هنا

[أكرم.]

تدري ابالي هالايام انتقد حالة مو مال شكرا ع النقل لا لكن المواضيع بصورة عامة الردود كولش قليلة عليها دا الاحظ انه الاعضاء يتوجه لمدونته ومدونات الاخريين ويتفاعل وياها وتارك بقية المواضيع بدون حتى (شكرا ع النقل)
هسه اوك شارك واتهامس بس مو تترك بقية المواضيع لانه هالتفاعل يوحي للأخريين بانه المنتدى نشط وهم الردود وان كانت المواضيع ما موجهة فقط للاعضاء وانما للزوار ايضا لكن هم الاعضاء يصيرلهم واهس بعمل مواضيع حصرية من يشوفون الكل اتشارك واتقييم..
اذا صعبة ادور ع المواضيع روح فوك وتلكى رابط المواضيع القليلة الردود لا اترد عليها كلها بس على وقتك رد ع الموضوع اللي يستهويك..

وشكرا ع الموضوع
مكانه مناسب طبعا

اهم شي يتهامس

[Suzana]

اهم شي يتهامس

خل يتهامس بس كون يتفاعل همينه

[Haidar Iraq]

يعني من جاي نكول خلي الاعضاء يكولون شكرا ع النقل لا تتوقع عاجبتنا الشغلة ..مرات فديو توه نزل والكاك بنفس الدقيقة تكتب (شكرا ع النقل )اهنا الهدف واضح منه زيادة المشاركات مو اطلاع ع الخبر او هدف تثقيفي واهواي اعضاء شكولي من هالحالة ...

الهدف هو تشجيع العضو لما قام بنشره ...
وليس زيادة المشاركات ...
لأنني اعرف جيداً بأن زيادة المشاركات لاتقدم ولا تأخر بالنسبه لي ..
وانا اشكركِ .. لما كتبتيه اعلاه ...
لكي اوضح لكِ وللأعضاء الذين يضنون بأنني اود زيادة المشاركات ..
بأنني لا اسعى لزيادة المشاركات ابقدر ماهو تشجيع العضو لما يقوم به من نشر المواضيع ..
تحياتي ..

[دوستويفسكي]

نقطة مواضيع قليلة الردود أغلب وقتي اليوم رحت عليها أكول خطيه حته أسم الايقونه يقهرك عبالك يكلك ذوله خطيه ههه..للطرفه فقط هالموضوع ماله داعي خطيه وما خطيه مازلت متفاعل مع الفكرة وحته غيرت من طريقة مشاركاتي على ضوء الفكره هذه

[Suzana]

الهدف هو تشجيع العضو لما قام بنشره ...
وليس زيادة المشاركات ...
لأنني اعرف جيداً بأن زيادة المشاركات لاتقدم ولا تأخر بالنسبه لي ..
وانا اشكركِ .. لما كتبتيه اعلاه ...
لكي اوضح لكِ وللأعضاء الذين يضنون بأنني اود زيادة المشاركات ..
بأنني لا اسعى لزيادة المشاركات ابقدر ماهو تشجيع العضو لما يقوم به من نشر المواضيع ..
تحياتي ..

حلو.. بس بحبحها اشوية بتفاعل مع الموضوع اكثر من مسايرة العضو
ومدا اخصك لوحدك لكن الامر عام.

[نـايـا]

متابعة

[Asᴅ.Aℓяᴀfєdαɪи]

هاي شنو ماشاء الله يمكن هذا اكثر موضوع نشرته ليهسة صارت عليه ردود هههههه
بالمناسبة الي يشوف مواضيعي يلكاني نوعت بيهن ويمكن نشرت مواضيع اصلا مو من اهتمامي بس دااشوف شنو نوعية المواضيع الي تحصل اكثر مشاهدات ومشاركات
صدكوني اني ماداقصد احد معين .. اني كلامي بشكل عام
صارلي بالمنتديات من 2005 فخبرتي بالمنتديات فاقت 13 سنة
وانقهرت من جتي وسائل التواصل الاجتماعي واخذت الناس كلها على حساب المنتديات ومن جيت قبل 10 ايام وفتت بالصدفة هنا ولكيت اكو ناس كلش فرحت وحسيت بعد اكو امل بالدنيا
لذلك ما دام درر العراق جامعنا بحب واخوة صادقة خلينا نكون كلنا مميزين بالطرح وبالردود والمناقشة وغيرها حتى الي يجي يدخل بالمنتدى ويشوف انه الموجودين اعضاء ومحتوى مميزين ويجي ويسجل ويتفاعل ويانا
طولت بهالرد ادري بروحي ههههه
يلة شباب وصبايا وعجايز شدو الحيل وخلونا كلنا ايد وحدة ويكون درر العراق صرح عراقي مميز عربياً ترى مو بس عراقيا في ضوء شبه انعدام للمنتديات

ماكتولي موافقين على فكرة الموضوع لو لا .. لا تغلسووون

[ضياء المالكي]

من المفروض هناك تبادل بالتفاعل والاراء حول كل موضوع في اي قسم
لكن للاسف البعض من يريد ان يزيد عدد مشاركاته بهذه الكلمات البسيطة
ولكن هناك عدد ليس بقليل من الاعضاء يتافعلون مع الموضوع بشكل جدي

تحية لك

[Asᴅ.Aℓяᴀfєdαɪи]

الظاهر الاغلبية يريدون يبقون على مسالفة شكرا على النقل.
نمدد مدة التصويت على الموضوع حتى الليل.
تحيتي

[Laraa]

سابقاً كنت مشرفة قسم النقاشات وحاولت قدر الامكان اعالج هذا الامر
وتقريباًً نجحت حتى الادارة وضعت قوانين خاصة بالقسم بخصوص هذا الموضوع
( بس بصراحة احس الاعضاء كانوا يخافون يدخلون للقسم هههه )
عموماً فكرة جميلة واكيد انا من المؤيدات
شكراً لحضرتك كونك من القلة الموجودين الذين يهتمون بالفائدة
تحياتي