لبان الذكر
قبل لا احجيلكم عن الموضوع لاساسي احب انصحج جم نصيحه اي خلطه تحطيها ما تنفعج او بطيئه المفعول لازم تقشرين المنطقه لتحبين تستجاب للخلطه حتى المنطقه الحساسه لان تراكم الجلد الميت والخلايه الميته تخلي جلد يضخن ويطلع بي كومه مشاكل لاوقات كل اسبوع تقشير اجي احجيلكم عن هذا التونر اغلب الفنانات يستخدمنه هو عباره عن البان الذكر هو تقريبا علك مر بس حجمه اكبر ومرورته اتصير اقل من علك المر المهم نحتاج ملعقتين البان الذكر ونصف بطل صغير ماي ورد او ماي عادي بس لافضل ماي ورد لان يعتبر مادة معقمه ومورده وبيها فيتامين خاص ما يتواجد بغير ماي ويخلصج من الحبوب او اثار الحبوب والبان الذكر يعتبر كولاجين طبيعي يخلصج من التجاعيد يعيد تجديد الخلايه الميته ويوحد لون لبشره هذا الماي تحطين بي البان الذكر وبلثلاجه صلاحيته شهر او اكثر حسب صلاحية ماي الورد طريقه الاستعمال او الاماكن لتستعمليها كل مكان الصدر المناطق الحساسه او المترهله وللبشره لوجهج استعملي ترشين شوي ودلكي بطراف اصابيعج كون البشره مقشره ومغسوله ونضيفه حتى ينفعج صدكي بلاستمرار يصير عندج كانو الماي السحري للقضاء ع كل مشاكل بشرتج حتى ترهل بين لافخاذ استخدمي يشد المنطقه تكدرين بليوم مره مرتين ثلاث بكيفج لان هو ما يضر السؤال اليطرح نفسه ليش جسمنا يفقد كولاجين شنو لسبب بعد عمر العشرين يبقى يفقد اكثر و بلتدريج والشي ليفقد الكولاجين بدون ما تحسين هو الماي الحار او الدافي ان جان شتى او صيف لاسف عكس الماي البارد نهاية كل دوش ذبي طاسه ماي بارد ع جسمج حتى تحافضين لو جزء بسيط من الكولاجين هو الكولاجين اذا فقدتي يخلي جسمج وبشرتج مترهله وتعبانه عبالك عمرج فوك الخمسين وانتي بعدج كتكوته ترى هذا التونر بي كومه فوائد بس تصير جريده اذا كتبت بعد حتى تملون القراءة شكرا ع طول بالكم وقراءة لاخير احبكم
رد مع اقتباس
المشاركة الأصلية كتبت بواسطة أُمنية
