المشاركة الأصلية كتبت بواسطة طيف .
اعتقد فحوى الرسالة لا يعنينا بشيء
لروحهِ السلام
ولكِ الشكر
لا الخلل بصدام ولا بالمالكي ولا بالعبادي
اكو اشياء ممكن نغلس عليها واشياء يوم عن يوم تكبر والخلل يوضح اكثر واكثر
واقرب مثال ما دنشوفه هسة هالايام
الخلل باغلبية الشعب
اتعلمنا نصفك ونعظم ونقدس ياهو اليجي يحكمنا
طول عمرنا منقسمين ومشتتين حتى بالبيت الواحد
عمرنا ما اتفقنا على شي حتى نتفق على احد
ولا عمرنا رضينا على نفسنا حتى نرضى على احد
صدام حاله حال الماضي
يوم عن يوم نترحم على اليوم القبله لان يومنا الحالي اسوء
طبعا الكلام ينطبق على العرب بشكل عام مو بس بالعراق ( الفرق انه بالعراق من مقتل الحسين ليومنا هذا نقاتل بعضنا ونتحارب ) ماندري حوبة دم الحسين ولا حوبة دم منو رب العالمين ( اللهم لا اعتراض ) دندفع ثمنها الطيب والظالم.
شكرا مراسلتنا الرائعة على الموضوع
مودتي
لا صدام بي خير ولا داعش اثنينهم دمروا العراق
بس بهذا الوقت البعض كدر يعبر عن عقائده الي جان حارمنا منها صدام هسه كل شخص يكدر يدافع عن نفسه بزمن صدام لا
صدام جان يقتل ويذبح بدوون سبب
جدي احد الي قتلهم صدام والسبب لان جان يشتري اكل من فلوسه ويوزع للفقراء وجان يدافع عن كل شخص مظلوم وهذا زعج جماعت صدام لان خير وتسببو بقتله
ياريت تسمحيلياذا عندج شهيد راح تعرفين قصدي..شهدانا وفلوس العراق وهيبتنه وكلشي راح... شغله الاعدام الجماعي كلنة نعرفه....
بس مو بوحشيه داعش ولاعتداء على النساء ولاطفال اني اتكلم فقط من هل ناحية
وانتي لو عندج شهيد بوقت صدام ونقتل بدوون سبب لا بتفجير ولا بالغلط انقتل لان يساعد الناس جان فهمتي قصدنا
والاعدام الجماعي ميقل وحشية عن افعال داعش
اكو عوائل انقتلت بالكامل
الأصح انو انكول الاثنين خلو العراق يعاني وقتلو ماكو واحد بيهم زين
اني بس اريد اسال صاحبة الموضوع
شنو تريد بهالموضوع!!!!
بالنسبة للوحشية انت لا تتذكرين ولم تري بعينك ماذا كان يفعل ال..... كانو يضعون اصابع ال TNT على صدور ابناء الشعب ويفجروهم
والان احفادهم يختطفون الجنود ويفعلون مثلما فعل
والضرر واقع على الجميع في ذلك الوقت والان الجميع تضرر
ارجو الابتعاد عن النزعات الطائفية وتاجيج الطائفية مرفوض قطعا
مداخلة بسيطة
بما انه الي يتكلم بالحق بهالوقت صار بعثي لو داعشي لو مندس
وما احب احجي بهالمواضيع لان اني ضدها تماما بالخير بالشر لازم نكون واقعيين وعايشين الظرف الحالي
بس اكو اشياء لازم تنحجي لان باجر عكبة راح نتحاسب عليها.
بس قول الحق واجب
انت تكول جان يخلي اصابع الـ TNT بصدور ابناء الشعب
هي صارت مرة وحدة ولناس ضد الدولة وفجروا جامعة بيها طلاب وبيها ناس وحاولوا يغتالون واحد من قادة البلد؟
ونقطة احفادهم يختطفون الجنود .... الخ
احفادهم الي تحجي عنهم منين جوي ؟ من ايران لو من السعودية لو من الشيشان ؟؟
مو احفادهم همة من العراق نفسه ؟ مو من الشعب نفسه ؟ مو من الشمال للجنوب ؟
اخي المشكلة والله ثم والله ثم والله بينا مو بالحاكم ..
الحاكم يستغل جهلنا وضعفنا ومحدودية تفكيرنا ..
لا صدام ولا المالكي ولا العبادي بيهم خلل .. لان جنون السلطة مرض يصاب به كل من يجلس على الكرسي مباشرة دون ارادته.
المشكلة بينا جنا نصفك لصدام وبالروح بالدم نفديك ياصدام وهسة نركض ورة المالكي وسويناه مختار العصر والعبادي سويناه الملك الي جابه النا القدر وخلصنا من المالكي وهكذا ... لو يجي نتنياهو لو ترامب نفسه راح نسوي وياه هيج ونطلع ونهوسله ونتمسح بيه.
هذا احنا واسف على المثل : احنا ما نبجي ع الحسين .. نبجي ع الهريسة
اسف على المداخلة المطولة
مودتي
انا ما اخالفك الراي
والي اندفنو احياء بنكرة السلمان ؟
اني اطلاقا ما اخالفك الراي
بس عندي نقطة خلاف وحدة وياك
انا ضابط نفسي ما ابجي عالهريسة
ولا ابجي عالحسين
ابجي على روحي لان احنه شرار الامة
هم الي يقتلون ابن بنت نبيهم شنو تتوقع منهم!!!!!
خلص ما اتوقع منهم الا انه راح يبقى يجي يحكمهم حاكم جائر
بالنسبة لنكرة السلمان نفس ما صار بسبايكر وغيرها وغيرها .. بكل ظروفك واحاولك دمك مستباح بسبب وبدون
طبعا كلامي الي كلته ما ينطبق على 100% من الشعب طبعا لا لان لو خليت قلبت
ما عدنا الا ان ندعي ونكول الله يستر علينا ما تبقى من هذه الحياة.
مودتي
والله يا صديقي
ماترهملنه كل چارة
ونبقى مثلما احنه مهما تغيرت الحكام
فالشعب واحد
رد مع اقتباس