قبل رفع الدعوى القضائية , تذكري....(ان حدود مسؤولية الطبيب في المجال الطبي هو بذل عناية وليس تحقيق نتيجة), بمعنى ان الطبيبة لو بذلت عناية (الطبيب المعتاد) وان لم تتماثلي للشفاء- وان لم يحصل تحسن في الوضع الصحي للمريض, فلا مسؤولية جزائية او مدنية تترتب على عمل الطبيب. وهو ما استقر عليه رأي الفقه والقضاء في العراق. مع التحية
مرحباً، أتصور رفع الدعوى أمام القضاء ممكن لكن صعب واحتمال يكلفج فلوس خصوصاً اذا هي كسبت الدعوى، لهذا أأيد الأستاذ محامي الحب ارفعي شكوى للمفتش العام في وزارة الصحة وبنفس الوقت مثل ما كال هاني طشيها بين البنات والنسوان هاي الدكتورة كلاوجية وموزينة ديرن بالجن لا تنقطن هههع وما شاء الله انتو خوش تنقلون الأخبار يعني ممكن تنسحل سحل بس الافضل لتنطيهن اسمج حتى لتصير لوتية وترفع بيج دعوى.
ومثل ما تفضل دكتور احمد التميمي مسؤولية الطبيب بذل عناية يعني بذل جهد ليس تحقيق غاية يعني مو تحقيق نتيجة، عموماً اذا تريدين رفع دعوى اجراءاتها كالتالي أمام المحكمة المدنية:
قدمي طلب الى القاضي الأول بمحكمة البداءة التي تقع فيها عيادة الطبيبة ونفرض اسم القاضي س.
اكتبي بالطلب اسمج كمدعية وعنوانج واسم الطبيبة باعتبارها مدعى عليها وعنوانها ممكن عنوان البيت أو عيادتها.
طبعاً لازم عندج اقل شي 3 نسخ من الطلب يعني من عريضة الدعوى وحدة الج والثانية للقاضي يحفظها عنده والثالثة تنطيهة للمبلغ حتى يوديها للمدعى عليها يعني للطبيبة.
رح يهمش القاضي عالطلب ويحيلج الى سجل الاساس هناك تتسجل الدعوى وتنطي رقم وتاريخ بعدين تنحال للمحاسب حتى تدفعين رسم تقاضي بعدين تنحال الى قلم المحكمة.
هنا لازم تقرين اسم القاضي المحالة اليه الدعوى فرضاً اسمه ص لازم تسألين وين القلام مال القاضي ص هناك يسجل الدعوى ويحفظها عنده.
شكرا جزيلا أخوتي ع مساعدتكم ما قصرتوا
ربي يوفقكم
وبعد الانتهاء من الاجابة
نشكر كل الاخوان الذين ساهمو بالجواب ونخص منهم السادة المحامين
يُغلق الموضوع
