مو حالفين انضل سوه مكتوبة سيد فاقد الموسوي كتابة
-
كلمات قصيدة مو حالفين انضل سوه - سيد فاقد الموسوي (مكتوبة) + تحميل MP3
ياسيــد الحــومـه ..
شـو طـالـت النـومـه ... !
ياسيــد الحــومـه ..
شـو طـالـت النـومـه ... !
شـو طـالـت النـومـه ... !
طبو عليه الخيمتي . گــوم إخذ حيفك
يعني إلا اگـلك يـالگمـر . سلبوا سيفك
بس آنـه شافتني الزلم . اوضلت ابكيفك
اوضلت ابكيفك ....
ماعودتني اعله الضرب .. ولا عاشرت وادم غرب .. عفيه وبعد عندي گلب .. وجروحي ملچومه
وجروحي ملچومه
ياسيد الحومه .. شو طالت النومه ... !
__________
عباس رايح من صدگ ! . تقنعني ماشوفك
يالحته شدت معصبي . اتذكرني بچفوفك
يالزارع ابكل خطوه دم . وبكل گلب خوفك
وبكل گلب خوفك ....
والعدهه اخو مثلك شهم .. تدنه لخيمهه الزلم .. وگبـال عينك تنشتم .. يالشايعه اعلومه
يالشايعه اعلومه
ياسيد الحومه .. شو طالت النومه ... !
___________
مو حالفين انضل سوه . شو بطلت چنـك !
هوه انته منك ينشبع ؟ . حته آنه امل منك
عاشگتك الناس الغرب . مو حگي اعشگنـك
مو حگي اعشگنـك ....
من طاح الاكبر دمدمت .. وگبـال اخيك ضهضبت .. بس من اجيت اتبسمت .. خافني مهضومة
خافني مهضومة
ياسيد الحومه .. شو طالت النومه ... !
___________
يالمدري شنهي اتصورك . ليل وسمر وشموع
يالتارس اعيوني ضحك . متروسه هسه ادموع
بضلوعي اقسملك قسم . مابگـت عندي اضلوع
مابگـت عندي اضلوع ....
من الضرب عيني انطفت .. وضلوع ظهري اطبـگت .. وحسين جثته اتهشمت .. وانسلبت اهدومه
وانسلبت اهدومه
ياسيد الحومه .. شو طالت النومه ... !
___________
گـد ما بـظـلك فكرت . مافكرت بإبني
تاليهه عباس اصبحت . ياهو اليجي ايسبني
غثـاني من عدهم نذل . واعله الوجه ذبني
واعله الوجه ذبني .....
معگـود بچـفوفي الحبل .. كلساع يهطرني النذل .. اتراجف ودمعي يهل .. وامسيت مندومه
وامسيت مندومه
ياسيد الحومه .. شو طالت النومه ... !
______________
ودعتك الله ياشهم . يالموش ناسيني
راح امشي بأكتار الزلم . وانذال توليني
مطفيه عينك بالسهم . ريت انعمت عيني
ريت انعمت عيني .....
مو هين افراگـك علي .. بس يا تره اشيحصل بدي .. لو گـمت سو لحسين في .. لا تخرب ارسومه
لا تخرب ارسومه
ياسيد الحومه .. شو طالت النومه ... !
____________
قصيدة " مو حالفين انضل سوه"
من كلمات الشاعرين :~ احمد المشرفاوي
و حمزة الحسناوي
اداء سيد فاقد الموسوي ,2014
_______
تدوين, زهراء العبيدي
٢٠١٨
رد مع اقتباس
المشاركة الأصلية كتبت بواسطة جْــيْــكـــي'ۦ، 'ۦ
