عاشت ايدك .. فجأة صار التظاهر غير حضاري و متخلف و الشباب بلا وعيالمشاركة الأصلية كتبت بواسطة حازم البغدادي
عاشت ايدك .. فجأة صار التظاهر غير حضاري و متخلف و الشباب بلا وعي
اتفق جداً
باختصار ما يحدث الان نفس سيناريو ماحدث في سوريا قبل عدة سنوات قبيل اندلاع الحرب فيها
الموضوع طويل وشائك وبس الله اليستر ماكو غيره
هذا باختصار
صاحبي.. اني طول مدة المظاهرات متواجد بالمظاهرة صح صارت امور كلش مو زينة بس مو كل المتظاهرين سووها.. مثلاً. حرق الكرفانات بالشركة النفطية بمناطق غرب القرنة؛ نعرف منو حرقها وقدمنا اساميهم لشعبة مكافحة الاجرام بالقضاء( ومحد وصل ألهم والأسباب معروفة) وتبرئنا منهم ومنعناهم من الوصول للمظاهرات مع تهديد من لجنة المتظاهرين.. أما بالنسبة للهجوم ع القوة الضاربة ف_كان الهجوم ردة فعل بواسطة حجارة( صلبوخ ) من قبل المتظاهرين مقابل اطلاقة نار بالتقابل ( نية قتل ) من قبل القوة الضاربة.. الحمد لله تم التوضيح للشركة عن اسباب هجوم المتظاهرين وتم الاتفاق على حل التظاهرة لأشعار آخر.. وثانياً هسه ان انتم بدل هالنظرة السلبية نظروا نظرة إيجابية للمظاهرات بحيث صارلنا هواي نتمنى ان نخرج بمظاهرة ضد هااي مجموع الحرامية المسمين انفسهم سياسيين ليش تحاربونا مقابل كم ألف دولار... بالعباس جااي تحسسونا بأن احنا مثل داعش بل أسوأ من داعش.. اذا فشلت هااي المظاهرات تمنوا بعد بمظاهرة ثانية
عاشت ايدك ..حاليا اكو هجمة قوية ع المتظاهرين لأسكات اصواتهم وقمعهم والسبب( تخريب البنايات) ..من اليتامى واولاد الشهداء وامهاتهم يتسولون بالشوراع ولا واحد من اصحاب البنايات والكراسي اهتز علمودهم بس من تتخرب البنايات تقوم القيامة ..
شنو فائدة البنايات اذا مجاي تسوي الغرض اللي انشئت لأجله!
ماينفع بعد يقدمون المتظاهرين ورد علمود تتحقق مطالبهم لا الشعب يعرف جيدا اذا مو بالقوة واذامايقدم شهداء فالمظاهرات السلمية مااتجيب نتيجة..
شكرا جزيلا ع الطرح اخي
شكرا للطرح اخي العزيز ..
انا لا اقول شيئاً من خلال الموضوع
سوى ( اللهم احفظ ابناء العراق ) ..
انا قلبي يحترق واتالم كثير لما ارى دول الجوار هل الرفاهية والتطور ونحن نفترق اكثر مانجتمع هذا تابع لحزب فلان وذاك تابع لفلان واخاف نصبح مثل المحافظات الغربية هم مظاهرات سلميه ومطالب مشروعة وتفاوض وشيوخ عشائر بعدها صار الي صار واذبح اغلب ابنائنا بايادي اجنبية وعراقية وخربواااا المدن وعم الخراب في البلاد ونحن نتحمل قسم من المسؤؤلية بانتخابنا الخونة والقتلة والفاسدين لو نخرج كل الشعب بمظاهرات عارمة سلميه وكل من يخرب ويعتدي نفسهم المتظاهرين يردعوه واذا لم يصر حل نعتصم ونعطل الوزارات كافة وتكون اول المطالب الغاء مجلس النواب ومجالس المحافظات لان هم خراب البلد والفساد
اخوان انا لم اكن ضد المظاهرات والناس الي خرجت من ضيمها انا عشت بالبصرة واعرف معانات البصريين الله يكون في عونهم البصره هي ام الخير وخيره لغير اهلة بس خوفي على اهلي وناسي من الفتن والدسائس واخاف تدخل بيه دول الجوار وتخرب الجنوب مثل المحافظات الغربية
نقول اللهم احفظ العراق واهل العراق والعن كل من كان سبب دمار العراق من الفاسدين المجرمين يارب
لايخفى على الجميع مكر ودهاء هؤلاء الشرذمة الذين يسمون بالسياسيين ، فمثلما دمروا وخربوا البلد في سياسياتهم اللعينة فهم اليوم يخربون ويدمرون لإسكات المتظاهرين وقمعهم ..
ولا استبعد ان يشعلوا فتيل حرب أهلية واقتتال وازمة بين الناس في سبيل بقائم في مناصبهم وكراسيهم .
وهم معذورون طبعاً بحجة شرعية حصولهم على هذه المناصب ،، فالمتظاهرين أنفسهم من اعطاهم هذا الحق وهذه الشرعية قبل شهر من المظاهرات .
لا يجوز الاعتداء على قوات الأمن ولا الممتلكات العامة والخاصة أما مقرات الأحزاب فأمتنع عن إعطاء رأيي، لكن كونو على يقين أن الأحزاب القذرة المستبدة المتولية للسلطة هي التي تزرع مندسين بين المتظاهرين يخربون ويعتدون لتشويه صورة التظاهرة وحرفها، نعم نجح أحد الأحزاب بتسييس التظاهرة في وقت لاحق بدليل تعرض مقرات كل الأحزاب للهجوم ولم تتعرض مقراته لذلك فلماذا؟
السلام عليكم
1- صديقي المضاهرات مو مسيسه اكو بيها مخربين صح واكو مندسين بس قله واكو ملو من الوعود
2- ما يجوز تخريب منشئات الدوله و المضاهره سلميه اني متواجت من الصبح اكتفو بقطع الشوارع وحرق الاطارات بس فاجئهم محد مهتم ولا مسؤول ولا حته قائد شرطه ناس دك بيها الشمس ولا جنه صاير شي
4 - ما يجوز قوات الامن خط احمر ... بس يجوز من يعتدون ع المتضاهرين !
واخيرن نعم يجوز الاعتدا ع اي مقر حزب .. وحرقه بمن فيه ... هاي الاحزاب ما نفذت اي وعد بفترت 5 سنوات غير السمعه السووها بالاسلام وهسه الناس كلها تكره الاحزاب الاسلاميه من وراهم ... واعتقد هذا مخطط خارجي هم مثل ما سوو بايران سابقا.
رد مع اقتباس