ممنون منك
علمت روحي درس كل السنين.... المايريد اصفوف واقلام ودفاتر
وفطنتني اعله الچنت ما فاطنلهه.... اللافرايض فطنتلهه ولا عشاير
خلفت بيه جرح كلسا يفز من نومه طاير
ايمر على أهلي ابلا خجل وايفزز امي.... ويلعب بروحي مثل ناعور داير
كلهه منك
گمت اعيش بوحشتي كل يوم صفنات المگابر
وكلهه منك
صادگت مليون شاعر
وكلهه منك
گمت اگل لمي تسولفلي اعله صندوگ البخت وشلون صاير
لنهه وين اتگلي صندوگ البخت بابعد جزيره... والحزن حيطان دون البخت داير
گمت اشوفك وين ما شفت ابدرب گبه ومناير
واهز شباچ البخت وادعي عليك
وكون مثلي اتظل على الصوبين حاير
گمت اگول المانصح روحه تسودن واللعب بسنينه خاسر
گمت اسمي الماوگع وياك شاطر
اشكرك ممنون منك
علمتني شلون اعرف الناس مغروره وتحب بس المظاهر
وعلمتني الباع روحه.. من يرد ما يلگه روحه الباعهه بنفس المشاعر
وعلمتني العشره عدكم صفت لعبه مثل لعب اطفالكم لف الجگاير
وبالوهم گظيت عمري بعشرتك والوهم جاير
بس اگلك.... خل تظل ترچيه بذنك
وين ما صادفت واحد گلبه طيب گول خاسر
جبار العبادي
رد مع اقتباس
المشاركة الأصلية كتبت بواسطة مشاعر ميتة
