هنا

[Gardi]

جنت افكر قبل شوية
يعني الا نصير علي بابا يلة تعتبر احتاجات وغضب شعب
شوفوا والله اذا انطوهم مجال بعض الشراذمة
راح يسووها حواسم
لذلك التثقيف ضروري وجداً. بهذه المرحلة
ولا ننسى الأطراف الي تريد اسقط فلان وعلان
كلها تصب بخدمتهم سواء تخريب او غيرة

[سورين]

#منقول
الي صار اليوم في محافظة النجف الأشرف
والله شاهد على كل حرف رح اكوله الكم

دخلنا المطار واحنا نهتف (( سلمية _ سلمية ))
طبعاً ما لكينه لا أمن مطار ولا احد اعترض طريقنا
وصلنا لقاعات الأنتظار ورحنا للمدرج ماكو شي
ورة شوية اجو سوات و أمن الملاعب والشغب

كالو احنا اخوتكم ووياكم . راحوا للمدرج واحنا
بقينا بالقاعة ع البرودة والمطار كطف جكارة
ما خلينا بي وحافظنا ع كل شي لدرجة ممنوع
أي شخص يصعد ع الكراسي

وره شوية قوات سوات وأمن الملاعب هجمو علينا
من الخلف ( من باب المدرج ) بالعصا الكهربائي
ومسيل الدموع

طبعاً احنا انغدرنا صارت ركضة والباب مال الخروج
من القاعة صغير ومسوين بي لوفات بحواجز لابد شايفي

عددنا كبير لدرجة اضطرينا نكسر الجام بس حتى نطلع
ونحمي نفسنا وكل كرسي انرفع من مكانة جان لحماية
انفسنا من القوات يلي ضربونا واكو عدد اصابات

الأعلام المتحزب رح يبدي يروج ويكولون اهل النجف
خربوا الممتلكات العامة

لكن امانة الله الأمن يلي اعتدوا وخربوا وبسببهم كل شي

اتمنى توصل هاي الرسالة قبل الأعلام المتحزب
ماهرف صح او خطاء هاي؟؟!

اي اعلام متحزب عزيزتي ؟!
الي حچيته حدث أمامنا
وأمن المطار ما اتدخلوا لمنع اي تظاهرات
وبرأيج الي يهجم ع مطار
يگطفوا بورد لو يمنعون دخوله
من اجل سلامة المسافرين !

[لانا احمد]

اللي دمر هذا البلد هو الشعب نفسه ... فديته
^^

[Hunter]

عمرك وعمري طويل ان شاء الله
ونشوف الفرهود الي راح يصير يا خويه الغالي
اني اعتذر منك على منطقي الفض الغير سليم لاني لست بروفيسور في علم الاجتماع ولا علم الاقتصاد ولا الهندسة
لكن انا من كلت هيج هو دوله وما باني تجي انت وني نفلش المبني ونحير منو الي يبني؟؟
هو هذا المنطق السليم؟؟ نكسر ونحرك؟؟
عاشت اديكم

و لا اني فيلسوف او عالم اجتماع
اذا تقرة تعليقي رح تشوف اكثر من مرة كاتب التخريب ممنوع و محد يشجع عليه بس انت مصر تعمم حالات فردية ع الوجه العام للتظاهرة
بس المنطق السليم ما يكول تظل كاعد و ساكت سنين بحجة هو هذا الموجود

[Hunter]

​انت تعرف انه الثقافة ما الها دخل بالكتب خالد
واي مطالب ارجوك ؟!
كل الي دنشوفه مجرد غضب شعبي
لا مطالب واضحة لا تخطيط وتنظيم واضح !
اني احجي عن مظاهرات تقود لبناء البلد مو تدميره اكثر مما هو متدمر !!!

و لذلك كلت مالها علاقة بثقافة ناس تريد خدمات مو طالعين من شارع المتنبي ..

من 2003 و ليهسة ما تعرفين شنو هي المطالب و كأنه عايشين بنعيم هسة اذا تجيبين طالب متوسطة يعددلج شنو المطالب اليردوها الناس بس احنة الا يصيبنا الشي يلة نتظاهر لذلك المرتاح ما يتظاهر او يساند غيره

[سورين]

و لذلك كلت مالها علاقة بثقافة ناس تريد خدمات مو طالعين من شارع المتنبي ..

من 2003 و ليهسة ما تعرفين شنو هي المطالب و كأنه عايشين بنعيم هسة اذا تجيبين طالب متوسطة يعددلج شنو المطالب اليردوها الناس بس احنة الا يصيبنا الشي يلة نتظاهر لذلك المرتاح ما يتظاهر او يساند غيره

قبل فترة من صارت تظاهرات منطقة النهروان وكان وسام هناك
واتنفذت جميع مطالبهم
لأن كانت محددة والتظاهرات منظمة بدون وجود اي تجاوزات او شغب !
حالياً التظاهرات مثل بحر هائج
الواحد يحتاج يديره بشكل منطقي
بدون اي خروقات سواء من المتظاهرين او الامن
حتى الواحد يفهم شنو ديصير !

[❀aşk çiçeği❀]

.مو مو اول مره تصير هاي المظاهر اكو قبلها هواي انتي ماتذكرينه
......
عمو هسا احنا دنحجي والله لو يبقون يعصتمون كل عمرهم مرح يتغير شي لان مستقبل العراق هو نفسه مخططيه وصدكني كل المشاغبات والاحداث هي نفسها مخططيلها من زمان يعني مو شي غريب الي صار ولا حدث كارثي ألف واحد يحجي بوقت الانتخابات ويكول اني واني بس مايصعد كلشي حجوا يصير هبائاً منثوراً ...مااعرف ليش لازم اندخل مقتدى بالكلشي بالنص ترا نفسهم الي ديتباجون ع المطار ومكبرين قيمة النجف بي ترا قبل فترة همينه دخلوا المتظاهرين للمجلس النواب الي يعتبر اهم شي واهم مركز انت فكر بيها دشوف حرامي كل يوم ديسرقك وينهبك اكيد مرح تبقى ساكت واصلا هاي المتظاهرات دصير حرب والله وابقى اشوفها مهرجانات حتلوا اطورت مدام امريكا وايران ديدخلن بينا مرح يصير براس العراق خير

[برلين]

اولا هاي المظاهرة غاضبة وليست سلمية

شوفي راح انقلك تجربتي بالمظاهرات ، اني مواطن متعين باحسن مكان وعندي سيارة وتقريبا مرتاح بس مع ذلك بكل مظاهرة اطلع لان دائما نطلع للأفضل ، طلعنا اول يوم المظاهرات اني واصدقائي 11 نفر ، رحنا احتجينا بباب المحافظة من ال9 الصبح والعدد المتظاهرين كان قليل نوعن ما تقريبا 80 شخص او اقل، ضلينا نهتف ساعتين بالشمس والحر كتلنا ولا مسؤل طلع وكال شنو مطالبكم ، صارت الساعة ب11 ونص بدت الناس تستهر وتغلط وتسب بالسياسين واكو محاولات بائسة لاختراق حاجز مكافحة الشغب ، وراها انتبهت ان اعدادنا كاعد تتناقص والمتظاهرين بدوا يغادرون فاني لميت اصدقائي واتفقنا ناخذ المتظاهرين ونسد شارع حيوي حتى نظغط اكثر ع الحكومة المحلية ونلفت الانتباه ع الاقل، وفعلا بدينا ندعوا المتطاهرين لغلق الشارع العام وفعلا سدينا الشارع والمتظاهرين بدوا يزدادون ونصبنا الخيم، واني انسحبت لان جنت بوكتها ماخذ اجازة زمنية ، وراها كالوا جايين مكافحة الشغب مفلشين الخيم، وصارت مناوشات بالطابوق وبدت تتحول المتظاهرات الى اعمال شغب .، فجدا عادي وطبيعي اشوفين ناس تفلش وتظرب وتحرك لان الناس وصلت الى مرحلة الانفجار...


واكو مثل يكول الايدة بالثلج مو مثل الايدة بالنار
انتي روحي جربي طلعي واوكفي بشمس تموز ساعة مو اكثر وماكو مسؤل متنفذ بالدولة يطلع يشوف طلباتك و بهذاك الوقت حاولي تبقين ع وعيك المثقف