درر العراق

صباح السراي · 19/July/2018

لاتعلمني الضحك
وأنت البديت
علمتني شلون من
تهجرني أون
علمتني بحسرة الغركان
لو شاف الشراع
شلون حاله بيوم
عبرنه السفن
علمتني وياك
أسوي الروح كاع
ومرن سنينك علي
مرت فدن
لاتعلمني الضحك
كتلك نسيت?
تريدني أذكر ضحكة
الشامت ترن
أنه خلصت
الشفايف عض عليك
بدون شفه شلون
لو يضحكلي سن
أنت مدري بياحضن
نايم سعيد
وأنه أكضي الليل
بهمومي أمتحن
أنه ماعندي حضن
حتى أحتويك
مرت أيامك علي
مر السحاب
وياسحابه شكد علي
ذبت حزن
لا تعلمني الضحك
بسك حرام
ماتلوك الضحكه
للشابع دفن