هنا

[علي الازيرجاوي]

وين رحتي..؟ وصرتي عن عيني بعيد.. جنتي يمي ..وجنت اسولف بيج قصتي جنت فرحان بوجودج جنت احسج كلشي ليه كمت احسج نبض كلبي وكمت اشم بيج النفس منوره بيج انتي حياتي وبيج احس كل السعاده وماليه الدنيه عليه ليش من يمي انتي رحتي والكلب جان الج مسكن وانتي بيه طوبه لعبتي.. فاضت خدودي دموع وهسه من يمسح دمعتي.. ليش غبتي..؟ ما حسبتي حسابي من عني بعدتي؟ ما إجه ابالج حياتي شلون تكضي بدونج انتي ؟ جنتي ماي وبين اديه بيه غركان بلهفتي تالي ياوسفه طلع كله سراب وبيه ضاعت كل فرحتي وين رحتي ..وليش من يمي بعدتي وليش تنسين بعجل كل هالسنين وليش تنسين المحبه والحنين وليش وي غيري انتي صرتي وليش تنهين بعجل وياج قصتي خلصت كل السوالف.. ما بعد وياج أعتب والعتاب وياج صار اكبر حرام خلي أسكت..أحسن اسكت السكوت ابلغ من هوايه كلام واني أدري من الزغر هايه قسمتي وبيهه خلاني الوكت حاير بوكتي هو يايوم البخت وياي كاعد حتى بيج اتأمله وينعدل بختي حتى بيج اتأمله وينعدل بختي

[بـاران]

جميل

[علي الازيرجاوي]

شكرا باران للتقييم يا غاليه

[كبريائي قاهرهم]

ربي يساعد نبض قلبك
اللي ينزف عشق مجروح
الروعة المعهودة
الكلمات الجميل
الابداع الشعري
الانتقاء الراقي
عطاء ملحوظ
لا حرمنا جديدك القادم
ود لا ينتهي

[علي الشمري2]

جميل جدا رووووعة

[علي الازيرجاوي]

شكرا الكم ولتقييمكم يا غوالي

[مشاعر بريئه]

يا الله
اكثر من روعه جميل جدآ
ﻻ حرمنا الله من ابداعاتك
حقآ ابداع بﻻ حدود شكرآ لك