كلمات قصيدة الأكبر وبدر الهواشم (مكتوبة) فاقد الموسوي + MP3
الأكبر وبدر الهواشم .. والحسين ويا القاسم
طلع كلمن وابن اخوه .. الجيش كله حاوطوه
بخت عنده الطلع سالم ..... بخت عنده الطلع سالم
من بعد عدة نقاط .. من بعد ذاك الشرح
قرر حسين النزال .. ويطب وي وجه الصبح
جمع القادة وامرهم .. اليصح والما يصح
اشلون قادة حسين عنده .. ابطال بس كلهم فلح
قادة عدهم مالت الله .. ركابهم منذورة لله
بيهم ازغر بشر عالم . بيهم ازغر بشر عالم
الأكبر وبدر الهواشم .. والحسين ويا القاسم
طلع كلمن وابن اخوه .. الجيش كله حاوطوه
بخت عنده الطلع سالم ..... بخت عنده الطلع سالمالأكبر وبدر الهواشم .. والحسين ويا القاسم
انكشف وجه الظلام .. الصبح أعلن جيته
سوه طلعوا طلعه وحدة .. كل بطل من خيمته
لكو العباس كاعد .. صبر تاس جربته
الجربة ما شدها اعله جتفه .. الجربة شدهه بغيرته
حسين كل لكمر هاشم .. اشكلت ننزل! كله خادم
اتلثموا نفس اللثام .. وقروا ع الجيش السلام
سيوفهم خلوها حاكم .. سيوفهم خلوها حاكم
الأكبر وبدر الهواشم .. والحسين ويا القاسم
طلع كلمن وابن اخوه .. الجيش كله حاوطوه
بخت عنده الطلع سالم ..... بخت عنده الطلع سالم
الاكبر وبدر الهواشم .. خذو صفحه من الزلم
علي الأكبر كله عمي .. انته طشر وآنا ألم
لابن اخو عباس باوع .. شاف الأكبر مبتسم
راح اطشر ارواح كله .. الموت بس بيهم يلم
كله اريدك عمي سالم .. حصتك بكر ابن غانم
ابراسه عمي اتردلي لازم .. ابراسه عمي اتردلي لازم
الأكبر وبدر الهواشم .. والحسين ويا القاسم
طلع كلمن وابن اخوه .. الجيش كله حاوطوه
بخت عنده الطلع سالم ..... بخت عنده الطلع سالم
القاسم وعمه الحسين .. سيوفهم طكن سوه
وكربله بعين العساكر .. ضاكت وضاع الهوه
حسين كض سيف ابن اخوه .. ولمن كض سيفه انجوه
على هونك كله عمي .. شويه كد نسمه هوه
ارتاح يا وجه الشمس .. مو وراك انته عرس
على كيفك عمي قاسم .. على كيفك قاسم
الأكبر وبدر الهواشم .. والحسين ويا القاسم
طلع كلمن وابن اخوه .. الجيش كله حاوطوه
بخت عنده الطلع سالم ..... بخت عنده الطلع سالم
حسين طبتله رسالة .. بيد الأكبر وصلته
منين من عباس اجته .. وبيهه وضح فكرته
زفه للقاسم يريد .. من الحرب حد خيمته
بس شرط عندي يكله .. اعله العساكر زفته
حسين وي روحه تشاور .. علي الأكبر كله حاضر
اتروح يم سبع الكناطر .. كله ابوي ايكول تامر
راح اجي ونزفه قاسم .. راح اجي ونزفه قاسم
الأكبر وبدر الهواشم .. والحسين ويا القاسم
طلع كلمن وابن اخوه .. الجيش كله حاوطوه
بخت عنده الطلع سالم ..... بخت عنده الطلع سالم
| كلمات الشاعر :- أياد الأخرس |
تدوين : Zahraa Al obaidi
2018
رد مع اقتباس
