هنا

[فقار الكرخي]

بزر جمار ومرتب
ولاتنمل
شني ومن تنكمش
من دون كل الناس ماتنذب
يمايع طيحلي ابوكتك
تره أنه أرتاح من أتعب
يفكة زيج الحديثات
فك حزني اشتهيت أنحب
يالمحليني صبلي أهواي منك
لايكضني الشيب وأمدد غاد من خصرك
يالمعودني وكت الأخ
اغني الشامه البصدرك



نزعت الشيب البراسي
وندهني الليل من شفت الحلم عابر
وغنيت الوطن والناس وعيوني
ولگيتك بالحچي اتسافر
عليمن هوست روحي وحسبتك گنطره الباچر




شسوي وننجمع ما ودج ترجعين؟!
عندج حلوة عين وباب نكظيهة ؟!
عندج حلوة اسامينه عرف للناس
ها...
من يمته اسامينهة لسن بيهة
من يمته زعلنه يصير اسمه فراك
وانعاف ع شغله وما مسويهة ؟!



وأنتَ اويـــاي..
أحس كل العطش بالـروح
ينبع ماااااي!!
أضُم اجناحي لجناحك
واطير اشما تطير أهـواي





چثيره أعزاز البروحي
ولابيهم يشبهونك
سنه انطش وجهك أعله الناس
محد خضر أبلونك







بـَردت .. والـموٌادع مـو مـَحله
وجـَهك من تِديره تصير خِله
عـَندي ويّه الأصابع سَالفة شوگ
گاودني الـعتَاب يطيح كِله







چان ممكن
مثل ما جابتچ گبالي القصيدة
تشيلني وتاخذني يمّچ

چان ممكن
للأحلام الفارغة الما ألها داعي
الماخذتني لناس لا أعرف شكلهم
ولا ردت فد يوم يظل بيّه عطرهم

چان ممكن للأحلام تگلي شنهو تريد ؟
- چا گلتلها أشمّچ








لايگلبي !

كافي تحرگ روحك بشبّاچ منسي
تصير نكتة وسالفة بحلگ الستاير
آنه اريدك وحدك
تسولف
تطير
تموت .. وحدك
مثل دخّان الجگاير






..
هوآك أنتَ ، ورد أخضر
يمطر وفى وحنيّه ،
هوآك أنتَ ، شتل عنبر
يجود بغير منيّه









خايف تجيني بوكت تلگاني بس طاري

ولو تنشد المگبرة ما تعرف اخباري





ألبد بالحزن خايف تشوفه الناس..
وتطكني الشمس
ويبن من الظل..!
اليتيه
بجزيره يطر فجر ويشوف..
مو..مثل اليتيه
بروحه مايندل..!






حط مسافه
بينك وبين التحبه
ولا تباوع للتشوفه هواي عالي
حتى لو جان الشخص غالي عليك
لا تگله انته غالي
باجر يفوتك قطار الشوگ يا گلبي الحزين
والندم ع الما حفظ سرك يلالي

باجر يردون ياگلبي ولكن
من تسامحهم اطردك
عيش وحدك وشحلاة النوم لليغفه بهدوء
و راسه من حسباته خالي




يـ الماشـي لـ هذاك الطيـف ما اوصيـك ..
گلـه ولايتـك عطشـت خضـار ومـاي
وانتـه بعيـد ..
صبخـه ولا يمـرهـا الغيـم
بيـها وجـوه تاكلهـا الشمـس وتخضـرلها فيـاي
دلينـي بـ سوالفهـا التـرد الـروح
اريـد احظـن صـدور الگـاع
انـا ويـاك ..
احـس الهـور يتّچـه اعلـه بـرديـه






غيرك أچه بعز الظهر
يتمنى أنام بفيهه
رايدني ويحب من صدك
بس اني مدري شبيه !




ﻏﻴﺐ حتىﺍﻟﮕﺎﻙ ﻣﺎﺧﺬﻧﻲ ﺍﻣﻨﺼﻴﺤﻚ

ﻏﻴﺐ !
ﺣﺘﻪ ﺍﻧﺬﺭ ﺍﻟﺪﻧﻴﺎ ﺍﻣﺮﺍﺩ ﻣﻦ ﺍﺷﺒﮓ ﺿﺮﻳﺤﻚ

ﺍﺭﺩ ﺍﺻﻠﻴﻠﻚ ﻭﺍﻋﺒﺪﻙ ،،،،

ﻭﺍبچي ﻳﻤﻚ ﻭﺍﻟﺴﻬﺮ ﻳﻜﺒﺮ ﻗﻨﻮﺕ

ﻳﺎﺩﺭﺏ ﻳﻐﻔﺮ ﺭﺟﻌﺘﻚ ﺧﻞ ﺍﻓﻮﺕ

ﻟﻴﺶ ﻳﺎﺭﺏ ﺍلعشگ ﺗﺮﺿﺎﻟﻲ ﺍﻣﻮﺕ






لايگلبي كافي تحرگ روحك
بشباچ منسي !

تصير نكته وسالفه بحلگ الستاير

آنه اريدك

وحدك تسولف ، تطير ، تموت وحدك

مثل دخّان الجگاير





أحس بردان
أريدن نار
مثل النار البگلبي
وجمر مايبخل بــ فيه
اريد انسان مثلي يكون
بي كلشي ويجاوب كلشي مابيه




وعلى سبيل العتاب...

كونك تستحي من الليل!!
چا ما خشّنت گلبي ونمت مبيوگ
چا تمرك ثگل ماطاح بين جفوف
ماتعرف تگض اعثوگ
كونك تستحي تشمني
عليش تشم هوى الدخان يالمخنوگ!




گتلك من ازعل عليك
يجوز ارضه بضحكة منك
بكلشي منك
بس گلتلك ..لاتزعلني اعله روحي
وزعلتني..
وانه توني مراضي روحي
ويازعل روحي
اعله روحي شگد تنيت… ؟
وهاي چم نجمه اعله مودك
طيحتها ومااجيت…




ليش من شفت الدمع بعيوني غيمه
اسِتغربتني؟؟
وليش من گتلك احبك جذبتني؟؟
ليش من صحلك محب مايسوه اضفرك
فارگتني
وك اخ لو صدفه بدرب مره اضفرك
و اخ لو اتمدد بشعرك واضفرك





وشموازيني
وشقابض من دمعة عيني

غير الصفنه وليل الوحشه
ها يا كَلبي الما تندلني

وتندل غيري برمشة عين
وين آتريد بروحك وين





لا تذب الصوچ بــ الماعنده صوچ
وانته بفعالك تجي وتبعدني غاد
تحبني؟ عادي تگولها بطرف اللسان
وانه من حبك دگلي شمستفاد؟
الكعبه وي گلبك صدك يتشابهون
ثنينكم نفس التوارد بالسواد




لتگلي حب ... دليني باليستاهل
وانذرله روحي ومنها انه اتنازل
من اغلط بحقه يجي يبوس شفاي
ويگلي احبك حتى من نتزاعل
گدامه بعيوبك اذا تحجي الناس
شعليكم يجاوب احبه ... وقابل
يا گلبي لا تعتب اذا ماحبيت
من اولها گتلك ماكو حب يستاهل




حدر التراچي برد، والگنطرة بعيدة..
أمشي وأگول وصلت، والگنطرة بعيدة!
لالا يبرد الصبح، ما تحمل چفوفه
صغيرة وچواها العشگ وتوسد زلوفه
هيمة وجحيل الوكت ما لمني نفنوفه
لوذي اعله باجي العمر يا روحي حدر إيده..
أمشي وأگول وصلت، والگنطرة بعيدة!




صيحني
اشتاگيت أشمك
يا نهد خدران دبرني ارد أهد
يانخل برحيك مسودن لهاتي
وانه فلاح من اچلب ما اهد
طيح يمي
خل اشوفك طعم دخان الجكارة شسوه بيه
وانت طعمك شيرة محاضن دفو وشوگ وحنين
يا نهد محتاجك الليله اعله هونك
وانه ذواق الورد والياسمين





ولا طارش يفك سجن الرساله
وتنقري جروحي
ولا بيه صبر حتى احجي وي روحي
احنة ثنين
والحب من طرف واحد فِشل ينگال
بالمهرة صعب من يعثر الخيال
خل نبعد بعد ماتسوة ياروحي





اقراني واحد مختنگ ضاگت بعينه ولايته

مشتاگلك لكن هلك يستكثرون حچايته

ضليت اگلب بالنجم ياهي الگبالك بايته








تجميعي
منقول

[حسن هاشم]

جميل جدا شعر رائع شكرا حبي فقار

[Haidar Iraq]

حلو
شكرا لك

[سمراء من قوم عيسى]

وأنتَ اويـــاي..
أحس كل العطش بالـروح
ينبع ماااااي!!
أضُم اجناحي لجناحك
واطير اشما تطير أهـواي



رائع عاشت ايدك

[فقار الكرخي]

منورين