آني تغيرت
آني تغــــــيرت مو طبعي ذاك الجان بــــــطلت الـــعتب مجفين ما عاتب
ولا هــــــمن بعد والجاي نفس الراح
حجر كـــلي صـــرت لا أكره ولاحب
آني تبــــدلت كلي وصـــــرت تمثال
ما اذكــــــــر بعد من المشوا صاحب
فرق بين الـــفهم درس الزمن عمرين
وبين اللي كـضاهه اويه الزمن طالب
كبل جــنت احترك من اسمع يزعلون
السـبب جنت اعتقد رد الفعل واجب
بس مـــــــن جربتهم ما لكيت انسان يغار ويســـــــتحي من كصة الشارب
احن الهـــــم جنت من ابتعد واشتاك بدمــــعـة والــــده التـــًشتاك للـغايب ليش ابقه احترك وانزف تعب وهموم
لمــيت الــــشراع وحـــــبلي عالغارب تايــب مـــن عــــمر خلصته اه واوف وعلى دار الالـــــم شـــــيرجع التايب أريد ارحــــل وســافر وين حد الوين كــفاني انزف ألــــم والشامت يراقب اريدن باقي عــمري من الشمع يرتاح شــباب ورأس عمري من القهر شايب
راجع ياهلي ومــا ريد اعاشـــــر ناس صافـــــــيهم طــلع حته الصفر سالب يامن ضيــــعوني الــمثلي ما يــــنباع ولا مثـــلي الــدهر طول الدهر جايب الحاجب جاب عمره يعيش فوك العين
العين شما عـــــلت ما تعله عالحاجب
جبار العبادي
رد مع اقتباس
المشاركة الأصلية كتبت بواسطة Haidar Iraq
