شغلتين من تصير بيه بحياتي اليومية تاثر تأثير كلش جبير عليه
الموضوع جاد وحقيقة أعاني من هالشي ..بس مو بشكل جازم لا لكن نسبة 75% تأثيره عليه
هو من جوعان كلش ومن نعسان منايم او أقصر بنومي ..الي يقره الموضوع يكول شنو المشكلة اكل ونام زين
أعرف لكن المشكلة هي انه هالشي يأثر عليه كلش جبير بحيث أصير عصبي من أقل شي أتنرفز من أي شي
أذا جنت أسولف ويا احد ع النت كبل تجي ابالي شكو شي سلبي وحزين واكعد أشكيله واحجيله وهالشي يأثر على شخصيتي كدام المقابيلي وبفترة دراستي جنت ادرس مو بمحافظتي وجنه انام اقل شي وره ال2 ونكعد من وكت فما اشبع نوم وما انتبه على روحي واكلنه بسبب ظروفنه كطلاب صعبه احنه نطبخ واحنه نشتغل فبالنسبة لهالشي هم اعاني منه لهذا طيلة ذيج الفتره ما فكرت انه اني مثلا بفلان وقت لازم انام واني مزاجي هيج بسبب التقصير بالنوم والاكل والله العظيم جانت تصرفاتي مو طبيعيه وتصدكون لا شي عايد الكم طيلة فترة الدراسه ولامو أتأكدت بعد التخرج بسبب هالشي جان كلت بيه شي شلون كمت اذا مشبعان نوم اراقب تصرفاتي ومن اشبع نوم واكل زين هم اراقب تصرفاتي واشوفه تختلف واتخيلو برمضان من صايم أصير عصبي من اقل شي والله العظيم كل شغله متسوه اني صاير عليها عصبي ومكركب الوضعيه الله اليعلم شكد من اسولف هسه هيج لواحد ميقتنع واني اكول قابل اول واحد ميشبع نوم او جوعان بس اني عندي هالحالة أوفر يعني ..المشكلة وين انه اني مرات مادري بروحي انسه روحي انه اني منقص نوم وما انام واشوف نفسي اكدر اظل كاعد بس اني كلني ع بعضني مو تمام واذا داحجي ويا واحد ازعجه والله العظيم كم مره بمره ارمي الموبايل بالكاع ع غلفه هيج واني داسولف شي يضوجني او بالمحادثه مع احد ضجت منها ويلتمن الافكار السلبية حته اقسي على روحي مرات بالضرب ..جربت نفسي هواي حته المشاكل الي جانت بيني وبين البنت هو كله اني متاكد بسبب هالشي ..على فكرة اني رجل التعب الجسدي ميهمني واشتغل عماله هواي واذا كانت عمل بغير مجال فحرك واتحمل ضغوطات بس بهيج أشياء عاطفيه او الحجي مع احد ع النت او موقف تصير هاي حالتي ..يعني مرات اكول منين اجيب البنيه الي تعرفني اني هاي حالتي وتعرف اطباعي يعني بحيث اله بحالة بوقت النوم تجي تجبرني ع الراحه وانام واذا ع الاكل تراقبني وتهتم بيه بخصوص هالشي ..اني الي مضوجني يعني شي عادي كلها متشبع نوم ومرات مينامون ساعة لو ساعتين بالمناسبة حته اكون منصف مو تصورون هذا الشخص ميتحمل اشياء تره مواقف هواي أني اتحملها مثلا مريض لا سامح الله اظل للصبح واركض هنا وهنا يعني مو بزر نستله ذاك اليوم نمت ع الرصيف بالمستشفى صار ويانه ظرف ..يعني تثقون بالله مرة برمضان قبل المغرب داشوف نفسي كلش كلش موطبيعي يعني اقل اقل شي اعصب والله طبيت للغرفه وسديت الباب وثنيت ركبتي ولازم نفسي لما يجي المغرب لا دكلي لو قاري قران او شي ماكو حاولت نفس الشي ..ها ها صدك اذكرت
مرات جنت افتح فيس ونشط هواي فتجي فترات انعزل او اعلق تعليق من اني نعسان او اريد انام او جوعان مادري أعلق تعليق او احجي ويا الشخص يبين ضعف للمقابيلي فجتي فترات مو اذكر نمت متاخر اكعد من الفجر او احس اروح ركض ع الموبايل أشوف التعليق مال البارحه اخاف حاجي شي او ع المسنجر هم فمن ما حاجي ويا احد او من ممسولف ويا احد واني بهيج وضع ارتاح أأمن لأن الصبح شكل ومن اريد انام شكل واني هسه شكل وبالليل من يحين وقت النوم واني انسه او ادري بروحي نعسان بس ما انام اكول فد شوي خلال هالفتره اني غير شكل ...هواي هواي طولت عليكم أعرف بس شسوي وشفسر هاي الحالة ؟
يعني اني اوك أتحل شغل واتحمل مسؤولية واركض اذا صار شي وبالحقيقة ما مبين عليه هاي السوالف يمكن لان اعرف شلون اتعامل ويا نفسي او بتعبير ادق اعرف نفسي بس مرات احس نفسي عباره عن جهاز حساس دقيق بتعامله وبتصرفاته واي خربطه لازم ترسته ..والمقابيلي ميحس بهالشي بس اني احساسي مشتغل وضميره شغال 24 ساعة والله مادري يا اهل الخير
رد مع اقتباس
