السلام عليكم ايها المؤمنون
هاي گايز ايها الملحدون
معلومات عني
المعلومة الاولى
ما شايف ميت بحياتي او ما شايف انسان طالعة روحة
بس شايف شخص دماغة بصفه طايح ويجالع
ما كدرت انتظر حد ما يموت
المعلومة الثانية
بحياتي الدراسية جنت دائما محبوب من المدرسات
فجنت كلش مستفاد من ان يكون الاستاذ انثى
نادرا ما ارسب عند الاناث
المعلومة الثالثة
ما احب بنت ادرسني حتى لو ارسب
باستثناء ان يكون الاستاذ انثى فما عندي مانع
المعلومة الرابعة
ماعندي اي مشكلة وايه اسرائيل
وحقيقه ما مهتم بفلسطين ولا اقصى ولا ولا
واشوف المهتم بهيج مواضيع ماعنده شي مهم بحياته
المعلومة الخامسة
حد عمر ٢٤ او ٢٥ ما جنت احب ارفع صور الي
بالأحرى ما جنت حتى التقط صور هواي جنت استحي
وكل ما جاي اكبر صرت ما اهتم برأي المقابل سواء سلبي او ايجابي
المعلومة السادسة
الفرع الاول
جنت قليل الدراسة بكل مراحل حياتي حتى السادس علمي
باستثناء السنة الثانية معهد نفط
لان جانوا مروجين ان التعين يطلب معدل تراكمي بال٨٠
وفعلا حصلته
الفرع الثاني
لا زلت اشوف الانسان يضيع وقته بالدراسة هواي
واستثني بعض المواد الي تثير اهتمام الطالب او يعشقها
مو من المعقول تبذل جهدك على كل المواد
الفرع الثالث
اشوف من الغباء ان يكون حلمك طبية مجرد لان درجاتك عالية وبقية الطلاب حلمهم طبية
الفرع الرابع
عالم الطب كله ما يثير اهتمامي ولو متوفر الي معدل عالي جدا
جا دخلت طب لاني ضمن القطيع
المعلومة السابعة
هناك الكثير الكثير من المواضيع الي ما افهم بيه شي
بس الناس ( الاصدقاء ، الاقارب) يعتقدون افتهم بيه لان ما اطرق اله اواحجي بيه
امثله على المواضيع الما افهم بيه
السيارات ، كرة القدم ، الامراض. اللغة ، واي موضوع اختصاص على شرط النقاش ويه صاحب الاختصاص
المعلومة الثامنة
درابين الحب
الدربونة الاولى
ماگلت لبنت احبچ جذب ( لحد يفكر مممكن يحب كل حلو)
الدربونة الثانية
فوق ال20 عمراً عرفته
الدربونة الثالثة
ما راحت اخطب اي بنت بحياتي
لان جنت افكر اذا ما عجبتني ممكن ينكسر قلبه وتفكر بالموضوع وتتأثر
لو خليت نفسي بمكانه يمكن افكر مثله
الدربونة الرابعه
اول مصارحه لغرض الخطوبة نجحت
المعلومة التاسعة
السمان المجرات المصغرة
المجرة الاولى
اعتقد الاشخاص السمان اكثر سعادة من غيرهم وهذا بسبب الإفراط بالاكل الي يسبب السعادة
المجرة الثانية
ممكن احب البنات السمر البيض الگصار الطوال قليلات الجمال بس ما اگدر احب البنت السمينة
بحياتي ما ثارتني بنت سمينة
لو مر بيه نفس موقف النبي يوسف ويه زليخة السمينة جا كانت ردة فعلي مثله بس الفرق
ما انتظر برهان الرب حتى اعتكف عن الهم بها
المجرة الثالثة
ما اگدر احس بالبنت السمينة حتى لو ضايجه حزينه
وهذ الشي مو حلو مني
المعلومة العاشرة
اي منتصف الطريق
شايل غدارة
الغدارة الاولى
ما اميل للأغاني الاستماع اله يصيبني بالصداع
وكذا الحال بالنسبة للطميات وغيرها من القصائد
اوك ربما البعض لا يصيبني واقصد الحالين السابقين
الغدارة الثانية
اشوف الناس الي تسمع اغاني هواي همه الأقل معرفة
لان مستحيل تاخذ اي استفاده من الاغاني غير انو جسمك يطرب بينما اسخف منشور تقضي وقتك بقراءته يخليك تفكر
الغدارة الثالثة
بعض الاغاني تعجبني كلماتهن فابحث عن الكلمات واقرها
الغدارة الرابعة
الشعر احب الغزل الفصيح فقط
وغير ذالك يتبعها الغاون ولست منهم
المعلومة الحادية عشر
اعتقادات
الاعتقاد الاول
اعتقد ان اي معلومة او خبر يلامس قلبك وعقلك
سمعت بيه من شخص او قريته بالنت
تم تأليفه من احد الاشخاص ولا وجود اله
حاليا عندي قناعة ان المواضيع الحقيقة بالمعتاد تكون غير مثيرة للاهتمام وممله نوعا ما
وحتى يكون الموضوع مثير للاهتمام لازم يدخل بيه الفانتازيا البشرية
الاعتقاد الثاني
الناس تبحث عن قدرة الله بالمعجزات او ما يخالف قوانين الطبيعة
مع ان المعجزات الله سواها حتى يقنع الاغبياء والحمير
بينما الانسان العاقل من المفترض ان ينبهر بصنع الخالق
بهندسته لهذا الكون وعمل كل الاجزاء بدقة متناهيه
الاعتقاد الثالث
اعتقد اذا الوالدين يتعبون على تنمية عقول ابنائهم بمراحل مبكرة هل التعب يجيب نتيجة حلوه
وحتى تتعب على تنمية اولادك بشكل صحيح المفروض ما تجيب اكثر من ٤ وللأم الحصة الاكبر بالتأثير
الاعتقاد الرابع
حاليا بديت اعتقاد ان إعطاء رأي بخصوص اي موضوع يخص اي انسان هو تحيز لأفكارك كذلك هو حكم قاسي منك على المقابل حتى يكون مثل ما تحب
يعني طائفية مصغرة
المعلومة الثانية عشر
معضلات
المعضلة الاولى
يعجبني تكون عند البنت نسبة عضلات بحدود ١٠-١٨٪
وهل شي مخالف لفكر القطيع البشري
المعضلة الثانية
فرق العمر - الخبرة بالحياة - توفر المصادر
اكتساب هل النقاط بمرور الوقت يخليك تفتح عينك على الحياة وتفهم وتدرك اكثر وبالنتيجة راح تشوف تصرفات و آراء الاصغر منك تافه
وهذه معضله عظيمة لان انت بمعمرة متاكد كنت اسوء منه الدليل المعرفة متاحة اكثر حاليا
والي يكول حديث علي بن ابي طالب كم من صغير عقله بارع بدي أطره طر تره مو انت المقصود يابو إنجازات عملاقه
المعضلة الثالثة
اكو فرق بين انسان ملتزم دينياً وبين انسان يملك معلومات دينية
كثيرا ما يتم الحكم علي ملتزم دينياً لان عندي اطلاع على بعض كتب الدين
انا لا أنكر إلتزامي ببعض الامور الاخلاقية
وهل الدين الا الحب وهل الدين الا الاخلاق انما بعث لإتمامها
المعضلة الرابعة
اختلاف الناس باللغات واللهجات والاعتقادات والصفات والجمال هو اجمل مافي الحياة
المعضلة من تريد الناس كله تكون مثل اعتقادك ولغتك و آراءك هذا الاستحمار بعينه
لو ارد الله لخلق الناس كله تحبه وتعبده وبلغة واحده
المعضلة الخامسة
ما نقرا او القليل يقرأون او قليل اللذي يستحق القراءة
المعضلة الاول من المعضلة الخامسة اذا جنت اكتب هذا الكلام ومحد يقرأ
المعضلة الثانية من المعضلة الخامسة اذا جنت اكتب حتى يقرأ
المعضلة الثالثة من المعضلة الخامسة اذا جان هذا الكلام ما يستحق القراءة
المعضلة الرابعة من المعضلة الخامسة اذا انا ما اقرا هذا الكلام بعد مده
المعلومة الثالثة عشر
وجة نظر ( لعقلي الحالي والكيمياء التي تغمر جسمي )
اذا تنطي فلوس لمجداية عده طفل او تنطي لطفل
فانت جاي تشارك
تدمير مستقبل هذا الطفل
استمرار استغلال هذا الطفل
زيادة التجارة بالجداوه
فوق هذا كله من حيث لا تدري جاي تزيد حالات الاغتصاب السرقه العنف
بعد كم شهر ادخل بالثلاثين
بهل الفتره تعلمت
رأيك مو ثابت راح يتغير فلا تعتقد ان معتقداتك الحالية حقيقة مثل وجود الشمس
كل ما تكبر بالعمر روحك تخفت
الرغبه بالتعلم يقل
الاثاره تكون نادرة
لا تؤجل هم الغد الى اليوم
المعلومة الرابعة عشر
اخو خيته
هواي اتمازح ويه خواتي الثلاث بالخصوص ويه اختي الزغيره الطفله مواليد ٢٠٠٠ هاي دوم اشيله واخليه بحضني واكعد اسويله اغووو ( اعامله مثل طفل رضيع )
مع ان الاثنين البقيه متزوجات بس عادي من تطبك عندي حالهن من حاله
كذلك هواي اركص وياهن فجاءه
طبعا كلمة يمااااا ما تسقط من لسانهن وقته
المعلومة الخامسة عشر
اشوف والدي مقام والدي مثل مقام الانبياء
لعدة اسباب منها
اولا بحياتي ما شفت ابوي يغلط او يسب او يصح على والدتي
ثانيا ولا مره انتقد طبخ امي او خواتي كذلك ولا مره طلب اكله معينه ولا مره ايضا طلب ان تكون هناك وجبه اصلا وكلش عادي ياكل خبز وخضره
ثالثا في حال امي ما موجوده او اختي هو الي يحضر الاكل ويغسل المواعين والى الام يساعد امي بالخبز في حال خبزنا
رابعا يفضّل ناكل بماعون واحد وهذا الشي دوم يصر عليه
خامسا كلش يتاثر اذا شاف واحد منا ضايج او مريض بسرعه ينقهر
سادس بالوقت الي ما جانت الفلوس كافيه بزمن صدام جان يصرف الي عنده على دراستنا
سابعا ابوي حلو هواي وشعر راسه ولحيته ابيض من الكطن ههههههه
ثامنا علاقة ابوي بخوانه قويه جدا وابد ما يحجي عليهم وجانت علاقته من قبل بأمه وابوه كذلك واعتقد لهل السبب الله رزقه بوالدتي منبع الحنان ورزقه باحنا الي ماعدنا سوالف تعبانه على مستوى الدولي هههههه
المعلومة السادسة عشر
ما احب البنت تلبس ضيك احس يخفي الانوثه وكلش احب التنورات والبدلات
احب البنت الي تكتب يوزر نيم مالته اسمه الحقيقي ( اشوف هل شي راح يحل مشكلة ان الذكور يستحون يحجون اسماء امهاتهم وزوجاتهم وخواتهم لان راح يكبر جيل ما يخجل منهن ) علما انا شجعت علا ان تكتب اسمه واسم ابوها
افضل البنت تخلي صورتها الشخصيه كرمزية ( حتى هل شي طلبته من علا بس رفضت ) وبدون ما تكون صوره غايته الاثاره ، اشوف هل شي يغير التفكير القبلي بخصوص القتل والتهديد وحتى النظرة السلبية اتجاه البنت الي ترفع
من اكون مع علا ويصادفني صديق اسلم عليه وأعرفهم على بعض ، وكلش اكره صديق يشوفني ويغلس لان ويه علا لان استحى او حسباله انا استحي.
اشوف هل شي يزيد من احترام الاصدقاء لزوجات اصدقائهم ويقلل التحرشات
المعلومة السابعة عشر
ما بعد حامورابي
من تزوج سنيت كم قانون على زوجتي
و احد اهم القوانين الي فرضتها
ممنوع التفكير بعد الساعة ١٢ بالليل
ممنوع تقترحين فكرة
ممنوع اطلبين افكر بموضوع
ممنوع تناقشيني
ممنوع اناقش
كذلك ممنوع تناقشيني باي موضوع اذا جنت اريد انام سواء الظهر او المغرب او اي وقت بهذا العالم
مسموح الج تناقشيني بعالم موازي اخر
المعلومة الثامنة عشر
من بعد ما اجت هيلين عرفت مفهوم كلمة الحب الحقيقي
قبلها اضغاث احلام
مچنت ادري هيچ الابوه
هل الشي خلاني اكون ارق من المعتاد
اكثر عاطفة
اكثر اهتمام
وبنفس الوقت حسيت قلبي صار بكبر قلب الحوت الاسود ( قلبي صابة عمى الوان منكثر الايمان)
اكمل من اتذكر
رد مع اقتباس
المشاركة الأصلية كتبت بواسطة موتي ولا دمعة امي
