هنا

[(حُر)]

قصه جميله وساخره ..اعطيني معاني للجمل والكلمات التاليه
نعنبو"العجيّز" وتروح علومه وطي اذا السالفة فيها حرمة"

معقوله ياعدنان ماتعرف هالمعاني والله يابو واثق لو نرجع لمعاني بعض الكلمات التي نستخدمها يومياً ، ليشفرونا ويحطونا في قناة xxxl


أجل أشلون لو طحت في حضرية من حضر بغداد القدامى اللي مودهم الملكي ..
وبغت تستفسر أو تتعجب تمط شدقها بدلع وتقول :
هاو .. هاو !!
وش ذا ؟

ههههههههههه

هاو


عدنان
هاو .. هاو ؟
وش ذا
وش تقول طال عمرك

هاو هاو ..


وأنا أروح
مياو

[علي الاسدي**]

جدك مدرسه لازم يدرس للاجيال

[(حُر)]

جدك مدرسه لازم يدرس للاجيال

شوف ياعلي الله يرحم جرير والفرزدق ..
انوا ماشين رايحين سوق السراي..
وكما تعلم قوافل التجارة كان لها محطة وقود قبل يجي البانزين ..كانت "حبّة لك وحبّة ليّه"
عندما وقفوا قال الفرزدق :
جرحي عميق والقلب في دمه غريق ..
وتبغى الصبر ويلاه من وين الصبر ..
فقال جرير خلوهااااااا:
كل شي حولي يذكرني بشي حتى صوتي وضحكتي لك فيها شي
لو تغيب الدنيا عمرك ماتغيب شوف حالي آه منتظر ايه علي.
سمعهم جدّي حميدان" لا تقول انك ماتعرفه "..وكان حينها في بداية بناء حياته حيث كان يشغل منصب " قاطع طريق "..قاطع طريق الشعراء ..فقال :
مابقى الا هي يالجرير انت والفرزدق تجون تتميلحون في ديارنا ..تالله لن تمرحا الليلة هنا ..فأمر بسلب قافلتهم وتجريدهم من كل القصائد ..وأنشد قائلاً :
ياريم وادي ثقيف ..لطيف جسمك لطيف

[(حُر)]

هلا حبايبي كل ابووكم
وحشتوني موت والله بس عساي وحشتكم ؟.. مو مهم


بما اني من زمان عنكم حبيت اني اقدم لكم هذا الموضوع واعتبروه ضريبه
وبما اني تغيرت نظرتي للحياة<-----اصطروه قبل يكمل
حقيقه مادري وش اقول بس انتم عارفين اني غبي بالمقدمات وذكي في اللب <--- لا عقب
ذي عطوه بالخيزرانه على راسه فياليتكم تعفوني من هالمقدمات ..

المهم ما اطول عليكم لأني مشتاق لكم كتير كتير كتير

كتير هذي تراها بالبناني وش دراكم انتم صار معي لغات بطبيعة عملي الجديده شكلكم ماتدرون اني صرت فنان لايشق له غبار وصرت مشهور والمعجبات والمعجبين نطل الله يكفيكم شرهم ومشيت معي بوديقار عشان ما يخطفوني ولا يصير لي شي تراه جالس جنبي الحين خايف علي منكم لايصير حارش مارش تراه بيتوطا في بطونكم اذا سويتو لي شي بس انا قلت له هذولا ربعي وبيننا عيش وملح وضببه وخربطه يعني لاتخاف علي انا الحين اكلمكم من لبنان البارح مستضيفيني برنامج ياليل يا عين أنا ومجموعه من زملائي الفنانين والفنانات بقولكم اللي صار قبل مايعرضونها لكم وتتفاجئون اذا شفتوني .
دق علي طوني المذيع حقهم وقالي ودنا نستضيفك انت ومجموعه من الفنانين ونسوي مسابقه لكم قلت ما عندي مانع ورحت في الموعد وقبل ما اروح مريت السوق وطقيت لي درزن كلاسين (خلاص تركنا السروال النص ) مع الجنز ما ينفع صروال يقعد يتلاصق ورحت شريت لي هاك الجنز المصرصر اللي تاكني يا لله أقدر أبترم مغير أجعفها يمين وشمال وشمال ويمين.ورحت للأستديو اول مادخلت قابلني طوني ومعه ذيك المذيعه اسمها غبص نسيته وهاك يا ترحيب ومطخني بذيك البوسه وهي بعد مثله جت بتمطخني وأنا اللي ادزها قلت عيب ماعندنا هالأمور مسوي نفسي (تعرفون فنان لازم أصير ثقل ) مادرت أن سعابيلي تقاطر بس قلت الثقل زين المهم دخلنا وشكلونا فريقين فريق فاننين وفريق الفنانات وجلست في النص ومعي في الفريق علي يميني راغب علامه وعلاء زلزلي وعلي يساري وائل كفوري وجواد العلي وقدامنا فريق الفنانات باسكال ونوال الزغبي ونجوي كرم ومايا نصري ورويدا المهم اول ما جلنسا وعيونهم مغير تناضر فيني ويبحلقن تقل ماعمرهن شافن واحد مملوح طبعا كل واحد عرف بنفسه ويوم جا الدور عندي الا تنط باسكال وتقول هيدا صقيران ما يحتاج يعرف بنفسه كلنا بنعرفه علي بالها تمون جتنا مره وحد ه في العزبه وسوت نفسها ميانه المهم سفهتها ولا كن احد تكلم وعرفت بنفسي وقلت يا شين اللقافه بس الجمهور ضحك عليها وتفشلت وقعدت تتبسم وأنتا مابتترك مقالبك صرفتها بدا طوني يسألنا اول سؤال وجابو مقطع من اغنيه لفهد بن سعيد طبعاً الشله اللي معي كل واحد يتلفت علي الثاني ما فيه امل يعرفونها وأنا أناظرهم وأتبسم قالو بتعرفها قلت خلو هالمملوح اللي ملصقن شعيراته علي جبهته يعرفها هماه سعودي خلوه يعلمكم تبغور جواد العلي ولاعرفها وحليتها لهم وقعدو يصفقون البنات قالو هيد صقيران مو بسيط وأنا فاقن هالخشه لين بانت ضروس العقل من التميدح ويجي السؤال للبنات ويجاوبون عليه وحنا جالسين قعد راغب علامه يتميلح عندهم والبني ماعطوه وجه مغير يقزون فيني لو أقول أي شي غشو من الضحك تصدقون مره تثاوبت وتنقز رويدا تقول شوفو شو محلالويزاتو حتي لوزي فاكاتن معها مغير يتحرشن فيني وبعدها جا مقطع أغنيه ديوتو بين نوال الزغبي ووائل كفوري اغنيتهم اللي سوا وقام بازن بعمره وائل يغني ويناضر في نوال علي باله تبي تانضر فيه وهي تقول انتا اللي بحبو انا وتغز علي بصراحه انا قب وجهي صراحه شينه في حق الرجال ولله يا هو حقد علي هو ويا راسه هاللي سنه دبت حصنيه وبعد ما خلصوا جا مقطع رقصه واحد من الشباب وواحد من البنات والشباب هم اللي يختارون الفنانه اللي بترقص حنا اخترنا مايا نصري وهم اختاروني ارقص معها قمت بكل ثقه اتمخطر وهي شهقت من الفرحه يوم قامت معي و وبدينا في الرقص وقعدت اتهزهز تعرفوني عاد خبرة سامري وقمت مديت يديني لها وتجيك البنت ممرسه تبي تخمني وانا اللي الف عنها واكسحها مسيكنه مسطت علي خشتها ويالله مسكها طوني واللي معه لا تطيح عاد انا طقني الحماس مع الرقص وأستنزلت وانا للي اقمز فوق السماعات هذيك اللي علي كل سماعه وحده تهزهز وانقز عليها وارجف اللي فوقها واقعد اهز فوق وهاك يا ترزيز وتمايل و الجمهور انفعل معي وقامو يصفقون وأنا أدابج فوق سماعاتهم لين خربت السماعه مع المطامر عليها المهم خلصت الأغنيه وانواع التصفيق لي وعلي براعتي في الرقص عاد تعرفون اللبنانيين يدوخون مع الرقص وجاهم واحد متجمعتن فيه كل المواصفات الزينه لا وبعدي رقيص
وبعدها انتهت المسابقه بفوز الشباب طبعا ً ما دبرهم الا أنا ولا هم ما يدرون وش الطبخه مغير يدربون روسهم
طبعا وفي اخر البرنامج قمنا نرقص سوا نزلت معهم وعينك ما تشوف الاالنور ما عا أدري من أنا في يده
مره تمعطني باسكال ومره تحجرني نجوي كرم في ربعه وخلص البرنامج ويوم جيت أبمشى كل وحده مسكتني مع جهه وهاك يا حالوف اللي تبي تعشيني واللي تبي تغديني وانا معيي ويوم طلعت لقيتهم يحتروني برا راكبين سيارة كرسيدا بكس وتلوني معهم وحطوني بينهم في مرتبه وراى وتحاجروني ورحنا ولا خلاص بس يكفيكم كذا وشتبون بالباقي
المهم تري يمكن اشباهي متغيره عليكم أذا طلعت في التلفزيون ما راح تعرفوني بس ابعلمكم تراني لابس جنز اخضر وقميص احمر كح كح ..

[(حُر)]

نهاية الحب عضه

[(حُر)]

مقدمــــة :-
طبعآ فشلت في محاولتي مع بنات الأنس وانجرحت جرح مايدملة ((اي مايسدة ومايداوية))ولا 100 عاام وزادت الازمة العاطفية عندي اضعااف ((اكيد من ذاق طعم الحب لازم يحس بحرارتة))<<-- امحق ماضي يالثور
انتقلنا لبيت جديد وحياة جديدة ((يعني صار عندنا سور خارجي)) وصرنا ندقس ((اي نمشي على البلاط بشويش لايتكسر))<<--- والله القراوة وتفاجئت بالحبيبة الجديدة واليكم القصة
رؤس الاقلااام :-

1- بابا انا عوزاة...((عفاف تكلم ابوهاا))

2- بيزوجني او العن امة..((شافي يكلم امة ويقصد ابوة))

3- البرادة...((مكان الغرام))

4- الدربيل..((جهاز لروئية الحبيبة عفااف))

5- شهاار..((مكااان احورقت فية احلااامي))

القصــــة :-

كنت جاي من المسجد مصلي العصر وقعدت في السيب الخارجي في ربعة ((أي زاوية)) دايم نتقهوا الشاهي فيهاا وكنت مبكر ذاك اليوم شوي واشوف نملة مبوبزة وحاطة يدهااا على عيونهاا تصيح ((مثل البزر اذا طقيتة وقعد يصيح)) واقرب منهااا وادقق وقلت سلااامات وشفيك؟؟ ماردت علي وعطتني ظهرهاا ((وابتلشت وشلون ابنغزهااا با اصبعي؟ واصبعي كبير عليهاا)) وانبطح على بطني وتمددت في السيب وانغز كتفهاا بعود اسنان ((عود مبري يستخدم لتنقيب الضروس بعد الاكل))وقااالت نعم؟؟؟ والدموع تمشي لين التنورة حقتهاا ((شدني منظر وجههااا ودموعة الصادقة والصافية ..قلت وشفيك من انتي ؟؟قالت اناا ((عفاف)) وابنتحر مااتخبر شفاط نمل قريب؟؟ قلت لية هدي الوضع وقولي لي السالفة يمكن اقدر اساعدك؟؟ قالت اناا حبيت واحد اسمة شافي ((شافي من النمل الاسود وعفاف من النمل الاحمر ومشهور انة اطخم ((أي حلو)) ويقدر يشيل حبة رز لحالة يعني بطل حديد)) وتقدم لا اهلي ورفضوة اهلي .. يقولون الاصول والعوايد هذاا مهوب منااا وفيناا بكرة يقلب عليك..قلت معليش انااا عوزاة يابابا ((صفقهااا كف ابوهاا انفكت جدايلهاا)) وشافي راح لهلة وقال ((ابي اعرس )) قاال ابوة اخس واقطع مااانبيهم الله لايبيهم هذولي خمااام ((أي النمل الاحمر)) وراح شافي لمة وقال بيزوجني ذاا او العن امة قالت اعقل يا الشين ومن يومهاا سحب نفسة شاافي من الموضوع ((يعني جحد الملعون)) وطبعآ عفااف ماتدري عن انسحاب شاافي ..وشرحت السالفة كلهااا لي وانا منبطح طبعاا ومركز معهااا ودموعي تنزل ((مادريت ان اهلي قاعدين كلهم يناظرون فيني ومتغيرة لون وجيهم)) ويوم حسيت بهلي قم اصرفهاا واغني .. ومشت عليهم

المهم واواعد عفااف بعد المغرب عند برادتناا عشان مايشوفوني اهلي واقعد من صلااة المغرب الين الساعة 10 ووصلت ((جاية رجلية والمسافة كلهاا 5 امتاار)) واقعد كل الليل اهدي فيهااا واقنعهاا انهاا تهدي بالهااا وماتشيل هم وان الزواج قسمة ونصيب ((وانام واناا جالس معهاا وهي تروح للبيت قبل لايقومون اهلهاا)) واذا جاء الصبح لقوني اهلي منسدح عند البرادة وقالو خير؟؟؟ اقول جيت اشرب موية ونمت ...يوم يومين بدو اهلي يشكوون ويطلوون علي ويشوفوني اسولف ومتحمس ((تخيلو راقد وتعابير وجهي واناا اقول طيب قولي لبوك اناا راضية ...طيب خليني اناا افهمة)) طلعت امي وقالت من انت تكلم يا الكلب؟؟ وقامت تقراء علي ((وكل يوم بعد العصر عند شيخ وخذ انواع الدهونات والعزايم ((أي الموية المقري فيهاا)) وانا انتظر بس متى ارجع عشان اشوف الحبيبة عفاااف)) وادلي اسهر مع عفاف ونتصل على جوال شافي ومطفية وتقعد تصيح واخمهااا ونصيح سوى قالت معد يبيني معد يبيني ((حسيت وقتهااا ان فية شي غريب يشدني لعفاااف)) وصرت اشتااق لهاا كثير وافرح با المواعيد ((ناقص حناان طبعا)) وانقلبت البرادة غدير في عيوني اشوف الحبيبة عفاااف عندهاا والله واصارحهااا با الموضوع ((طبعاا بعد مرور شهر على اختفاء شافي وفقدان الامل في رجوعة)) وحتى هي قالت اناا مرتاحة بعد لك ياا دعلووج زاد الحب بينااا ودليناا نسرق انفساناا ونروح عند البرادة ((واذا هي بتروح لجخر احد اقاربهااحطت لي رسالة تحت البرادة واخذهااا واقعد ادور على اطراف اصابع رجليني واخم الرسالة ((كني ارقص بالية)) وللأسف كل المدة هذي امي تشوفني وتراقب ((طبعاا الرسالة ماتنشاف با العين المجردة اقراهاا في الكلية تحت الميكروسكوب ((يعني اصغر من حجم النملة كبر يدهاا)) ودائماا اذا جيت اقابلهاا اخذ دربيل معي عشاان اشوفهااا ((طبعاا يلعن أم الشكل منبطح على بطني وادربل الارض)) توقعت امي اني اكلم الجن واني مجنون وكلمت امي ابوي وحجزو لي في مستشفى شهاار با الطائف وخلصت اوراقي واناا مادريت طبعاا ((كنت في احلى مراحل حيااتي غرقاان في الحب واحلااام مع الحبيبة عفاااف)) لدرجة اننااا سميناا اولادناا اذا جو بعدين ((يعني نسيتهااا شافي وام شاافي)) ويجي ابوي وقاال يا صقيران تكف اناا تعبان وابيك توديني للطايف ابجيب تمر ((المشكلة في الشتاء مدري وش ها التمر)) قلت سم واجي ذيك الليلة واسهر معهاااا وانا ابودي ابوي بكرة ((كااانت اخر ليلة)) واسهر اناا واياهاا لين الصبح دمووع وصياااح وقصايد ...شوي واسمع البيبااان تتفتح حقت البيت مع بزوغ الفجر واخمهااااا ((طبعاا با الدربيل كني اشوفهاا في شاشة لاتحسبون فيهاا خرابيط علااقة شريفة))واوعدهااا اني اذا رجعت ابفاتح اهلي با الموضوع ((مادريت انهم ودوني لشهار قبل لايعرفون اجل وشلون اذا درو؟؟)) وبا الفعل طلع ابوي وكنت في الايام الاخيرة اطنش الحب اعماااني واتكلم مع النملة قدام اهلي طبعاا مايشوفنهاا يشوفوني اكلم الارض وماسك الدربيل ((اسمعهم يسموون ويصيحون)) بس الحب كاان معميني واقوى من كل شي ومطنش الكل لاني مابي اضيع دقيقة من عمري بدووون عفاااف ((خاصة ان اهلهاا يطلعون يجمعون اكل وهي فااضية كل اليوم)) يعني ضروفهاا صح ...((وبيني وبينكم اناا اكب لهلهاا رز في اخر الفلة عشان يطولون مايجون..وبا الفعل قال ابوي يالله يادعلووج مشينااا ويمسك يدي وهي متعلقة في طرف ظفري وتصيح ((صقيرااان)) واناا اقول ((عفاااف)) وابوي مايدري وش السالفة وابوي يسحبني ويسمي واوصل الباااب وانا ادربلهااا ((رافعة يدينهاا وشفايفهاا تنتفض شرة كيف ابروح واخليهاا)) وطلعناا ..وتم تسليمي للمستشفى يوم الاحد الموافق4/8/1428هـ ومن يومهااا معد ادري وش صاار واناا اكتب لكم الحين من المستشفى..


الســـؤال :-

1-راحت خمس سنوات هل عفااف نستني زي مانست شااافي ولا لا؟؟؟؟؟

2- طيب ضنكم القاهااا ولا تزوجت؟؟ واذا تزوجت كيف راااح اعيش؟؟؟

[(حُر)]

مقدمــــة :-
ابيكم تعرفون شغلة قبل لاتدرعمون بالسالفة !! عشت حياة قاسية خالية من الحب والحناان والعواطف وخالية من الرومنسية ((والرومنسية في عيوني كانت مثلوثة في المصيف بس))
وكنااا خمســة اخواان مخطور على محاارم الحارة منناا وكان ابوي يقفل باااب السطح والشارع لانعدم بناات الجيراان وكنا نجتمع في المقلط الواحد كنة فريزر من كبرة وبالغين واعمارنا 8 سنين واكبرنا ابو 35 سنة ونصف قداام التلفزيون نتابع عدناان وليناا وتعال شف التناهيت ((الغرفة خالصن اكسجينها واذا طلعنا وجيهن زرق نتسدح في البراحة ناخذ هواء وصرنا كل يوم يدخل واحد يتابع حلقة ويقصها علينا خفنا نموت))ومجتمعين كلنا عند الدفاااية ناخذ من قبابيط امي ونحطة عليها ((بزعمنا صبيب))
وكنا قرعاان وشهباان لهباان الواحد تقول مااخذ دش بسمااد وكل ماراحت امي تخطب لواحدن فينا قالو اذا زانت اشباهة عودي لناا وعمر القرد ماصار غزال
رؤس الاقلااام :-

1- الثلاجـة ...((مثل الدالوب بس فيها لمبة ))

2- البقرة ...((تشبة الحصان بس فيها برص))

3- مجســـر ...((اي عاهر وتبي العرس))

4- حمباااااا ...((تغريد البقــر))

القصــــة :-


يقولون ومن الحب ماقتل وهالسالفه صدق واخواني انقرضو كلهم ومابقي منهم الا محتسيكم الي هو انا..الكبير ابو 35 سنة ترك البت والسبة انة محروم من صغرة وفاااقد حناان وتجمعت مشاعرة وفرغها في نخلة مسكانية جنب باب الرجاجيل وصارحهااا انة يحبها وانة مغرم باطرف عسبانها الخضراء وهي تعكس شمس الصباح والـ.....خ واكتشف في يوم من الايام ان ابوي قلعها وحط بدالها نبوت سيف يقول صارت فحال ((يعني ذكر نخل))<<--- يلعن ام الحظ... وزعل ليش النخلة تنقلع وطلع من البيت وانصدم عند الباب لمخة وايت شفط صحي وتعلق ثوبة في طرف الصدام وسحبة للخرج ومات هناك ... اخوي الثاني طق على جارنا وتسلف منة فلوس وقال ابردها لك عقب الاخير ولحق شغالة الجيران بلاها بتسافر لديرتها ((المشكلة سيلانية وماتحتاج ينوخذ لها اشاعة اذا مرضت لانها كنها نقتيف وسوداا وقصيرة واصابع رجلينها متشابكة مثل البط اذا مشت تسن عليها زنوبة وهي حافية ولا مسافرة تقول ابموت عند اهلي يعني عجوز)) واخوي تعرف عليها جنب الزبالة لقاها تحاول تشيل السطل وثقيلن عليها وتشاقل البرميل معها وابتسمت في وجهه وما صدق خبر وتفلت عليها وصار ينام على العتبة يحتري زبايلهم ومرة صادة ابوي وهو مدخل زبالة الشارع في السور بيستدرجها وفرشة ابوي ولين ظهرة لين تنحاش القمل الي في لحيتة ((المشكلة عقب سنة ضااق صدر ابوي وطق على جارنا بياخذ عنوان الشغالة بيساافر يجيب اخوي وقال ماقد جبت شغالة هذااك السوق حقي وصااار رجال ويحسب الوزرة اخوي تنورة وجابتة السفااارة ميت بالكوليرااا)) اخوي الثالث ((قصدي الفريزر الثالث)) هذاا لقينة ناشبن في الزفلت في السكة ((اي الشارع)) وميت وبعد التحقيق مع اخوي الي اصغر منة اعترف انة قايلن لة شف وش ردة فعل بنت الجيران علي اذا مت <<------- قاضي ولوح وغبي ((المشكلة جيراناا مانعرف الولد من البنت الا اذا حتسو !! كلهم سود وعرادة !! ونزلو في اليوم الي ماات فية ومادرو عنة انة ماات)) اخوي الرابع سلم للاحداث وصدقوني لوني اعرف وش علتة والله قلتها لكم بس ادري انة مجرم وان جاني خبر عنة ابقول لكم المهم كنت اعرف ان الواحد مايحب الاشي يتنفس وفية دم<<---- امحق خبرة المهم كنت منجطل نايم على السمنت ((البيت كلة طين وفية مساحة مكشوفة ومسمتة ارضيتها نتسدح كلنا فيها للبراد)) ويرن التلفون ودق شاايب وقال لبوي تكف ابي الثور حقك عندي بقرة مجســر اشغلت الحارة تحمبي ((اي تصارخ))<<--- ياحياتي... وقال ابوي ابشرى جيتك في الطريق وهو الي يرفس وجهي بظفر نشب اصبع رجلة في خنفرتي ماطلع الابزيت ويالله ونحمل الثور في الونيت ويوم بغاء يمشي قال دعلووج يالثور خلك عند البقرة لين ما اجيب الثور!!! ((ذبها كلمة بس جت في الصميم))لاني كنت وقتهاا كثيرة تناهيتي واتسدح عند البيباان وامسك الباب برجلي واقدمة وارجعة عشان تصاون مفاصل الباب واغمض واتخيلها بنت تضحك <<--- قمة الضيااع وكنت احس اني متفوخ بهواء وابنفجر وظفوري بتطلق من الضغط الي فيني واحس بدغدغة وقشعريرة وكنت احب الثلاااجة لاني احسة على وزن عايشة وانها مؤنث واستحي اذا دخلت المطبخ وما اناظرها واسلم عليها وعيوني في الارض واذا خذت منها شي وصكيت بابها قلت الله يعطيتس العاافية.. المهم قعدت ترن كلمة ابوي ((ياثور خلك عند البقرة لين ما اجيب ثورهاا))واقعد افكر فيهاا وانا رايح لهاا واتذكر اني اول احك خدها وتنزل لي راسها ((جايزتن لها الحكحكة وانا فاهم غلط)) واجي والقاها منسدحة على جنبهاا ولونها البني الممزوج مع الابيض يعكس اشعة الشمس الصفراء وشفتها تلمع توها مطلعتن لسانها من مخها مدخلتة في خشمها وقاعدة تغزل في شمالة ((قماش يغطى بة ثدي البقرة خوفآ من العجل ((اللي هو اناا)) عشان مايشرب حليبها)) والله وانفتن فيهاا واخذ ذيك التنهيتة نصف السمااد الي في الحوش راح في خشتي((لو تشوفون ضروسي تقولون حاشي لاعبن في علف))واجي واجلس حولها معطيها جنبي ((من الحيااء)) وقلت مسيك بالخير !! ومطنشة قلت لو سمحتي؟؟ ناظرتني !! قلت يازينك<<-- امحق اسلوب.. رجعت تغزل وماردت علي واقووم واناديها مرتن اخرى وقلت هية تتزوجيني؟؟<<-- ماعندة وقت .. استقعدت على حيلهاا وقالت اسمع يا دعلووج انا ابقول لك الصرااحة انت شب كويس <<--- اخس ياللبنانية.. وترااك جايزن لي من زمان يومك تفك سيم بلكة التبن في الحوش وانا ضايعة مع كتوفك بس ماقدرت اقول شي خفت تقول وش هالعاهر الي ماتستحي وتاخذ عني فكرة!! وهالاسود ((انت يالثور الصدقي)) محومن كبدي وغاثني ويقول لاتظهرين من الحوش لا احوق وجهك... وانت ثور احلاامي ((طبعآ الشعير الي تحتي نبت لان سعابيلي واصلة اخر الشارع اول مرة اسمع كلام رومنسي))وقلت لها بكل براءة قولي والله؟؟؟ قالت اية والله بس فية مشكلة انت مالك قروون ولاذنب ووشلوون ابقدر اظهر معك وش بيقولون عني بقر الحارة؟؟؟ مير رح دبر عمرك وانا احتريك يابعد هالعالم ((وهي مابعد خلصت من الحكي قمت مفهي وما احس برجليني وشعر سيقاني موقف من القشعريرة واحس الرية حقتي كبر الفنجان ودقات قلبي كني اركض على مضلة)) واتجة لبو ساارة وقلت ابي قرون وذنب تكف دبرني!!! قال وشولة؟؟قلت اخلص ماهنا وقت والله ويطمر ويجيب الدريل ويبطحني ويوطى على شفايفي والرجل الثانية على رقبتي ويحط الدريل في راسي ((طبعآ حدد بقلم مرسم)) وخذ حفر والدريل يزلق وسوا انواع الخرايط ((صار راسي كنة مخطط الجرادية من هليكوبتر)) ويحفر الين مايتغير صوت الدريل ((يعني قبل ماينفتح على المخ )) ويعبي الحفرتين صمغ باتكس ويكسر من الاثلة الي جنب بابهم ويحطهن تسنهن قرون ورحت اركض للبيت والقاء امي رويقدة وجديلتها جنبها وبسكين الخضرة مالقيت مقص قطعتها من عند الرقبة ((فك الله راس امي)) وادبس الجديلة في حيزة صروال السنة من ورى واتجة للحبيبة وادخل واناظر في المراية شكلي قبل لا ادخل عليها ((شفت تمساح فية جدري ولة قرون)) وادور طيب ابتطيب ومالقيت وافرك وجهي بحق الاباط وصار يلصف ((اي يلمع)) ورحت امشي على يديني ورجليني عشان اتعود على حياتهم وادخل عليها وقااالت هلا با الابضاااي وقعدن يزغرطون الغنم وملكنااا التيس وظهرنا لبراحة جنب البيت عشان نرعى انا واياها والبراحة جنب الشارع العام وانا قاعدن اعثي ((اي اكل)) في القرقيص والحميض عشاان ماتستنكرني الحبيبة سمعت صرخة !!! حمباااااااا واطمر وقلت يالبية وشفيك ياخلف هلي؟؟؟ قالت شوكة في خنفرتي يابعد ثيراان اهلي واجي وامسك راسها والقااء الشوكة في خنفرتهاا واقعد احاول اطلعهاا وهي توجعهاا وترجع على ورى ((صادفت ان ابوي جايب الثور الصدقي وقزناا الثور وانا اغصبهاا ابطلع الشوكة وهي تحمبي وترجع على ورى يعورها توقع الثور اني قااعد اغتصبهاا وقاعد اببوسهاا وهو الي يدخل قرنة على ابوي في الغمارة ويلقط ابوي مع مخباتة ويذبة على الردمية ويلف بالدركسون على البراحة ويطمر من العجلة ويسبق الددسن ويركض على رجلية بس عشان اسرع لة ((وانا بكل براءة قروني مرتفعة على فوق ووحد ارتخاء مع حرارة الشمس ومال شوي ومركز ابقلع الشوكة من حبيبتي)) واشوف ضلاال يكبر على جنبي ويكبر ويكبر والتفت واحسبهم فاتحين سكة قطار جديدة في الحارة واقابلة وجهه بوجة ((واثق)) ونتناطح انا واياة ويوم جت الدمجة بالدمجة ويطلعون هنود المحلات يحسبونة حاادث وتنقطع الاصوات عني واحس كني طحت في برتسة والصوت تغير والدنيا صارت تقلب ((كنها تلفزيون خربان)) ويكمل علي ملعون الوالدين لين ماتواسيت مع الارض وضلوعي تطلقت وطلعت مع اباطي حتى ابوي قاعد يقول سلامات ويحاكيني ربع ساعة وصار يكلم ظهري ((ضاعت الملامح)) اثر مع اللزخة تفتحت حفر الدريل ودخل الهوى راسي ورجعني ابوي للبيت لانيب حي ولانيب ميت وربطوني في السارية ومخي صاار ينز ((اي يهرب مع فتحات القرون)) والذباان تاكل فية وطلعت روحي وانا والبقرة مرااد كل يووم هي تقوول حمباااااا وانا اقووول يا لبييييييية الين ماطلعت روحي وبس

بقلمي