگي من اجه كلب الدنيا وتعارك وياهم وي عمامي وعمار ماكو ..
بس شيريد يسوي ابويه ميسوي شي وراها بكم يوم راح المرته ..
بقيت لازمه عده .. بعد فتره بيبي تخربطت كلش وصارت فد نوب كضتها كله مشتشفيات ..
وراحت الدار حقها .. راحت المراه الي احتضنتني وربتني صح جانت ضعيفه كدام الكل ومتكدر تحميني بس جان الها فضل بتربيتي .. احتضنتني واني طفله احتوتني بالوقت الي تخلوا عني اقرب الناس الي امي,ابويه.
انضاف يوم وفاتها الى اكثر الايام سوداويه بحياتي
بفاتحتهه جنت اتمنى اشوف عمار بس ماكو مشفته فص ملح وذاب ..
بعدها اجه ابويه وعمي ومرته كلوله اخذها انت ابوها احنه مانتحمل مسؤؤليتهه مطلكه ومو صاحيه تحجي بحدهه وتاكل كومه ومصرف الي تدزه كل كم شهر ميكفي ..
عاد ابويه گلي جهزي نفسج و اخذني ويا وطلعنا للمحافظه الي ساكن بيها ابويه .. بس مجنت مرتاحه جنت اعرف مرته ماتريدني .. واعرف حياتي مراح تصفى وتبقى ملبده بغيوم الأسى والحزن ..
وصلنه لبيت ابويه .. جانت مريم واكفه تنتظرنه شفت بعيونها عدم ارتياح بس جانت تحاول على كد ماتكدر تخفي هالشي بس اني لمحتها ..
جان البيت زغير يمكن 90متر ومريم ممخلفه لأبويه وهي اصغر منه بهواي وحيل تدلع عليه وهو يتبعها مثل الأعمى تگوله اي يعني تگوله لا خلص هي هيه لا بعني تجيبا منا وتودي منا بمزاجها .. جان شغل ابويه متعب كلش يروح عشر ايام ويرجع. هم يبقى عشر ايام بالبيت .. ماتأقلمت ويامريم ابد واني جنت اعاني من حاله نفسيه ومحتاجه احد يطلعني من هالجو بس مالگيت .. مرت الايام واحسها وضايجه مني واني مالي خلكها تكولي اشتغلي مابيه اشتغل نهاري كله كاعده ..
وحتى حجي مااحجي .. ضاجت مني كلش
وظلت تطلعلي مشاكل من جوه الكاع حتى تتعارك ويايه بس اني ساكته الها الحد ما كلش تعبت منها
لزمتها وكتلتهه لان صدك مجنت بوعيي طلعت الحركه بيهه حتى تكعد عني. من اجه ابويه رزلني و هي رادته يكتلني بس هو اكتفى برزاله .
وهي زعلت منه وراحت لأهلهه ظل محتار شون يرجعها .
رجع للبيت گلي تعاي احجي وياج
رحت كعدت يمه بصمت بدون مأحجي وجهي كل علامات الغضب والحيره عليه
گال كعدتج هنا ماتسوي شي اكو ناس اقارب اهل مريم رجال جبير ومرته ويردوج يمهم تديرين بالج عليهم وينطوج فلوس مو احسن من كعدتج هنا
گتله يعني شنو أشتغل خدامه
مريم ماتقبل ترجع اذا انتِ بالبيت واني مااكدر بدونها وهالأيام راح اكعد من الشغل وين تردين اوديج ؟
ماقصرت يابه وين توديني وديني مابقى شي يهمني بهي الدنيه
هذول خوش ناس
قاطعته گتله اي بلكي يحنون عليه هالناس الغرب احسن منكم وكمت من يمه
جان يحجي وهو محتار احسن شي اكسر الشر واروح الهم حتى لو خدامه واكيد راح الاقي نفس المعامله من كل الناس ..
مر اليوم والثاني اخذني ابويه ويا هو ماعنده سياره أجر تكسي وصعدنه مشت السياره تقريبا تلث ارباع الساعه او اكثر حد ماوصلنه المنطقه كلش حلوه كلها محلات وراقيه حييل اباوع ع البنات يتمشن بحريه ومرتبات ومهتمات بنفسهم وملابس جينز او تنوره قصيره جنت اتخبل ع القصير احبه حييل أمنيتي بس رجليني ضخام مترهم ابد .. ابتعد

نا عن المحلات وطبينه بفرع بي بيوت راقيه كلش .. بابا كال للسايق يوكف يم بيت ووكف السايق .. بيت حلو مرتب
نزلنه اني وابوي جنت لابسه تنوره طويله وقميص برتقالي حد الورك يلعب النفس كلما اتذكر ملابسي قبل تلعب نفسي واكره روحي وشعري شايلته كبايه
وبيدي جنطه كبيره خليت بيها ملابسي لأن راح ابقى هنا على ما ترضى ست مريم على بابا ..
وكفت ع صفحه كل مشاعر اليأس والاحباط متغلغله بأعماقي في حين بابا دك الباب طلعتله إمراه يجي عمرها بنهاية الأربعين .. ملابسها مرتبه تنووره وقميص مثل الكوستم وحجاب .. سلم عليها ابويه وعرفها عليه ودخلنه ..
كعدنه شويه ضيفتنه وكالت امشي ويايه رحت وراها دخلتني بغرفه بيها رجال متمدد ع سرير ومتغطي والكانيولا بأيده ..
كالت شنو اسمج
بتلعثم جاوبتها وبعد برهة سكوت گلت ندى
ليش خايفه ندى
لا مو خايفه ودنكت راسي
شكد عمرج ؟
هسه دخلت ب17سنه
ها تدرسين
لا
تعرفين تقرين
اي
الحد ياصف ومبطله
ثالث متوسط
تمام باعي نداوي هذا زوجي تعبان وصارله هوايه على هالحال واني بنتي دوم نطلع ونسافر ومنكدر ناخذه ويانه خليناله هنا ممرضه تجي تنطي العلاج بس يرادله مداراة اكثر والممرضه مو متفرغه اله هوايه عدها شغل . اني بس اريدج تديرين بالج عليه واني انطيج حقج اكيد.
هزيت راسي
وهي كلتلي اكعدي يمه خاف يحتاج شي ..
بقيت كاعده ع سرير فارغ مقابيل سريره وجنطتي بيدي ..
راحت كم دقيقه ورجعت كالت تعالي سلمي على ابوج راح يروح .. رحت وراها شفت ابويه مدنج وميباوع بوجهي خجلان مني لو مستنكف مااعرف بس عرفت بعد ما بوسني على راسي وطلع ..
نزلت دموعي بحرگه وألم ع شنو ؟ على كل شي
الكل يتخلى عني .. !!!
المراه والي اصيح الها الحجيه شوفتني غرفه بصف غرفة الحجي كالت هنا خلي اغراضج هي الج الغرفه
كتلهه خوش
راحت واني بقيت اباوع للغرفه بيهه سرير ودولاب بابين خليت جنطتي ع السرير مفروش شرشف ازرك بي ورد ونضيف كلش ..
رجعت مره ثانيه المراه وكالت
اني طالعه معزومه ع العشا مااوصيح ع الحجي بعد
هزيت راسي وكتلها خوش
كالت عندج تليفون ؟
كتلها لا
ماشي من ارجع اجيب الج تليفون ..
ان شاءالله ..
شوفتني الأكل مال الحجي كالت من يكعد ويريد انطيه اكل
وفرتني بالبيت كله ..
راحت واني بقيت بالغرفه جانت بيهه مرايه بدون ميز وكفت كبالهه واتأمل شكلي مثل كل مره انقهر وأوخر
لبست ملابس بيت تراك القميص مالته حد الركبه وبجامته عريضه من الغسل مسحوت سحت ..
ورحت يم الحجي شفته كاعد ظل يباوعلي مستغرب

توقعته جفل من شكلي خطيه مريض واني خرعته
دنگت تقربت منه واني مدنكه حتى يشمئز مني هيج اني احس .. كتله تريد شي عمو اني هنا حتى اساعدك
كال اريد مي لهاتي يبست
ان شاءالله
رحت جبت اله مي وشرب
كتله تريد شي بعد
اريد اروح للحمام اسنديني حتى اگوم
سندته وديته للحمام بنفس الغرفه .. وطلعت شويه وصاحني فتحت اله الباب .. وسندته ورجعته للسرير مالته ..
لليل بقيت يمه خاف يحتاج شي .. كال جوعان رحت جبت اله محلبيه مسويتها اله زوجته وانطيته ايده ترجف وتلف مللابسه بعد مااكل كم لقمه .. اخذت منه الخاشوكه وظليت اوكله ..
بعدهه اخذته غسل ورجعته لفراشه .. وبقبت كاعده يمه .. دقايق وسمعت صوت .. وانفتحت باب الغرفه ودخلت الحجيه ووياهه بنيه شابه طويله وبيضه شعرها ماي نازل ع اكتافهه لونه اسود وبي خصلات حمر لايك الها .. شفتهه تحسرت كلما اشوف وحده حلوه اتحسر اتمنى اني هم حلوه ..
هي من شافتني ضحكت ضحكه وصلت صداها الروحي حسيت تضحك على شكلي بس ليش ؟؟
حجت وهي تضحك
- هيه !!! واني خايفه لا علاء يباوع الها طلعت هي ؟؟
وظلت تضحك
جاوبتهه الحجيه كلتلهه ولج لا مو حجت النه مريم عليهه
وسكتتها .. دنجت راسي .. وروحي تقطعت اشلاء مااكدر المها ..
الحجيه عرفتني عليها كلتلي هي بنتي رناوي بنتي الوحيده وهي عايشه ويانا ..
اكتفيت بالسكوت لأن جرحتني وماحجيت هي حست و تقربت مني كالت هلا بيج بينه البيت بيتج .. اعتبري نفسج وحده منا
ماعبرتها اني لأن كرهتهه كلش ..
وكلت للحجيه اني عشيته للحجي تردين مني شي بعد تعبانه من طول الطريق اگدر اروح ارتاح گالت
اي روحي
عفتهم ورحت للغرفه تمددت ع السرير .. تذكرت عمار حقه عمار ميشتهي يباوع بوجهي كل العالم تضحك عليه وتجفل مني .. بقيت اللتمس أعذار إله حتى لاأكرها مااريد هالحب يتلاشى بداخلي .. اريد احتفظ بأطلاله ..
دقايق ودخلت الحجيه
من شفتها كمت كعدت بس رجليه مدده ..
كعدت بصفي ..كالت نداوي لتزعلين من رنا هي جانت خايفه على رجلها منج .. لأن هو عايش ويانا ومن كتلهه عليج بعدج زغيره خافت على علاء بس تره هي قلبها طيب كلش ..
هزيت راسي
كالت انت قليلة الكلام كلش
كتلهه اي وسكتت
لعد يله كومي علاء جايب عشاا من بره امشي اكلي ويانه ..
لا حجيه اني مااريد
لا شنو ماتردين يله كومي
رحت وياهه امشي بيأس .. شنو فايدة حياتي اني ليش عايشه .. وصلت اني وياهه للمطبخ البارد وع طاولة الطعام كاعدين
رنا ووياهه رجل شاب وبنات ا

ثن

ين كوه حجيت كلت سلام عليكم بتلعثم وارتباك .ردوا عليه . دنتلي الحجيه كرسي وكعدت الطاوله مليانه اكل مالذ وطاب من شفت الأكل وعرفت راح أكل منه ارتاحت نفسيتي واللتمعت عيوني شكد ضعيفه كدام الأكل ..
جان اكو بيتزا حجم كبير ومشاوي من كل الانواع وصمون حار وطرشي وببسي اويلي ..
كعدت أكل وياهم بشراهه حتى نسيت نفسي وحزني وألمي ..
كملنه أكل وشلت وياهم السفره .. مخلوني اغسل وحدي .. رنا مو مثل اول انطباع اخذته عنها شقيه وتضحك وتسولف . بعد ماغسلنه المواعين كعدنا بالمطبخ باوعت الوجهي كالت هي شصاير بي وجهج انت متهتمين بي ؟؟
استحيت ودنكت
لا تستحين العيب مو بوجهج العيب انت متحاولين تعالجي
بس مااعرف اعالجه
اهم شي تهتمين بنظافته يعني اول شي تغسلي بصابونه خاصه بوجهج ونوع بشرتج الصبح اول ماتكعدين وبالليل قبل ماتنامين ولازم تهتمين بنظافة
شرشف مخدتج دائما يبقى نضيف حتى من تنامين عليه لاتنتقل الجراثيم الي هي اصلا انتقلت من وجهج مره ثانيه ومن تنشفين وجهج نشفي بشي نظيف مو اي خاولي كدامج تنشفين بي لا استخدمي الكلينكس افضل .. واني راح اجيبلج غسول ومقشر وسنبلوك وتونر وبعد كريمات تخلينه قبل لاتنامين حتى يصير وجهج مرايه ..
ضحكت وفرحت يعني راح يصير وجهي حلو
اي انت حلوه بس يراد تهتمين بنفسج اكثر ..
كتلهه ماشي ..
وصدك يوم ثاني جابتهم الي وكلتلي قللي اكل الدهن والتوابل الحاره هم تأثر ع وجهج ..
كلتلي هذا التونر تستخدمي ينضف بشرتج وسنبلوك واقي الشمس يحميهه من اضرار اشعة الشمس ..
مرت الأيام وهم زينين ويايه واول ماصار الي شهر وياهم انطوني حق تعبي ويا الحجي فرحت كلش ورحت للمحل بالفرع اشتريت منه كومه حلويات وجبس .. فد مره بالليل وكالعاده جعت .. ورحت اخذت جبس ونزلت جوه بالمطبخ خليته ع الطاوله ميشبعني هذا طلعت الاكل الزايد مال العشا وكعدت اكل ..
جفلت على صوت علاء وبنته ليال اجو للمطبخ طب شايلهه مبينه حرارتها مرتفعه ..
گال هاا شعندج
شافني مبسطه وجاي اكل والساعه 12بالليل ..!!
ظل

يضحك گال انت ناقصج كرش وگاعده تاكلين بالليل
اني استغربت كلامه شنو علاقة الكرش بالاكل بالليل
كتله شله علاقه الكرش
مو اذا هالكد تاكلين بالليل يكبر كرشج ويوصل لراس الشارع
صفنت كتله هاا يعني الاكل بالليل يسمن
اي طبعا لان هسه انت راح تاكلين وترحين تنامين مراح تحركين السعرات الاكلتيهه فمتتحول طاقه وين تروح تصير كرش وشحوم زائده .. وهذا الجبس تره اذا اكلتي كانه شاربه بطل زيت كامل .. اضعفي اضعفي حتى خشمج يزغر هههههه والسمن موزين انت كلش سمينه موقصدي اعيب عليج بس السمن يسوي هواي امراض منها امراض القلب والشرايين والضغط ويأثر ع مفاصلج ..

جفلت حييل واني باليوم اكل كومه جبس وهي عادتي من سنين اكل وانام هم ..
شون راح اتخلى عن هي العاده مااعرف ..
رحت للغرفه باوعت الوجهي جاي يصفى ويصير حلو
اذا اعوف الاكل بالليل هم اضعف وينزل كرشي ..

من شفت وجهي جاي يصير حلو ع العنايه تحمست انزل وزن خاصة علاء گال خشمي يزغر هههه وهذا اهم شي ..

بهي الايام صار عندي امل وخاصة بعد ماشفت هالناس الغرب حنوا عليه ويكلولي اشيااء بصالحي
تحمست وقللت اكل وبالليل كطعته وبعد العشا امشي واتحرك .. واللتمست تغيير وزني وكف وملابسي ظلت تعرض عليه ..

فد يوم والمصادف خميس ..
رنا وعلاء يطلعون من الصبح رنا تروح للصالون مالتهه والحجيه مرات تطلع الصبح.
بهذا اليوم جانت ماطالعه .. كعدنا اني وياهه والحجي طلعنا بره وكعدنه بالحديقه .. دخلت رنا مستعجله سلمت وكالت لامها
ماما خو ماتطلعين اليوم ؟
لا مااطلع ليش؟
اريد ندى محتاجتهه بالصالون اليوم خميس واعراس وعندي هي البنيه التساعدني مموجوده راح اخذ ندى
اي ماشي اخذيهه مااحتاجهه اني يم ابوج ..

اني بدلت ورحتلها كالت يله امشي
طلعنه من الباب جان تكول الصالون ع الشارع خلي نروح مشي سيارتي علاء طلع بيها علما يشتري سياره جديده لان سيارته باعها ..
وظلت تطبطب على كتفي كالت المشي زين الج حتى تضعفين
باوعتلهه وضحكت كتلهه اي ان شاءالله
مشينه تقريبا عشرين دقيقه بس شنو تعبت كلش
وصلنا للصالون ودخلنه وبلشنه شغل طلبت من انضف الصالون نصفته وظلن يجن بنات اذا يحتاجن اجفف شعرهن او بيهن اغسله من الصبغ او اسحبه والي تحتاج خيط اخذ الها وهيج مر اليوم وبنهايته وبعد تعب انطتني فلوس على تعبي ..
كعدنا نسولف اني ورنا وام بنين صديقة رنا وتشتغل وياهه محترفه بشكل شغلها كلش حلو وعليهم رجل بالصالون لان شغلهم حلو وحديث ع الموديل
ظلت تباوعلي ام بنين ورنا راحت تخابر رجلهه يجي علينه ..
كلتلي ليش ممسويه سنج المكسور هذا
كتلهه ليش هو يصير يتصلح
اي طبعا يترمم بس يرادلج كومه فلوس انت تشتغلين اي اشتغل
جمعيلج فلوس واني اخذج لطبيب الأسنان بعدل أسنانج كلها
فرحت كلش واتاملت خير بالايام الجايه
مرت الايام وبطلت اشتري حلويات وجبس وكعدت اجمع فلوس اسوي اسناني
ابويه جان كل فتره يجي وانقهر عليه واخلي بيده فلوس ..
بين فتره وفتر

ه جنت اروح للصالون اشتغل واتقرب من ام بنين واتعلم منها
جانت رنا تدز عليه تخابرني تعاي اروح الها مشي حتى اضعف وصدك بديت انزل كطعت اكل الحلويات والمقالي والخبز الابيض وظليت اكل اكل صحي ..
وبعد اشهر جمعت الفلوس
جانت الحجيه تنطيني ورنا هم واضمهم
فد يوم رحت لام بنين وكلتلهه ع المبلغ كالت اذا نقصتي اني اكملهن الج واعتبريهن دين رحنه لطبيب الاسنان وحجزنا ونزلنه للسوك واخذت ملابس على قياسي الجديد لان نزلت اكثر من عشر كيلوات بأشهر صارت عندي اراده موطبيعيه حتى اغير كل شي بيه .. وفعلا بعد جلسات عند طبيب الأسنان اكتسبت اسنان حلوه ماعاد عندي اسنان مخربطه ولاسن مكسور وجسمي بالنازل وبعد عندي وزن زايد بس داحاول انزله واحتفلت بعيد ميلادي ال18وياهم وشكلي متغير مو مثل قبل ..
طول هالفتره عمار مانسيته جنت قبل لاانام افكر بي واتمنى اعرف اخباره .. بس ماعرفت ابد
جنت اتمنى يشوف شكلي الجديد وشون صرت احلى من قبل بس ماشفته ..
فد يوم تخربط الحجي وصار فد نوب كلش حالته ودخلوا مستشفى وهناك مات خطيه
انقهرت عليه جنت شكد اكعد يمه واداريه وهسه هو ماكو ..
تملكني الخوف بعد الحجي اني وين اروح اكيد راح ارجع ويا مريم وارجع للظيم بعد ماتنفست ...
يتبع ..

[ملكةه]

#في_طرفة_عين
بارت 5
في طرفة عين

صرت اكره الموت واكره أسمع احد مات رغم البلد جان بحاله يخلي الناس متتعجب من اي احد مات بسبب كثرة الانفجارات والحروب ..

اول يوم الفاتحه .. اجه ابويه ومريم من شافتني تفاجئت .. سلمت عليها ..
-كالت هي شنو ولج متغيره ضعفانه صايره ينطلع بيج
- اي لعد شعبالج خو ماابقى جكمه حتى تعيبين عليه

- هاا شنو شسويتي وهي شنو مسويه بأسنانج
- خليت تقويم عندج مانع
- اي بس تره ابوج خطيه هم متأذي بشغله مو بس تشتغلين وتصرفين على روحج
- اني ادري وين اودي فلوسي تره ادري بيج جبتيني هنا حتى ذليني بس الله بعد عيني افشل كل مخططاتج ..
- يمه يمه منج ام لسان وهسه راح تبقين هنا لو ترجعين ويانه ..؟
سمعتها الحجيه واشرت النه رحت الها
هاا حجيه كولي
ابقي هنا حبيبه لاترحين
ان شاءالله حجيه
راحت مريم وابويه واني بقيت يم الحجيه وبهالفتره خطيه تعبت ولزمت عده
بعد ايام رنا رجعت لصالون ولازم احد يبقى يم الحجيه فبقيت اني يمهه وهي تعلقت بيه حيل اكثر من قبل .. وفلوس تنطيني على طول
بنات رنا يبقن يمي ابوهم دائما مشغول يشتغل وي احد الاحزاب السياسيه ..
مرات جنت اروح للصالون واشتغل بمكان رنا اذا عدهه طلعه او سفره
دائما يسافرون يتونسون ولأن صرت خبره بشغل الصالون .. ظلت تعتمد عليه الزم مكانها اني وام بنين
مره كاعدين مخلصين شغل ...
ظلت تباوعلي ام بنين غمزتلها كتلهه ها شكو مضيعه شي بوجهي
ولج شكد فرق شكلج صاير عن اول يوم شفتج بي

اي هههه وهسه شتردين
ولج بعد اكو شي لازم يتغير بوجهج
شنوه بعد اريد اجمع فلوس كافي اصرفه ع التجميل
بعد يرادلج تشيلين هي الشامه مخربتج

كمت اباوع الوجهي بالمرايه .. ورجعت اللتفتت لأم بنين گتلهه اشيلها وانعل سلفه سلفاهه اذا مخربه وجهي ..
اشوفلج طبيب جلديه زين يشيلهه اسأل صديقاتي
اي بس شون راح يشيلهه خو مايصير مكانها مو حلو خوب ابقى عليهه احسن
لا ولج صديقاتي على جم وحده يشيلن الشامه وبعدين الدكتور هو يقرر يشيلهه بالجراحه او بالليزر.
اي اشيلهه ليش لا ..
وشلت الشامه واستمريت بالرجيم تركت كل الاكل الي يضر بصحتي ويزيد وزني وصرت رشيقه نزلت من الـ85كيلو لل65 بس مو بسرعه لذلك ماترهل جسمي وصرت اللبس براحتي .
رسمت حواجبي وسرحت شعري .. تعلمت من رنا أسوق سياره وتعلمت بس مجان عندي سياره مرات اخذ سيارتها ومرات اروح مشي للصالون .
وكرهت الماضي وكرهت ندى وقررت اغير اسمي وغيرته الى نادين ..
كل هذا صار بسنوات بس معبالك سنوات ولا وكانما صار كله بطرفة عين
جنت كلما اباوع للمرايه واشوف شكد تغيرت اتمنى عمار يشوفني ..وهسه اللتقيت
من اشوفه احس اكو حنين للماضي خاتل جوايه يشدني للسنين الي مضت يفتش بذاكرتي ع شغلات ناسيتها او تناسيتها تجبرني على ان احيي الذكريات حتى لو كانت مؤلمه اباوع لأبنه احسه أبني الي مات وشكد حاولت انساه يمكن متناسيته انما نسيته لا
يمكن لو الله لو معوضني بطفل جان يمكن كدرت اكول نسيت شويه مثل هوايه نسوان الله عوضهم باطفال بعد مافقدوا اطفالهم انما اني لا ..
سألني عمار تزوجتي
جان ابالي اكوله هووووايه حجي بس مكدرت
اكتفيت بقول اي تزوجت وسحبت ايدي منه بقلبي گلت واي زواج تزوجت .
ثواني ودك تليفوني شلته ام بنين جاوبتهه كالت مري للصالون اكو فد شغله تعاي شوفيهه كتلهه ماشي .
وصلنه للصالون جان عدنه اعمال بالطابق الفوك جنت اريد اوسعه واسوي مركز تجميل متكامل بالاضافه الى ساونا وجم ..
كلت العمار اني هسه أجي .. نزلت جيكت الشغل ورجعت للسياره
تأخرت عليكم أسفه
لا عادي شنو انت تشتغلين هنا
جنت اشتغل بس هسه زوجي اشتراه الي وخليت بمكاني من يشتغل عني
اهاا مبين رجلج احواله توب
اي الحمدلله
تستاهلين انتِ ندى طيبه وحبابه
شكرا ..
احسه يحجي بقهر
حركت السياره ... ومشيت وصلنه للبيت نزلنه كال هذا بيتج يعني بيت رجلج
لا مو بيت رجلي هذا
اها لعد شون انت مو عايشين سوه لأن كلتي ابوج يمج
اي عايشين سوه بس هو شغل اغلب الوقت واني دائما هنا يم ابويه
لعد مريم وين ؟
طلعت لجوء ويا اخوها للسويد من سنه تقريبا بعد ماتمرض أبويه ..
اها
يلا ندخل ..
دخلته رأسا لغرفة أبويه سلم عليه وماعرفه كتله هو تمرض ووصل الهالحال ميعرف احد ولا يتذكر شي .

بهاللحظه دك تليفوني .. رحت اخذته شفت فرات يتصل .. طلعت رحت بالمطبخ جاوبته
الو
هلا حبيبي شونج
اني زينه وانت َ
يعنيي زين. . شنو رأيج نسافر ؟؟
انت تعرف مااكدر ابويه و (قاطعني)
اي اي اعررف صرت حافظها اسطوانتج المجروخه هايه ابويه والحجيه والصالون وكلشي اله اني بالاخير مخليتني ..
هسه على كيفك ليش دصيح عليه خيرك اليوم
اني اصيح شوكت مايعجبني خوووش
فرات من اصير مرتك كدام اهلك عود ذيج الساعه اسافر وياك وين ميصير
اي تجي ذيج الساعه عود بس اكو فد ناس مايصبرون وراح يطلعوني عن طوري
هه والله اليوم مداعرفك
ولا راح تعرفيني هسه يله باي احببببج
من تعلن زواجنا عود اصدك تحبني
احبجج وغصبا عليج واموت بيج هم ب

ال

عد فااهمه
اليوم حجيك كله تهديد
اي بعدج متعرفيني شسوي من أثور
ههه شعنده الي يخاف من فلم رعب
كولشي عنده نادين كولشي والفلم مو فد شي حتى تعرفيني منه بس انت متعرفين تصرفين ويايه
انت شبيك اليوم متعارك وي مرتك وتريد تطلع الحركه بيه لو شصاير اليوم؟؟
شصاير هه كولي شنو الي ماصاير ابويه غضب عليه واخويه الجبير سوا الي مشكله وابو هديل دزلي تهديد لان عرفوا بزواجنا خابرتج اريد اخذج كم يوم نسافر ارتاح وياج شويه وانت ترفضين !!
اريد احجي گال اشششش مااريدج تحجين هسه روحي المغرب اجيج ومااريد عركه اريد ارتاح وبس

ماشي الله وياك .. سداه حيرني هالفرات وخفت من اهله خاف يسوون الي شي .. بس هو دائما يطمني يكولي انت بحمايتي لتخافين من شي ..

رجعت للغرفه يم ابويه وعمار وابنه والحجيه هم كعدت يمهم تعرفت على عمار ..

بعدهه رحت صبيت الغدا وتغدينه وديت عمار حتى يغسل .. نظراته وترتني متتفسر ابد احس بعيوونه حجي بس مديگوله .. ناوشته الخاولي وهو يباوعلي وكفت بصفه كتله اكو شي تريد تحجي شي انتَ كال

مو هسه بعد
شنو الي مو هسه
شون تغيرتي هيج ؟؟
مثلما انتَ تغيرت جنت حلو وهسه كبران ضعفان ومتغير
تحسر وصلت انفاسه الي كال
اي حقج متدرين الي مريت بي اني كل هي السنين
شنو
تعبان اكدر انام شويه
اي طبعا
باجر لازم أخلص اجرائات تتعلق بمستمسكات ياسر
ليش شبي ماعنده مستمسكات
لا مو هيج اريد اخذه ويايه لتركيا لان اني ماعايش هنا من سنين وجيت حتى اخذه ونعيش هناك اني ويا للأبد
ماشي ربي يحفظكم
ويحفظج
مشيت قبله وهو راح للاستقبال ينام وديت اله غطا وتغطا ونام وياسر كاعد يمه مدد رجلينه ويباوع ع المكان وهادئ..
اما ياسر بقه كاعد مكانه شكد هادئ وانطوائي حتى مرات اصيحه بأسمه ميجاوبني صرت اشك بسمعه
الطفل بعمره يكون حرك هو لا بالعكس مااعرف ليش
تقربت منه .. ماادري ليش احس اكو حب جواي اله حب ماله حدود احساس غريب غريب جداً!!
لزمته من ايده سحبهه مني همست اله ليش تستحي مني هز راسه لااا .. كتله عندك العاب
هم هز راسه لااا
اني راح اجيب الك العاب من ارجع ماشي ؟؟
ماكو اي ردة فعل ..
رحت بدلت ملابسي وطلعت للصالون صار هوايه مرايحه .. ماعدا الصبح جانت زياره خاطفه ..
وصلت وكضيت كم شغله وجيكت هوايه امور ..
بعد ماخلصنه شغل المغرب كعدنه اني وام بنين نحجي كالت
ماكو خبر عن رنا
لا أبد والحجيه راح تفقد عقلهه ودتصير كلش راح تلحك بابا ويصيرون أثنين بالبيت بدل الواحد ويمكن اني الحكهم وافتح شماعيه بالبيت ..

وانت ليش تلحكيهم اكيد بسبب مراد علم دار

ههههه اي هو فرات وطلعلي واحد صفح

منو بعد ولج

يا متدرين اللتقيت بطليقي

احلفي وهذا شجابه هسه واذا اللتقيتي بي وشنو يعني بس لا تحبي بعدج ولج

ماادري

شوف الحظ تكول ماادري

اتمنى احجي ويا عن الماضي بس ماتجرأ

شتحجين

اگوله ماصار بينه شي قبل الزواج وانت ماطخيتني وكل هي لعبه من أمك وخالتك بعد سنين يله اكتشفتها بعد ماكبرت وفهمت

مترهم صار ماضي هذا وانت هسه متزوجه وعلى طاري مزوجه فرات يدري بهذا لقائكم

لا لا ميعرف اتمنى ميعرف واذا اللتقى بي كون ميعرف هو طليقي تعرفين فرات وخبالاته ماناقصه اني اكولج تدرين شي وكعت بغرام ابنه هالمره ههههه

ابنه ؟؟

اي ابن عمار هيج يجي عمره 10سنوات

ولج هذا خاف ابنج وبايكي منج وانت فطيره وفاهيه وكلشي متدرين
هي كالت هيجي أني غصيت اختنكت احس روحي وصلت للسما ورجعتلي .. رحت كعدت يمها كتلها لا عفيه حبابه لاتكولين هيج ابني مات وشبع موت مو هو هذا مو هو

يعني ماتردين ابنج عايش

لا لا ولج. بقيت ايام اشهر انتظر يرجع اليه بعدهه أيست مو عشر سنوات صعبه عليه حييل صعبه
دمعت عيوني ورحت للحمام كعدت ابجي ماتحملت وافكر بحجيهه وادعي مايطلع ابني هذا لأن صعبه حيييل صعبه شون راح يتأقلم ويايه واتأقلم ويا هو جبير مو زغير ..
دكت الباب عليه ام بنين وكالت انت زينه بيج شي
مابيه شي زينه
تليفونج حارك الجو تعالي جاوبي ..
كتله ماشي
اكيد فرات هذا .. غسلت وجهي ونشفته وطلعت ..
اخذت تليفوني شفته رقم غريب جاوبته ..
الو
الو ندى أني عمار ممكن تطلعين يم الصالون مالتج دانتظرج اني عندي حجي وياج ..
ليش صاير شي
طلعي خل نحجي
ماشي دقيقه واني يمك
سداه .. استغربت شبي هذا بس لاصاير شي بالبيت لبست كوت وطلعت شعري منه .. وكفت يم المرايه مسحت الكحله النازله من عيوني لأن من غسلت تخربط كل شي ..
طلعت دنيا مغرب ..دورت عمار شفته واكف كبال الصالون اقتربت منه اباوع لعيونه حمر يخوفن ومخنزر للحظه توقعته شارب وجاي . باوعت لياسر
كاعد ع الارض ابتسمت العمار رغم شكله مو طبيعي كتله من شوكت انتم هنا .. دنكت اريد اخذ ياسر لزمني عمار من ايدي قوي ووكفني كال بعصبيه عوفييي .. وكفت وخرت ايده گتله شبييك غير افتهم

انت مقتنعه بزواجج
شنو وانت شعليك ؟؟
الحجيه حجت الي كل شي
اوووه هم لغت يمك استغفر الله
يعني وحده مثلج لاجاهله ولا زغيره عمرج 26سنه تزوجين هيج زواج مال استغفر

له شنو عبالج انت تايهه ماوراج زلم ماعندج 5 عمام.

بقيت صافنه بوجهه ولزمتني رجفه بهاللحظه ايد وحظنتني من كتفي حييل باوعت فرات ظل ضاغط على زندي بأيده وجعني احس راح يخلعها الي
گال وهو يأشر بيده على عمار
منو حضرة جنابه هذا عرفينه عليه ..
يتبع

[ملكةه]

#في_طرفة_عين
نورا ناصر
بارت 6
قبل سنتين ...
جانت رنا وعلاء وبناتهه اثنين الاء واديان
دائما ابيت الحجيه .. رنا هي الوحيده للحجيه.

علاء زوجها حباب وخوش ولد. هم عدهم بيت مو معدهم بس تقريبا كل يوم يجون النه يتعشون و يباتون .. علاء ماعنده اهل هنا كلهم يا بالخارج او بغير محافظه او مقاطعهم ومايتردد عليهم ولذلك جان يحسبنا احنا عائلته .

سواء رنا او زوجها جان الهم فضل عليه اني جيت باعتباري خدامه بس هم ماعتبروني هيج هم لان اقارب مريم واعتبروني وحده منهم
جانت رنا تعلمني شون اعتني ببشرتي وعلمتني ع الشغل بالصالون ووفرتلي هذا الشغل بعد وفاة ابوها وعلمتني اسوق .. وزوجها علاء جان يعلمني ع الاكل الصحي والاتكيت وهوايه شغلات .. وجانوا ياخذوني اطلع وياهم نتعشا بره او نتغدا او نطلع نتونس كلنا سوه ..

جانت دائما مشاكلهم على شغل علاء .. تجي للبيت زعلانه منه وماتطلع اله تكول مااريده يشتغل وي الاحزاب هذول غدارين يجي يوم ويأذو ويأذونه كلنا
بس هو الله يسلمه معاند وميقبل يبطل ..

وفعلا ترقى علاء بالحزب بس ابد شكله ممرتاح ودائما خايف شكله ويوصي رنا عليهه وعلى البنات. .

يمكن جان اكو اله اعداء داخل حزبه ويترصدوله او بينهم منافسه وهو الي فاز عليهم بالترقيه فحقدوا عليه .. هيج جان واضح ..

وبيوم جانت رنا يمنه خابرها جهزي نفسج بسرعه دنطلع اخذي شغلات ضروريه فقط وباسرع وقت
ظلت رنا محتاره وخايفه عليه وتبجي كل الي عرفته راح ينهزمون .وبأن هو ميگدر يجي وراح يدز جماعه وراهم .. ليش وشصار منعرف شي .الحجيه شافتهه وكلش صارت فد نوب كعدت بالارض تسبح وتدعي ..

نص ساعه واندگت الباب .. الكل جان خايف ورنا كعدت بالارض وحاضنه بناتها ومتكدر تكوم ..

تجرأت اني ورحت فتحت الباب ..
شفت شباب اثنين من الخوف ماميزت اشكالهم بس مدنكه وكلت نعم تفظلوا ..
تقرب واحد منهم ويحجي بصوت أقرب للهمس گال وينها أم ألاء احنه دزانه الاستاذ علاء .. كتله لحظه رحت اركض واتعثر وصلت الهم متحاضنين كُلهم ويبجون وخايفين منظهرهم اصاب قلبي بسهم وجرحه بلحظتها جتي على بالي أمي .ياترى من تركتني هم تألمت ؟؟.. بلغتهم كوه شلعوا روحهم من بعض
والحجيه مكدرت تكوم بقت كاعده وتبجي,
رنا لزمت ايدي وتبجي كالت لتتركين امي هي بأمانتج هسه ..
هزيت راسي حاولت اقوي قلبي وماابجي واوعدها راح اخليها بعيوني حظنتها وطمنتها
لتخافين مراح اكون ناكره واعوف الحضن الي احتواني في حين اقرب الناس تخلوا عني .. راحت رنا بعد ماباست امها قبله خاطفه على راسها وطلعت بقت الحجيه تلوب وتبجي وتحجي على علاء
لأن ورطه روحه وياهم وذول غدارين ومينحزرون
حاولت اهديهه بقت هوايه كاعده تبجي اخر شي وديتهه الغرفتها انطيتها دواهه وغطيتهه كعدت يمها لحد مانامت وطلعت .
جان الجو حار رحت سبحت وطلعت. سمعت صوت جوه نزلت ورحت يم الباب مال الاستقبال الرئيسي.
سمعت صوت يمه بقيت واكفه لحظات وانكسر القفل اندفرت وطبوا منه ولد متتت خووف صرخت اريد انهزم لزمني واحد(فرات) من ايدي والمسدس بأيده
اني من اخاف ماابجي ولااتوسل تبقى بس عيوني مغورگه وتصير حمره هو لزمني ايدي وقربني اله حيل ايدي الثانيه طخت بصدره ظل يباوع بعيوني . اشر للولد يفتشون البيت جان عددهم سبعه او 6 على اقل تقدير فاتوا يفتشون وهو بقى لازم ايدي ..
بحديه گال وينه علاء ؟
مما عرف وين
شنو يقربلج ؟
ممايقربلي شي
لعد هذا مو بيته وانت ابيته شون ميقربلج شي ؟

احجي عين عليه وعين ع المسدس اول مره اشوف مسدس وميته خوف وهو يباوع على كل مكان بيه واكثر شي يباوع ع صدري اني ناسيه نفسي ولابسه بدي اسود دلع شفته يركز متت خوف لميت دلعة البدي بيد وحده اغطي صدري فتح عيونه وخزرني. كتله اني هنا ادير بالي على ام مرته
كال وين اهلج لعد
كتله بفلان منطقه .. ضجت من اسئلته ونظراته ابد مو مريحه ..
سفطني ع الحايط بيده وبقه واكف يمي قريب عليه درت عنه وجهي بس احسه يباوعلي ..
ظلوا الولد يتجمعون يمه كلوله مالكينه شي لا علاء ولا الفلوس وماكو بس مره جبيره فوك ..
حجه وياهم وصرفهم اني منتكيه ع الحايط و دايره وجهي مااريد اباوعله .. اجه يمي مره ثانيه .. بلمسه من اصبع الابهام والسبابه خلاهم على حنكي ودار وجهي عليه باوعتله خليت عيني بعيونه بخوف ورهبه گال شنو اسمج ياحلوه ؟؟
بلعت ريگ كوه طلعت الكلمه وكتله نادين
كرصني من خدي وي خصله مبلله من شعري جانت واكعه على وجهي بعدهه وكال نلتقي بغير وكت نادين .. وابتسم وراح وكعت بالكاع اللتقط انفاسي يربي منين جوي ذول منين رحت اركض للفوك بس احس كل قوه ماعندي جسمي كله يرجف خفت منه لا يسويلي شي بهالليل .. وصعدت فوك وطبيت للحجيه خفت عليها شفتها كاعده ع الجربايه رحت يمها بسرعه ذلت تأشر بيدهه وتحجي بسرعه وخوف منو ذول يمه منو ذول وشيردون
يردون علاء
خو ماسوولج شي
لا حجيه ماسوولي شي لتخافين انت زينه مابيج شي.

مابيه شي مابيه شي بعد شريد اشوف اكثر من هذا شريد اشوف اخخ منك عليوي شكد راسك يابس عمت عيني عليج رن

اوي عمت عيني
ظلت تلطم على رجلهه
حاولت اهديهه ماتهدا اذا تخربطت وين اروح بهالليل اني .. ؟!!
بعدها شويه شويه هدأت وسكتت شتريد تسوي ..!

مرت يومين ماكو خبر من رنا والخوف مسيطر علينه عليها وعلى حالنه . واني ماطلعت من البيت الحجيه وضعها تعبان كلش خابرت أم بنين حجيت الها كل شي انقهرت خطيه على رنا صديقة عمرها ..
وضع الحجيه مجان يطمن وصار لازم اخذهه لدكتور يشوفها .. كلت الها خلي نروح العصر للدكتور مالتج
كالت مالي خلك
ميخالف حجيه فدوه العمرج رحت اني هسه رنا تخابر وتطمنه عليها
الله يسمع من حلگج و(بجت )
للعصر بدلت والحجيه هم ساعدتها تحضر نفسها
اخذت سيارة رنا وطلعنا من البيت
شفت سياره وضعها غريب بالفرع مالنه
كلش خفت معقوله يعوفونا بحالنه ؟؟
رحنه للطبيب وجيك ضغطها تعبان كلش صاعد
بين ماخلصنه تحاليل كولسترول وغيره صار المغرب رجعنه للبيت وبدل السياره الغريبه سيارتين واكفات قريب البيتنه. نزلت اريد افتح الباب حتى افوت السياره للكراج اجه يمي واحد باوعتله
خير اخي تريد شي.
أستاذ فرات يريدج
نعم ؟؟
اي هناك بذيج السياره عنده حجي وياج
باوعت لبعيد السياره راكنه ع صفحه وممبين منها شي كلها مظلله ودنيا ليل بعد بالزايد مشفت شي
كتله بس دقيقه ادخل الحجيه للبيت
هز راسه وراح
هي شنو بلوه الله بلاني بيها توقعت بعد سنين التغيير هي راح ارتاح اشو تطلعلي سوالف سوالف !!
نزلت الحجيه وفتحت الباب وهي بتعبها هذا تسألني شنو شصار
حجيه ماكو شي انت أخذي راحتج
طببتها للبيت وطلعت .. الولد بعده واكف اشرلي مشيت وراه وصلنه للسياره فتح باب الوره جان فرات كاعد ويخابر غمضت سحبت نفس حاولت اقوي قلبي ونجحت احس قلبي مثل التراب ومطرت عليه بعد مانشف صار حجر .. باوعلي اشرلي براسه و ايده فوتي ...
السياره عاليه كلش كوه كدرت اصعد واباوعله بخزر وحديه ما ان صعدت وكعدت انسدت باب السياره ظليت اتلفت ع الباب مصدومه !راح ابقى ويا وحدي !
على ما خلص المخابره اني كاعده بصفه انترست ريتي من عطره . الضوه الخافت الي لونه اصفر مال السياره وترني
فرات لابس قميص ابيض ومشكل ردانات ايده تزينها ساعه ماركه فخمه ..

باوعلي
هاا نادين شونج
عزه هذا لسه يذكر اسمي حبيت اخذ وانطي ويا بالحجي ماابين اله اني خايفه وفعلا ماخايفه شيريد يسويلي اني ممأذيه احد ولاالي علاقه بشي اني غريبه هنا ..
كتله بخير استاذ الحمدلله شنو المطلوب مني
- استاذ ؟؟؟ هه اي ماكو خبر من علاء
- لا والله ماكو خبر
- اذا اكو خبر راح تكوليلي ؟؟

الضوه الخافت ,عطره ,نظراته وكلامه كلهن خلني افقد توازني واتوتر واعرك
مسحت عرق جبيني حاولت اقوي نفسي مكدرت شراح اجاوبه احتاريت من اتوتر ابقى اخلي شعري وره اذني وارجعه واكرر هالشي ..
كتله استاذ الله يخليك اني هنا غريبه اشتغل هنا مااقرب الهم لا من بعيد ولا من قريب ومالي علاقه بهالموضوع كله .
المهم باجر راح ادز عليج استجوبج
ليش تستجوبني انتوا منو اصلا ؟ انتوا شرطه ؟
- احنه مو بس الشرطه احنا الحكومه احنا الدوله كلها ماشي وهسه دنيا ليل وانتِ جايه تعبانه خلي كولشي على باجر
- شوف اني معندي شي اگوله ابد كل الي عندي كلته ومااعتقد راح اضيف شي

ميل جسمه عليه متت من الخوف
مد ايده فتح باب السياره وكال نزلي
عبالي راح يسويلي شي نظراته ابد مو مريحه وكحه كلش
يركز بمناطق بجسمي . واني لابسه بنطرون جينز وبدي رصاصي ربع ردن وحصر .خلاني اكره لبسي ..
نزلت بسرعه طفرت طفر ورحت امشي بسرعه خاطفه صعدت للسياره وطببتها ورجعت سديت الباب كعدت بالطرمه خايفه وين جانت مضمومه الي هي شراح اسوي ياربي . من دخلت مكدرت اجاوب على اسئلة الحجيه كتلهه ماكو شي يخوف ليظل بالج
رحت للحمام دخلت جوه المي ونظرات فترات بعدهه احسها على جسمي شكد جنت اتمنى اصير حلوه بهاليوم تمنيت ارجع ندى القبيحه
بسبب فرات عرفته ماناوي على خير والا شيريد مني اني قابل شمسويه وشعليه بفرات بس هذا يريد شي وظل سؤال ابالي شمسوي علاء ؟؟!!!
بالليل اجوي اقارب الحجيه كومه ومنهم اختها الوحيده الي جانت سنين مقاطعتها بسبب رنا لأن رنا جانت متزوجه ابنها قبل علاء وتطلكت منه وسبب طلاقها من ابن خالتها قطيعه دامت سنوات
هي شافتهم ظلت تلوب وتبجي وهم الله يسلمهم مايعرفون شون يصبرونها
ظلوا يحجون على رنا شون تزوجته هذا المهتلف الي حتى اصل ماعنده ماجابتلج غير وجع الراس هالرنا هي
اني اقدملهم وضايجه كلش وهم يطكون بالحجي عبالك مسامير
يكلولهه بيعي البيت وتعالي يمنه ويباوعون عليه عبالهم راح اخذ من الورث ...
على ما راحوا اني تعبانه كلش ومسطوره
دك تليفوني شفت مريم جاوبتهه
الو ها مريم شلونكم
موزينين ماتدرين بابوج بالمستشفى
منين ادري اني غير تحجين شبي بالمستشفى هي كلها من وره كركتج
باعي تعاي لابوج اني اريد اسافر
متسافرين تخلصينه منج وابويه اني ماتخلى عنه حتى لو تخلى عني
اي تعاليله بالمستشفى
اي اخذتي لحم شمرتي عظم خلف الله عليج ناقصة اصل
دطييري .. سديته بوجهه ..

نو

ب ابويه بالمستشفى هي منين طلعتلي

الليل كله نمت واني خايفه .. وعيون فرات متفارگ خيالي ..
الصبح كعدت اتوسلت بالحجيه تاكل ماقبلت
كمت نضفت البيت كله وصلت للطرمه نضفتهه ودخلت كعدت يم الحجيه تون .
اندكت الباب رحت فتحتها هم واحد من رجال فرات
كال يله حتى ترحين ويانه
وين ان شاءالله
استاذ فرات يريدج
كوله الي عندي كلته معندي شي اضيفه وسديت الباب موتني هالفرات هذا
دخلت للبيت. اندكت الباب مره ثانيه طلعت فتحتها توه اريد ارزله مد الي ايده بيهه التليفون كال الاستاذ فرات ع التليفون يريدج
ذبيتهه حسره جبيره بغضب وتناوشت الفون منه
كلت الو
كال والله يانادين اذا ماجيتي تشوفين شي عمرج مشفتي
وبعد ماحجه سده
كلت للولد خوش انتظرني بينما ابدل ملابسي
هذا يهدد شون بي خفت من تهديده اني من وين طلعتلي هي السالفه ..
رحت للبيت كلت للحجيه اني راح اطلع. امشي اوديج يم جيرانه ام حسن تحبيها انتِ
ماريد مالي خلك
زين اجيبهه هي يمج عندج رقمها بتليفونج اخابرها
اي عندي رقم جنتهه

اخذت تليفونهه وخابرت جاوبتني بنتهه كتلها تدز امها
كعدت انتظرها بينما تجي
من اجت شفتها يم الباب
سلمت وكالت هذول مكابلين بيتكم وكاعدين هذا شمسوي من مصيبه
والله ياخاله ماادري انوب يردوني احجيلهم وكعت براسي ياخاله
الله يستر عليج يمه ديري بالج هذول يخوفون
والله ياخاله ماادري. ديري بالج ع الحجيه
اي بعيني روحي انتِ

لبست قميص ابيض وفوكه ستره صيفيه طويله لحد الورك وجينز والمكياج مااستغنى عنه
اله اخلي .. خليت شويه وطلعت
يمكن الولد طكت روحه هالكد ماانتظرني
يطبه طوب مكايلتله تعال ..
صعدت ويا وره وهو حرك ومشت السياره
هسه الي يشوفني كل يوميه صاعده وياهم شراح يكولون عليه يربي سترك ..
وصلنه للمقر مالتهم اني بلحظتهه متت خوف
امشي وره الولد الي اجه عليه
لحد ما وصلنه الغرفه ودخلت بيها جان فرات كاعد وواحد وياه بس دخلت صاح فرات تعاي نادين كُعدي
مشيت بخطوات يائسه وكعدت هو جان كاعد ع كرسي المكتب
والثاني كاعد بصف المكتب اني كعدت كباله
فرات اشرله وظل يسألني عن علاء وعن علاقتي بيهم كلت اله جيت اداري ابوهم وبعد مامات تمسكوا بيه وفرولي شغل
سالني اذا علاء جاب فلوس للبيت بالفتره الاخيره جاوبته مشفت هيج اني ابد
خلص من الحجي ويايه بعد ماسألني كومه اسئله عن علاء واني كلشي ماعرف عنه .. باوع الفرات اشرله وراح طلع بره .. كمت اريد اروح بدون مااحجي
رأسا كام فرات وصار گبال الباب وطبگه .. وصار حاجز بيني وبين الباب
كتله رجاءا مو خلصت استجواب خليني اروح
اني بعدني ماخلصت اريد اسألج اسئله نادين صدك انت مطلقه ؟؟
هذا كلش زودها عصبني هو منو حتى يسألني هيج سؤال خزرته كتله انت ماعليك ويلا وخر خليني اطلع ظليت اصيح لزمته من سترته اريد ابعده عن الباب من لا جاره .
لزمني من ايدي وقربني كلي عليه كبلني وخله شفته على شفتي ..
يتبع

[ملكةه]

#في_طرفة_عين
نورا ناصر
بارت 7
في طرفة عين ..

بحركه جريئه خل شفته على شفتي ويجرها
ادفع بي ماكدر مكبلني
نبتت اضفري بيده وخر يباعلي ويبتسم ونزل راسه يباع لايده مكان اضفري
كتله انت شكد مقرف ..
صفني ع الحايط يباوع بوجهي وگال اريدج نادين دفعته
راح للباب قفله . مراح اخلص اليوم شلون بيه
كتله
ليش قفلته افتح الباب خليني اروح اني مو مال هيجي حرام عليك
ضم المفتاح بجيب القميص الي ع الصدر وگال تعالي اخذي واطلعي
بقيت اباوع ع الباب واباوع اله شسوي اريد ابجي اتوسل حتى يعطف عليه ويخلي سبيلي بس مداكدر اسوي هيج
هو واكف بنص الغرفه تقربت اله وماعرف شراح يسوي الي !!
تقربت اله كتله باع انطيني المفتاح خليني اروح
مو كتلج تعاي انت اخذي مااشتغل عندج اني تريدي تعاي اخذي
غمضت سحبت نفس وزفرته وظليت اتنفس سريع يمكن انفاسي هي الصوت الوحيد المسموع بالغرفه بهاللحظه
تقربت منه وبيد ترجف مديت ايدي لصدره وخرت الستره وخليت ايدي بجيبه وهو واكف صنم ويباوعلي وشبه مبتسم .وعيونه بعيوني واني روحي كلها تترقب شراح يسوي بعد ماصرت قريبه عليه

ماان تلمست المفتاح لزم ايدي باوعتله بتوسل بس مكدرت انطق
غرس اصابعه بشعري وقرب وجهي لحد وجهه بيده الي لازم بيهه راسي وگال
نادين انتِ الي
رخه ايده الي لازم بيهه ايدي الي بجيبه خلاني اخذ المفتاح بكل سهوله
وابتعد خطوات عني درت عنه ماصدگت اهرب.. فتحت الباب وطلعت مثل العصفور الجان محبوس بقفص وهسه طلع .. الحمدلله الممر شبه فارغ والا الكل راح يلاحظ مدى توتري والحاله الي اني بيها ملابسي تبهذلت امشي وارتب بيها .. شعري تبعثر جنت رافعته بقراصه انفتح من دخل اصابعه بشعري امشي والم بي ..
اريد اطلع احس المسافه صارت طويله واحسه يمشي ورايه .. اتلفت هو ماكو بس صار عندي هاجس
حد ماطلعت من المقر اني ميته خوف واحس لسه لازمني ويبوس بيه خليت ايدي على شفتي امسحها رفعت راسي اباوع للمقر احسه يراقبني من وره الشبابيك ..
بسرعه ابتعدت امشي وخليط من المشاعر بداخلي ماعرف شنو احساسي .. اتذكر حركاته شكله وعطره كله جاذبيه ظليت اضحك عليه لو شايفني قبل شون جنت مجان سوه ويايه هيج
مجنت متصوره بيوم من الايام هيج واحد راح يلتفت الي مو بعد يبوسني ..
لحظات احس بالقرف لحظات مشاعر ثانيه مضمومه .
اخذت تكسي ورحت للبيت اول موصلت حاسبت ابو التكسي ونزلت .. اكو خجل بد اخلي شون انزل احس الكل يعرف بلي صار .. دخلت سلمت عليهم .
كعدت شويه وانتبهت على تليفوني ماكو
خررب كلبت الدنيا عليه ماكو اكيد نسيته او اخذه مني فرات
اخذت تليفون الحجيه وخابرت
ام بنين ومريم
اول اتصال وي مريم خابرتها . ظلت تحجي عليه وابوج وابوج وليش ماجيتي كتلهه العصر اجي

خابرت ام بنين
ها شونج
والله شكولج من اشوفج احجي هسه مااكدر
يمعوده لا انتِ لا رنا والصالون بس عليه صاير زخم وناس تجي تريدج وناس تريد رنا واني هم وحدي مدالحك
اي حقج بس صارت شغله والله
اكولج البارحه كومه صرفت ناس مدالحك والشهر مباقيله ويخلص منين راح ندفع ايجار وشيبقالنه واليوم جبت بناتي ويايه يساعدني وباجر خميس ضروري تجين اكو وحده اسمها نسيم تعرفيها
اي شبيهه
عيني هي ميعجبها اله شغلج وباجر عدهم مناسبه ضروري تجين الصبح
اي ماشي احاول اجي
اي عيني ميردن شغلي
انت الخير والبركه اني شنو
لا انت متجدده وشغلج حلو اكو طلب عليج هالايام
الله كريم بعد الصار ماعرف شون راح اشتغل .
هو شنو صار
احتمال امر العصر عليج واكولج هسه خلي اروح اطبخ شي للغده
يله ماشي باي
باي .
سديته منها ورحت طبخت الاكل وام حسن راحت والحجيه ساعه تبجي ساعه تصلي ساعه نايمه !!
خلصت طبخ وخليت الاكل مثلما خليته شلته محد اله نفس .. دا اشيل المواعين دگ تليفون الحجيه رقم غريب
شلته هذا صوت رنا خطيه صوتها مخنوگ بالبجي
صحت رنا
اجت الحجيه تركض خمشت التليفون مني
من كد الضغط اذانها شكلت ومتكدر تسمع بيها فتحت الها سبيكر
رنا تبجي وامها تبجي
اه شكد حلو الام لمَ تكون حنينه وقلبها على اولادها احلى شي بالدنيا
تذكرت البيبي من جانت تبجي ويايه من مات ابني احساس صعب شكد مشتاقه الها .. حتى قبرها مزايرته اتمنى ازوره حييل سنين مرت بسرعه وماحسيت بيها
اخذت التليفون من رنا كالت احنه بالشمال وقريبا نعبر التركيا احتمال بالتهريب نعبر لان علاء ممنوع من السفر .. خطيه تاهمينه بسرقة اموال الحزب مبلغ خيالي فوق المتوقع وكلها من فلوس الشعب طبعا
وكالت هو برئ مماخذ دينار .. بس حظه وگعه بهيج بشر ..
شويه الحجيه ارتاحت بعد ما سمعت صوت رنا وكالت صبيلي اكل .. جنت طابخه باميه وتمن وعليه دجاج صار الي واهس اكل وياهه كعدت اكلت هوايه صارلي مماكله هيج اكل .. بس النفسيه محتاجه وكعدت اسحك وياهه احس صارلي كرش من وره هالغده
ضجت كلش غسلت مواعين ونضفت المطبخ وشريت ملابس وصعدت الدرج ونزلته 5مرات احس فحطت
رحت شغلت جهاز الجري وصعدت عليه نص ساعه
صارت ب2الظهر واني تعبانه تمددت ع السرير اريد اغفي ساعه واكعد احضر نفسي

اروح لابوي
بسرعه مر الوقت وكمت على السريع بدلت ملابسي ورحت للحجيه كتلها ابويه مريض لازم اروح اشوفه كالت اروح وياج
كتلهه ماشي ..
قررت ماروح بسيارة رنا اخاف من فرات خاف يترصدلي بالطريق
اخذ جيرانه يشتغل سايق تكسي ..
دزينه عليه واجه للبيت وطلعنه ويا
وصلنه للمستشفى.
شفت ابويه شكد تعبان بس شافني ظل يبجي اول مره يبجي كدامي جان وحده خطيه محد يمه انقهرت حيل عليه تمنيت اني ولد وابات ويا لان الردهه للرجال وميصير النساء تبقى تبات ويا .لزمت ايده وبسته وبست راسه مهما يكون هو ابويه !!
ماعرف ليش مرات يصير الدمار الأكبر من الناس الاقرب وخاصة الاهل دائما يكونون سبب بأذية ابنائهم بدل من احتوائهم ومساندتهم ..
گلي ندى اني وكعت وانتكست وموتي قرب راح تبقين وحدج
ضحكت گتله
بابا اني طول عمري وحدي وماشي حالي انت ليش تهتم وبعدين عمرك طويل لتكول هيج
ديري بالج على نفسج واي واحد يجي يخطبج وافقي يابنيتي لاتظلين وحيده الرجال الج سند وانت لاعندج اخو ولا احد يسندج هالتشوفين عمامج خابرتهم تعالوا اخوكم مريض وعلى فراش الموت كل واحد طلع اله عذر ومااجه وكالوا الطريق بعيد الدنيا تكاطعت يابنيتي ديري بالج على روحج ..
هو محد طيح حظنه غير عمامي الله لايوفقهم وابويه تزوج مريم ويدري بيهه جانت مطلقه قبل ومتخلف وصمم اله يتزوجها وقبلها امي وهم جان اختيار خاطئ !!
لو متزوج وحده مخلفه ع اقل اخت او اخ اليه ..
بس بعد هذا المقدر والمكتوب على الجبين لازم تشوفه العين ..
للأسف ابويه شخصيته ضعيفه ومايعرف يتصرف وهذا الشي الي الله بلاني بي ..
بقينه يمه بعدهه اجت مريم واخوها كالت راح يبات يمه وخرطت خررط على عمامي لحد مكالت بسس
انطيتهه فلوس ورجعت ويانه بالتكسي لبيت اهلهه واني والحجيه رجعنا للبيت
بقه ابالي تليفوني بي كوومه صور
وصور بنات صديقاتي بالصالون هي شون مصيبه
من كد الهوسه الي جنت بيها وبالي يم ابويه نسيت اجرب اتصل على تليفوني اشوفه وين
رحت اخذت تليفون الحجيه واتصلت على تليفوني دك مره واثنين محد يجاوب
بالثالثه جاوبني واحد وحجيت ويا كتله
الو هذا تليفوني ممكن ترجعه الي
هه تريدي تعاي اخذي اريد بعد فد جره من شفافج

عرفته هذا فرات وتليفوني يمه جنت خالته بجيب الستره وملابسي تبهذلت من وره جرجرته اكيد وكع بلا ماحس اني
هسه هذا شنو اجاوبه ؟؟؟

كتله عفيه اتركني بحالي تره اني مو مال هيج سوالف
اي لاتستشرفين براسي اني اعرف انتِ شنو ؟ ترديني اعوفج نفذي الي أريده منج واعوفج
شنو تريد ؟حجيت بخوف وارجف
صيرين حبيبتي
شون يعني اصير حبيبتك هيج بلا مقدمات ؟؟
اي يعني عشيقتي ونلتقي ابيتي جاي تفتهمين شنو اريد

بعدت التليفون كلت مقرف اخذتني قشعريره من كلامه هذا شديحس ليش هيج يطلب مني اشاف عليه
كال الو الو تره سمعتج انت مراح تخسرين شي ومعندج شي تخافين منه يعني وحده متحرره مثلج اطب وتطلع وحدها وتلبس براحتها مااعتقد تعترض على مطلبي ..
اكولك اخذ التليفون الك انتَ وضميرك ومراح انطيك الي تريده اني متحرره مو معناهه مبتذله او ساقطه انطيكياهه من الأخير اني مو الك هيجي زين باااي

سديته بوجهه وكعدت احس وجهي تطلع منه نار من السخونه اختنكت اريد هوا لعب نفسي احس بغثيان ومغص ابطني كعدت بالارض واتذكر كلامه شكد مقرف .
الليل نمت ساعه ساعتين والباقي جنت محتاره وخايفه بين النوم واليقضه مدري ياساعه يجيت علينه وخاف يأذيني .
كعدت الصبح لازم اروح للصالون شلون بيه وشلون بالحجي عفيه حياة حياتي بدايتهه ظلم ويتم وحرمان وعذاب وفقدان ومنتصفها حيره وخوف وتاليهه ماعرف ايش
نضفت البيت وشريت الملابس الشمس من السته طالعه شهر الثامن وحر موت رحت طلعت دجاجه قسمتها بالنص نص رجعته بالفريز والخ وخرت عنها الجلد وسويت الهه صلصه روب ومعجون وصاص وليمون وملح وبهار وخليتهه بالكيس مال الشوي ودخلتهه الفرن . طلعت خبز اسمر من الفريزر وحضرته وسويت زلاطه ..
وخلصت كل شي ..
شون راح اروح للصالون يربي شلوون ..
لازم اروح وضروري واجباري مابيهه خط رجعه خو ماتوكف حياتي ..
لبست فستان طويل ووياه شال خليته على راسي
كلت للحجيه لازم اروح للصالون عندي زبائن حضرت الج الريوك بالمطبخ واذا خابرت رنا لاتتصل على تليفوني واي احد يخابر او يجي يسأل عليهه لتنطينه خبر عنها ابد واني راح اجي الظهر اغديج

يمه روحي الله يستر عليج ان شاءالله
اي والله خاله ادعيلي بالستر .

طبيت للمطبخ طفيت ع الدجاجه وطلعت لجيرانه خلي يوصلني رجال اربعيني بس نظراته مزعجه ماظلت حشمه للجيران بس شسوي مجبوره .
وين أروح والمن انطي وجهي واني ماعندي سند !

وصلت للصالون ..
سلمت على ام بنين وجايبه بنتها ويانه مدنلحك بعد رنا وراحت كعدنه نسولف حجيت الهه على رنا
بس محجيت شسوه بيه فرات حسيته محلوه بحقي هالشي

اتستر ع الموضوع أحسن ..
قررنا نجيب وحده ويانه بس لازم خبره
بنت ام بنين الوسطانيه تدرس بالكليه بس هالفتره تساعدنه يعني بس مدة شهرين وهي هم كلش حلو ترسم الحاجب وتنضف ا

ل

وجه ونشطه بشغلها
وكلش قريبه اسمها ياسمين .. عكس بنين الجبيره هم تدرس مرحله اخيره السنه الهه بس من تجي تساعدنه شغلها ثگيل گوه عليها ..
بين حجينه دخلوا بنات وكمنه نشتغل ..
ساعه 9 جتي نسيم ووياهه بنات 4 سلمت عليه وعرفتني عليهم وحده منهم وهي العروسه زوجة اخوها والليله حنتها
هي ثاني مره تجيب عروسات اخوانها ومره جابت اختها هم عروس اشتغلت الها اني
انقهر عليها من خلال كلامها وشقاهه تتمنى تتزوج عمرها 35سنه .. اخوانها واخواتها اصغر منها تزوجن وهي لسه رغم شكلهه حلو مقبول بس قسمتها واكفه .

العروس جانت صغيره بالعمر مبين عمرها 16او17
كعدت احجي وياهه حتى اعرف ذوقها وشنو تريد طلبت كتلوكات طلعت الها وظلت تختار
كعدت انتظرها ومااريد ابلش بغيرها اريد اتفرغ الها
اشو هي لزمت المجلات وظلت نايمه عليهن ماعجبها شي
كمت امشي اباقي البنات وبديت بميسم نضفت بشرتها وخصلت شعرها .. وكعدت انتظر الخاتونه تخلص ماكو .. صارت ساعه 11ونص وهم يردوهم ب2 لان بيت العروسه بعيد بينما يوصلون ..
اخر شي سألتها ماخلصتي امها جاوبت عنها كالت لا
صارت ب12 ونص واني من هوسه الهوسه عصبت كلش
كتلهه يله ياعيني تره ماعندي اليوم بطوله وانت يردوج على وكت
كالت امها خلي تاكل بالاول لتبقى جوعانه
يابه ختاكل بالعافيه
وهي شون مايعه تكعد تمصغ باللكمه سنه واني انتظرها
خلصت وراحت نضفت اسنانهه الخطوه تجرهه سنه وتتلفت تحجي وي امها
شلعت گلبي لو ما فشل من نسيم اني اعوفها وابلش بغير وحده وشوكت متخلص خلي تخلص مو ذنبي عروستهم هيج بارده جنها قالب ثلج .
خلصت واجت شوفتني التسريحه الي اختارتها والمكياج باوعت الوجهه ميلائمها والمكياج هم هي عيونها مبطنه ميرهم الها هذا اللوك
كتلهه يابه تره ميرهم الج وجهج طويل والتسريحه هم مترهم
اشو هي عنتكت اله هذا اللوووك
ام بنين كلتلهه تخسرين اذا ماتاخذين كلام نداوي تره هي خبره ومتتلمذه على ايد كوافيره لبنانيه
مقبلت وركبت راسها كتلهه عادي على راحتها اني مخسرانه شي
سويت الهه التسريحه والميك اب بالضبط مثل ما رادت
واكو جان عروسه ثانيه وعدهه حنه هم بلشت بيها ابد ماتعبتني بس كتلها شنو تردين شنو ابالج
كالت ع ذوقج
اشتغلت الها على ذقي وهي ناعمه وهم زغيرونه طلعت لعابه كلش حلوه الله يهنيهه
اشو العروس زوجة اخو نسيم اباوعلها تبجي ونسيم تغمز الي من بعيد رحت كتلهه هاا شبيها كالت امها مستحيه منج تريد تغير التسريحه
معجبتها عفيه سويلهه على ذوقج وحتى المكياج هم
كتلهه والله الخاطر نسومه اني خلي تكوم تمسح المكياج بينما اكل شي متت جوع .. واني كوه واكفه على رجليه ..
رحت اكلت بسكت وريحت رجليه كلش هلكت ..
وصحتلهه كعدت على الكرسي كالت يصير تسريحه مثل تسريحة ذيج البنيه
كتلهه بنتر لا عيني ميصير خليني اني اشتغلج على ذوقي ذيج وجهه مدور وراهمتلهه التسريحه انت تقاسيم وجهج تختلف
دنجت استحت كرصتها من خدها كتلها راح اسويلج شي مقارب الها لاتزعلين
ضحكت واشتغلت الها
حاسبتهم وراحوا ..
ياسمين : يبووو هي شون راح يتحملهه رجلهه كلش
مززززعجه وعنيدده
أم بنين : اكو فد هم صايرين مزعجين وعنيدين وراسهم يابس
نادين : ههههه اسمع صوت قصف
ياسمين :ماكو شي نادو ارتاحي اني اكوم اغسل الفراشي واعقمهم

راحت ياسمين للحمام واحنه بقينه اني وام بنين
تقربت مني كالت خطبها ماهر ابن اختي علياء وهي متردده

خليهه على راحتها لازم تكون مقتنعه هذا زواج مو لعبه ولا يوم ولا يومين العمر كله ..
اي بس متلگه مثله ولا مثل امه وهو فضلها على اختها ورادهه هي وهي تتبطر وبعدين انت تعرفين شكد وكفتلي اختي ورجلهه وولدهه من مات زوجي الله يرحمه وكفه ماانساهه ابد
اي صحيح حبابه علياء اني من شفتهه حبيتهه بس هم ارجع واكولج خليهه تقتنع .
يصير خير ..
اريد تليفونج اخابر الحجيه ظل بالي يمها
اخذي مالكيتي تليفونج
لا ملكيته
خابرتها متجاوب ظل بالي يمها
كلت الهم راح ابدل واطلع للبيت اطمئن عليها وارجع
لبست نفسه الجيت بي لان نزعته بالصالون ولبست برمودا حتى اخذ راحتي بالشغل .. وطلعت بعدهه ظهر والشمس حاره اباوع للشارع اخاف اخذ تكسي ، خاف يطلعون جماعة فرات وياخذوني گبل ، اروح مشي احسن حتى لو الشارع فارغ بس اكدر افلت حتى لو ادخل على البيوت الي بالفرع
اخذتني رجليه ومشيت .. الشمس حاره وعرك كل جسمي .. واني امشي حسيت سياره تمشي وراي زدت من سرعة المشي وبنفس الوقت قلبي زاد نبضاته من الخوف .. دنگت راسي ومشيت واحس السياره صارت بصفي وتمشي بنفس سرعتي .. واسمع صوت
ماتريدين تليفونج وطلعه من الجامه يأشر بي
وكفت باوعته فرات يسوق لابس نظارات سوده ومطلع ايده من الجامه . وبيده
تليفوني !!
وگفت .. مديت ايدي دا اخذه لزم ايدي قوي وكال
بعد لاتسدين التليفون بوجهي مفهوووم ؟بقيت واكفه اباوعله كال اوصلج ؟؟
سحبت ايدي والتليفون منه ورحت امشي ..
وهو هم يمشي بسيارته ويحجي
كال على فكره الصالون اني اشتريته من صاحبه وخلال شهر او اقل اريدكم تخلونه لان ار

يده اسوي بي مشروع .. وحرك السياره وراح كبل

اني بهي اللحظه انهاريت حسيته لزمني ايدي التوجعني يربي كل شي ولا شغلي وهذا رزقي ورزق ام بنين هوايه تعبنه وحتى دخلنا دورات تطويريه نطور نفسنا وصارت علينه رجل وناس تعرفنه وشغلنه حلو وبهذا المكان بالتحديد وين راح نروح اذا كلامه صحيح
كعدت ع جانب الطريق احس بعد ماتحمل الشمس سطرتني وكلام فرات هم
كعدت ولزمت ايديه اثنينهم ومديتهم كعدت بيأس
سمعت سياره وكفت يمي مرفعت راسي بس حسيته هو .. كعد مقابيلي وضحك كال ماتوقعتج راح تضوجين كلش عليه
سكتت ومجاوبته اذا اجاوبه اكبر راسه خلي يولي يمل ويروح
جانت اكو خصله نازله من شعري واني لابسه الشال ظل يتلمسها جنت كاعده بثبات رجفت من لزمها كال
تدرين انتِ هيجي طالعه مغريه اكثر .. ولاتنسين تطلعون من الصالون ماشي ..
يتبع

[ملكةه]

#في_طرفة_عين
بارت 8
نورا ناصر
في طُرفة عين

كعدت مثل صنم وماحركت ساكن هو تحسر وراح
فوكاهه يتحسر الحسره الي اني
كمت اكمل طريقي وافكر لازم اكول لأم بنين مو مال اضم عليهه.
حتى نتصرف .. كلش انقهرت ورحت للبيت وصلت بس كلش حر ورأسا رحت ادور الحجيه خطيه وحدهه
دخلت الغرفتهه متمدده ع السرير الغرفه حر بس بنكه مشعوله. رحت يمهه حجيت وياهه
هاا خاله ليش هيج نايمه بالحر
مو بردت وطفيته
ياعمري اشو هسه عرگانه. خليت ايدي على كصتهه مسحت العرك
اي مو ماعلكته خاف اتمرض واذيج
فدوه العمرج اني رحت لتكولين هيج
انت ماراح تعوفيني مو ندى لان اني ماتحمل اقاربي اريدج انت يمي.
لا ماعوفج شون يصير اعوف الحظن الي احتواني وعاملني مثل بنته (گلت بگلبي اني انعاف ومااعوف هيج تعودت)
رنا خابرت وكالت بس تستقر تاخذني
ان شاءالله الله يفرجهه وتنجمعون سويه اكلتي؟
لا انتظرج
ليش بقيتي بلا اكل موزين عليج
اي والله كلبي يرجف بس مااشتهي اكل وحدي تعلمت اكل وياج
يلا كومي ناكل
كومتهه من السرير اكيد هسه جوعانه واني جايه مشي وميته حر ردت اسبح بس مااكدر اخليهه بلا اكل والسباحه وره الاكل مو زينه هيج مخربطه اني وحياتي ياربي صفيهه الي . غسلت وجهي ورحت دخلت الاكل بالميكرويف وحضرت المواعين بعدهه طلعته و صبيت الأكل وكعدنه ناكل ..
ظلت تحجي الحجيه كالت
حجيت ويا لولو وديون سوده عليه تهجولوا وهنه بعدهن زغار ورنا تكول كل يوميه مكان يوديهم خطيه حتى لا ينكشفون بس عليوي ماحاجيته راد احاجي ماقبلت
ليش ياخاله يعني هو بيده الي صار واكيد هسه هو كل الحمل عليه ومحتار بيهم حتى يحميهم وجاي يبذل كل جهده
لا كله منَ هو اساس البلا مالكه اله هي الشغله
اي ميخالف انت تدرين شكد بقه هو عاطل وميشتغل
قسمتها هالوحده هي وهيج اخسرها بسرعه وتروح مني
لا ماكو خساره ان شاءالله يرجع يلتم شملكم
الله يسمع منج نداوي صدك اجه محمد ابن اختي وجاب الراتب مال التقاعد اذا محتاجه فلوس اخذي منه
لا خاله ممحتاجه
ابوج شون صار
والله ماادري حتى نسيت اخابرهم اليوم ومالحك امر الهم بلكي باجر امر
ان شاءالله

كملنه غدا وكمت غسلت مواعين وشفت البيت اذا يحتاج ترتيب رتبته وخاصة المطبخ
خابرت مريم كالت ابويه شويه زين ويمكن يطلعونه بس ميكدر يمشي كتله اجي يمه اني او اخذه خاف تردين تسافرين
لا تاجلت سفرتي مو هسه اروح كلشي تفشكل بس اريد فلوس محتاجه
ميخالف اليوم عندي شغل ماكدر أمر الكم على غير يوم
وسديته منها
ارتاحيت شويه ورحت سبحت ورجعت لصالون
كل شويه أباوع لأم بنين اريد أكول الها بس انقهر كلش
هي عدهه 3بنات وكلهن طالبات ومحتاجه تصرف عليهن مين راح تجيب اذا وكف الشغل وشون راح نحصل مكان يراد النه وقت خما نشتغل بالبيوت او اله نشتغل ببيوتنه .. ترددت احجي وسكتت مكلت الها
وخليت الحيره الي وحدي أني .
المغرب اندكت باب الصالون طلعنه رجال سألوا على علاء وظلوا يحققون ويانه والناس كلها تباوع واحنه واكفين بره كلش خفنه و انقهرنه
بالليل رجعت ويا ام بنين وياسمين وصلوني للبيت بالتكسي وراحوا البيتهم
بالليل رقم اتصل عليه مجاوبته مالي خلك بعدهه عرفته فرات بعث مسجات يحجي حجي ماصخ ويتوعد ويكول مراح اطلعج من بالي الا ان اخذج.
مجاوبته ونمت واني احس اتعس وحده بالعالم
ودموعي جرت على خدودي وادعي من الله ينصفني
مرت كم يوم مشفت فرات بعدهه بس جماعتهم موجودين ويفترون ليل نهار يحومون يم البيت
صرت اخاف على الحجيه وكله اخابرهه وكلنه الرنا تقلل مكالماتهه خاف كل شي يصير.
ابويه طلع من المستشفى بس ميمشي وكلما اروح اله يكلي تزوجي بسرعه خاف اموت واظلين
ماادري شنو يفكر ابويه عباله هو سندي ومن بعده راح اديح او انحرف يريد رجال يضبني اكوله خوش بابا
بهي الفتره انخطبت بنين فرحت الهه كلش
انخطبت لواحد معيد وياهه بالكليه
وخلال التجهيز لخطوبتها اني كله وياهم يردوني شويه جنت ارتاح من اطلع وياهم
وبيوم حفلتها كالت ام بنين تعاي الصبح راح نجهزها بالبيت
كعدت وكت وطبخت ونضفت البيت .. ادري بالحجيه شكد نظيفه وماريدهه تتعب وتنظف اذا شافت شي مهمل ...
كلت الها تروح وياي مقبلت كالت مالي نفس
ميخالف شويه ترتاحين مكافي حبس بالبيت
مو شبعت طلعه وعفت ابو رنا الله يرحمه وحده بالبيت وكضيتها طلعات مشبعت منه متوقعت راح يعوفوني اثنينهم بهالسرعه
لاتلومين نفسج هسه فدوه هي سنة الحياة وكلنا نموت
اي بس ندمانه من جنت اعوفه واطلع
مو اني جنت يمه مو انت جبتيني اداري
اي مقصرتي ويا بس اني زوجته وجان لازم اوكف ويا
يلا هسه فكيهه شويه وامشي ويايه.
لا ماروح روحي انت تونسي حبيبتي
يلا لعد اني بس نخلص الحفله ارجع ماطول
اخذي راحتج لتخافين عليه
راح ادز على ام حسن تجي يمج طبخت الكم دولمه بالضلوع من الصبح وراح اخذ منها ويايه هم

يا عيني عاد هسه ام حسن تسمع بالدولمه تجيني ركض
ههههه اي هله بيهه
رحت حضرت الدولمه الي راح أخذهه ويايه
واخذت ملابس الي راح اللبسهم بالحفله
وطلعت بسيارة رنا وطزز بفرات شيريد يسوي ميهمني ..
وصلت الصبح وسلمت عليهم
ا

م بنين جانت كلش فرحانه كالت خوش ناس وكلش رايديهه كعدت تحجيلي شكد جانت تعاني
اول ماتوفى زوجها هنَ زغار جانن واحتارت بيهن والكل تخلى عنهم بس اختها وكفت وياهه وهم جانت حالتهه مو شي
ام بنين حاولت تعتمد على نفسهه وظلت تشتغل حفافه وتروح للبيوت حد ما فتحت الهه غرفه بالبيت وظلت تشتغل وشويه شويه تعلمت وكونت نفسها وتعرفت على رنا واشتغلت وياها بالصالون وكدرت تعلم بناتها وتطلع مصرفهم
هي مثال للام المكافحه ام بنين ارمله بس مو مال واحد يشفق عليها ابد لا انما مدعاة للفخر لان بضروف صعبه حافظت على روحها و بناتها وبيتها بالاعتماد على نفسها ..
تكول جانت شايله هم كبير للبنات شون راح اكبرهم واتحمل مسؤؤلياتهم بلا أب
لكن كدرت تربيهم بدون أب لو هي مكان زوجها مجان كدر يربيهم وحده لا جان راح تزوج وحده يمكن تظلمهم بس البنات محظوظات عدهن هيج ام مكافِحه ..
بعدهه كعدت يم ياسمين شويه وفضفضت الي كالت اني مااريد ماهر لان احب واحد
وهذا الواحد يحبج
اي
ليش ميجي يخطبج لعد؟ !
لأن بعدنه ممقررين اكو شغلات لازم يسويهه حتى نتزوج
وهي؟ ؟
هو متزوج ويريد يقنع زوجته

لحظتهه لطمت على وجهي صخام صخمج ياسمين متزوووج وللييج
اششش ندى شبيج لتسمعج ماما تكلب الدنيا عليه وبعدين اني مكتلج معاق لو مشلول لو ملحد لو من عبدة الشيطان كتلج متزوج شبيج انصدمتي؟؟

ولج ياسمين انت شبيج او انتن شبيجن وي المتزوجين هالايام؟؟!!!
والله مو بيدي وحبيته عنده كاريزما شدتني اله وخلتني انسى كولشي واحبه اله هو وبس

لا يمعوده هي انت المثقفه والدارسه تحبين واحد مو ملكج ملك غيرج
بس هو يكول زوجته وسخه وممهتمه بنفسها واني مراح أخلي يطلگها ابد
باعي الله من شرع تعدد الزوجات اله حكمه بيها ومو سهله تره العدل بين زوجتين ابد خليها إبالج والدنيا هي الدتشوفيهه كلهه دين بدين اليوم راح يتزوجج عليهه باجر يتزوج عليج او يرجعها ويعوفج واكيد كل واحد يفكر بغير زوجته راح يكولج وسخه ومهمله ومن هالحجي وان تكن هي صح هيج فمو معناهه الحل بأن يتزوج عليها لااا يكعد وياهه ويشوف هي ليش هيج وتره ماكو زوجه ينطيهه زوجهه فلوس ويكول الهه اشتري هالشي او روحي صالون رتبي نفسج وترفض اخخخ ذكرتيني بالماضي

لعد هسه شسوي ندى اني واثقه منه ومصدگته ومتأكده اكو خلل بزوجته وهو أستاذ جامعي ومثقف مستحيل يكذب عليه ..

تسأليني الي شسوين انت المفروض تعرفين شسوين اني مو مثلج واصله بالدراسه يعني انت المفروض تعرفين اكثر مني.

بس انت اكبر مني وشايفه اشكال من هالدنيا.

عوفي شيلي من بالج او حتى يرتاح بالج روحي شوفي زوجته اسالي عنها بدون ما يعرف وشوفيها صدك مثل مايدعي.
ماشي بس برايج اوافق على ماهر وانساه بس شون راح انساه وهو كبالي
مكتلج وافقي على ماهر خاف هم تظلمينه وياج بس هذا الاستاذ مانصحج بي يختي متزوج حرام زوجته خلي نفسج بمكانها ..

اجت امها كالت خيركم صارلكم ساعه وحده حلكها بذان الثانيه وتحجون خيركم اكو شي اني ماعرفه

لا عيني ماكو شي اطمئني ..
اكولج الدولمه راح تنوكل كلها خلي نصب غدا على وكت حتى نلحك نشتغل
يبووو خلي يخلولي منها ظلت بنفسي الصبح واني اطبخها ..

بيومها جان عدهم هوايه خطار الصبح والدولمه مبقه منها شي كلش طيبه.
تغدينه على وكت وكمنه نشتغل بالعروسه سويت الهه تسريحه والمكياج على امها كلمن وشغلته اليُبدع بيها
طلعت حلوه تجنن وهي بالاصل حلوه
اه تذكرت روحي بعرسي يبوو طلعت مخازي
الله لاينطيهن ام عمار واختها ودوني وحده كلشي متفتهم لا لا ليش احجي عليهه اصلا اني جنت محلوه بس اقنع روحي بهالحجي هم لا الكوافيره الشاطره تعرف الي يناسب زبونتهه وتعرف شون تطلعها حلوه
هسه اني ليش افكر باحداث الماضي الي اكل الدهر وعليها وشرب هسه اني بنت اليوم واني حلوه فديتني .....
بعدها اللتموا عليه البنات ايدي طاحت واني امكيجهم كتلهم لهنا وبس خلوني اللبس اني ..
رحت طلعت بدلتي بنفسجيه طوخ شويه نازله ع الركبه ردانهه لحد العكس وبيهه فتحات ع الكتف وع الصدر كيبور اسود
والحذاء كعب اسود وبي فيونكه بنفسجي بلون البدله بالضبط
شعري فتحته وهو نازل شوي ع الكتف دائما اگصه مااطوله ..
بدت الحفله وجانت كلش حلوه
العرسان حلوين ولا يگين البعض
مثل عصافير الحب
ع اساس ارجع العصر بس نسيت نفسي وياهم وصار هوايه ماطالعه حفله.

صار مغرب والليل بسرعه .. باركت الهم واريد اطلع
ام بنين: وين رايحه ابقي يمنه اليوم
نادين: لا يمعوده من الصبح اني تاركه الحجيه لازم اروح
ام بنين: اكولج خلي ادز واحد من الولد وياج ولد اختي اخاف عليج ترحين وحدج وليل
نادين: لا ماعليه شي يلا اني اروح تأخرت هواي
الله يسعدها لبنونه ويارب يوم لياسمين وجنات
ام بنين: ياسمين ان شاءالله عن قريب اريده تقنع بأبن خالتها
نادين: خليهه على راحتها لاتضغطين عليها
ام بنين: ماتلگه مثله ورده ماهر اريد أمن على مستقبلها تعبت اني
نادين: ان شاءالله كل خير من نصيبها يصير انت لتفكرين خليها يم الله هو مدبر الامور
ام بنين: ونعم منه
نادين: يلا مع

ا

لسلامه ..
طلعت صعدت بالسياره وحركتها
حسيت اكو سياره تمشي ورايه وترتني عرفت حيصير شي متت من الخوف وارتبكت
ماان وصلت لفرعنه صار بصفي يأشرلي اوكف السياره خفت اكثر زدت سرعتي كسر عليه وصار كدامي اجيت ادعم وكفت السياره .. وكفت سياره ورايه ووحده كدامي نفسهه الجان السايق يأشرلي منها
ثواني اللتموا عليه اريد اقفل باب السياره مكدرت فتحها واحد منهم شاب ضخم كرشه متر ليكدام يوخر سترته يشوفني المسدس
اليذبحني ميلگه قطرة دم بيه نشفت من الخوف
مكدرت حتى انطق كال
انت مرة علاء مو؟
كوه استجمعت ماتبقى من قوه عندي ونطقت كتله برجفه لاا
هي مو سيارة مرته ليش تجذبين
اي سيارتها
انزلي ويانه
وين
انزلي
سحبني من ايدي كتله لتلزمني اني انزل ونزلت يحجي ويايه احس ذاناتي انطمن ومدااسمع
صعدت وياهم بيأس وادعي ميسوولي شي
مشت السياره واني وحدي بالوره وهم كدام
يحجون مااسمعهم .. وصلنه لمكان عباره عن بنايه مو كلش كبيره .. وعليها شعار

دخلوني بيها وبعدين لغرفة مكتب
واني قلبي بس يلهج بالدعاء خايفه يسوون الي
شي ..
قنعتهم اني مو رنا اخذوا تليفوني وبقيت وحدي بالغرفه! !

وره ربع ساعه دخل واحد باوعلي وراح للمكتب يدور بالاوراق
اجه على بالي فرات اكيد هو الي دزهم الي يريدني اقنع واسلم نفسي اله
بلحظتها ردت اواجهه وطلبت اشوفه حاجيت الولد كتله اريد اخابر لو سمحت ممكن تليفوني
سكت مجاوبني
كتله اني اعرف واحد من طرفكم اريد احجي ويا اريد احجي ويا الاستاذ فرات
هو سمع فرات ظل يباوعلي كال فد شويه ..
طلع وبقيت اني وحدي .. بعد اكثر من ساعه من الخوف والترقب والملل
جنت كاعده ع قنفه بالغرفه انفتحت الباب ودخل منها
منو؟ ؟ فرااات! !! ويا واحد شافني انصدم
وكفت بس بقيت بمكاني
صرف الولد الي ويا وسد الباب اجه يمي كال
نادين؟ ؟! شسوين هنا
يعني تسوي نفسك متعرف مو انت الي دازهم اليه هذول عفيه شتريد مني كافي تره دتأذيني واني ممسويتلك شي ولا مأذيتك ولا
سكتني خل ايده على شفايفي ودفعني ع القنفه كعدت ورافعه راسي
اششش بلا لغوه زايده إسكتي
سكتت ثنه رجلي وكعد مقابيلي وبصف ويم رجليه كال خو مااذوج محد سوالج شي
اباوعله يحجي بلهفه ويايه ماعرف ليش حسيته صادق ويخاف عليه
جاوبته هذول جماعتك مو
گُتلج لااااء
ها
ممصدكه مو؟ ؟ مو كتلج صيري حبيبتي وساعتهه محد راح يكدر يباوعلج او يأذيج
شوفي نادين انت مدام من طرف علاء مراح يتركوج ابد راح يظلون يحومون عليج

عفيه ليش تخوفني اني شنو ذنبي
هم ميعرفون هيج
زين هسه شسوي؟ ؟
باعي ماحب الح على وحده اني واتوسل بيهه احب هي تجيني برجليها بس انت غير وراح اكولها الج اول وأخر مره بعدها لتكولين اريد فرات تره مااجي وشيسوون خلي يسوون
اني مااسوي الحرام اني مو اي وحده تره
لا هالمره مو حرام اريدج حلال نتزوج شنو رأيج
انت تجذب عليه صح
لا ماجذب وزواجنه بي شروط هم
وهم شروط؟
اي زواجنه يبقى سري ومحد يدري بي وهسه
سريي
اي ....
شون يعني
اني ماريد اهلي يعرفون وانت ماعندج اهل مو؟ هذا الي اعرفه عنج
عندي ابويه
وابوج راح يعارض اذا ماتصير خطوبه رسميه ومن هالحجي
باوعتله وسكتت
يله تره معندي وقت اضيعه وياج اني ولو انت تستاهلين
هذا هو خلص بس تزوجني زواج شرعي
لعد هو اكو زواج مو شرعي يلا كومي اشوف واحد يعقد النه
هسه؟ ؟
لعد يمته غير هسه مااطلعج منا تره خلي يكون عندج علم
ماشي
اخذني من ايدي وكفنه يم الباب ظل يباوعلي ومبتسم گال الله يعني انتِ الليله إلي مدااصدك هذا الجمال راح يصير الي الليله
اي الك بالحلال عووود وعيب تتغزل بيه هنا بهذا المكان راح اصير مرتك اني ..
خزرني واخذ شعري وخلاه على الفتحات الي مبين منه كتفي ولزمني من ايدي وطلعنه
اطلع من مصيبه اطب بمصيبه اسوء هذا شون راح اتحمله اني وظليت اكل بروحي شون وافقت بس ماكدامي غير شي ومدام بالحلال شسوي لعد ..

اخذني لحد ما وصلنا للسياره دخلني بيها وسد الباب وراح بقيت نص ساعه وحدي بالي يم الحجيه اريد اطمنها تأخرت هوايه ..

نزلت ادور فرات وينه شفته اجه من بعيد
خزرني ليش نزلتي
اريد تليفوني
وينه
بقى يمهم
صعدي هسه اجي
فتح الي الباب وصعدت وسداه هو
گلت أووو هذا من هسه يتحكم بيه
دقايق واجه جاب تليفوني. اخذته وخابرت الحجيه كتلهه مااكدر ارجع الشارع مسدود ومطوقينه ومن هالحجي خطيه هي اقتنعت كالت ميخالف ابقي شيرجعج ام حسن راح تبقى يمي وراح اقفل البوب ونقرا قران وماعلينه شي ..
انقهرت يربي شهالورطه الي تورطت بيها اني شجابني عليهم ذوله !!!
بعدهه اجه فرات كعد بصفي لزگ روحه بيه عبالك راح اطير ومشت بينه السياره
وصلنه البيت .. وطلعنه ولد شاب لابس دشداشه اشرلي ع الباب الي افوت بي وفرات والي ويا فاتوا من غير باب تلگتني مره سلمت عليها ونطتني عبايه كالت لبسي .. لبستها دقايق وصاحولها كالت يلا فوتي دخلت يمهم فرات يباوعلي فاتح عيونه عليه واني خاله العبايه على راسي طالعه خصلات من شعري
كعدت وعقدوا النه .. وطلعنه انطيتهم العبايه وأخذني فرات من إيدي وصعدنه بالسياره ..
كعد بصفي هم .. صعد واحد و

اللتفت علينه گال مبروك صرتي مرت اخويه وضحك
ضجت منه حسيته يستهزأ فرات گلي بهمس ردي عليه كوليله الله يبارك بيك مجاوبت ضربني بعكسه بزندي كتله بصوت مخنوك تسسلم
وطلع بينه شغل اغاني طول الطريق اني بغير عالم
فرات مره يحاجيني مره يحجي ويا أخوه
الى أن وصلنا المكان ونزلنه
دخلنه ببيت گلي هذا بيت أخويه نجم الي وصلنه هسه هذا شقيقي الوحيد زوجته مسافره ويا أهلهه
واحنه راح نبقى هنا اني وانت بينما اكمل بيتنه ..
ماحجيت كعدت ع القنفه بس لحظتها حسيت نفسي انهاريت وتهدم كلشي بيه وماتحملت اسكت بدون ماابجي هيج اني رخيصه واتزوج هيجي
خليت ايدي على وجهي وطكيت بجي بصوت عالي حد ما ايدي نترست دموع
حسيته اجه يمي نزيت وزدت بجي
گال كاافيي سديتي نفسي كل شي مااريد بعد
وراح طب جوه
بقيت اني بالصاله وهو مااجه يمي بعد
نعست كلش مليت بس جنت خايفه منه كلش
بس مااسيطرت على نفسي وتمددت على القنفه حسيت بي يغطيني واني بين النايمه وبين الگاعده
رجعت نمت مافتحت عيوني للصبح كعدت شفت نفسي نايمه ع القنفه وخرت الغطا وكمت ماشفت احد البيت فارغ دورت ع الحمام لكيته غسلت وجهي وطلعت
يربي ماكو احد فرات ماكو ابد لبست حذائي واخذت تليفوني طلعت بره يم الباب شفت ولد واكف يم السياره گلي فرات طلب مني اوصلج ترحين
كتله اي وسحبت نفس ارتاحيت كلش ايي فكه
طلعت الطربه مالته من صرت اله بالحلال مايريدني يطربوون ع الحرام
صعدت بالسياره وصلت للبيت باوعت للمكان الي لزموني بي ماكو سيارة رنا شنو صار الها! !؟

وصلت لبيت وسلمت على الحجيه جانت وحدهه ام حسن رايحه ..
بداخلي خوف خاف اكللها ع السياره شون
اله احاجي فرات عليها خاف هم أخذوها
رحت سويت ريوك جوعانه كلش البارحه مااكلت شي
تريكنه وخلصنه جنت نعسانه كلش بودي انام ساعه واروح للصالون
غسلت المواعين ونضفت ورحت للغرفه تمددت ع السرير ..
دك تليفوني رقم فرات اني حافظته ..
جاوبته بس احس خجلانه گتله الوو
هاا رجعتي للبيت
اي
طيب اريد اكولج شي اني هالفتره مراح اشوفج وعندي الج كم شغله اولا لبس قصير مثل البارحه وطلعه من البيت بهيج لبس ماكو
واثنين مترحين لأي مكان بدون ماادري اني ماشي
كتله اي خووش
ماشي
اكولك فرات
كولي
السياره مالت زوجة علاء ماكو البارحه نزلوني منهه؟
هسه اشوفها وين وارجع اخابرج
اوك
سديته ويا هذا من صدكه يريد يتحكم بيه زواجيش هذا هه
وراها هم خابر وكلي السياره صادروها والبيت هم راح ياخذوا كل شي يخص علاء راح يتصادر
كتله ماشي بس محتاره شون راح اكول للحجيه؟
بعدها كتله تره اني اروح للصالون يوميه
اي اني ادز الج احد يوديج ويجيبج
كتله ماشي ..
رحت كلت للحجيه ع السياره ظلت تبجي ومن هالحجي بعدهه سكتت
مرت أيام فرات ماكو بس مخابره من جنت اروح لابويه اكوله ويدزلي اخو او واحد لاخ يوديني ويجيبني وللصالون من اروح هم نفس شي
حجيت لأم بنين على كل شي تفاجئت شبسرعه تزوجتي
كتلهه بعد صارت وهالايام مرتاحه اني محد يضايقني
دعت الي الله يهنيني ..
مرت عشر ايام مشفت فرات باليوم ال 11 خابرني كال اريدج اني يلا كافي دلع
مجان كدامي اي شي غير ان اني اوافق ..
كتله بحزن ماشي بس تعال حاجي الحجيه شون اطب اطلع وياك اني
ماشي راح نجي اني واخويه ومرته هذول الي أكدر اكول الهم على زواجي وانت انطيهه خبر
كتله ماشي
سديته منه ورحت للحجيه جنت محتاره شون راح اكلها
بس تجرأت
كتلها خاله بليلة الرجعت من حفلة بنين تعرضولي جماعة الحزب واخذوا سيارة رنا
هي لطمت على وجهه ياليش مكتيلي
ماردت تضوجين او تنقهرين بس خليني اكمل
كملي دااسمع
اي اكو واحد هو ساعدني وحررني منهم
اي
اي وتزوجني
شنووو
عقدنه بنفس الليله بس ماصار بينه شي بس عقد وهسه يريدني
اي الله يهنيج هم راح تعوفيني
كعدت يم رجليهه لا مااعوفج راح ابقى اجي يمج هسه ماعنده بيت هو علما يكمله اني ابقى بين يوم ويوم وياج
ظلت تبجي وتدعيلي حظنتها وبجيت كالت اني ميهم ماعليه شي اخذي راحتج ويا رجلج

بعدهه اندكت الباب طلعت شفت الولد صديق فرات اسمه زياد الي دائما يوصلني انطاني علاگه كال هي الج اخذتهه ودخلت للغرفه فتحتها
فستان ابيض رداناته كيبور طويله وعليهه ورد ومن جوه تول منفش قليل كلش ويلمع
كلش حلو
سمعت صوت مسج رحت التليفوني
مسج من فرات
كاتبلي اليوم العصر نجي حضري نفسج حتى اجي اخذج
مارديت عليه ورحت للصالون كلت لام بنين واني اضحك اليوم عرسي
رتبيني
خصلت شعري خصلات رفيعه اشقر زيتوني
وطلعت للسوگ اشتريت كم شغله واهم شي حذاء ابيض وي الفستان ورجعنه للبيت
ارتاحينه وتغدينا واجن بنات ام بنين
بعدهه قريب العصر لبست الفستان ومكيجت وتسريحه بسيطه شعري مفتوح وبف ليوره وعليه وردات بيض
وكعدنه ننتظرهم من لبست الفستان وشفت نفسي حسيت صدك عروسه وردت بسرعه يمر الوقت ويجي فرات ياخذني
الماضي جان حاضر ويايه باوعت النفسي بالمرايه جني اشوف نفسي القديمه من زفوني العمار
غمضت عيوني قشعريره صابت روحي وبعدت خيالاتي عني
كالوا اجوا
وفعلا دخلوا فرات واخو وزوجته اني صح اكو شوية فرح بداخلي بس سويت نفسي

م

جبوره وابيع ثگل عليه
لبسني الحلقه كدامهم اكلنا الكيك وشربنه العصير بعدهه اخذني ورحنه بالسياره
وصلنه لبيت اخو
البيت جان مزين بالزينه والورد والنفاخ والاضويه الملونه واغاني مرت نجم خلت النه العشه وتعشينه كلنا
نجم يسولف ويضحك ويشاقه كلش مرح وزوجته بس تضحك على سوالفه
خلصنه العشا فرات كله بصفي كاعد كال كومي نركص سلو
كتله اني ماعرف
ماكو متعرفين اني اعلمج
اني استحيت حسو بيه
نجم وزوجته وطبوا جوه
سحبني من ايدي كومني من القنفه
تعالييي راح تلزكين هنا
لزمني من خصري حوطت ركبته بيدي والثانيه هو لازمهه
وعلى اغنية ماجده الرومي
يُسمعني حـينَ يراقصُني
كلماتٍ ليست كالكلمات
يأخذني من تحـتِ ذراعي
يزرعني في إحدى الغيمات
والمطـرُ الأسـودُ في عيني .. يتساقـطُ زخاتٍ زخات

يحملـني معـهُ يحملـني
لمسـاءٍ ورديِ الشُـرفـات
وأنا كالطفلـةِ في يـدهِ
كالريشةِ تحملها النسمـات

يحمـلُ لي سبعـةَ أقمـارٍ
بيديـهِ .. وحُزمـةَ أغنيـات

يهديني شمسـاً
يهـديني صيفاً
وقطيـعَ سنونوَّات

يخـبرني أني تحفتـهُ
وأساوي آلافَ النجمات
و بأنـي كنـزٌ وبأني
أجملُ ما شاهدَ من لوحات

يروي أشيـاءَ تدوخـني
تنسيني المرقصَ والخطوات
كلماتٍ تقلـبُ تاريخي
تجعلني امرأةً في لحظـات !!

يبني لي قصـراً من وهـمٍ
لا أسكنُ فيهِ سوى لحظات
وأعودُ.. أعودُ لطـاولـتي
لا شيءَ معي إلا كلمات

------
جان الجو رومانسي حرك مشاعري مو بس الجو حتى فرات نظراته ولمساته كلش أثرت بيه صرت احس نفسي دااركص ويا فوك الغيم
كلمات الاغنيه واللحن اخترقت روحي وصورتلي الدنيه جنه نسيت كل همومي والماضي
كل شوي استحي وانزل نظري من عيوني
وهو يباوعلي .. صار جسمي ملاصق الجسمه كلش
سلهمت وخليت راسي على صدره
لزمني من حنكي ورفعه كال نعستي
كتله لا ومعرفت شنو اجاوبه
كال جبتي الج ملابس
اي جايبه ويايه
لعد روحي بدلي حتى نروح
ماشي
صحت لرؤى ودتني للغرفه وبدلت ملابسي
وطلعت اخذني للكراج شوفني سياره كال هي مالتج وباجر من نرجع حتى تاخذيهه
كتله ماشي
وصعدنا بالسياره ورحنه لفندق
لحظات جنت بيهه مستحيه على خايفه بعده فرات مجهول بالنسبه الي
كعدت ع الجربايه وهو راح نزع سترته واجه كعد يمي
حضني وباسني على راسي كال
خو ماجبرتج على شي أني
سكتت بس بداخلي احس صدك انجبرت اقبل بي
رجع كال خو ماتكرهيني نادين
باوعتله كتله لا مااكره احد اني
بس اني مو اي احد اني حبيتج وراح احميج واصير الج سند وزوج وحبيب واب وكل شي
اباوعله وانزل راسي استحي من نظراته
كال يلا كومي بدلي
كمت لزمني من ايدي كال اني ماناسي مهرج بس نرجع انطيجيا ..
سكتت ورحت ابدل طلعت جنطتي احتاريت شنو اللبس
ام بنين خطيه هي حظرتلي الجنطه ومخليتلي سيتات نوم اشتريناهم من طلعنه للسوك هي اصرت عليه اشتري لبست سيت اسود يصير قصير كلش ووياه شورت
لبسته وبقيت واكفه بالقسم الثاني من الجناح سمعت صوت باب الحمام رحت اركض للفراش ودخلت بي وتغطيت ودرت ظهري
انفتحت باب الحمام حسيته اجه سمعته ضحك واجه دخل ويايه وتقرب مني باسني على كتفي حضني
جسمه دافي رغم هذا ظليت ارجف من الخجل
لمني كلي ودارني عليه صار راسي يم صدره ضميت روحي بي كل عطره اجه بأنفاسي
رفع راسي واللتهم شفتي و........

بعدهه بقه حاضني بس اني ضجت من شغله
وهو حس بيه مجان يعرف من شنو بالضبط
وخرت من حضنه ظل يلعب بشعري ويباوعلي
عيوني بعيونه
كال متدرين من شفتج بالليل من اجينه عليكم ندور علاء شسويتي بيه
جنت تباوعيلي بعصبيه وحديه واذاناتج وخدودج حمر من الخوف بس متصورين شكد جنت شهيه بالنسبه الي
ظل يسولف على عائلته
عنده 6 اخوان 5 من ابو وبس نجم من امه وابو
امه متوفيه بحريق من عمره 7 سنوات جانت الزوجه الثانيه هي
جانوا بسوريا وبعد السقوط اجو للعراق

كلي بالليله الي اخذوج بيها خابروني جنت يم ابويه هه ولو تعرفين ابويه شنو
كلولي اكو وحده تريدك كتلهم منو هن هوايه هه
كالوا هي الي تعود العلاء يمنه
اني عرفت انت عفت ابويه واجيت بسرعه جنت خايف عليج
بعدهه سألته هم حبيت بيوم من الايام
اي بال 2009 تصوبت صارت عداواة ونضربت ونمت مستشفى جانت اكو ممرضه تجي يمي تنطيني العلاج وتنضف جرحي. . صارت بيناتنه علاقه وتطورت وصار حب وشفت نفسي مااكدر اعوفها حبيتها كلش كلت لابويه يخطبها الي ماقبل كونها ممرضه وأرمله وعدهه طفل واكبر مني بس الحب حاكم مجنت مخلي ابالي كل هالاشياء بس ابوووويه اخخخ ابووويه سوه المستحيل حتى يبعدهه عني
وصدك بعدهه واختفت وماشفتهه بعد ابدا فص ملح وذاب لا هي ولااهلهه سئلت عليهه

كومه معرفت الهه مكان وراحت ..

سألته عندك علاقه وياهه غير شرعيه

هه اي جنت احبها وماكدر اتزوجها جنه نطلع سوه واخذهه لبيت اخويه جان مسافر تره بيج هوايه شبه منها اول مااللتقيت بيج تذكرتها بس هاا لاتزعلين انت عيونج احلى وخشمج وضروسج هم

كتله اسمها ساره مووو
اني سالت هالسؤال وياريت ماسألته هجم عليه مثل الوحش وصار فوگي ولزمني من ايديه قوي وخلاهم على المخده كال منين تعرفيهه احجييي تعرفيهه

[ملكةه]

#في_طرفة_عين
بارت 9
نورا ناصر

في طرفة عين

گتله ايييييه فرات تره دتأذيني وخرر
احجييي مين تعرفيها؟ ؟
انت كلتلي اسمها شنو شبيك جنت فاقد من شويه وصحتني بأسمها
رخه ايديه ووخر مني ع النص يباوعلي ويضحك ولاكأنما مسوي شي مردني مرد كال اي اسمها ساره بس هسه انسيها صارت ماضي
شكلج حلو وانت خايفه مني
دفعته وكمت كتله راقب تصرفاتك فرات هيج راح تخليني اكرهك
نزلت رجليه من الجربايه اريد اكوم حوطني من خصري وخلاني بحظنه ويبوس بكتفي ويعتذر
سألني ع الوشم مسويته اني من كم شهر بكتفي من جهة ظهري على شكل حرف A سوته الي رنا

من جنت طالبه واحب عمار كله اكتب حرف A بكتبي من ردت اسوي الوشم اجه على بالي الحرف وسويته ..
بلحظتها فرات سألني شمعنى حرف A.
هيج عجبني وسويته
محلو تره معجبني
باوعتله خزرته اي مسويته حتى يعجبك اني
ضغط بايده على بطني ودار وجهي كله اله كال لاتصيرين نچره واذا عرفت هذا الحرف يخص واحد تحبي راح اشيله الج هو وصاحبه بالتيزاب فاهمه

اخخخ هو وين صاحبه ماادري عنه من سنين حجيت بگلبي
كتله وخر فرات جاي تأذيني مااحب هيج اني
رجعي للفراش
اريد اروح للحمام اريد اسبح
بعد وكت والليل طويل تعاااي ....

الصبح گعدنه تريكنه سويه وكال اوديج للبيت واني اروح عندي شغل وغير مره اروح لأبوج
ضجت كلش تمنيت ابقى ويا أكثر بس مابينت اله هالشي
وصلني البيت الحجيه تفاجئت من شافتني
خير اصاير
ماكو شي حجيه انت مو ترديني يمج هياته اني
انت عروسه والمفروض يم زوجج هسه
عنده شغل ميكدر يبقى ويايه
كلتهه بحزن بحيث انقهرت عليه وظلت تواسيني وتكولي حظج مثل حظ رنا
رحت للغرفه المفروض وبأي زواج اعتيادي اليوم صباحية عرسي
اللبس وامكيج والناس تجي تباركلي
بس اني زواجي من طبيعي كله على بعضه خربطه
فكرت أخابر ابويه واحجي ويا
شر البلية مايضحك تزوجت يله راح اكوله اصلا هو ميدري بحالي
خابرته كتله بابا اكو واحد خطبني من الحجيه واني وافقت
بس بابا جان بوكتهه مو طبيعي ماعرف شبي ويحجي مخربط واصلا ماافتهم عليه سديته منه

بدلت ملابسي ومالي خلك شي اندكت الباب طلعت واحد جايب السياره الي كلي عليهه البارحه
طببتهه ورجعت للبيت سويت اكل
وهيج مر اسبوع واني مشايفته بس يتصل ونحجي
باليوم الثامن كلي حتى نسافر للشمال وقبلهه نروح لابوج
فرحت راح اروح ويا وننفرد ونبقى وحدنه كال راح نبقى شهر كيفت كلش وفرحت
كلت للحجيه بس كلش مقهوره عليه راح ابقى هوايه بعيده عنها .. كالت ماعليه شي اروح يم اختي كم يوم وكم يوم اجيب محمد ومرته يمي وتدبر لاتشيلين هم انت ..
حضرت كل شي يخصني واجه عليه فرات وانطلقنه رحنه بالاول لبيت ابويه وجان تعبان كلش كوه يحجي وحتى يمكن ماعرفني خليت يمه فرات ورحت للمطبخ يم مريم جانت تريد تحضرلنه شي تقدمه
كتلهه مستعجلين ونطيتهه فلوس كالت
منين هي الجكليته؟؟
يا جكليته ماجبت الكم جكليت بس فواكه انت عندج سكر وبابا هم مو زين عليكم
ولج لا لا هذا زوجج شون صدتي؟ ؟
شون صدته يعني اجه خطبني من الحجيه ووافقت
ايييه حظ الجكمات كاعد اول شي عمار وهسه هذا خو مو مثل حظي
باوعتلهه حقج متدرين
كتلهه هو اني اشفت منه عمار
ليش اشفتي مو خلفتي منه منين اجه هذا لعد
ماتصيرلج جاره مريم ديري بالج على ابويه زين
ايي عود خوش ..

طلعنا من يمهم وبعد طول طريق وصلنا للشمال عدهم شقه بقينه بيهه اسبوعين
هناك كلش تونست ويا فرات صدك بحضنه حسيت نفسي أنثى كامله .. رغم جانت بي شغلات اضوج منها يتسرع وعلى اقل شي يحاسبني ولأن عشت متحرره مثل ميگول هو ومحد جان يحاسبني ولسنين طويله بالكوه تعودت وجنت صدك ادلع عليه ويجي يصالحني بنفس الوقت وميطول
والشي الضوجني هو طلب منسوي طفل ونجبرت اخذ حب مانع الحمل .. عارضت بالبدايه بس هو كدر يقنعني ويأثر بيه اظطريت استسلم فعلا زواجنا مو مال طفل ..
نقطة ضعف فرات هو بكائي من ابجي يتخبل ميعرف شيسوي يعصب عليه مادري على نفسه يضوج كلش
لذلك هالشي استغليته لصالحي استفزه بي.
جان من المقرر نبقى شهر بس وصل اله اتصال خربط الخطه كلها كلوله راح يجي أخو وهذا الاكبر منهم وهو من بعد ابوهم كلش يحترمونه ..
فلازم نرجع
كلش ضجت وطنكرت هم ..
ورجعنه ...
وهنا بدتت تتفتح زهرة الحب بداخلي وتنمو وتكبر باسم فرات حبيته عشقته بحضنه نسيت كل همومي وسنوات الوحده والقهر نسيت الماضي وألامه وسنين الـأسى والحزن
من رجعنا جان بيتنه اني،ويا كامل حلو ومرتب وعلى كدنه ..
بعد مرور ست أشهر من زواجنه وبليله غاب عنها ضوء القمر ليله سوده من احدى ليالي حياتي السوداء
وياكثرهن وياا وجعهن وهنه يهلن عليه
من فرات ينشغل واغلب وقته مشغول او ميكدر يوميه يجي يمي اني اروح يم الحجيه
فد يوم كال حتى نروح البيتنه
حضرت نفسي واجه عليه المغرب .. بس جان مو طبيعي ..!!
سألته مجاوبني ..
تعشينا وخلصنه وكعدنه بالصاله
گتله فرات شبيك مو طبيعي انتَ اليوم؟ ؟
اجه گعد يم رجليه ولزم ايديه
أريدج تسامحيني
هه على شنو

- أسف وبطريقة ما جبرتج تزوجيني ..
انتِ متستاهلين هذا الزواج انتِ تستاهلين

الافضل

- هه اليوم مداعرفك وصار بيهه اعتراف.
لوهله ظنيت راح يتركني متت خوف ماردت يعوفني ردته بكل احاسيسي ردت استمر ويا حتى لو هيج بس شكد طلعت ساذجه ، غبيه وأستاهل كل الي يصير الي لو صدك تاركني متأذيت هيج
من گلي راح اتزوج حسيت گلبي تصوب لا بل انقتل وانهاريت وظليت اصيح ماعرف شنو حجيت بلحظتهه
بس الي اتذكره والي أثر بي
گتله حرام الي ديصير الي اثنينكم قتلتوا قلبي

لزمني من زندي گال عن منو تقصدين اكو واحد غيري؟
صرخت بوجهه
هو هذا الي يهمك مو ؟ اكو واحد غيرك لو لـا اصلا انت ويا مثل بعض اثنينكم نفس الحقاره وماتختلفون ..
ظل يهزني حيل ويصيح بوجهي جنت تحبي هاا تحبي وهو تركج؟تقصدين طليقج؟
دفعته ورحت وكفت يم باب الصاله وصيحت
تزوج بس طلگني ورحت رأساً للحمام دخلت وسديته بالقفل.
بطني ظلت توجعني، غثيان وظليت اتقيئ وهو واكف يم باب الحمام يدُگ بالباب
ويسالني شبيج افتحي الباب خليني أشوفج
تجاهلته وفتحت المي وكعدت ع الارض ابجي بحرگه صدك انجرحت مشاعري ..
شنو ذنبي أعيش هيج اني ..
فتحت الباب وطلعت من الحمام ورحت للغرفه هو جان بالصاله سمعني طلعت اجه ورايه ..
دخلت بالفراش دخل ويايه كمت كتله اذا تقربت مني الليله احرگ روحي
كال
لا مااتقربلج والله بس خليني احجي وياج
مابينه حجي باجر تطلگني
تقرب مني ولزمني من وجهي بثنين ايدي
كلي هذا الوضع مؤقت اني عندي انتِ الأصل عفيه تحملي ..
وخرت ايديه ونطيته ظهر اجه حضني وأني بهالوضعيه ويلعب بشعري ويشمه ويبوسني
اني جمدت احس كل احساس ماعندي
ظل يحجي وأنفاسه تلفح أذني كال اني مااكدر ارفض لابويه طلب وخاصة بهالوقت صدكيني زواج مصلحه وبس
اني احبج وانت عندي كلشي ماصدكت تصيرين الي مااكدر اعوفج ..
تركته يحجي غطيت راسي بالبطانيه ونمت ..
كعدت الصبح مسويلي ريوك مااكلت كتله توصلني لو اروح وحدي
وين ترحين راح ابقى يمج اليوم كله بعد
مااريد الحجيه مريضه واريد اروح يمها ..
يعني الحجيه اهم مني؟
اي اهم انت هسه لاشيئ بالنسبه الي كارهتك فرات
اريد اولي .
امشي اوديج ولا هالمغثه يلا روحي بدلي
ظل يصيح ويدردم ويكرك
سويت نفسي مااسمعه ورحت بدلت وصعدت بالسياره اجه حركها ومشه سريع اله شويه جان دعمنه
واثنينه ساكتين وكفنه يم البيت نزلت وركعت الباب حييل الطريق كله ميته خوف زين مااندعمنا فوكاهه هو ابو الراهي ..
مرت الايام واني احترك حرك.
بس هو ماگطع مني رغم عرفت تزوج وسوه عرس كد الدنيا واني جانت حصتي الحزن والبجي والعصبيه والتوتر والهم والتفكير .. كرهت كل شي يخصه حتى السياره الي جابهه الي مااصعد بيها واروح مشي عرف وگلب الدنيا عليه ويهدد ويغلط مليت منه وشفت العناد مابي فايده رجعت اصعد بيها
حتى شغل مجان الي واهس بي
والدنيا كلها كرهتها ..
جان يجي للبيت بس مااطلعله يتوسل بالتليفون اروح ويا اعاند وماروح ومارحت ..
بهالفتره رنا طلعت بتركيا وحاولوا يعبرون لاوروبا بس جانت اوضاعهم صعبه. وصادف شتاء وخافوا على بناتهم فبقوا بتركيا ..
ياسمين انخطبت لابن خالتها ماهر وعافت حبيبها واحسن شي سوته
عزموني على حفلتهه بس مارحت الصبح ماالي نفس رحت الضهر وكعدت تحجيلي جنه اني وياهه وحدنه بالغرفه جنت اسوي الها تسريحه كالت رحت قابلت زوجته مدرسه هي وشفتهه حلوه ونظيفه واسم مصطفى ميوكع من لسانها عفته بس هو مدام عينه زايغه اكيد يجي يوم يتزوج بس مااريد اكون اني زوجته.
كتلهه الله يعوضج بماهر لأن هو خوش ولد وحباب واكيد راح تحبي بعد ماا تتعمق علاقتكم
جانت عيونها تشع حزن قارنت حزنها وي حزني يمكن حزني اضعاف واضعاف ..
بهالفتره فرات يتوسل اطلع ويا مااشتهي مااريده اكثر من مره اتوسل بي يطلگني ميقبل
فكرت هوايه انهزم بس وين اروح مالي احد
ابويه رجع انتكس وتخربط وصار ميعرف احد ومريم جهزت نفسها تطلع ويا اهلها وشمرت ابويه عليه مثل الي يشمر مبرده قديمه او اي سلعه .. ودارت وجهه اخذت ابويه ويايه البيت الحجيه وهو صار عنده زهايمر والحجيه تعبت بهالفتره كلش وتريد تروح الرنا بس مكدرت اسفرها الهه محد وياي واقاربهه محد يوكف ويانه ..

مرت أيام انقطع فرات عني وماشفته بعد گلبي ظل يأذيني وأكل بروحي معقوله مل مني وراح يعوفني لعد هو مو كال يحبني ليش هيج سوه ويايه
كعدت اتخيله ويا زوجته اكيد يكول الهه الحجي الي يكوله الي اكيد يغازلهه مثل ميغازلني يبوسها بالمكان الي يبوسني بي
تكأبت كلش ابويه مالي خلكه اطلع للصالون مالي خلك شغل
صرت افكر بكل شي سيئ رجعتلي ذكريات الماضي من فقدت ابني تخيلت فرات ابني وفقدته وصرت اتوجع اشهك الم ازفر حسره وقهر ظليت ألوب وكبريائي ميسمح الي اتصل عليه.
ولا عندي علاقه باحد من اهله ابد.
فتره وهو ماكو تعبت حالتي زادت سوء مرات اكطع الاكل كلش ومرات اكل بشراهه.
فد يوم المغربيه رجعت للبيت بهالفتره ام حسن تداري ابويه والحجيه لان كلش تتعب وحدهه.
اندكت الباب وطلعت شفت نجم استغربت شصاير سلم عليه كال عندي حجي وياج
كتله ادخل
لا مااكدر والله بس فرات يريد يشوفج
ليش يشوفني
تره فرات ب

ا

لمستشفى تعبان من مده سوه حادث وجان بغيبوبه وصحى من فتره ويريدج

اني انصدمت من كلامه اكيد فرات ميتركني كل هالفتره حتى من تزوج هم ماتركني بس اني جنت ابتعد عنه انقهرت كلش وخفت عليه حسيت اني المصوبه مو هو.
كتله شوكت اكدر اشوفه
هسه امشي ويايه
زين فد لحظه
رحت جوه ابدل وابجي واكول لو اني متأذيه ولا هو كل هذا صايرله واني اظن بي السوء.
كملت ورحت ويا ظل يحجيلي بالطريق شلون سوه الحادث ع الطريق السريع بالسياره وجان وحده ..
وصلنا للمستشفى صعدنه بالمصعد نجم كلي اوكفي هنا بينما اسويلج مجال ليشوفوج تحسرت ووكفت واني ملهوفه اشوفه مشتاقتله حييل بس مردت اشوفه بهيج حاله ..
بعد ربع ساعه يله اجه نجم كال يله
مشيت وراه ودخلني لغرفة وطلع جان مدد ع السرير
راسه مشدود وايده هم.
وكفت بعيد عنه ونزلت دموعي كلي تعالي رحت يمه وكعت عليه وشميته وبسته لزمني من راسي بيده الصاحيه وقربني يمه يشم بيه ويبوسني.
واني دموعي بللته ظل يحجي ويايه
اني ادري بيج تحبيني وراح تجين ولج لاتبجين كافي ينكسر گلبي اذا اشوف دموعج اذا صرت زين محضرلج مفاجئه.
مجنت اعرف شنو احجي بس دموعي حجت هواي ليش فرات مخليني بالظلمه وهي بالنور
ليش اجي اشوفك بزياره خاطفه وبالليل وهي شوكت ميعجبها تجي اشوفك
ليش من هواي و اني ماادري عنك ولااحد كلي وهي اكيد تعرف.
هواي علامات استفهام والاكبر منها اني ووجودي بحياة فرات هيج وبهالشكل ليش.

گلي جنت سارح و بالي كله يمج وماادري شون ارجعج اليه حسيت روحي تايه بدونج وصار الحادث ماوعيت اله هنا بالمستشفى.
احجي اريد اسمع صوتج مليت
معرفت شنو احجي بس كتله ان شاءالله تكوم بالسلامه
ترجعين ويايه مثل قبل
اي ارجع والله ارجع
دخل نجم كال يله اجوي اخوتي ليشوفوها هنا ويروحون يكولون لابويه ويسوي تحقيق ونبتلي
لازم ايدي ويكول النجم دير بالك عليها
سحبني نجم بسرعه من يمه وطلعت واني اباوع عليه وهو عينه عليه ..
وصلني للبيت ....
***
مرت الأيام جنت اتواصل ويا بالتليفون وماكو فرصه أشوفه طلعوا للبيت ويم زوجته وجان يخابرني ويحجي ويايه مرات اسمع صوتها يمه تحجي ويا
اموت قهر وغيره واحسدها.

مرت الايام صار زين ورجعلي ورجعت اروح ويا وتقبلت الوضع غصبا عليه استسلمت صرت مقتنعه انه اني لازم تكون سعادتي ناقصه.
بس رجعنا نقل ملكية الصالون الي بس هالشي مافرحني جنت اريده زوج كدام اهله بس كلما افتح ويا الموضوع يسكتني يكولي انت متعرفين ابويه شنو لذلك اسكتي.
حد ما سمعت صار عنده طفل
جنت اتمنى اقنع روحي اتقبل الصدمات وحده وره لخ بس مجنت اتحمل جنت ادعي على روحي اموت واخلص.
هو ماگلي صار عندي طفل بس اني عرفت من الفيس من اجه ورحت ويا للبيت اول مادخلنا جنت ضايجه
كتله مبروك ماجاك يتربى بعزك.
تقرب مني كال والله تمنيته منج
جذاب وخر مااصدك بيك مااصدك بس يمته تعطف عليه وتطلكني اني هم حالي حالك اريد اتزوج كدام الناس ويصير عندي طفل طلكني اعطف عليه وطلكني.
باعي نادين هي الفكره شيليهه من راسج خوش طلاااك ماااطلك لو تتثالث كتلج اصبري هالوضع مادايم هوايه واني عد كلمتي وعد نخلف خمسه لا واحد ولاااثنين.

تكترت عنه وكعدت ع القنفه وهو كالعاده عود يقنعني عباله انسى لو اقنع لو أصدگه.

مرت الايام اروح ويا هيج بس حتى اتكفى شره بس كلش بارده ويا حتى هو يضوج.
اسئلة الحجيه تضوجني هاا لشوكت تبقون هيج من سنتين وانت ويا وحتى طفل ماعدكم يمته يعلن زواجكم.
مااعرف اجاوب ولااعرف شوكت أصلا.
هذا كل الي صار بالماضي
ونرجع للحاضر ..
من خابري عمار وطلعت اله بره وظل يحجي عليه لان تزوجت فرات بهي الطريقه بلحظتها اجه فرات ولزمني من زندي گلي من الاخ هذا عرفينا عليه نادين وخرت ايده لان اذاني واحنه ع الشارع مادري شبي هيج يصرف
كتله واني متوتره هذا عمار ابن عمي
عمار رأساً حجه
انت منين طلبتها ووافقوا يزوجوك اياهه هيج بالله
فرات: اني طلبتها من أبوها عندك اعتراض اخ عمار
عمار: ابوها فاقد الاهليه وهي مو تايهه وعدهه زلم واني ادري انت ماطلبتها من ابوها
فرات: باوع تره نادين زوجتي صار سنتين وعلى سنة الله ورسوله مو جاي انتَ تالي وكت تعترض
وصارت مشاده كلاميه بينه وبين عمار حاولت اهدي الموقف كتله عمار روح ابنك بارده هيج كاعد بالشارع حجيت واني لازمته من ايده سحبني فرات وكلي يله امشي ورحنه للسياره بس اني كلش توترت ماردت ابين العمار هيج زواجي ردت ابين اله اني مرتاحه وعايشه سعيده بس الحجيه الله يسامحها كعدت بالسياره واستلمت رزاله معدله من فرات واني طاكه روحي ومختنگه ..
اكولج هذا وين جان وهسه طلع ابن عمج الشفيه
فرات تره حقه عمار هيج يحجي
لا مو حقه متكوليلي وين جان وهسه طلع تره اذا فك حلكه مره ثانيه اله اسده اله برصاص
شدتكول انت فرات شدتكول شنو تريد تقتله مشفت عنده طفل وبعدين ماحجه غير الحق هو
وبعدين انت شون واكفه ويا هيج وبنص الشارع وماخذه راحتج وتحجين
اني مو كايلج لبسج هذا تغييري ومنا ورايح لبسي حجاب احسن
لا والله وليش ماتلبس زوجتك حجاب
مالج علا

قه بيها
انت هم مالك سلطه عليه ماطول مامعترف بيه
واذا راح نكضيهه عركه رجعني للبيت هوايه احسن
مارجعج مو بكيفج ..
وصلنه للبيت وشمرت روحي ع القنفه وبس افكر يربي ليش هيج صار وكدام منو.
اجه فرات كال كومي ناكل
ماريد
راح للمطبخ واني بقيت لوحدي بالصاله وصلني مسج من عمار كاتبلي
ناديين شنو حتى اسمج غيرتي لو هو يحب يدلعج
رديتله ماعليك بيه وخليك بحالك
ماشي نادين بس محتاجج بشغله
وهي؟
اريد تخلين ياسر يمج هالكم يوم عندي شغل ومن ارجع اخذه تكدرين
كتله يصير خير.
حذفت مسجاته.
بقيت كاعده بمكاني اجه فرات كعد يمي مبدل ملابسه بس بالفانيله والبنطرون وخله ايده على اكتافي وحظني كال
يلا عاد راح تبقين هيج مصنمه وكاعده
شتريد اسوي مو انفضحت
شسالفه احنه شمسوين قابل. كومي اكلي
مااريد
زين كومي ننام بس دخلي ويايه بالفراش منسوي شي والله نعسان.
كمت وكفت ورحت للغرفه اجه ورايه بدلت ملابسي وهو هم ورحت غسلت واجيت يمه بالفراش. بس هو جذاب ميكدر ميسوي شي
بقيت متخوفه صارلي كم يوم تاركه الحبايه مال مانع لان احسها سم ويمشي بجسمي.
يوم ثاني رحت للبيت وخابرت عمار يجيب ابنه
وجابه الي وهم ظل يحجي بس اني ماسكتت اله كتله معليك اني متزوجته على سنة الله ورسوله واني احبه
اي صاير عندج لسان ماخذيتي حقج منه بهذا لسانج
ليش ضامج عن اهله.
شدتحس هسه من جاي تحجي هيج من شمرني عمك وخالتك محجيت من نخابركم نكوللكم ابويه مريض متجون هسه من تزوجت حطيتوا روحكم.
اني معليه المهم ياريت اذا تكدرين تديرين بالج على ياسر واذا متكدرين عادي اشوف غيرج ولو معندي احد هنا أمن بي.
اي خلي يمي اني مو مثل بعض الناس تره عندي الظفر ميطلع من اللحم.
ضحك وراح والجكاره متوكع من ايده.
بعده على سوالفه مال قبل.
اخذت ياسر ودخلته جوه.
كعد بمكانه وماتحرك رحت اله كتله جوعان هز راسه لا
طيب تريد احضر الك الحمام تسبح
سكت
رحت حضرت اله الحمام واخذتله ملابس من الي جابهم ويا عمار وصحت عليه تعال اسبح بس مو تلعب بالمي الحار لتنجوي
كال اني جبير اعرف ضحكت عليه ودخل هو بالحمام
بقيت كاعده قريب للحمام لا يحتاج شي.
خلص وطلع. وراح مشط.
دخلت عليه كتله ياسر ياسر ميجاوب بعدهه اللتفت عليه كال نعم
ليش متجاوبني من اصيحلك ياسر
مجان اسمي ياسر هو عمار يكولي بهذا الاسم
تقربت عليه لزمته من وجهه وخر ايدي كتله شنو وضحلي ليش هو عمار مو ابوك ليش تكوله عمار ليش مو بابا؟!!
سكت ومجاوبني.
بقيت محتاره.
هالفتره ماطلعت بقيت بالبيت عمود ياسر.
فرات كلي امشي ويايه مكتله عندي ابن عمار.
مالي خلكه يحجي وخصوصا هو كلش كرهه بعد اخر مره.
كتله بابا كلش تعبان وحابه ابقى يمه اخترعتله ضروف حتى لااترك ياسر وحده.
اجه فرات للبيت تعشه يمنه واني خليت ياسر يم الحجيه حتى ميشوفه.
وكعدنه بالغرفه وحدنه. .. .
بعدهه بالليل راح.
وره يومين من بقاء ياسر عندي حسيت تعلقت بي ومااريده يروح شكد هادئ ومرتب ونضيف. بس اجه عمار اخذه وقبل لايروح ابتسملي وراح
مفهمت سر ابتسامتة عمار جانت كلها غموض.
اني رجعت الحياتي الطبيعيه رحت للصالون ورجعت للبيت بعد الظهر.تغدينا كلنه سوه ودخلت الغرفتي
اريد امدد وانام شويه وارجع للصالون عندي شغل.
دك تليفوني تناوشته عمار يتصل
جاوبته توقعت ناسي شي من أغراض ياسر.
كتله هاا عمار اكو شي ؟؟!
أني شايف اغبياء وناس فطيره بس مثلج مشفت مدري يمكن هذا الي اسمه فرات لاحس عقلج مدري انت من قبل هيج غبيه!!!
شبيك شبيك اوكف ليش هيج دتغلط احترم نفسك مااسمحلك مفهوم.
هه تقنعيني يعني ابنج جان يمج وگبال عينج ومتعرفي خليته يمج حتى تتعرفين عليه بس انت ماعندج ذرة احساس ياغبيه ياسر ابنج الي من سنييين ضيعتي وهسه راح يضيع منج مره ثانيه.
يتبع.

[ملكةه]

#في_طرفة_عين
بارت 10
نورا ناصر
في طرفة عين

- لا لا عمار وضح انت شنو تحجيي-
- ياسر ابنج ياغبيه ابنج الي ضيعتي من سنيين الي جذبتوا عليه انت وامي وكلتولي مات.
- لا عفيه انت تشاقه وياي تجذب عليه لو شنو بالضبط مامعقوله مستحيل لك عمار لاسوي بيه هيج كااااافي.
- اي ياسر ابنه اني وانت وهذا هو وهسه عرفتي وميهمني شتردين بعد راح اخذ ابني واروح باااااي

ظليت اصيح الو الو رغم عرفت سده بوجهي
حجيه جان مثل الصاعقه وكعت عليه
احس جاي امموووت واني بسكرات الموت
كل شويه اخذ التليفون اتصل بي ميجاوب تالي اتصل مغلق يمكن بالدقيقه عشر مرات اتصل اذا تكفي.
حسيت روحي مثل الغرگانه واريد حبل نجاة وامواج الضياع والحيره تحيط بيه وتريد تغرگني.
طلعت من الغرفه أشهك وأبجي وامشي واتعثر واوكع سمعتني الحجيه وطلعت من الغرفه مرعوبه وخايفه
اني كاعده بالكاع وابجي واون
جتي كعدت يمي
شبيج يمه شبيج خو ما رنا بيها شي
رنا صار فتره ماتتصل لان كالو اذا عبروا راح ينقطعون عنه فتره. والحجيه كل بالهه يمهه.

خليت راسي ع الباب الي وكعت يمه وكعدت ابجي واشهك واحجيلهه شگلي عمار.
وشبيدهه عليه ؟؟
نمت بحظنها ابجي وهي تبجي ويايه التليفون بيدي وكل شويه اتصل مغلق ليش هيج يسوي بيه اني شبيدي غير يوضحلي.
وشيقصد اني ضيعت الطفل هم مو كالولي مات
اخخ حقه يكول هيج اذا صدك ابني عايش اني شون ماحسيت بي اني ..

مرت الساعات وعمار مقفل تليفونه ميجاوبني.

واني مقيده بقيود الحيره والكبت
احس مذبوحه ، مطعونه. راجعت ذكرياتي وصلتني لليوم الي كلولي بي مات اريد اتذكر شي خيط يوصلني لذكرياتي ماكو مجاي اكدر افكر.
صار المغرب دك تليفوني فزيت عبالي عمار رفعته شفتها أم بنين نهديت بالبجي وحجيت الها واني وهي كل شي ماافتهمت مني كالت راح اجيج سديته منها دك تليفوني مره ثانيه وهم فززني شفته فرات اني الي خلكك هسه عفته مجاوبت ظل يتصل وميفك.
طمت روحي جاوبته مكلت الو كتله
شتريد فرات
ليش متجاوبين
مااريد اجاوب بكيفي وبعد لاتخابر
اكدر اعرف شبيج؟ ؟
بيه موووت ارتاحيت هسه
وسديته بوجهه.
اندگت الباب رحت فتحتها الها حضنتها وابجي دخلنه جوه بالصاله واجتي الحجيه كعدت يمنه كعدوا يهدون بيه ويكولولي خاف كذاب يلعب عليج وباعصابج.
تمنيت حجيهم صح لان صعبه عليه كلش مدااكدر استوعب.
بينما گاعدين اندگت الباب گلبي خفق وحسيت بغصه كلت يمكن عمار جاي حتى اكدر افتهم منه.
طلعت للباب اركض فتحته شفت فرات.
عبست وجهي
دخل وسد الباب.
نتر بيه شبيج اكدر اعرف؟؟
فرات تره عندي خطار جوه لصيح
دخلته جوه سلم عليهم وكعد.
رحت للمطبخ اسوي شي يشربوا بس بلا واهس هيج اطكطك بالمواعين مره اكول اسوي نسكافيه مره اگول اسوي شراب شوكولاته.
شويه ودخل عليه فرات للمطبخ مخنزر عيونه ومعاجبه لزمني من ايدي كال
شبيج اليوم؟؟
ادري فرات انت معندك غيري دروح لمرتك روح لابنك شعدك يمي لازكلي لزكه تره بزعت ملت روحي عوفنيييي.
اششش اسكتييي وهسه تحجيلي شبيج تره نفذ صبري وياج.
اصلا اني الي نفذ صبري وياك وهسه شتريد روحه ماروح وياك والحبوب كاطعتها صار شهر لان مليت من هالسم اليمشي بجسمي وشتريد بعد؟؟
انت من يوم الي اجه هذا ابن عمج وانت مو على بعضج
تلعثمت ومعرفت شجاوب خفت لايحس بيه ومااريده يعرف بالموضوع لايروح يخربه عليه كتله
اوووو داكولك تعبااانه وعايفه الحبوب ومتخربطه اوضاعيييي.

لملمني وحضني وخله راسي على صدره وظل يهديني ويحجي ويمسح على شعري
حسيت من بين كل احتياجات الكون جنت محتاجه الحضنه شهكت بالبجي ودموعي نزلت شلال.
وهو يكلي بس كولي شبيج وشون اكدر اريحج وماخليج تبجين بس استمريت اردد تعبانه تعبانه.
امشي ويايه للبيت هسه.
وخرت راسي منه كتله ماريد مو كتلك اوضاعي متخربطه وحتى نزف عندي
تردين اوديج للمستشفى هسه؟
لاء
انت ليش ماخذه عليه هيج نظره ولج اني احبج الج ريحتج بنفسي عندي كافي
مااريد فرات مابيه اطلع اريد ابقى هنا
اكولج انت خاف حامل وهيج مزاجج برتقالي
مبين شفت مرتك مزاجها تغير بالحمل عبالك اني مثلهه هااا؟ ؟
هسه شجابج عليها كل حجايه والثانيه مرتك! !
اي ماروح وياك مااريد
اني اعرف شنو المضوجج وعد مني هالاسبوع نصدق زواجنه بالمحكمه.
ومرتك
اووو معليييج انت اني اتصرف.
ظل يوخر شعري الواكع على وجهي كال
ماراح اخلي ابن عمج يحجي عليج ويجيبلج الحجايه انت محسوبه عليه و اني اعرف غلطت وهسه راح اصحح كل شي
بين كل هذا اني جنت ضايعه وحتى من كلي على تصديق الزواج مافرحت مو عمود ياسر لا بس قبل ليتزوج يمكن جان فرحت بس هسه متزوج وعنده طفل صعبه عليه.
اكتفيت بالايماء وهو كال راح اروح
طلع من باب المطبخ طلعت وراه كال رجعي انت مريضه والجو بارد
تدنيت يمه كتله اني اسفه صيحت عليك
ضحك وغمزلي كال متعود عليج اني وعلى مزاجج من ينقلب برتقالي وهذا الشي وخليها إبالج مراح يثنيني عن شي او يخليني اضوج منج او املج كرصني من خدي ونوب بوسني وراح.
من صدك جنت ضايعه و
احس بدون مشاعر.
سويت نسكافيه ورجعت للصاله.
الحجيه: راح فرات
ا

ي راح
الحجيه: ايييه فكه

طبعا الحجيه تكره فرات كلش مثل ماتكره علاء
رجل رنا وطبعا رنا عبروا لاوروبا وحتى قضيته هنا انسدت لان السراق الحقيقيين تم الكشف عنهم وتمت تبرئته.
ومحد طلع خسران غيري أني بكل شي اطلع خسرانه.
ام بنين تقربت مني كالت بهمس يعني هسه حبكت فرات بيگ اله هسه
شنوو؟؟
شو طولتوا جوه
هو اني بيا حال
اي مو ادري بي رومانسي زايد كلت اكييد شسمه
لا جنت اقسمله
هو يفيد ويا اشو هم ميفيد.
اووف بيمن احتار اني احس كلشي ماشوف وظلام يحيطني من كل جانب
مقيدةُ الروحِ أنا بقيودِ الكبتِ العقيم تراودني ذكرى تؤرقني أخرى تسلبني مهجةَ السنين ... أنا المجروحةُ بلا نزيف أنا المطعونةُ بلا سيف.
أنا عبقُ الجروح مسلوبةُ الروح لا عليك فهذهِ أنا! تمزقت محاجرُ عيناي بلا دموع!
مغللة العنق بعبرة لا أفهمها!
هل رأيت نجوماً تطلب الرحيل من سديمها؟!
هل رأيت القمر يطلب الشمس قدومها؟!
هل رأيت الأرض مع العقاربِ دورانها؟!
أنا رأيت أجل رأيت رأيتُ نفسي خلفَ مرأةِ الزمان رأيتُ موتي خلفَ قضبانِ الحنين.(منقول)
***
بعدهه راحت ام بنين خطيه جتي تواسيني
اجوي عليهه ياسمين وماهر جانوا طالعين.
اخذوها وراحو.
بقيت اني الحجيه نامت وابويه هم.
خليت التليفون يم راسي انتظر عمار يحن عليه ويخابر.
ماكو مااتصل.
بس فرات دزالي مسج يطمئن عليه
رديت عليه خاف صدك يظل باله يمي
كتله ماكو شي حبيبي لتخاف عليه اني زينه.
وبقيت طول الليل محتاره وضايعه احس روحي بنص عتمه ومااكدر اطلع منها.
فكرت قبل لاأنام اروح للمكان الي دعمته بي بلكي اسال احد ويعرفوا.
كعدت الصبح مكسره من الارق والسهر لحد الفجر اني اتقلب بالفراش وماكدر انام يمكن حوبة فرات لأن مقبلت اروح ويا.
رحت اغسل وجهي باوعت ع المرايه عيوني حمر ومورمات وشحالهن.
اول شي رحت لابويه فوته الحمام وغسلته وبدلت ملابسه.
بعدهه رحت للحجيه كاعده صبحت عليها
ودخلت المطبخ اسوي ريوك
دك تليفوني وي كل دكه ينتفض قلبي.
شفته فرات جاوبته يسأل عني صار مهووس بيه اكثر من قبل ماادري شبي !!

بعدهه ريگتهم ورحت بدلت ملابسي وانتظرت ام حسن تجي تبقى يمهم حتى اطلع.
من جتي رأسا طلعت.
اسوق بالسياره واتذكر المكان الي دعمته بي الياسر
اريد بس اتذكر المكان قريب ع الصالون بس مو كلش هوايه.
بقيت اتفحص المكان لمحت عمار من بعيد واكف ويدخن ولوحده. بلحظتها تمنيت عندي بنزين وارش عليه وجداحه واشعله واشعل أهله.
ركنت السياره بمكان وعبرت الشارع.
وكفت يمه وهو حتى مايحس تالي طبطبت على ايده عمار عمار
اندار عليه هاا شكو شجابج هنا
اكولك انت ليش تصرف هيج ويايه هي هاي دكه تسويهه بيه ؟
باوعلي عيونه حمر ويحجي بثماله
وهسه شتردين
شنو انت شارب رجعت للشرب ادري متخاف ع الطفل وياك؟ ؟
ظل يفرك بوجهه وعيونه ويتحسر
واحنه بنص الشارع
فهمني عمار فهمني شنو السالفه بس احجي
قابل هنا نحجي؟
امشي ويايه لأي مكان
ياسر نايم بالفندق مااكدر اعوفه اريد ارجع يمه
ميخالف اروح وياك عفيه بس فهمني.
امشي ويايه.
مشيت وراه حد ما وصلنه الفندق بس فندق كلش قديم ومهترئ يمكن لان رخيص باقين بي سوده عليه ياسر حبيبي.
كلي اوكفي هنا هسه اجي بس احسه مو بوعيه زين راح حجه ويه الاستعلامات ورجعلي.
صعدت الدرج ونوب دخلنه للغرفه.
ياسر جان نايم على سرير ابو نفر رحت عليه بوسته وشميته هو كعد مزعوج يكولي ايييه وخري قهرني كلش وخرت منه
عمار واكف يم الباب وشعله جكاره ويدخن.

رحت يمه كتله عمار عفيه فهمني يعني ابني مو ميت يعني صدك ياسر ابني؟ ؟ لعد شون كالو مات وين جان كل هالسنين.
نفخ الدخان وراح يم الشباك مال الغرفه رحت وراه ظل يحجي
ياغبيه طفل ولدتي بالبيت معرفتي تحافظين عليه ولج نسوان يجيبن يم الغرب بالمستشفيات ميضيعن اطفالهن ولج اخذوا منج ونسبوا لانهار لان مجانت تخلف.
ومنو كلك انت هاا منو كلك.
رجعت من تركيا شفت انهار مطلكه من رجلها وماخذ كل جهالهه الي صاروا بعد ياسر وامي مريضه بالخبيث وتعرفين مدري متعرفين امي شكد تخاف من الموت ورغم هذا كله بلاويهه سوده مصخمه اعترفتلي بكل شي اخذته وغيرت اسمه الي جان محمد وسميته ياسر.
وهسه ليش جاي تلومني اني هاا مشفت نفسك شون جنت قبل؟ ؟؟ جنت سكير وساقط وعايفني ليش مبقيت يمي وحافظت على ابنك؟ ؟ ليييييش وينه ياسسر؟ ؟؟
اللتفتنه بالغرفه ماكو ياسر
طلعنه نركض اني وعمار من الغرفه راح سأل الولد عليه كالوا مشفنا.
طلعنه من الفندق نفتر بالشارع هم ماكو. ظلينه ندور منا ومنا يم الفندق.
دقايق وكفت سياره نزل منها فرات وويا جماعه
خليت ايدي على حلكي هذا شجابه هو اني ادري بي يراقبني شون ماحسبت حسابي.
سحبني من ايدي بينما جماعته اللتموا على عمار يضربوا !!!
فوتني بالسياره وصعد واني مخليه ايدي على حلكي وابجي مدري على ياسر مدري على عمار راح يموتوا ماادري على الوضع الي شافني بي فرات واني طالعه من الفندق ويا عمار.!!
اول ماصعد ضربني حييييل على وجهي وحرك السياره ومشى سرييييع.
يهدد ويتوعد ويسب ويغلط بيه. .....
يتبع.