شكرا للمرور مولاي
شكرا للمرور مولاي
الله يرحمه
شكرا جزيلا
شكرا للمرور الكريم
ابداع بلا حدود
مواضيكم تمتعنا بقرائتها
نترقب القادم بشوق
كل الود والورد
بده العام الدراسي وبدت الهموم
وبيتي عالمدارس بابه صاير
نسيت ...وداعتك جيت اشتري هدوم
الك ...ومحضر اقلام ودفاتر
مو تسمع قيام ...وليش ماتكَوم؟
ومر اسمك ولا من كَال ...حاضر
الشمس طلعت علينا...مو وكت نوم
وهم عدكم صبح يا اهل المكَابر
وهم عدكم ...ضوه ...وشباچ ...ونجوم
وهم ينطونكم واجب ال باچر ؟
الوالد بالوداع يصير مهموم ..
.وانا اثنينهن والد وشاعر
خيلك طشرتني وچنت ملموم ...
وصارت طيحتي بين الحوافر
اذا عشرين يوم وما شفت نوم..
.شيظل بالحيل بالعشره الاواخر ؟
فراش الفاتحه لو شفته ملموم ..
.بنص كَلوبنا تلكَى الچوادر
يمنه المصبغه ..ودينه لهدوم
الحزنك مشترينه قماش حاضر
تمنيتك جرح ...كلساع ملچوم
وتبات الليل بشفاف الخناجر
انا يا بوي من ونيت مالوم ..
.نزل مني دمع يعمي النواظر
خدودي تعودت تتندى كل يوم ..
.وتحب الماي خشبات الكَناطر
لمت الروح بس شفادني اللوم.؟؟
..شلحك ؟ وبسفينة الموت عابر؟؟
المنايا عالسطح وعيونها تحوم...
عليك ...ونزلتلك نسر كاسر
ستر الله نغگ بديارنا البوم...
اخذ عين الكَلاده وراح طاير
ديني حلاتك حلو الرسوم..
.بلكي انعشگ ، دنيانا مظاهر
اظل كاظم وصبري وياي مكظوم...
لوما هالخشب جوه الاظافر
اهن كاسين بيهن كاس مسموم...
خاف اغلط وبالمسموم اكاسر
بعنه البيت ، ريت البيت مهجوم....
وريت اكثر بعد من هالخساير
تحب انت اللعب والگبر ملموم ...
شلون تحملت وشلون صابر؟
وليش من الهوى يابوي محروم ...؟؟
ونسمات الهوى تطيب الخاطر
منهو ؟ الشوفك صورة المعدوم...؟؟
وليش تعلكَت ياشاب يا قاصر
ما ظنيت زرعي يروح فد يوم ...
وعصافير الحزن تگضي البيادر
من اكتب قصيده تزيد الغيوم...
ومن عيني الدمع يملي الدفاتر
يبقى بهل مطر ياشعر منظوم...
نصاري الحسين وبحر وافر
ممنوووووون منكم يا ورود جنونيات نورتي خيتي الغاليه لك اجمل تحيه اخي كبريائي
هنالك مايستحق ان نقف له مصفقين ,, ولكن وجلين
وهذا هو الابداع
والعطاء
وروح الكلمة
شكرا اخي الازيرجاوي لهذه التحفة الثمينة
روعةةةةةة
مرة مرة
عشرتك وياك مرة
ومن اريد انساك يمنعني الگلب
ويذب له حسرة
ومن اريد انساك يعرض لي الدرب
ويگللي الك خطوات ذكرى
ومن اريد انساك تذكرني الملامة
وشنهو ربحي وياك واللي مادروا
گالوا تخسره
وآنا شنهي الما خسرته حتى اخسره
ويا نهر يعتب عليه
وانا بجناحي الگصب روجاته عبرة
ويا جبل يصعب عليك
حتى اذب حبال روحي
گصايب اعله چتاف صخرة
ويا عظم تتصوره التم
حتى يم بابك عشر كسرات اكسره
مرة مرة
والمرارة تزيد لليمشي بجزيرة
وما لگه وسادة محبة تريح ظهره
والمرارة تزيد للما يلگه في
وينتچي اعله الشيب عمره
ويا جمرتي الما طفت والمي تچوه
حسبت يطفيها دمعي
ثاري دمعاتي اعله خدي نار كبرى
اشبيدي يا من مدري شنهي
كون اضل لوحدي وگلبي يتبره
يمكن الگه بهندسك راس الشليله
ويمكن اصفن صفنه زينه والگه فكرة
انت من دگيت بابي جبت وياك الحزن خطار ماين
والفرح طلعته بره
وآنا من شگيت زيجي احترگت ايدي
وانت من شگيت زيجك شفنه گمره
وچان عمري نهر غافي
ومايه صافي
وخنجرك مثل البلم بالليل طره
ويا نهر والحسرة حسرة
بگلبي حسرة كون اشوفن سندبادك
شايل اعله چتافه جزره
بگلبي حسرة كون اذب ثوب الحزن وآنا بشبابي
والحزن ع الخد اسطره
هي حسرة وأمنية نسميها فكرة
كون اشوفن مريمك مابيها لوله
ومن صدگ نلگاها عذرى
هي حسرة.. وعشرة مرة
والمرارة تزيد للما يلگه في
وينتچي اعله الشيب عمره
جميل
رد مع اقتباس
