هنا

[نبتة يوسف]

اصدقاءنا اكو شي مرعب يمكن مو الكل ماخذة بنظر الاعتبار ولا منتبه لحجم الكارثة اللي ممكن يسببة

الحالات اللي انتشرت مو لعبة وبالحقيقة هاي مو كلها لإن صار تكتّم بالخبر من قبل الحكومة المحلية حتى العالم ميضغطون عليهم
نجي للديوانية 7 حالات مو 2 مثل ما كَالوا وتقريبا قرية كاملة داخلة برعب لان ببساطة ميعرفون طرق الوقاية او حتى اعراض المرض لان محد دياخذة بجدية ويطرح طرق توعوية تجاه الفايروس
بالبصرة البارحة طفل بعمر 8 سنوات وثاني يوم جيرانة وثنينهم توفوا
اضافة لحجر مجموعة من الاطباء لان المرض هذا معدي جدا وما توصلوا لطرق العدوى بصورة حتمية بس المؤكد عن طريق ال respiratory والحيواناات خصوصا الماعز
حاليا الخطر الاكبر ديهدد ناس الأهوار
ف يا جماعة لطفا خل نسويلنا شي نتحرك نستخدم السوشيال ميديا بطريقة ممكن حتى لو بإحتمال بسيط انو يصير ضغط عالحكومة وتتحرك حتى تبحث بالموضوع اكثر احسن من ما يتهمّش
اني عن نفسي راسلت منظمة الصحة العالمية وراح نسوي حملات نطالب بيها بالتحرك
ولطفا اللي يكدر يقدم شي وينشر او يطالب ليقصر
متدري لاسامح الله منو الضحية الجاية من قريب عليك او حتى لو غريب ف ضميرنا لازم يكون صاحي ونحس انو جاي نسوي شي حتى لو بسيط
ف شنو رأيكم شنو نكدر نسوي بالوقت الحالي غير الحملات؟

[الرميثي]

بارك الله بكل الجهود الخيرة التي تعمل للصالح العام

بس ما اعتقد ان الامر مرعب لهذه الدرجة
اهم شي الابتعاد عن الحيوانات المصابة
والحشرات الضارة والاعتناء بالنظافة ومن ثم ازمة وتعدي ان شاء الله

[Haidar Iraq]

شكرا جزيلا
ان شاء الله
ازمه وتعدي

[نبتة يوسف]

بارك الله بكل الجهود الخيرة التي تعمل للصالح العام

بس ما اعتقد ان الامر مرعب لهذه الدرجة
اهم شي الابتعاد عن الحيوانات المصابة
والحشرات الضارة والاعتناء بالنظافة ومن ثم ازمة وتعدي ان شاء الله

بارك الله بكل الجهود الخيرة التي تعمل للصالح العام

بس ما اعتقد ان الامر مرعب لهذه الدرجة
اهم شي الابتعاد عن الحيوانات المصابة
والحشرات الضارة والاعتناء بالنظافة ومن ثم ازمة وتعدي ان شاء الله

أخي يعني مثل مدتشوف محد منتبه ولا منطين اي اهمية لهيج امر لو بغير دول جان العالم كلة دخل انذار
حياة انسان واحد ممكن يروح بيها ف هم مو قليلة
واكيد احنا منشوفة بذاك الرعب لان مندري شجاي يصير ومحد جاي ينقل الوضع بصورتة الواقعية !
خلال ايام بسيطة بدت تتصاعد الحالات والاطباء نفسهم متخوفين وهمين حقهم اكو جهات المفروض مختصة تبحث وفي حال عجزها توصلة لمنظمة الصحة العالمية اني كل اللي اريدة انو ينتبهون يبحثون يوعون الناس البسيطة
واحنا نكدر نضغط عليهم بالوقت الحالي احسن ما الامر يتفاقم وما يهمشون حياة الناس ، منظر الطفل اللي مات وصورة وهو ينزف ما جاي يخليني انام والله . النظافة مو طريقة حتى تتفادى الامر ممكن السبب يكون عدوى من شخص اخر بالتالي رح نرجع لنفس النقطة.

[Sωeeτ]

شكرا

[دكتورة وطن]

هذا الامر المفروض تصير حملات توعيه من قبل الحكومة والكوادر الطبية

شكراً

[تـمــيــڒ]

فد قريب عدنا قبل 3ايام بالضبط توفى بسبب هالمرض وعرفنا ان بسبب الحيوانات وهيج الوالد مقصر بالاجراءات*_*

ماتوقع في حل غير حملات التوعية الان ،ربي يقدرك على فعل الخير حبيبتي
وشكرا

[دكتورة وطن]

اعتقد القسم الانسب هو قسم النقاشات

[عبدالمهدي عبدالجليل هاشم]

شكراااااااااااااااا على النشر ونتمنى ان نجد اهتمام من قبل دوائر الدولة في هذا الموضوع المهم والخطير على صحة المجتمع العراقي

[فم اللبلاب]

مرحبا صديقتي:
أنتوا كأطباء بالمستشفيات وحتى الكادر التمريضي طعموكم ضد العدوى لو شلون صار الترتيب؟؟