مرحبن
اريد اسوي حلاوة جكليتية هاي التسوه بالطحين والحليب ... وماعرف شلون وشكد المقادير والخطوات
واذا انشرها بعضويتي حتصنفوني
علموني اذا تعرفون
مرحبن
اريد اسوي حلاوة جكليتية هاي التسوه بالطحين والحليب ... وماعرف شلون وشكد المقادير والخطوات
واذا انشرها بعضويتي حتصنفوني
علموني اذا تعرفون
كل الهلا
سويت تاك لجوري وفقد الاحبة خبيرات الدرر
مرحبن
3 كوب حليب بودره
2 كوب طحين
1 كوب نشا
1 و نص كوب زيت
نخلط الحليب و الطحين و النشا
نحمسه بالزيت حتى يصبح لونه ذهبي
نضيف القطر
والف عافيه
الطريقة الامثل
1- واحد وكسور زيت الزيتون
2-تغطين اديج بالطحين وتطلعيهة انوب راح
تكون بهذا الشكل
3-غسل اليدين بالماء الفاتر وتنشيفها جيداً بمنشفة (خاولي)
4-الذهاب لاقرب محل حلويات وطلب حلاوة (جكليته)
وبهذا راح تكون عدنه حلاوة جكليته متكاملة
واذا ردتي حلاوة الايمان فهسة مشغولة يجوز العصرية تحصليهة
التعديل الأخير تم بواسطة ^_AHMED_^ ; 16/July/2018 الساعة 3:12 pm
مدري ليش احسج حلاوة الايمان
عود من تسويها ..سويلي تاك
هههههههههه
حبيبتي ليش حتى يصنفون حلو الواحد يتعلم قابل اجينه للدنيا كلشي نعرف..
حبيبتي
المقادير..
كوب ونص حليب باودر
ربع كوب طحين
ربع كوب نشأ
ثلاث ارباع كوب زيت
وهيل ماء ورد كراميل
تخلطين المقادير كلهم سوه وتحمسهم ع نار هادئه حتى لا تحترك وتبقين تحمسين بيه لحد ما يصير لونه جوزي اطفين النار واضيفين الشيره بالتدريج لحد ما اشوفين قوامها زين لا ثخينه كلش ولا خفيفه هي حتى لو اصير خفيفة بعدين تثخن كلما اصير خفيفة احلى بس مو خفيفة كلش وتحركين بيه لمده 3-4 دقائق
مقادير الشيرة
كلاصين سكر
كلاص ماء
وعصره ليمون
وماء ورد وهيل
وتركينه ع النار لحد ما يصير قوامها زين لا تخلينه تثخن كلش
والكلاص لتقيسين بيه نفسه قيسي بي كل المواد
وهاي خاف ما تعرفين يعني اشكد الربع
الربع...يعني ثلاث ملاعق كبار
وثلاث ارباع..كلاص بس قبل لا اترسي بشوي..يعني لا اترسين الكلاص كلش
والف عافية حبيبتي
الحلاوة تنشر بقسم ( قلوب حائرة )
مدري ليش حسيتها كات