كلبي يوجعني من أذكرك
دمعي أحير اشلون ألمه
كون من عمري ع عمرك
ولا تصير بكلبي لجمه
*********
يلمكانك بعده خالي
صوره الك حطيت يمك
هو اليفاركله غالي
يبجي لحد ما عينه تعمه
&&&&&&&&&&
أخ بويه من البعد كلبي نكسر
من المكابر وين لا حس لا خبر
اشلون اشوفك والله موتني القهر
المن أسأل عنك يردلي الجواب
مو اكبالي ابالي الك كومه صور
وتدري هذا الليل ما يرحم بشر
وي السواتر ابجي يا بو منتظر
ع التراب تنام مو جوه التراب
************
ما اصدك ذاك كبرك
ع البعد كلبي شيعلمه
حيل يوجعني من أذكرك
ودمعي أحير اشلون ألمه
---------------
يا كبر حاجيني فدوه
صوته بس رايد اسمعه
يا كبر مو هذا غالي
فدوه خلي الغالي اودعه
والله ما شيعته جني
جنت مأخذ كلبي اشبعه
وبغيابه عيوني ذني
خلصتهن دمعه دمعه
&&&&&&&&&&
اليسأل اشلونك ادنك واختنك
اسكت ومادري بيه شمحترك
شلوني بفركاهم تريد الصدك
زين بس عايش ع الله وع الدمع
عشت لكن اني والميت سوه
ل جرحي لا يرهم طبيب ولا دوه
انا المفارك بشر جنه الهوى
اشلون اصدك راح ما جاي اقتنع
&&&&&&&&&&&
وين ابو سوالف حلوه
صدك راح وماله رجعه
يا كبر حاجيني فدوه
صوته بس رايد اسمعه
-----------
تدوين : يوستينا
رد مع اقتباس
