السلام عليكم شلونكم دررنة
طبعاً تذكرت هذا الموقف بعد ما نشرت الغالية نسيم المسابقة بس مو ضمن المسابقة بس حبيت اشاركم بي.....موقف انساني
العام جنت اروح للمستشفى حتى اتعلم واطبق بالصيدليات ..بصيدلية الطوارئ (م اذكر اسم المستشفى)م ينطون العلاج الاورقة من الدكتور ....اجه رجال كبير حسب ما عرفت انو جان يشتغل موظف نظافة بالمستشفى والرجال متقاعد يمكن او مبطل ومشلول ومريض كولش حالته تبجي الكافر ف ايده محتركة واجه ياخذ مرهم حروق بس بدون ورقة لان م اعتقد عنده صح هو مبلغ بسيط بس هي اصلا عصارة مرهم وع حساب الدولة والشخص محتاج واكدر اني اوديها للدكتور يعوضها ع ورقة ثانية....المهم كال دكتورة اريد عصارة ايدي محتركة واني جنت اشتغل هنا كتله صار عمو اخذها واني اعوضها فدا انطي واجت وحدة معاونة صيدلانيه وخدمتها اكثر من 15سنة واخذتها من ايدي المن تنطي بعدين هذا جذاب يلا وخر منا ولتجي بعد ...كتلها تره مريض وايده محتركة كدامج وانتي م دافعتها من جيبج واني اروح اعوضها ...والله انتي لتدخلين بعدج م صرتي دكتورة حتى تتشرطين من تتخرجين وتصيرين مسؤولة عليه وكتها تحكمي....كتلها اذا صرت مسؤوله اول شي اسوي اطردج من مكانج لان انتي مو انسانه وحرام تكونين هيج واخذت المرهم انطيته للرجال وعوضته واشتكيت عليها يم المدير مالت المستشفى ونقلوها لغير صيدلية....
المشكلة معقولة اكو هيج عالم ماكو بكلبها رحمة وانسانية؟!....الانسان الفقير المفروض احنه نوكف وياه نساعده يعني احنه نحكم من مظاهرة نشوفه تعبان ونساعده ان كان كذاب او صادق فهو والله بس احنه اهم شي نسوي الشي العلينه...هذا موقف مريت بي وكلش اتاثرت واعتقد ح اواجه هواي مثل هيج مواقف مستقبلاً
رد مع اقتباس
المشاركة الأصلية كتبت بواسطة زَين
