هنا

[Suzana]

مرحبا
قبل شوية رديت على موضوع الاخ اسد الرافدين
https://www.dorar-aliraq.net/showthread.php?t=856041
بردي ادناه وطالبوني المراقبين بعمل موضوع بهالخصوص ...

ردي ادناه
تدري ابالي هالايام انتقد حالة مو مال شكرا ع النقل لا لكن المواضيع بصورة عامة الردود كولش قليلة عليها دا الاحظ انه الاعضاء يتوجه لمدونته ومدونات الاخريين ويتفاعل وياها وتارك بقية المواضيع بدون حتى (شكرا ع النقل)
هسه اوك شارك واتهامس بس مو تترك بقية المواضيع لانه هالتفاعل يوحي للأخريين بانه المنتدى نشط وهم الردود وان كانت المواضيع ما موجهة فقط للاعضاء وانما للزوار ايضا لكن هم الاعضاء يصيرلهم واهس بعمل مواضيع حصرية من يشوفون الكل اتشارك واتقييم..
اذا صعبة ادور ع المواضيع روح فوك وتلكى رابط المواضيع القليلة الردود
https://www.dorar-aliraq.net/misc.ph...htype=fewreply
لا اترد عليها كلها بس على وقتك رد ع الموضوع اللي يستهويك..

فاذا ضايج من شي محتاج شي مقصرين وياك احنا بسؤال بتقييم بموضوع كوللنه حتى نلكى حل ..
وشكرا
عود لحد يزعل مني بس لازم نعالج سوية هالحالة

[دوستويفسكي]

شاركت رأيي بهالخصوص وكلت شغله للطرفه اذا قريتيها ههه ..
بالتوفيق وأن شاء الله يُعمل بها

[Haidar Iraq]

مُتابع

[جليسة الزمان]

صحيح ومنطقي كلامج ياغلاتي
أني ملاحظه هالشي والله واعتبريني أول المنطلقين ع المواضيع قليله الردود وباقي المواضيع حتى يصبح دررنا أعلى وافضل.…

[نـايـا]

فعلا هلفترة اني اول وحدة مقصرة بمتابعتي لباقي الاقسام ..ان شاء الله منا وهيجي راح نحرص على متابعة المواضيع الاخرى

[حسن هاشم]

اي والله فعلا هذه منتشرة

[Mohammed K.F]

بصراحة الاخ اسد طرح قضية مهمة جدا لتطوير المنتدى ، وسبق ان تكلمنا بها عدة مرات سواء على مستوى الادارة او بشكل عام.
الاخ سامر مدير ومؤسس المنتدى ايضا تطرق للموضوع سابقا بهذا الرابط
https://www.dorar-aliraq.net/showthread.php?t=121706

فعلا المواضيع المهمة تعاني من قلة التفاعل تبعا لمعاناة الاقسام العلمية والثقافية والادبية من النشاط.. بينما تنشط الاقسام الترفيهية او قسم سطور مع نفسي!
وحتى المشاركات عادة ليست اكثر من تعليق روتيني من قبيل ( شكرا على الموضوع) او ( يسلموو).. ردود لا ترقى لمستوى تقدير جهد الكاتب و صاحب الموضوع وليست اكثر من مشاركات الغرض منها زيادة كمية المشاركات والحصول على تقييمات..
من الان وصاعدا لن امنح اي مشاركة روتينية اي تقييم
وانا ايضا مستغني عن هذه المشاركات ولا اريد التقييم من اصحابها..فلست هنا للبحث عن تقييم، وانما لتقديم الفائدة من خلال قراءة الاعضاء لمواضيعي.
وحالة اخرى تسبب الركود في الاقسام العلمية والثقافية هي كثرة النقل للاخبار في هذا المجال وقلة المواضيع العلمية، في حين انا متأكد من وجود اقلام وطاقات في المنتدى يمكن ان يكون عطاؤها الحصري غير محدود..
ولكن للاسف حالة من التنافس والسباق تجري بين بعض الاعضاء لغرض زيادة مواضيعهم من خلال النقل، وبعض تلك المواضيع لم تُدقق ولا ترقى لمستوى النشر في منتديات الدرر.
انا لا اذم النقل، فهو ايضا شكل من اشكال الابداع، لكن يجب ان يكون باتزان وبعدد معقول يوميا حتى يتمكن الاعضاء من قراءة المواضيع والتعليق عليها...وكذلك ينبغي ان نقدم مجهودا حصريا بامكانياتنا وبجهودنا الشخصية.

كذلك علينا ان لا نهمل عامل الراحة النفسية، فالكثير من الاعضاء هم من داخل العراق ويعانون من ارتفاع درجات الحرارة وسوء الخدمات ومعاناة الطلاب مع الامتحانات التي لا تنتهي ايضا عوامل تؤثر سلبا في تفاعل الاعضاء مع الاقسام المشار اليها ولجوئهم لمنتديات الترفيه والمرح للتخفيف من متاعب الحياة القاسية.

[اسرار الكون]

فعلاً مقصرين جداً
ان شاء الله الكل تنتبه ع
هاي الحاله .. للوناسه وللاستفاده مو فقط لزيادة عدد مشاركات..

[زفير]

السلام عليكم اعضاء الدرر
شكراً ست سوزان
بصراحا الموضوع المطروح للنقاش ملفت للانتباه وممكن يتعالج من خلالة مسألت قلت الردود على بعض المواضيع وتوجه اغلب الاعضاء للمدونات والمواضيع الترفيهية .
وهاي المسألة الكل مقصر بيها وحشاكم من القصور
كلنا تقريباً متجاهلين اغلب اقسام المنتدى وكل واحد بينا منزوي بقسم او قسمين او ثلاثة .
يمكن لان هاي الاقسام تستهوينة اكثر ويمكن لان نلكي انفسنة بيها
عموماً
الي دا يصير اسمي اجحاف بحق بقية الاقسام واني يمكن اول المجحفين
واتمنة اغير من توجهاتي قريباً وابدي اشارك بكل الاقسام والمواضيع واتمنة الكل يبدي يخطي هاي الخطوة حتى نصعد بالمنتدى ونوصل بي لمستويات عالية
وبخصوص الردود المختصرة
( شكراً للنقل )( روعة) (شكراً)
هنا عدنة قصور من نوع ثاني بحق انفسنا اولاً وبحق المنتدى ثانياً
لان احنا لازم يكون عدنا رآي بالموضوع المطروح والنا حق الرد
فمن يكون ردنا مختصر منعنة انفسنا من التعبير وحرمنا اصدقائنا من معرفة توجهاتنا وافكارنا حول المواضيع

وشكراً

[حسن هاشم]

معالجتها فتح قسم الترفيه لمدة ٦ ساعات فقط يوميا هو وسطور من نفسي