هنا

[Haider Gahny]

السلام عليكم اخواني الكرام
اذا ممكن تساعدوني بعد وصول حسابي 10$
اليوم تم تعليق الدفعات لحين وصول البن كود
وهنا المشكلة اخوكم يسكن الحلة وبالتحديد منطقة المسيب
اريد منكم طريقة حتى يوصلني البن كود واذا اسوي بريد بأسمي
هل يوصلني البن كود 100%
واذا عندكم طريقة أضمن ياريت تساعدوني ولكم دعوة بظهر الغيب
وجزاكم الله خير الجزاء

[Samer]

السلام عليكم

حسب تجربتي الشخصية، اني طلبت استلام الـ PIN code عبر البريد العادي ، سويت صندوق بريد عند البريد و خليته العنوان مالته بالحساب و طلبت ارسال البن كود و بالفعل وصل خلال فترة شهر، و قمت بتفعيل الحساب

PO BOX 130
Kut
Wasit
Iraq

أما الصك نفسه (من وصل رصيدي الحد الأدنى المسموح) ، فما وصلني على البريد العادي أبد ، مرتين جربت (و كل تجربة شهرين)و ما وصلني، و اضطريت اغير العنوان إلى عنوان مكتب DHL

بس ارسال اي شي على البريد العادي هو مغامرة (يعني ما مضمون وصوله أو شوكت يوصل) ، الافضل و الاضمن و الأكثر راحة لبالك هو طلب ارسال البن كود إلى عنوان مكتب DHL

ما اعرف إذا اكو مكتب DHL بالحلة أو لا .. بس حتى إذا ماكو تكدر تستخدم عنوان اي مكتب من المكاتب ببغداد (بشارع الصناعة، كرادة خارج، فندق فلسطين .. إلخ) .. إذا تحب تستفسر منهم هذا رقم المكتب الرئيسي (مكتب المطار)

07901909519

تحياتي

[Haider Gahny]

تسلم اخي على التوضيح جزاك الله خير
راح افتح صندوق بريدي واروح لبغداد واستفسر
بس اذا ممكن استقسار ثاني ممكن تشرحلي الفقرة الاولى

دفعاتك معلقة.

لن يتم تحرير دفعات.

يرجى اختيار أو تأكيد طريقة الدفع
يرجى إدخال رقم PIN 

لما اضغط على الخيار الاول
الشيك - تسليم عادي *
الشيك - تسليم سريع آمن (€ 17.00 تكاليف الإحالة

[Samer]

تسلم اخي على التوضيح جزاك الله خير
راح افتح صندوق بريدي واروح لبغداد واستفسر
بس اذا ممكن استقسار ثاني ممكن تشرحلي الفقرة الاولى

دفعاتك معلقة.

لن يتم تحرير دفعات.

يرجى اختيار أو تأكيد طريقة الدفع
يرجى إدخال رقم PIN 

لما اضغط على الخيار الاول
الشيك - تسليم عادي *
الشيك - تسليم سريع آمن (€ 17.00 تكاليف الإحالة

مرحبا

تسليم عادي ، هو باستخدام نظام البريد الاعتيادي ، مثلا لصندوق البريد الخاص بيك بمركز البريد بالمدينة

تسليم سريع آمن .. المقصود بيه عبر خدمة الـ DHL

[Haider Gahny]

تسلم اخي على التوضيح
بارك الله بيك

[Haider Gahny]

اخي سامر بالنسبة لصناديق البريد
على السنة الجديدة ماقبلوا يفتحون هسة
واتصلت dhl وجاوبتني موظفة تكول ماعندنة هيج خدمات
لا استلام طرود ولاصكوك !!!

[Samer]

السلام عليكم

بالنسبة لصناديق البريد .. ممكن يفتحولك إذا شوية تلح عليهم و تكللهم اني محتاج هذا الصندوق و حتى لو باقي كذا فترة من السنة و اني راح اجدده عل سنة الجديدة (ممكن تشوف مدير البريد لهذا الغرض و تشرحله مدى حاجتك للصندوق)

بالنسبة لمكتب الـ DHL ... لا تكللهم (عندي صك) .. كلهم عندي (ظرف) اريد استلمه من ايرلندا ، و عل عموم .. اصلا ماكو داعي تاخذ رخصة منهم مجرد اكتب عنوان مكتب الـ DHL اللي يعجبك بحسابك بادسينس .. و انتظر استلامه من المكتب اللي كتبت عنوانه بالحساب

وظيفة مكاتب الـ DHL هي تسليم الطرود و الظروف من اي مكان بالعالم إلى اي مكان بالعالم .. هذه الموظفة (تغني) كما يعبرون .... إذا تحب تتصل بمكتب دي اتش أل (فندق فلسطين) هذا رقمهم

07901909520

و إذا تريد عنوانهم علمود تكتبه بحسابك بادسينس:

Payee name:    Your Name

Street Address: Palestine Hotel
                Al-Fardwoos square
                
City/Town:        Al Saadoon Street

Province:        Baghdad

Postal Code:    10001
 

Phone:            Your mobile Number 

[Haider Gahny]

مشكور ياوردة على التوضيح بارك الله بيك
دخلت معلومات مكتب dhl
واختاريت تسليم سريع واختاريت العملة بالدولار
وننتظر والله كريم
وملاحظة خيار التسليم اختفى يعني معناها طلبت ارسال كود البن؟؟
وشوكت يرجع يظهر؟

[Samer]

حقيقة ما ادري .... هل اختيار (التسليم السريع بالـ DHL) ينفي الحاجة إلى التحقق عن طريق الـ PIN ؟ .. لو انته اصلا ضغطت على ارسال البن كود قبل هذه اللحظة .. على اية حال اتبع الرسائل اللي تطلعلك .. و كون صبور .. و ما دام هو دا يحسبلك الارباح .. فماكو مشكلة فعلية بالتأخير

و بالمناسبة ..لازم تقرأ صفحة التعليمات بصورة تفصيلية .. بيها كل المعلومات اللي تحتاجها عادة

http://support.google.com/adsense/?hl=ar

[Haider Gahny]

تسلم وردة ماقصرت ربي يخليك