(هاي التمناهه)
تتباهـــــه الدول بالعلم بالإعمار
بس هذا الشعب بالموت يتباهه
حصتي من الوطن لوعلم لو تابوت
موجسمة عدل بس منهو سنَّاهه
اقشمر شيلة امي ابچذب بس مقبول
صيحي ابني البطل ميخاف سواهه
بس آنه انذبح والنائب الچذاب
لَوَّنْ چــــــذبته واعليَّه مشّاهه
الگاعـد بالنجف والدايح ابغداد
صار المنـــــتصر والرايه علاهه
سكتلي المدافع والذبح والموت
اشوكت تگضي الحرب ( أيّانَ مُرساها)؟؟
مشكلتي الشعب مخدوع بس للجير
هاي الرادهــــــه وهـــاي التمناهه
جبار العبادي
رد مع اقتباس
المشاركة الأصلية كتبت بواسطة Haidar Iraq
