هنا

[نـايـا]

اختلاف الرأي لا يفسد للود قضية ..احترم وجهة نظرك وعلى راسي انتي والاخت لارا
وهذة تقيم ثاني اليوم ناوي اخلص التقييمات عليج

اكيد الود باقي(:
سالم راسك اخوية
شكرا ع القييمات

[اسرار الكون]

مرحبا

تحيز ! ماكو شي منتهين منه
بس اكو امر طبيعي يصير بالنت اوبالواقع (تحجي وتضحك وتهتم باللي تعرفه "صديقك" واللي ماعندك ميانه وياه يكون كولشي رسمي)
لهذا السبب اكو اعضاء يحسون اكو تحيز بس هو مو تحيز اطلاقاً بس لان هم ماعدهم تواجد مستمر وعلاقه قوية بالاعضاء ف هذا الشي يصير وياهم ..
و ع هذا موضوعك واجب عليك الاتي :
١)تنزل موضوعين اليوم ..
٢)ترفع صورة بالاستوديو ..
٣)تقيمني

حتى نثبتلك العكس

تحيتي

[Gardi]

متابعة
هم هم

[Mohammed K.F]

نائبنا الغالي VIP Engineer
اختلاف الرأي لا يفسد للود قضية ..
ما ادري ليش كلكم تركتو الموضوع وركزتو على كلمة طائفية ..!!على الرغم انو اني ذكرتهة مرة واحدة في الموضوع وقصدت بيهة
اهمال الرد على مشاركات بعض الاعضاء من دول اخرى مثل اغلب مواضيع ومشاركات الاخ سمرقندي (الفتى هنري)
اني ما جاي احجي عن نفسي انما جاي انتقد سلوك على مستوى عام
اتذكر مرة حظرتك وجهت الاخت المشرفة امنية بحذف موضوع الي بمنتدى من هنا وهناك (المقهى العربي) متذرع بذكر مصدر الخبر على الرغم ان المنتدى اعلاة لايطلب ذكر المصدر لكونة ليس سياسي والموضوع كان عبارة عن مقطع فيديو لحادث سرقة حقيبة من يد فتاة يمنية وورد في سياق الخبر ذكر جماعة الحوثي ..
طبعا اني اعترض بوقتهة وامنية كلتلي انتة لوجهت بحذف الموضوع ..وحذفت الموضوع عن طيب خاطر رغم اني مامقتنع بالسبب
هذة مثال بسيط حضرة النائب وشكرا لحظورك والمشاركة ..
على راسي انتة ورأيك

مع انه ما احب مناقشة حالات فردية، لان مكانها قسم الشكاوي وصاحب الشأن هو يكتب عن قضيته..
فعلا انا وجهت بحذف موضوعك للسبب المذكور لان الموضوع كان عبارة عن فيديو وخبر عن حادثة وقعت باليمن واشارة الى النزاع القائم، ومن خلال الكلام واضح التحيز لطرف دون اخر ( يعني ينطوي تحت مفهوم الاخبار السياسية)..
واذا كنت تشوف رأيي مو صحيح المفروض تكتب بقسم الشكاوي..
بشكل عام المنتدى مستقل عن اي توجه سياسي او ديني.. والكل مرحب به
يسلم راسك

[sawsanmahmoud]

الاخت العزيزة نايا...
مو بالضرورة تشوفين كلشي وتلاحظين كلشي بس هذا ما يعني انو هالشي ماموجود
انتي ما تلاحظين غيرك يلاحظ ويحس بالغبن ومرات يترك المنتدى
اكدر انزلك 100 رابط لمشاركات واخص منها باكثر موضوع بي تفاعل بالمنتدى موضوع صور الاشخاص الحقيقية
شخص ينزل صورتة بالموضوع وما يلاقي اي تفاعل ويجوز حتة ولاتقييم ماعدا اني قيمتة وعلقت على صورتة في وقت جواة شخص نزل صورتة بفارق دقائق و20واحد رد علية على الاقل فد2او3 يجاملونة ويعلقولة
هسة لو اي وحدة منزلة تك عين مو جان ضلت 3ايام التعليقات مشتغلة
هذا غيض من فيض
تحياتي
وشكرا للمشاركتنة الرأي

من خلال كلامك هذا تبين انو انت مأكد على موضوع صور الأشخاص أو الأعضاء الحقيقية و ذكرت (بانه شخص ينزل صورتة بالموضوع وما يلاقي اي تفاعل ويجوز حتة ولاتقييم ماعدا اني قيمتة وعلقت على صورتة) شلون عرفت انو بس انت الي قيمته !
يعني الي يريد يقيمه على صورته يكوله اني قييمتك !
​صديقنه العزيز تره منتدى درر العراق منتدى عام مابي لا تحيز ولاعنصرية وتشوف أعضائه من جنسيات وعقائد واديان مختلفة
ماكو اي تحيز ولا اي تفرقة بين عضو وآخر
بقى كل عضو يتميز على حسب شخصيته ونشاطه وجهوده بالمنتدى
شكرا صديقنه لإهتمامك وملاحظاتك
تحياتي الك

[Asᴅ.Aℓяᴀfєdαɪи]

مثلا قد نجد موضوع عادي ومبتذل وقد بلغت الردود 3او4 او حتى 10صفحات لمجرد ان كاتب الموضوع عضو قديم اومعروف من الاغلبية او حتى من نفس الطائفة في حين تهمل الكثير من المواضيع ولاتاخذ حقها من الردود حتى لو بلغت زياراتها من محركات البحث مئات المرات لمجرد كون كاتبها عضو جديد ومغمور وللاسف..

مرحبا اخوية
بداية احب اكلك مو كلمة (مبتذل) الي وردت بالاقتباس اعلاه كلمة قوية شوية وتجنّي على المنتدى واعضاءه؟
مااعتقد اتوفقت في كتابة الموضوع هذا واغلب ما جاء به غير صحيح نهائيا
على العكس تماما لم الحظ اي تفرقة او تحيز او تجمع في الدرر .. الكل سواسية والمحبة والاحترام قائمة بين الجميع، بالعكس من اهم مااعجبني بهذا الموقع هو انعدام فكرة الطائفية تماما بين الاعضاء لانهم يمثلون العراقيين الاصلاء المتفقين على مبدأ حب العراق من الشمال للجنوب ولا فرق بين طائفة واخرى كشعب .. الاختلاف جيء به مع من جاء من الخارج .. اما من كان في الداخل فكما هم من سنوات طويلة لا يجمعهم سوى حب العراق.

ارجع واكلك اعتقد خانك القلم الي كتبت بيه هذا الموضوع ( تعبير مجازي ) وماكو شي من الي ذكرته في الواقع
تحيتي للجميع

[M̲u̲S̲h̲T̲a̲Q̲ツ]

مرحبا عزيزي ،،، بما انه بيننا ماضي مو خوش ع گولتهم فخلي ارشها بـ بنزين

الكلام الي ذكرته موجود في اي مكان تقريبا ع النت والواقع
بعض الاشخاص لديهم مميزات او هم يطلبونها طبعا كلامي مو من فراغ وكذا مره اعترضت ع هالشي
طبعا المجاملات هنا موجود ارجو من الاخرين عدم نكرانها لانه نراها يوميا لسبب او لاخر
لست ممن يبحثون عن الطشه لكن هنا الكثير من هم كذلك لربما ضمنا ان لم تكن صريحه كمقصد
اما بعض المواضيع والاجراءات فهي مفروضه ع الاداري كأداري وع المراقب كمراقب لا بطراً او تعسفا
وانما حفاظا على انسيابيه المنتدى

ورب محمد تم القصف
خويا خلي نحضر جويلاتنه ونطفر قبل لا ننقصف


امزح اكيد

[دوستويفسكي]

أنت حركتك حلوة بهذا رأيك لجلب الانتباه او من باب خالف تعرف لا تضوج مني يجوز غلطان اني هههه داشاقه بس هواي رايح زايد يجوز بهذا رأيك عندي بلغتي أصيحلها حركة فستوقيه هاي يعني مالها داعي هم لا تضوج الله عليك معتبرك صديق وداشاقيك ههه
يعني اني هم جديدة رجعتي وهم قديم بنفس الوقت ماشفت هالشي واول مره اشوف هيج موضوع صراحة لأن المنتدى احسه شي واسع ومختلف يعني مو دكول كروب بالفيس او بغير مجال حته كل واحد يعرف تفاصيل الثاني او يكف عد هالنقاط وهاي الاشياء
شو همه الاغلبية القاب واسماء مختاره معلومات الشخص شو كلهن يدلن على معلومات عامة مو دقيقة يعني وين التحيز وهذا يردوله وهذا لا اللهم نشوف الشخص شنو منصبه بالمنتدى وهم اشوفهم يردون هسه احنه معلينه اني منزل موضوع محد رادلي وقليل يتفاعلون وياي ههه بس مو معناها انطي رأيي على طابع عام على المنتدى ويجوز اظلم برأي ناس هسه بشرفك اني اعرفك شو حته مو اسمك الحقيقي شلون شاركتك رأيي لعد هذا الشي هم حاله حال اي عضو واي موضوع والباقين هم هيج والسلام عليكم وسامحني على لهجتي ابداية كلامي عفوية تره ما نابعه عن شي غير المحبه الك
بالتوفيق

[عدنان الواثق]

هسة لو اي وحدة منزلة تك عين مو جان ضلت 3ايام التعليقات مشتغلة
هذا غيض من فيض
هذا الرد رسم على ملامحي ابتسامه عريضه قد تكون اعرض من تيار الحكمه
شكرا على موضوعك الجرئ صدك انت بعدك مامحضور ماصدك خويه ايامك معدوده وحك نانسي عجرم
ماعندي تعليق لان الاخوان ماقصروا بالدفاع يذكروني بكرواتيا تاخذ الكاس تاخذه

[Ćat]

2- انحياز بعض المراقبين والمشرفين للاعضاء القدماء سواء بحذف الردود او المواضيع المكررة في حين يراقب اخرون وتحذف مواضيعهم وردودهم لابسط الاسباب حتى وان لم تكن تتنافى مع قوانيين الاقسام والمنتدى وهذا حصل معي عن تجربة شخصية وفي اكثر من مناسبة ولاحاجة لذكرها
...
هاي النقطة اي كلش
صارت ويايه من قبل مراقب...
من هل المكان احب اكوله
سأخبر الله بكل شيء:4