هنا

[ود 'ے]

هسه ياريت لو صفة حلوة بي شو كلشي مو زين شعجبج بي؟

مااعتقد صادق وياج

[Elegant]

لو اني مخلوق بنية وبمكانج جان مو عفته جان هاجرت هم ههه حته ما اشوفه

[^_AHMED_^]

طالما هو مار بكل هذي الدروب فبصعوبة يتركه وخاصة بهذا الوكت
فنصيحتي الج انتظري لا تستعجلين ابد وابقي اجلي لحد ما تطمئنين
100% انو هذا الشي لمصلحتج وبعدها توكلي على الله

[سورين]

لو يحبج جان ترك السوالف المو زينة علمودج *-*
بس راح يبقى انسان تافه حتى لو اتزوجتوا
ولتصيرين مثل المثل البزون يحب خناگه
روحي شوفيلج واحد يقدرج ويحترمج

[Laraa]

مجرد قريت السوالف اللي مسويها حسيت بالقرف
شلون سمحتي لنفسج تحجين ويه هيج شخص وانتِ من عائلة ملتزمة حسب متكولين
لو كان بداخلج جزء بسيط جداً من الشك عوفي
خلي ابالج هذا زواج مو لعبة
اللي محترم اهله وتربيتهم وبقى اعوج لتتوقعين انتِ تكدرين تربي بحجة الحب

موفقة

[جليسة الزمان]

اني حبيت اكتفي بالسكوت بس بگلبي حجايه اطكطك

[Rose peace]

انطيج اياها من الاخير مصيرج الندم يوم لاينفع فيه الندم والله ارفضي واقطعي علاقتج نهائي بهيج شخص ،،
اكو واحد يروح للنار برجله ابو طبع مايجوز من طبعه افضل من هذا وصارت بلاوي تردين هذا بايع ومخلص ينصلح وياحب الي يجي بأسبوع وعن طريق النت تحجين صدك انتي ؟!!!
وبعدين نفسج شلون راح تتقبله وشنو يضمن ماراح يرجع لسوالفة ؟!!
انتي ليش مرخصه نفسج لهيج شخص رخيص ؟ تره حتى لو هواي شباب هيج بس مو هواي شباب بهدرجة من الانحطاط اكو الاصلح منه ليش ما تفكرين بالاصلح منه قدر الامكان بدل ماتفكرين تتقبلين كل سيئاته ؟
انتي شنو يربطج بيه غير حب هو زوجج ومجبورة تتقبلينه بهالوضع ؟ تره الحب مايفيد اتبعي عقلج ، مافكرتي انو ترك كلشي حاليا بس لان انتي اجيتي ويجوز تكونين نزوة بحياته فتره ويرجع ؟ شنو الي موازين تقبلين بشخص مستقبلج مامضمون وياه واكو احتمال انو يدمرج شناقصج؟
الحجي هواي اختصرته بالي كلته اعذريني على هالكلام اخاف كلامي يستفزج او يعصبج بس صدكيني اريد مصلحتج ونصحتج لله والقرار قرارج

[لانا احمد]

اتخيلج انه انت كاعدة تقنعين ب نفسج
يتغير ، لا متغير
أقبل ، لا مااقبل

على شنو هالدوخة هاي ارفضي من البداية وخلي عقلج يرتاح ^^

[Secluded]

عيني اترکي لأن اذا راح تقررين و توافقين انو تعيشين ويا فراح يكون هذا القرار اكبر خطأ بحياتج ورح تتندمين عاليوم الي عرفتي بيه .حتى لو گلج انو هوه راح يتغير ويصير شخص ثاني لتصدكين لأن لو صدگ ايريد يتغير علمودج جان تغير من زمان والقرار قرارج

[جنـات]

اريد اقييم فد مشاركة هنا ومديصير -_-

المهم مبين انتي جميلة وجذبتي هيج رجل سيء ومقرف
بس واضح علي صريح

اذا تحبي اجلي موضوع الزواج وابقي اكتشفي وحفظي يمكن يتغيير لان حبج الى ان تقتنعين انو تكدرين ترتبطين بي رسمي