هي جحيميالمشاركة الأصلية كتبت بواسطة فم اللبلاب
مرات.. من تكون قريب من شخص حد أمتزاج روحك بروحه.. و من تطول مدة هالملازمة وتصير المشتركات بينك وبينه هي السائدة.. رح يتولد عندك نوع من حدس.. حدس غريب جداً, مضحك وممتع وبي كمية لذة عالية, بحيث أنت وصافن وحدك, تعرف ذاك الشخص شنو جاي يسوي, شنو أكل, شنو ترتيب شعره, تفاصيل وجهه بهاي اللحظة, بشنو جاي يفكر.. كلهن تعرفهن!!
هالحدس رح يتعاظم بحيث من يكون المقابل يتألم, رح ينزلن دموعك بلا أذن منك حتى وأن كنت على سفرة الأكل وية عائلتك أو بنص حديث جماعي.
من يضحك رح تطير أنت وما تعرف شنو تسوي من فرحتك
كل هالمشاعر يكون مصدرهن شي داخلي.. شي يجي من منطقة بعمق صدرك.. منطقة مستحيل تكدر تلمسها
هالأمر كد ما هو هبة.. رح يصير مُعذّب بعدين.. رح يكون جحيمك الخاص.
