هذا الشي يعتمد عليك
اذا كان الغاية من عملك جمع اكبر قدر من المال فانصحك تبقين بالعراق لان (متروس فلوس) وممكن تحصلين ع مبالغ كبيرة بدون جهود مذكورة ويمكن العكس
واذا الغاية من العمل هي الحصول مكانة مرموقة تحفضلك كيانك فانصحك بالهجرة طبعا ممكن تهاجرين وما تحصلين وظيفة هذا الشي يعتمد ع شهادتك وامكانياتك
وموفقة انشالله
إذا عندج فرصة ف طلعي وهاجري احسن ما تنتظر تعيين بلا نتيجة العراق كله واسطة أقلها باوربا تكدرين تشتغلين وتعيشين احسن عيشة بس بالبداية صعبة اكيد لأن الجو يتغير والناس بس وراها عادي تتأقلمين
حاولي انتي اتسوين مشروع لنفسج واستفادي من النت بهذا الخصوص..
وجهات نظر مختلفة والجمع بينهما صعب
وان كان الاكثرية اعطت للخروج كحل افضل
شكرا لكل من ساهم في الجواب واضاف على الموضوع فائدة مضافة
التعديل الأخير تم بواسطة الرميثي ; 4/July/2018 الساعة 11:54 am
اعتقد الشخص الي يسافر لازم يكون صاحب امكانية ممتازه ب اختصاصه حتى يگدر ينافس ويحصل شغل زين او عنده فلوس تخلي هناك ملك(المال بالغربة وطن )، لو راح يروح يتشغل عامل بمطعم او اي مكان مستحيل هو يقبل يشتغله داخل العراق يعني بهذله ومثل ما گال هتلر العراق بي فلوووس
و الله يسهل امركم
والله حبيبتي اتكلم عن تجربه
الغربه كانت قبل صعبه
هسه ماشاء الله العراقيين بكل مكان
من ناخيه الاخساس بالغربه ما تشوفيه
مظاعم حلويات مقاهي بوتيكات عراقيه مليانه
بالنسبه للشغل موجود
بس الاول عندج احد تنزلين يمهم عالاقل الى ان تستقر امورج
و لازم يكون عندك سياره حتى تقدرين تشتغلين وقبل الشغل لازم اوراقج كلها رسميه
لان اذا ماكو اوراق محد يشغلج حتى لو عندج شهادة لان اتكلم عن امريكا تتبع نظام الضرايب
اتمنى اكون فدتج واي استقسار عندج تدللين
هااااجر ومن تلكه الطريقه دليني عليها
اشكر كل من مر من هنا واسدى النصح ... دعواتي لكم ولي بالتوفيق لما يوفقنا الله اليه وان شاء الله خير
بعد تجربة العيش في دول عربية ودول اوروبية .. كل الحياة نفسها بكل مكان
البدء بحياة جديدة من الصفر في اي مكان صعب جدا وبمرور الوقت ماتلكين الا عمرج فات بدون اي نتائج
الله يسخرلج وتلكين شغل انتي وكل من يبحث عن عمل
تحيتي
شوفي خيتي اني انظر للموضوع من جانب اخر وهو ليش انتظر لدوله تعيني!!
واذا ماحصلت عمل ابقه مكابل الحيطان!!!لا وكلا طبعا
المفروض انت ك انسان انت تصنع عملك وشغلك
اكو شي اسمه شغل حرر ع امكانيتك واكو شي اسمه شركات اهليه للعنده شهاده
ف اني اشوف الي بقوا بلا عمل ويلومون الحكومه او العراق فعذررا غير متمكنين
