شلونكم
حبيت نسولف
اكو شيخ عشيرة بالجنوب بذي قار
هذا كلما يجيه ضيف يطلع من يمة شابع كتل
واشتهر عند الناس بهذه الصفة فمحد يتجرا ويضيفه
فد يوم اجة واحد غريب وتعبان وشاف ديوان الشيخ عامر وكبير فراد يطب والناس منعتة
كلولة ترة هذا الشيخ يكتل ضيوفة فلا تتورط وياه
كلهم اني جاي من سفر وجوعان عوفوني اطب
فدخل تلكاه الشيخ هلا ومرحبا بالضيف
صبلة كهوة بيدة
وفرش له فراش جديد وهلا بيك ومرحبا
شوية وفرش له السفرة وجاب له خروف مشوي
الضيف يحجي وية نفسه يكول احتمال الكتلة ورة الغدة
اكل الضيف وشرب كهوة وكعد يمة 3 ايام والشيخ يكرمه بيده
فراد يرحل الضيف ويودع الشيخ لكن سئله
كال يا شيخ الناس يكولون انتة تكتل ضيوفك واني ما شفت منك الا الكرم والخير
كال الشيخ حقي اكتلهم لان من اصب كهوة بيدي اكراما لهم ميشربون يكولون استغفر الله شيخنا انتة تصب كهوة ؟
ومن اقدم لهم الطعام ما ياكلون يكولون شيخنا مستعجلين كلشي لا تسوي
ومن افرش لهم فراش ميقبلون
فاذا اشوف واحد هيج اطلع عصا ضامهة واكتلة واطرده
لان هيج ضيف يقطع سبيل الكرم
خوش قصة ؟
رد مع اقتباس
المشاركة الأصلية كتبت بواسطة أغرد بهمس
