تحليل نوع الشعر
تحليل نوع الشعر بكوب ماي اوقات تشوفين خلطات وصديقتج مجربتها وانتي تجربيها تضرج ما تنفعج ليش هسه اكلج اكو ثلاث انواع للشعر نوع مسامات مغلقة ومنخفضه ونوع مسامات عاديه وطبيعيه ونوع مسامات مفتوحه وعاليه
اخذي شعره كون توكع من البصيله بدون ما تكطعيها او من المشط غسليها بلشامبو وشطفيها وحطيها بكوب ماي وانتضريها عشر دقايق اذا ضلت بسطح لكوب هاي مساماته مغلقه ومنخفضه يعني ضعيفه كلش
اذا صارت بلوسط الكوب هاي مساماته عاديه من احسن الشعر
واذا نزلت بعمق الكوب مساماته مفتوحه وعاليه ومعرضه للتساقط والقصف
الشعر المنخفض يحب الزيوت الخفيفه مثل زيت العنب زيت لوز الحلو وغيره من الزيوت الخفيفه ويكره الزيوت الثقيله مثل زيت لخروع جل الاولفيره زبدة الشيا واي زيت او بلسم او سيروم ايحب خلطة السدر او خلطة الحنه او الياس وغيره من الاوراق الخضره والطبيعيه او خلطة البيض بس كل سبوعين او شهر مره لان بي بروتين عالي يضرها تكدرين زيت الارغان تستخدمي تكدرين تفتحين المسامات كل سبوعين بخار البابنك حتي تستقبل لزيوت اي زيوت خفيفه تحطيها لازم قطرات مو ترسين الفروه هيه بصيله ضعيفه وكوه راح يدخل الزيت للفروه هاي النوعيه تساقطه اقل من غير شعر لان منخفض المسامات ومغلقه بس ما يطلع الشعر بسرعه اذا وكع
الشعر العادي يحب خلطة زيوت خفيفه وثقيله يعني تكدرين تخلطين زيت لوز الحلو وي زيت الخروع وي زيت الزيتون وي زيت جوز الهند كلشي يحب بس بنتضام مو يوميا لان خاف تنغلق المسامات وتصير منخفضه تكدرين تحطين خلطات سدر حنه وغيره من الاوراق المجففه تكدرين خلطه البيض بلسبوع مره
الشعر العالي هاي مساماته مفتوحه تكدرين تخلطين اي زيوت بس بلتساوي تكدرين زبدة الشيا او جل بلسم سيروم حنه او اي خلطه بيها غلق المسامات شنو تحطين يكلج اهلا وسهلا بس مو بكثره اي شي تحطين زايد يمكن يضره وهاي النوعيه معرضه للتساقط ونفس الوقت هم من تطلع الشعره قويه الشسوار ابتعدي عنه لان مساماتج مفتوحه يتساقط بلحراره لازم بعد كل غسل لشعرج تشطفي بماي بارد تغلقين المسامات
من احسن الشعر هو العادي
يعني لتضل بوسط الكوب
اتمنى وضحت الكم اي سؤال تركي بلتعليقات اتمنى وضحت عدكم الفكره
رد مع اقتباس
المشاركة الأصلية كتبت بواسطة بّـنِوِتُةّ فُﮯكةّ
