هنا

[ملكةه]

#بارت....25



حجة ابوهة جان يكللنة بكل برود
البنية مخطوبة لابن خالهة وسبق وان وصلنالكم الخبر بعد علويش دتتعب عمامك ويومية جايبهم

كتلهم من رخصة الشيخ وعمامي
كلولي تفضل

كتلة يعني شنو عمي البنية مامخطوبة واني وانتة تدري ليش هيج تسوي اني رايدهة علة سنة الله ورسولة

نوار كتلك البنية نخطبت مني واني نطيتهة ليش متفهم

واني شبية لعد عمو وموخطبتهة هاي رابع مرة اخطبهة لبش متنطيهة الي كلي شبية شعايزني كتلك المهر الي تطلبو وكل شروطكم وطلباتكم مجابة ليش متنطيهة الي
زين اسألهة اخذ رأيهة يجوز هية رايدتني ليش تحجي بلنيابة عنهة هية موزغيرة 18 سنة بالغة

نوااااااار شنو هاذ الحجي مو انتة الي تعلمني شلون اتصرف وية عائاتي وبناتي احنة ماعدنة بنية شورهة بيدهة واني نطيتهة لابن عمهة وخلص الحجي

عمامي كلولة هاذهو احنة نعتذر اذا سببنالكم ازعاج ونرفع الزحمة وطلعو

اول ماطلعنة جنت فاير كلت لعمي ليش كمتو ليش ماحاجيتو ويا

يعني انتة ماشفتة شلون كام يصيح وبعدين ياعمي احنة لخاطرك جاي نجي وهاي ثاني مرة يرجعنة ولايحسب حساب لناس الجايليهم ولا حساب جيتنة شكبرهة من مدينة ثانية
خلص وليدي لنسوان ضالات وبناتنة كدامك ملع واخذ بدون لامهر ولا كلشي

عمي ممنونك بس اني نفسي بيهة ماكدر اعوفهة بهلسهولة
ضلو يحجون همة ولشيخ وينصحون بية بس ميدرون البيني وبين سلوى شنو
عبالهم حب حالة حال اي حب
اوووووف الي بيناتنة مشاعر تتعدة لوصف ولو شما احجي ماراح يفهمهة بشر غيرنة

راحو بنفس اليوم
طبيت للبيت اجر حسرات خالي امجد ميحاجيني رحت علي لغرفتة بست راسة وصالحتة بس بعدة ماراضي علة سلوى ويكلي موثوبنة ولا ملتنة

امي نفس رأي خالي ومقتنعة بكلامة تكلي لاتحلح عوف البنية تشوف مصيرهة بس من تشوفني مهموم تكعد تهون علية وتكلي بلكي الله يقسمهة الك اصبر ماعدك غير الصبر

مر سبوع ولوضع مثل ماهوة تلفون ماكو واكدر اتواصل وياهة ورنى متكدر تطلع لان ابوهم بلبيت كلبي يمهة وايناس متقبل تروحلهة تكول ابوهة وجهة ثكيل من يفتحلي لباب خل يروح للدوام يلله اروحلهم
طبعا ابوهة يشتغل ضابط بامن المطار ببغداد سبوع بلدوام ومرات يومين لو 3 ايام يمهم

هلمرة طول سبوع وكلبي يمهة موكادر اسوي كلشي مهموم كلش وحتة الشارع مااكدر اطلعة
كعدت لصبح ساعة بل10 على صوت تلفوني فتحت خط رقم غريب

الو
ها نوار اني ايناس اكلك هاي رنى يمي وتريد تشوفك تكدر تجي

اي اي هسة دقايق واجي

كمت بساع غسلت وبدلت ورحت
ايناس ماعدهة خوان بس اخت وحدة صف ثالث متوسط بس متسمع فتداوم بمدرسة خاصة مووياهن
وهية ايناس وياي صف خامس بس ازغر مني
لان اني متأخر بلدراسة وحتة علي وفيان هم مثلي متأخرين

دكيت لباب طلعتلي امهة سلمت عليهة وطببتني لكيت رنى وايناس واختهة سلمت وكعدت
جابولي مي شربت

اي رنى حجيلي شلونهة سلوى

موزينة نوار بابا دمرهة دمار اهانة غلط وحتة ضرب ومن يجي للبيت ميخليهة تطلع من غرفتهة يكللهة وجهج لتراوينيا منا لمن تاخذين مصلح وهية لااكل ولا شرب ضالة وجه وعضم
بابا يحاول يعرف منهة منو لي جانت طالعة ويا بس هية خطية تتحمل ضربة وعصبيتة ومتحجي تكلة متعرفة واحد تعرفت علي بلتلفون

خررررررررب ليش متحجي كليلهة هل تحجي
كليلهة خل تكول نوار الي جان وياي
هسة اكيد يخاف احجي بيهة لو اجيب طاريهة بلمنطقة وراح ينطيهة الي

هه نوار انتة شبيك بابا قافل تماما علة صالح لان هلنذل لازم علينة لزمة بشوفتة الكم بلمطعم وبابا يخاف منة يروح يحجي كدام عمامي
وتوصل لبيبي وجدو عززززة تصير سالفة شكبرهة لو سمعو عمامي وولدهم وهوة ضاف من يمة حجي اشكال ساعة يكول شفتهة حضنتة وساعة يكول يبوس بيدهة وهية تتمضحك شوية شوية جاي يكبرهة ويومية يزود

لعد خل تكللهم اريد نوار لتكول علاقة وحب وهيج بس تكللهم اريد نوار علمود قريبة علة اهلج ومن هاي لسوالف

تخاف نوار مترضة تحجي متعرفهة انتة اشكال احجي واقنع ولا ترضة تخاف من خيالهة وبابا سوة بيهة فوبية من ورة صياحة يطب ويطلع يصيح يتعمد لان يعرفهة تخاف من الصياح من زغرهة تضل تبجي من واحد يصيح

اووووووووووف جريت حسرة ورجعت راسي ليورة شلون رنى شنو الحل كليلي

هوة اني جاية اريد اكلك علحل الي عندي

اي بلله كولي

اشردو

شنوووووو شبيج رنى تخبلتي

لا نوار ماتخبلت اشردو والله هاذ احسن حل اخذهة غير محافضة وتزوجو ومدة وكت وتعال خل تطلب لسماح من بابا وماما ذيج لساعة يسامحوهة واذا موبوكتهة بمرور الوقت من تخلفون راح يسامحوهة

رنى شبيح انتي شلون تفكرين
وسمعت سلوى والحجي الي راح يطلع عليكم اول من يتضرر بهاي السالفة هوة انتي قسمتج راح تنكطع ومحد يتخذج تصير علامة اكس علة بيتكم
واهلي هم راح ينضرون وتكبر لسالفة وتوصل للعشاير والله لعالم شراح يصير ذيج الساعة

بكيفك نوار بس صدكني بابا قافل من ناحيتك اصلا من جبت ناس ذاك اليوم كل لماما مس

تحيل انطيهم ذولة عبدة القبور وضل يحجي بلطائفة وهاي الشغلات ويكول عليكم تسبون الصحابة وتلعنون الامام المعضم وكام ينبش سوالف عتيكة انتة ماتعرف بابا ذيح المرة سلوى من لبست العباية كلب الدنية عليهة يكللهة نردين تصيرين مثلهم منو غاسل دماغج هيج وحركوهة هوة وماما وخلو سلوى فرفحت
اخذهة وتزوجهة بسكوت ومن بصير عدكم طفل تعالو صدكني وكتهة محد راح يفتح حلكة من يشوفوهة علة ذمتك وعدكم طفل
اني اساعدكم بلي اكدر علي

من سمعت حجيهة للحضة ردت اطاوع كلبي واضغف واكللهة موافق بس تعوذت من الشيطان
مونوار الي يسوي هيج اني ماخون تربية امي واجازي تعب خوالي بهاي الطريقة
ولااكدر اعرض حياة سلوى للخطر واجازف لان ابوهة معارفة بكل مكان

كلت لرنى خل سلوى تحجي وتكللهم اني اشوف نوار مناسب الي وقريبة عليكم وعلة مدرستي ومن هاذ الحجي وامج هم تضغط علة ابوج وحاولو تقنعو واني مستعد اخطبهة مرة وثتين وعشرة وماراح اعوفها وعلة حلفاني الهة بأمير المؤمنين

كالت ماشي اوصللهة الحجي وارجعلك خبر بأقرب فرصة وانتة لتسوي كلشي منا لمن اشوفك
سلمت عليهم وترخص منهم وطلعت

يوم ثاني رحت للمدرب ستلمت من عدة المبلغ الي وعدني بي 12 مليون جنت فرحان بلفلوس ذني نيشان سلوتي
اووووف يفداهة الفلوس والدنية كلهة
بس كون اطولهة وتجي يمي

ورة يومين هم خابرتني ايناس كلتلي رنى يمي وتريد تحاجيك رحتلهة وجنت متأمل خير بجيتهة بس خاب ضني حييل بحجيها من كلتلي

نوار اسمعني اني صدرت اقنع سلوى وحجت وكلتلهم اني قابلة بنوار احسة مناسب الي وقريبة عليكم ونفس الحجي الي كلتة الي
بابا نفجر وكام يصيح عليهة كلب لبيت علة راسنا كللهة
انتي هم الج عين وتختارين وتشوفين المناسب الج ليش هوة انتي اكو عقل براسج انتي حيوان بدون تفكير تقودج مشاعر تافهة مال مراهقين عبالهة لان خطبهة شكم مرة يكدر يسعدهة

مالج قسمة غير مصلح هوة سترج وغطاج اصلا زين منة وقابل بيج واحد غيرة جان فضحنة وحجة كدام الكل بس هوة رايدج
وها علة فكرة مهر ماالج اني كتلة هاي هدية الك ولا غرفة ولاحتة عرس يسويلج مجرد يجي يعقد عليج وياخذج انتي متستحقين نسويلج مثل البنات انتي مورفعة راس
هاذة عقاب الج واني كتلة يربيج من جديد لان اني ماعرفت اربي تفووووو عليج وعلساعة لشفتج بيهة لابارك الله بيج ولا بكل بنية هيج تسوي بأهلهة

جريت لحسرة واحس جريت كلبي وياهة
زين اخر محاولة خل تكلة بانة اني نفسي الي جانت وياي بلمطعم عسا ولعل يخاف من انو احجي لو اجيب سيرتهة وبلكي يوافق

نوار شبيك انتة اكلة بس كلت لبابا قابلة بنوار كلب لدنية وراد يضربها كوة لزمنا انتة شبيك تريد كلش تلوصها خليهة سالمة علة روحهة ليروح يكتلهة بابا من غير كلشي وجهة ميتباوع

مالكيت روحي غير واني اضرب لتخم الكاعدين علي نشك القماش مالتة وطبت ايدي جوة

اووووف

اهدة نوار بلاهة خبال ترة كلش مو وكتك

باوعت علة رنى فعلا مووكتي

ترخصت منهم وطلعت احس جبال مكومة علة صدري شسوي ماادري
يربي ضاكت بية ارضك الوسيعة افرجهة يارب مارايدين غير الحلال والله هيج الحلال صعب

طبيت لبيتنة كوة اجر النفس احس زردومي حاشر بس كوومة حجي وتساؤلات ليش يربي شرايد اني هيج صعب مرادي
رايد حلالك الي ماترضة بغيرة عيني يارب واحفضلي سلوى وقويهة خل تحجي وتوكف بوجههم

ثاني يوم جنت رايح علة علي اشوفة
شفت سيارات كوومة طابكات بباب بيت اهل سلوى وبلغرع وبرة لفرع كلة موديلات حديثة
ستغربت وكلبي نغزني دكيت لباب علة علي بدون سلام كتلة هاي شنو السيارات

جان يكلي

سلوى: متمددة بغرفتي ودمعتي بعيني ورنى كاعدة يمي ساعة تبجي وياي وساعة تسكت بية ندكت بابنة وصوت زلم كوومة طلعت رنى واجتني تركض
هاذة مصلح واهلة وخوالي وولدهم وخال امي عادل شيخ عشيرتهم هم جاي

يووومة شعدهم جاين
شعدهم بعد غير جاين يخطبوج كتلج اشردي ويا واخلصي دكليهة لعد

لا رنى فدوة لاتكولين هيج ساعديني
هية مساعدة وحدة اكدر اقدمهة الج اروح اتسنط واجي اكلج

راحرت رنى واجت تحجيلي تكلي بابا يهلي ويرحب وكلسا ياخذ ضيافة شكل ويسولف وياهم ومكيف بيهم

راحت وهم رجعت تضرب علة وجهة جان تكلي قرو الفاتحة ولج قروهة دضلي يلفاهية ضيعتي من ايدج كتلج احجي صرخي اخذيهم بصوتج خل يحسبولج حساب كليلهم هاي حياتي واني مختارة نوار ماكو تصنمتي درتاحي هسة راح تصيرين حرم صالح ابو المطلقات

هية تحجي واني بس لدموع يجرن
يحجن المي ووجع كلبي لان لساني يعجر عن وصف الحطام الي بداخلي ودي اصرخ ودي اطلع كل الي بداخلي بس شلون واني بابا اصلا يكلي ماانطيج لواحد موملتنة ويسبون امامنة ويسفكون ارواح شبابنة بحجة احنة سنة وكاسرين ضلع فاطمة الزهراء
شحجي ويا وشكلة ماادري وهوة اني نفسي مامقتنعة بكلامة اكره لطائفية واعرف نوار مومن هاي الجماعة ومالة شغل بسوالف لطائفيى بس بابا يموت علة هاي السيرة

كاعدة ابجي وطب بابا جان يكلي
كومي سلوى شيخ جدج عادل الي هوة عم امي يريد حجي وياي

رحت وية بابا ولدموع مايرضن يوكفن

غسلت وجهي وطبيت كل الموجودين موغربة خوالي وولدهم وعم امي عادل
سامت وكعدت صاحني كلي تعالي يمي
كعدت بصفة جان يكلي بنيتي سلوى انتي راضية بمصلح

باوعت علي ونزلن دموعي كتلة .....

[ملكةه]

#بارت....26


باوعت علي والدموع يجرن كتلة لا جدو ماقابلة اني ومصلح احسبة اخوية واني ذاك اليوم جنت اصيحة عمو

كلتهة وصديت على بابا نزل راسة والغضب شرار يتطاير من عيونة اعرف حطيتة بموقف مخزي كدام الزلم بس مستحيل اخلي مصلح يكسرني ولا اقبل بهيج زواج حتى وان جنت مااحب نوار مستحيل اقبل علة نفسي اكون سلعة بيد خواني حتى يحصلون مبتغاهم وبابا سوة هلشي خوفا من مصلح لايوصل الخبر لعمامي وبيت جدي

جدو عادل الشيخ ضل يفر بسبحتة وعينة علة بابا يطالب بتفسير للكلام الي كلتة وبابا مدنك ومصلح مكور قبضة ايدة ويمسح عليهة بيدة لثانية وعيونة تريد تاكلني احس نضراتة تذكرني بتهديدة من كلي بس فكري ترفضيني وشوفي ساعتهة شسوي

عفتهم ناس صافنة بوجه ناس والكل يريد يحجي بس ميعرف منين يبدي
وطلعت ارجف وابجي نقهرت علة بابا صار بنص هدومة بس هلشي لمصلحتي والمصلحتة مصلح نسب ميشرف والي حجتة الي رنى عن علاقاتة خلاني افضل لموت علأرتباط بي
من غير شي نوار بكلبي ومااكدر اسوي بروحي هيج مااكدر اتزوج انسان واني مشاعري وكلشي بية ملك انسان ثاني راح تكون خيانة لذاتي ودواخلي قبل متكون خيانة لزوجي

طبيت لغرفتي جسمي كلة يختض وبداخلي رعب ورهبة احس كلبي يحفق بطريقة تشبه خفقانة لمن اكون صاعدة بمكان مرتفع واني عندي فوبية من المرتفات والصياح
ذني الثنين كدامهن كلبي يكوم بخفق بطريقة تخلي المقابيلي يشوفون ملابسي شلون تبتعد عن صدري بسبب خفقان كلبي
بلحضتهة هشكل خفق كلبي ختنكت وكمت اتنفس بصعوبة خوف علة رهبة علة ندم وكلشي سيء من اصناف المشاعر جتمع بداخلي
تمددت على جربايتي ورنى تمسح علة شعري وتكلي لتخافين شيريد يشويلج بابا قابل يذبحج يضرب ويرزل وذني الثنين ميموتن
اهم شي خلصتي من هلصكط ابو النسوان وراهة الف حل ممكن نلكة والوقت افضل وسيلة تغير ارائهم

دقايق وسمعت صوتهم صياح وجدال واني الرجفة اخذتني احس نفسي خليت زلم معكلين ومشوربين يتمالخون ويتصايحون ياويلي من بابا وغضبة
امي واكفة بلصالة تقرة ايات وتندعي وامي الخوف اخذ مني مأخذ
بحيث سنوني واحد يطخ بلاخ
بدو يطلعون وبابا يودعهم هنا حطيت راسي بين رجلية ولازمة كلبي بيدي بكد مادكاتة قوية احس النبضة تدفع ايدي وتبعدهة

شوية وبديت اسمع صوت بابا يرعد رعد بركان هايج ونيرانة تتطافر علينة

بت الككككككككككككككككككككككك كككلب
صاااااااااااااااااااااا.... .
دايحححححححححححة اني هيج تسوين بية وتنزلين راسي
اني اخر عمري العالم تكول علية ماعدة كلمة علة بناتة

غلط وفشار وسب حتة روحة ويدفع بماما يريد يهجم علية ورنى واكفة كدامة يحاولن هية وماما يهدئنة واني واكفة ورة لباب وارجف
لحد ما دفع لباب علية وطب عيونة بكصتة ودمارات وجهة طالعات
ركضت ماما صارت كدامي وكامت تلطم كلتلة
عوووووفهة لا وحق محمد هسة املخ روحي كافي كافي الله مايرضاهة موصارلهة 4 ايام لكمة ماطابة بحلكهة وحق ربك اذا تمد ايدك عليهة لو علة رنى دقيقة ماابقة بلبيت

طبعا تدافعيلهة تربيتج هاي اكيد تطمطميلهن كواد........
اليوم البيت احركة علة روسجن طابخاتهة سوة مووووووووووو
ركض علة غرفة النوم فلش التلفزيون وتحفيات ميز المراية وشكو شي ممكن ينكسر
ركض علصالة فلش الطبلات وتلفزيون الصالة ضربة بلنفاضة تفلشت الشاشة فعلا حرك البيت علة راسنة وطلع
ماما كعدت بلكاع وتبجي ملخت روحهة
ولكم هية هاي خلفة البنات من ساعة السودة الي شفتجن بيهة ولجن ليش هيج يمة ليش
زلم مشوربة ماهبتيهم ماكلتي واحد بيهم يلزمني يفصم ضهري ويكلي احنة مولعبة بيدج
ولجن موكلتجن لكمة حرام تزوجي مصلح هي بت القنادر راح تموتين قابل يعني فوك صخام وجهج هيج تسوين وتطبين يم الزلم تزغرين ابوج وتنزلين راسة

رحت علة علي اريد اشوفة شفت سيارات بباب بيتهة وبلفرع كلة وحتة بلساحة كوومة وكلة موديلات حديثة كلبي نغزني من شفتهن وياخوفي يكون صاير الخايف منة
دكيت لباب علة علي بدون سلام كتلة هاي شنو السيارات
دنك وراد يغير الموضوع
كتلة علي تحجي لااروح بنفسي الهم وافتهم
كلتهة واني رايح بأتجاه بيتهة ردت بس اوصل افلش لباب عليهم

جرني علي جان يكلي نوار اعقل موزغير انتة اهلك مالهم ذنب

يعني شنو يعني ذولة مشية مصلح مووووو

اي نوار تعال تعال يخوي خل نحجي

جرني طببني لبيتهم واني اسد ايدي حيييل وافتحهة لزم ادية علي عبالة راح اضرب لحايط

علي: كافي بطل عاد مو حتة اديك تشوهن
نوار اسمعني اصبر ماكدامك غير حل خل يرحون هسة وندز ايناس تستفسرلنة نفتهم يجوز رفضو يجوز امهة تدخلت رنى يجوز حجن وماقبلن على ابوهة يجبرهة
هسة خل نفتهم وبعدين اتصرف

مااااشي
كلتهة واني اصك علة سنوني واضرب علة رجلي بيدي
دقايق وسمعنة هوستهم وصوت بيبان السيارات وهنة ينفتحن وينركعن كلهم جانو واضح عليهم علامات غضب
هلحركة تنم عن غضب صاحبهة وهاذ الشي خلاني اتأمل خير ولو قليل انو تكون هلحركة كردة ف

عل لرفض اهلهة الهم

طب ابوهة جوة من بعد ماودعهم وبدة صوتة يعلة وصوت تفليش غراض

ديكنة علة فيان كنالة اطلعلنة
دقايق وطلع
خابر ايناس خل تحصلي سلوى بأي شكل اريد افتهم منهة ابوهة وافق وشوفلياهة اكيد هسة مموتة نفسهة من البجي

دك على ايناس واتساب ماجان عدهة نت
بهاي الفترة نتشر لانترنت بلعراق وصار موجود عد الكل

ماعدهة نت معناهة طالعة
دك عليهة علرصيد ردت اخذ لتلفون وراح مسافة تعارك وياهة وتصايح ورجع كلي
هسة راح تخابر على تلفون امهة وترجعلنة خبر

واحنة نحجي طلع ابوهة ركب سيارتة ومشة

ربع ساعة ورجعت دكت حجة وياهة فيان وكلي رافضة وابوهة كالب الدنية بلبيت

خوما ضاربهة احد

لا امهة ورنى حامياتهة بس هية مصخنة وتبجي

مشيت من يمهم دكيت على عمي حجيت ويا كتلة البنية رافضة ابن خالهة اليوم اجو المشية ورفضتة فرحلي وباركلي
كتلة اريدك توكفلي بس مستحي منك حيييل
لا بوية لاتستحي تريد نرجع نتقدملهة
اي عمي لا تجون اني اجيب سيارة جبيرة واجيكم لبيوتكم واحد واحد

لا وليدي شني السالفة تكاطعت الدنية انتة هم وليدنة وتمون علينة يايوم تريد نجيك احنة حاضرين

على راسي عمي والله ماقصرتو
بس استفسر واعرف شوكت نزلة ابوهة من الشغل واخابرك

ماشي

سديتة منة ورحت لبيتنة فرحان طبيت من الباب لكيت امي بلمطبخ حضنتهة
يمة رفضتة رفضتة سلوى حجت وكلتلهم ماريدة

اللهم صلي على محمد وال محمد صدك يمة الله يجعلهة من نصيبك

الله يسمع منج
طبيت اتخنس للغرفة يم خالتي رضية لكيتهة دايرة علشباك صافنة وضاربة دالغة وتجر حسرات

تقربت يمهة لزمتهة من خصرهة كمزت
يبوووو نعلة الله علة بليسك نوار ولك انتة متكبر مو شواربك غاطات بحلكك شوكت تعقل

هههههه شنو هلكلمات الرقيقة حتة نفسي لعبتيهة اروح هسة ازين شواربي بلقندرة

اليوم تضحك موعوايدك اخذ الكنتور سوي لباب مالتة ماطول نفسيتك مرتاحة

ماشي بعد شوية اجيب لنجار لهنا شيشيلة الي اودي

مرن يومين وستفسرلي فيان من ايناس وعرفت منهة لسبت ابوهة يجي للبيت دكيت علة عمي نطيتة خبر كتلة لاحد انتو يمي كلي ماشي

واجة لاحد واجو عمامي واخذتهم ورحنة طبينة وسلمنة وهوة يعرف غرضنة فماحجو اي شي غير انو كلولة سمعنة رافضين ابن خال البنية واجينة نخطبهة للمرة الخامسة لنوار وكلنة امل انو متردونة هلمرة

ابوهة سمع الحجي ونتفض من مكانة متفاجئ

شلكم بهاذ الحجي منين جبتو منو كللكم

ترخصت من عمامي وكتلة عمي احنة ولد منطقة وحدة والخبر مينضم

لا مستحيل ماكو هيج شي البنية مخطوبة لابن خالهة واذا صار ومااخذت ابن خالهة فولد عمامهة موجودين لا واحد ولا ثنين وشين الي تعرفة احسن من الزين الي متعرفة

عمامي ندارو علية متفاجئين عبالهم اجذب من كتلهم رفضو اين خالهة
ماحادلتة ولاحجيت ماردت انحرج كظام عمامي ترخصنة من عدة وطلعنة واني اعتذر من عمامي واستسمح منهم علموقف الي حطيتهم وحطيت نفسي بي
كلعادة ركبو لسيارة ورجعو لبيوتهم نضراتهم بيهة استهزاء غادرو واني اشوف بعيونهم استزغار الية هاي المرة الثالثة نتفشل
اوووووف يسلوة كلبي وين رايحين اني وياج ماادري

طبيت البيتنة اضرب اخماس بأسداس
يربي قفلت كلش وكل حل مالهة بس اريد اتناوشلي حل ايا كان هلحل راضي بي بس ميكون فراقي عن سلوى

عدت مدة والوضع مثل ماهوة اهل سلوى يمهم هدوء تام وبعد محد جاب سيرة الموضوع كضيت العطلة اشتغل وية خالي امجد واجمع فلوس نيشانهة ماجنت اصرف علة نفسي ربع دينار جنت حتة الفلوس الي تنطيهن الي امي من راتب ابوي اضمهن لسلوتي لا ملابس لا احذية ولا حتة اطلع اي شي بلحياة يتطلب فلوس ابتعد عنة
بس خل احصلهة اهم شي تكون يمي وعود وكتهة انفه روحي واشتري

حاجيتهة شكم مرة عن طريق ايناس تروحلهة لبيتهم وتخابر فيان واحاجيهة بين مدة ومدة لان ابوهة مانع التلفون حتة علة امهة وصاير شكاك ومأذيهم حييل حتة امهة تشكي منة
وهية من تحاجيني تبجي وتشهك تشكيلي من معاملتهم الهة تكلي فقدت ثقتهم بية حنانهم اهتمامهم بابا حتة من امرض ميوديني للمستشفى يكل لماما جيبيلهة دوة من الصيدلية شكد حاولت احاجي واعتذر منة وبكل مرة يصدني ويدفع ايدي ويكلي هاي ايدج الي لزمت ايد ولد بلحرام وباسهة ماريد الزمهة ولاتتقربين يمي ويصيح علية ويرزل ميرتاح الة ينزل دمعتي يلله
وماما هم تعاملني سيء لان تخاف من بابا من يشوفهة تدللني لو تتقرب الية يكللهة هاي تربيتج وهاذ تعلومج الهن لتتقربين يمهن ولا اريد اشوفج تطبين غرفتهن حتة لو شفتيهن ميتات ومن خلال حجي بابا فهمنة اني ورنى مصلح غاسل دماغة من ناحيتي وكايلة هاي مو اول مرة الكفهة وية الولد وكايلة مرة شفتها طلعت من المدرسة وصعدت ويا بسيارة وغيرة وغيرة اشكال حجي حاجي علية موبس يم بابا حتة يم سرمد
وسرمد اوووووف يتهدد يريد يجي يذبحني وابوي مايخلي وكلما احد يجيب سيرتي يكلب لدنية بلصياح والغلط والفشار
يعني اني شسويت نوار قابل جرمت من الله يلعن صالح ويلعن الساعة الي صار بيهة ابن خالي

جان كلامهة يوكع عل

ة كلبي مثل التيزاب وماجان بيدي كلشي اقدمة واساعدهة اذا احجي واتدخل ازيد الطين بلة
جنت اصبر عليهة واحاول اهديهة واكللهة بعدني علولعد وبعدني علة حلفاني بعدج سلوة روحي واميرة كلبي وما تطب غرفتي غيرج مرة ولا المس بنية غيرج وانشاء الله امير المؤمنين يشلني اذا حبيت غيرج
جانت تفرح بحجاياتي وهم تحلفلي بلعباس وتضحك تكلي صرت مثلك كون يسمعني بابا الة ينسيني اسمي هههههه
جنت احاجيهة على طول
بس ماحاولت اشوفهة ولا التقي بيهة بس تكون بخير هاذهو اكثر من 3 اشهر اني ماشايفهة اصبر روحي واكول
ماطول خلصت من مصلح هاذهو اصبر وانتضر حكمة ربي وقسمتة عسما اصبرلهة العمر كلة بس كون الله يهدي ابوهة

وبدة الدوام وداومنة باول يوم رحت علولد من ال7 كلت حتة اشوفهة لان اعرفهة تطلع من وكت
وكفت يم بيت علي ونتضرتهة تطلع
بل7 وثلث طلعت بس رنى وكفت علة حيلي من شفتهة تقدمت ووكفت براس الفرع وكل ضني انو سلوى راح تلحكهة علما هية تروح تدك لباب علة ايناس
راحت لايناس وطلعن سوة نتفضت من شفتهة وكل ضني سلوى مريضة
مشيت اريد احاجيهة خزرتني حييل واشرتلي بيدهة بان ابتعد ومااحجي وياهة

ضليت متصنم بمكاني وماتحركت
شوية وطلعو علي وفيان
ورحنة للدوام ... عدن 4 ايام وسلوى متداوم لحد ماكلي فيان سلوى ابوهة بطلهة وكللهة بعد ماكو مدرسة
تخبلت من كلي هيج
جان اكو سبيل مال مي ستيل حاطينة براس الفرع مالتنة مالكيت روحي غير واني اضربة حيييل لحد ماخسفتة ونطبكن اضلاعة علة بعض
لزمني علي من ادي
كافي نوار الي جاي تسوي متأذي بي احد غير نفسك موحتة ايدك صكطت

راح اتخبل علي يعني ليش كل هاذ شسوت هية من الله لا يوفقك يامصلح والله كون يطلعهة بعرضك
طلع حجي علة لبنية مانزل الله به من سلطان والمصيبة اقرب الناس الهة اول من صدكة ونطا مجال يتمادة اوووووف يربي سلوة روحهة بدراستهة دمر مستقبلهة النذل لان مانطتة مجال وفشلتة من جان يتمادة وياهة لو يذب حجي

عدة شهر الية اداوم بي غصبا عني واني استذكرهة من جانت تخابرني واكعد اشرحلهة رياضيات
ضغطت علة امي وطلبت منهة تروح هية والمديرة مال مدرستهم يحجن وية اهلهة عسا ولعل يقنعون وفعلا من بعد ملحة مني طلعت امي بلحلة مال المدرسة واخذت المديرة وراحن الهم ابوهة جان بلبيت حجن ويا وكللة سلوى شاطرو وخوش بنية وحريمة تفوتهة سنة والدراسة سند البنية ومن هاذ الحجي بس هوة جان قافل وكللهم هية رادت تبطل وكالت اني ماحب لدراسة واحنة بطلناهة رايدات يحجن وياهة ماقابل رجعت امي تتذمر وتحجي علية لان كل مرة احطهة بمواقف وياهم

عدة فترة وسلوى ماجانت تشوف باب الشارع ابد ورنى ممنوعة تروح يم ايناس
مستواي جان بلنازل اني ابو الاعفائات كمت لو اجيب ال50 لو مااجيبهة
جنت اداوم علة مودهة وبس اتذكرهة من جانت تكلي اني اريدك تصير مهندس اريد من اروح بمكان يكولون اجت مرت المهند
مع انو طموحي صيدلة بس حبيت الهندسة لان سلوتي تحبهة

متحنة نصف السنة وكلشي يصير وياي جان ميعنيلي لان اعرف بسلوى هسة كاعدة تبجي وتتحسر وصديقاتهة يمتحنون وهية بلبيت

واجت عطلة نصف السنة وعلي وفاتن حددو عرسهم بلسبوع الثاني من العطلة واجن يمنة خالتي وفاتن ولتمن خالاتي وبدو بتحضيرات العرس بيتنة جان يروش
دائما وجنت انسة نفسي وسط هوسة خالاتي وجهالهن وسوالفهن وكلسا يصيحنلي نوار تعال اضرب هاذ وتعال صيح بهاذ هاي صارت مسؤليتي بلبيت واني جنت اطلع صوجتي وحركتي بلجهال لحمد لله لكيت الجهال انفس عن غضبي بيهم من يأذون

واجة يوم الحنة كعدنة من الصبح مخبوصين واني جنت اخو العريس ومتبري من اهلي نسيت همي وفرحت الخوي وحبيبي سندي وحزام ضهري الي بوجودة عمري ماحسيت روحي وحيد امي عضيدي الي جان يكلب الدنية علمودي ويتمشكل وية اي واحد وميهمة كلشي جان يطلع حقي من حلك الاسد
كعدنة اني وفيان وولد اقارب علي هم اصدقائنة سوينة الزينة ترسنة الفرع كلوبات ونشرات مديناهن بين البيوت
ولعصر رحنة للحمام جلفنة علي جلفة من هاي التمام طلعنالة جلد جديد وهم كضيناهة ضحك وتصنيف رجعنة للبيت بدلنة وستعدينة للحفلة واحنة ببيتهم نطب ونطلع عادي لان مفرغيلنة اطابق الجوة والنسوان وهوستهن فوك حاطيهن
طلعت اريد اجيب ثلج للببسي اني وفيان جانت حنة فاتن بادية وبابنة مفتوح والجهال طابسن طالعين وحنت علي ورة العشة تبدي
اول ماطلعنة من لباب جان اشوف...

[ملكةه]

#بارت...27


طلعنة اني وفيان جان تصير كبالي سلوى هية ورنى جاي يطلعن من بيتهم
رنى جانت تسد الباب وسلوى شافتني وضلت جامدة بمكانة واني حالي حالهة عبالك نفصلت عن الدنية اباوع على طولهة يمااااي 3 اشهر ماشايف هلطول يعينك الله يكلبي
فزيت على صوت فيان وهوة يكلي اني رايح وانتة لحكني من تخلص جلسة النضرات
مارديت علي ولا رمشت عيوني واني اباوعلهة هاي الدقايق الي تمشيهن من بيتهم لبيتنة عندي ثمينات كلش جانت تباوعلي وتبتسم وتدنك
اما رنى فجانت ملامحهة معقوجة وغايتهة من الجية لحنة فاتن جانت واضحة كلش
تمشي وتسحل بسلوى الي تباوعلي ونست روحهة راحن لفرعنة وطبن للبيت واني وراهن وكفت بباب لحديقة اباوعهن نزعن احذيتهن وطبن سلوى جانت لابسة صاية لونهة اسود وبيهة شذر علردان وشال نفس الشي
طبن جوة واني رحت للمطبخ جانن بي امي وخالاتي وبناتهن صحت يا الله وطبيت
اشرت لامي اجت يمي كتلهة
يمة اريد اشوف سلوى واحجي وياهة

شنوو ليش هية وينهة

طبت جوة هستوهة

ومنو وياهة

بس رنى

نوير اكعد راحة لا تسوي سالفة للبنية خاف احد يوصل حجي لاهلهة

لا يمة هنا احاجيهة كدامج والله بس اشوفهة يمة فدوة لكلبج ياله يلله روحي صيحيهة

ماشي راح اصيحهة اريد اشوف وين توصل وياكم

طبت امي تصيحهة واني ركضت علمراية مال المغسلة اعدل بشعري
بعدني واكف حسيت لمسة ايدهة علة جتفي
نداريت واني الكون بكبرة مايوسع فرحتي
يبووو يبوووو يبعد عيون نوار يمة اروح فدوة لهلوجه

برطمت ودنكت وكامت تبجي

ليش ليش يحبيبي ليش تبجين

مشتاقتلك نوار والله حيييل مشتاقتلك

يمة اروح فدوة للتبجي علة شوفتي تعاي

وين نوار

تعاي هنا بلمطبخ

لا نوار ماريد

شبيج خاف احد من لجوارين يشوفج ماريد تصيرلج سالفة من وراي هاي امي بلصالة كبالنة شوفيهة

طبت وياي وتتلفت خايفة

حبيبي ليش خايفة هاي امي كبالنة
شنو لاخبار بلبيت

ماكو شي جديد بس بابا بعدة نفس الشي

شعجب اجيتو

والله اني مالي نية اجي بس رنى تخبلت تكلي اريد اشوف مرتة لازم اشوفهة وكعدت مكيجت وبدلت كسرت خاطري محروك كلبهة وماتدري شتسوي ساعة تتعارك وياي وتذب حركتهة بية وساعة تغلط علة علي وتسب بي
حتة ماما من شافتهة ضايجة كلتلي اخذيهى للعرس بلكي تتغير نفسيتهة متدري هوة لعرس سبب ضوجتهة

الله كريم رنى طيبة وعلة نياتهة بس لسانهة عام عليهة اصلا علي هوة الي خسرهة
خوهوة ماخذ بت خالتي هسة بس تمنيتلة رنى من كل كلبي لان ادري بكلبهة شكد يحبة

بعدنة نحجي اجت امي وكفت يمنة سلوى رتبكت وستحت
باوعتلي امي جان تكلي يلله نوار اطلع برة خلص وكتك عوفلنة سلوى خل نشوفهة نسولف وياهة

اني هم صحيت علة روحي شفت الوضع شوية محرج حنة بنات مومال هيج وكفة
طلعت وبطلعتي طبت ايناس سلمت علية من بعيد وطبت
بعدني امشي سمعت ايناس تصيح
سلوى هاي انتي يا الله شكد مشتاقتلج
مشيت وني اسمع صوت ضحكهن وهنة يحضنن ببعض ووحدة تسال لثانية عن حالهة
اووووووف تذكرت طفولتنة ايام ماجان اكو بيناتنة اي حواجز نلعب ونسولف ونلزم ادين بعض بدون خوف وحساب لشي
هاذي لايام ماحسيت بقيمتهة الة هسة وياريت لو ترجع

طلعت برة شفت فيان عبر شارعنة ركضت ورا لان ميكدر يشيل لثلج لوحدة
وصلت يمة وجبنا ورجعنة
ودينا كسرنا وخلينا للببسي وطبينة يم علي جان ديبدل ويمشط
سوينالة شعرة بلشسوار ورتبنا وبدل وكمل نريد نطلع
كالو النسوان يردن يطلعن يرحن لحنة فاتن لحد يطلع

وعلي يصيح خل اروح وياهن بوووية كلبي شيصبرني لباجر اني
يباوع علية يكلي ودور جايبيهة ببيتكم عمي سترو على رواحتكم اليوم اطفر عليكم اني ماكدر ماكدر

فيان: ديلله هسة اليسمعك يكول ماكو هيك مشرمتهة من الجمال فاتن حمامة
اشوهية تكل للهايشة وخري وخل يحلبوني بمكانج

هوة كال هيج وجان يشيلة علي بجلاق خلا ميشوف دربة واني توليتة كفخ

طلع برة يعربد ويصيح والله مااعزمكم بعرسي

اكل تبن غصبا ماعليك

عشينة العالم الجاية وبدت حنتنة جايبين مطرب صاحبنة واني وفيان بيدنة المايك المساعد اخذتة اني عود ارد ورة المطرب واسوي جو
هوة يحجي واني اصيح افسحو المجال ل موكب اهالي الناصرية
موكب اهالي لسماوة
والضحك عالم
يتعب المطرب احنة نضل نهوس لو نغني لاغاني المعروفة بلاعراس
هوة يغني واحنة لعبنة لعب ساعة نهلهل ساعة نحجي كولات
وعفية عليك علاوي شلون حصلتهة واحلة قردة وبلقفص صدتهة
واليوم يومك يابطل والعب علة الجرباية
وشد حيلك يابطل

اخر شي المطرب اخذ المايك من عدنة وزحلكنة
وطبينة بلنص نركص وكومنة علي عود هوة خجلان ميقبل وكوة سحلنا
لحفلة جانت تخبل بس اني جانت عيني علمدخل مال لفرع ومتاني سلوتي شوكت ترجع
شوية وشفتهة هية ورنى اجن بسرعة مشن وطبن للبيت لان لفرع جان هوسة ولد كوومة وزلم همزين محد لمحهة

خلصت لحفلة نضفنة ولمينة الزبايل وعلي كربنا ويانة عدلنة الفرع لان باجر لزفة هم تصير هنا كم

لنة ورجعت للبيت تعبان حييل
طبيت لكيتة هوووسة جهال ونسوان حتة غرفتي كاعدات بيهة اخذتلي فراش ورحت بلسطح نمت
اول ماطلع لضوة كعدت علة صوت يمي عبالي لارانب لان صارن 7 ارنبتي وارنب سلوى وجهالهن 3 وثنين احفادهن ههههه هاي ثمرة حبنة
اني حاطهن بقفص بس بابة مامحكم مرات يطلعن فتحت عيوني كوة اباوع لارانب بمكانهن بعدني اريد اكوم اجت حصواية علة رجلي
كمت علة حيلي واشوفهة سلوى بلصطح مالتهم جتفت ادية ووكفت اباوع عليهة
يبعد العمر كلة يمة احلى صباح ولله طبعا همة بيتهم عالي تقريبا اعلة بيوت الفرع فيصير متسلط علة كل البيوت
بس هية متسمعني لان بيتنة موكبال بيتهم همة ترتيبهم اول بيت بلفرع مالتهم
واحنة ترتيب بيتنة الثالث يعني فرق شوية عني سلمت علية بلاشارات رديت عليهة دزتلي بوسة وكلتلي راح انزل رفعتلي بيدهة سلت ملابس فهمت علينة جانت تشر كتلهة تعاي للعرس
كلتلي مواكيد
نزلت واني هم اخذت فراشي ونزلت كلهة جانت نايمة غسلت وشربت جاي وطلعت بلحديقة سكيت الزرع وكعدت تانيتهم كعدو وتريكت رحت يم بيت علي لكيتهم كاعدين ومخبوصين لتهينة وية لطباخ وجهزنة الكراسي صفطناهن بلفرع لضهر رجعت لبيتنة نمتلي ساعتين وسبحت وبدلت طلعت من غرفتي بيتنة هوسة سوتلي خالتي طريق وطلعت
رحت لبيت علي جانو الناس جاين كعدنة اني وعلي وفيان سوالف وضحك
واني ثبرتة لعلي كلسا اكلة خاف متدبرهة من هسة كول وهوة يصير عصبي من كل عقلة مصدك

صار المغرب عشينة لناس وحضرنة لسيارات راحت سيارة العرس وكوستر وياهة بباب بيت اهلي طلعن لنسوان وطلعت بقية السيارات اني وفيان واخو جنة صاعدين بسيارة خالي امجد اني اسوقهة
امي ماقبلت اجي تكلي شلون تروح بزفة بت خالتك كتلهة يعني لو عندي اخو ومتزوج فاتن مااحضر عرسة
علي خويي وحبيبي شعلية بفاتن احسبة متزوج وحدة غريبة
صارت لزفة تخبل سيارتت كوومة جانت اصدقائنة بلدوام كلهم اجو حتة مهند بدون عزومة اجة فترينة الكوفة كلهة واخذناهم داير مداير مسلم ابن عقيل وديناهم للفندق ونزلنة بلباب رمينة وهوسنة وشلنة علي
جان حييل فرحان وكلسا يحضني ويكلي يوم لالك واني خبلتة كلسا اكلة اذا متدبرهة كول حتة نشوفلك جارة

طبو الفندق وطبينة وياهم للسويت امي وخالاتي وام علي واني وفيان وهوة يطرد بينة وماكو طلعن لنسوان واني وفيان دكينة بي الناقصة ولطشنة فاتن جوة بلغرفة واحنة برة تصير اكو صالة زغيرة قبل لغرفة
اني شغلت التلفزيون وتمددت بلكاع وفيان ركض علجنطة مال علي طلع كرزات واجة يمي اول شي حترمنة تالي صعدت عدة قفل لباب ونزع حذائة صار مطافرنة للستار كوة فرغنة رواحتنة وطلعنة الزفة جانت رايحة اجرنة تكسي ورجعنة لطريق كلة جنت اتصفن علة وضعي ضال بين نارين لاطايل السمة ولا طايل الكاع لا اني الي محصلهة ومطمأن ولا اني الي خلصان من ابوهة الي كلسا براي ساعة يكول لولد عمهة وساعة يكول لابن خالهة
طبينة لبيوتنة اني وفيان يوم ثاني جان احد بس ماعدنة شي فقررنة نغيب
وعلي اصلا طالب اجازة سبوع
طبيت للبيت هالاتي بعدهن بس العدد خاف كعدت يمهن شوية سولفننة وصحكنة وطبيت لغرفتي تعبان رأسا نمت
كعدت ساعة ب12 لضهر محد جان اكو خالاتي كلهن رايحات حتة ام فاتن
صليت وتاتيتهم صبو غدة شوية وامي كلتلي امشي وياي خل ناخذ هدية الهم
كتلهة خليهة لعصر
باوعت تلفزيون لحد ماصارت بل4 طلعنة اني وامي وخالتي رضية للسوك اخذنالهم ثلاجة وفرشة حلوة رجعنة بوجهنة لبيتهم طبينة وطببنة الغراض رحبو بينة وكعدنة بلصالة تقريب نص ساعة فاتن جانت ضايجة علة امهة لان راحت بس من شافتنة فرحت
علي جاي يسولف وية امي ومندمج تقربت يمة همتسلة
ها بطل دبرتهة
جان يجيبني بدفرة
هية دفرة وهية طفرة لباب لشارع دقايق ولحكني امي وخالتي يضحكن علينة

ثاني يوم داومنة بس اني وفيان لدوام جان ضوجة بدون علي كوة عدة لاسبوع ورجع علي يداوم ويانة جان حييل فرحان بفاتن وبين يوم ويوم يطلعهة واني وفيان ماكلين كلبة
عدة مدة وجنت كاعد اقرة متحان عربي شهر ثاني دك تلفوني واتس اب رقم غريب
فتحت خط
الو
الو ولج سلوى هاي انتي

اي نوار اني

يبعد روحي الله لايحرمني من هلصوت
شلونج سلوتي

لحمد لله زينة انتة شلونك

اني بخير ماطول سمعت صوتج منيلج هاذ التلفون

بابا جابلنة كلنة اني وماما ورنى

صدك يعني تغير وياكم

تكدر تكول هيج

حبيبي

يروح حبيبج

ليش مترجع تخطبني لحد لان محد حجة بية لت مصلح ولا غيرة وبابا شوية تغير من ناحيتنة

يعني اني مااكيف سلوى
بس منو يجي وياي لا عمامي يرضون ولا خوالي لتنسين ابوج 3 مرات فشل عمامي ورجعهم

ادري المفروض مااحجي بهاذ الموضوع ولا افتح حلكي اني اسفة

لا حبيب... سدتة

رجعت دكيت ترفضة وتالي طفت النت
اووووف زعلت هسة اني شحجيت

عدن سبوعين اني افكر بكلام سلوى وكلما اتصل عليهة مترد
ومن بعد طول تفكير قررت ارجع اخطبهة للمرة السادسة
بس هلمرة مااخذت عمامي اخذت خالي محمد بلكوة قنعتة ابو علي وابو فيان والمعاون مالتنة صديق خالي محمد ورجولة خالاتي

تلاثة ورحنة وياي علي وفيان طبعا
طبينة وكلبي جان حييل يخفق لان يجوز هلمرة اخر مرة راح اعتب بيتهم
نضرات ابوهة الي جانت حييل تأذيني وتحسسني شكد هوة كارهني ومستزغرني حجو ومن كل واحد حجاية والرد كلعادة جان بارد واصلا ميكلف نفسة وهوة يكللنة البنية محجوزة وموقسمتك
بس هلمرة ماسكتت ترخصت من الزلم الوياي وحجيت ويا حاولت اقنعة بكل الوسائل وستنفذت اخر قطرة كرامة عدي واني اتوسل واترجا
مامسويهة عمري بس علمود سلوى سويتهة وكل الي سويتة جان بدون جدوى طلعت من بيتهم عيني بلأرض مستحي حييل يومية مطرود اني وضبة زلم شورابهم تهز الكاع
المفروض تكونلهم هيبة يمة واحترام بس للاسف الكل نهان بسببي تأسفت منهم وهمة كلولي مالة داعي احنة الي نتأسف لان ماكدرنة نسوي شي ولكل يواسي بية ويحجيلي قصتة وية حبة الي خاسرة بشبابة حتة انسة مصيبتي وتهون علية بس ميدرون انو حبي وحب سلوي غير عن اي حب بلدنية
رجعت للبيت الدنية ضايكة بعيني وضايج حيييل دقايق ودك تلفوني باوعت سلوى واتساب
رديت واني اسمع صوت شهكتهة والخنكة
شبيج حبيبي لتبجين والله ماناقص والحسين الدنية طالعة من عيني لتبجين كدامي فدوة اروحلج

نوار بابا كلب الدنية بلصياح يكلي هاذ ليش هيج لزك شعدة وياج ششايف منج وهيج لازك ويومية جايبلي افندية وجاي
هدور راد يضربني وياخذ التلفون بس اني كمت ابجي وحلفتلة كتلة ماشايف مني شي والله فضحنة يصيح بلحديقة

اووووووف الناس تدور الستر وابوج يدور الفضايح من جوة لكاع

سلوى جانت منهارة ومقهورة وكل كلمة زالثانية تكلي والله اذا غصبوني علة غيرك اسوي بروحي شي
هدئتهة وحجيت وياهة وكتلهة مستحيل احب غيرج ولا اتزوج غيرج حلفتلج بأمير ابمؤمنين امني وطمأني

سديتة منهة مقهور حييل مدري جنت اقنع روحي بحجي مدري اقنعهة

عدن 3ايام سلوى تتواصل وياي علواتس اب واداوم بس مالي واهس كلش
يوم رابع خابرنة احمد مفرفح كلنة خالتي توفت جان خبر كلش محزن بلنسبة النة وبلذات الفاتن بعدهة عروس وتلقت هيج خبر
رحنة احنة وخوالي و فاتن وعلي واهلة وخالاتي كلهن ونسوان خوالي ورحنة بكوستر الطريق كلة يلطمن ويبجن وفاتن كسرت خاطري فرفحت روحهة وصلنة من ورة الضهر ضلينة 3 ايام نقهرت حييل علة خالتي حتة بعدهة مافرحت بفاتن وجان مناهة تزوج احمد وتشوف جهالة رجعنة ورة الثالث
البيت جان كئيب وامي وخالتي رضية بس يبجن ورة الفاتحة بسبوع دكت علية سلوى كلتلي مصلح راح يرجع يتقدملي
واني تخبلت نجنيت جانت خطوبتي الهة الشعلة الي علكت النار بكلب ابوهة وهلشي خلا يروح لمصلح للفلوجة ويكلة اذا بعدك رايد سلوى تعال تقدملهة
ومصلح مامصدك كايللهم الجمعة اني يمكم
واجت الجمعة واني الوب كلشي مابيدي كلسا تطلع ببالي فكرة ساعة اكول اروحلة للفلوجة واكتلة ساعة اكول اتاني يجي واسبكلة واضربة واتعوذ من الشيطان
سلوى جانت تطمني تكلي ماراح اسكت اني احجي واكللهم ماريدة واكلب الدنية اذا جبروني هاذ الي جان مصبرني
اول امتحان من امتحانات نصف السنة جان يوم الخميس شنو كتبت بلورقة ماادري
كل تفكيري يمهة حتة الزاد مااستطعمة
طبكت سياراتهم الي تصفن المنطقة ونزلو منهة همة ودشاديشهم البيض والشماغ هم ابيض وويا عكال العطور تهب السوع شي ذهب وشي فضة تأثير الفلوس جان واضح عليهم
واني واكف اراقب ونار بية تلهب لو الزمهم زينهم اخلي دمة بطولة

طبو جوة واني علي وفيان يمي وعيني علساسة واروح وارجع مثل التطلك لحد ماطلعو وبدينة نسمع صوت لصياح هنا صرت مثل السمجة المتزوهرة تخبلت واني اتخيلهة هسة بين اديهم والزادني سوء سرمد جان بلبيت
لحد ماطلع سرمد علي رأسا وكف كدامي هوة وفيان وهمة يحاولون يغطوني حتة لايشوفني سرمد مدري خايفين مني اتمشكل ويا مدري منة لان هوة ذيج المرة من ضربتة مالحك ياخذ ثارة ثاني يوم ابو ودا للفلوجة
رجعت لبيتنة الوب ومنتضر اتصال من سلوى ومااكدر ادك عليهة اخاف لتلفون موعدهة
مرن 3 ايام وسلوى متدك علية واني الوب وكلشي مابيدي مرتين فيان دز ايناس يطلعلهة ابوهة يكللهة سلوى نايمة ويسد لباب بوجهة لحد ما دك تلفوني .....

[ملكةه]

#بارت...28

لحد مادك تلفوني

الو

الو منو

اني رنى نوار

هلو رنى شلونج سلوى شلونهة

سلوى موزينة نوار اسمعني
سرمد ضوكهة المر وعرف بيك انتة الي تحبك وعرف انتة الي جانت طالعة وياك بيوم جابهة مصلح وتخبل لزمهة صكطهة خلاهة اصبع متكدر تحرك
وراد يهد عليك لبيتكم بليلتهة بس بابا ماخلا كلة ماطول خطبهة اكثر من مرة مالنة حق يمة نروح نهد علي شنكلة ليش طالع وية بتنة لمفروض بت لاصول بتنة هية الي تصون نفسهة وتحط اهلهة بين عيونهة

اووووف يا الله هسة شلونهة كليلي

حالتهة حالة نوار بس قافلة لباب علة روحهة تصرف سوي شي اخذهة واشرد مصلح لكلب لبارحة خابر علة تلفون امي وكللهة نطيني سلوى

لا يانذل اي وشحجة

اني فتحت مايك وخليتة بيناتنة علجرباية ضل يهدد ويصيح يكللهة والله اطيح حضج وانتقم منج واني شايل خرزة تخلي ابوج وسرمد يسمعون كلامي بلحرف الواحد الة اقرة براس سرمد واكلة غلطانة وية واحد ولهاذ لسبب متقبل تزوج وبعد حجي اشكال حتة استحي احجي

لا يا الله لا يلكعبة

نوار اسمعني لتصير مطي اي هيج اريد احجيهة لتضل تدور مثاليات وتهتم بسمعتهة وسمعة اهلك واهلي وانتو محد حاس بيكم وبنعال محد مشتريكم وكاعدين انتة تتعذب بصفحة ويومية بابا طاردك انتة واهلك
وهية طايح حض حضهة رزايل وضرب واهانات بين قوسين سرمد ماسح بيهة الكاع
على شنو متحملين كل هاذ اشو اهلي ميستاهلون تضحي علمودهم يصدكون بمصلح لنذل وهية تدك الدين واليمين محد يرضة يصدك بيهة عبالك مصلح ابنهم موهية بتهم

بس رنى

نوار اني لعندي كلتة وانتة عقلك براسك تعرف خلاصك بكيفك بعد في امان الله

سدتة وخلتني محتار احس الدنية بعيني صارت بكد زرف لابرة يعني ماخلولي كل حل خطوبة وخطبتهة بعد شسوي اي ليش تجبرونة نتصرف غلط يا امة الاسلام

ربي ضاكت بية الدنية وشوفة عينك رايدهة بلحلال وكل الي اكدر علي سويتة ماريد اسوي شي غلط اندم علي اهديني لطريق الي بي منفعتي واهدي اهلهة علية

ضليت يومين افكر حتة من لبيت ماطلعت هووواي افكار اجت ببالي بس فكرة انو اعوف سلوى لو اتخلة عنهة ابد مامرت ببالي يوم
افكر اموت روحي بيدي ولا افكر اعوفهة لان الموت عندي اهون بهواي

لحد ماقررت ارجع اخطبهة للمرة لسابعة بس هلمرة وحدي بما انو درو بية اني الي تحبني ولكفهة مصلح وياي قررت اروح واحجي بلتي هي احسن ولوبلنجف لو بلهدف

جان يوم جمعة وابوهة بلبيت هوة وسرمد لبست وجن رايح لمحكمة لو اطلع برائة وافوز بسلوى لو انحكم بلاعدام هيج جان شعوري بلضبط
وبيني وبين نفسي قررت انو هاي اخر مرة اعتب بيت ابوهة واخذت علة نفسي وعد هاي اخر مرة انزل راسي واتوسلة اذا رضة هاذة المطلوب واذا مارضة مثل لعادة
راح ابتعد واشوف الله شيختارلنة واني كلي ثقة باختيار ربي

طلعت من بيتنة والخوف والارتباك يقرة عندي الف
هلمرة احساسي جان غيييير عن كلة مرة لان عرفو بية اني الي تحبني يعني الله وحدة يعرف شكد كارهيني وحاقدين علية

دكيت لباب ورجفة ايدي قلقتني حييل خفت لا اتلعثم وماادبرهة بس توكلت علةربي ولزمت كلبي
ايدي الي تهز زلم مشوربة ومحترفين اجانب اليوم حب سلوى هزهة وهز كلشي بية خوفا من ردة فعلهم

سمعت صوت احد جاي للباب واني اهدء بنفسي واتوسل بكلبي يركد ومايفضحني بدكاتة

نفتحت لباب وتلكتني ابتسامة ماكرة ساخرة كأنو يكلي اجيت برجليك والله جابك

سلام عليكم شلونك سرمد

اهلا اهلا بأبو النور الي صاين الجورة والعشرة صديق طفولتنة

كلماتة جانت طلقة نبتت بصدري وماجان كدامي غير انو اتجاهلهة واتضاهر الغباء واسوي نفسي مافهمت علي

مديتلة ايدي سلم علية وعصر اصابيعي حييل حسيتة ناوي يكسرهن

لمحت ابو طلع من لاستقبال هوة رأسا هدني وندار علي
تقرب يمي وسلم علية وكلي أمر خدمة

حسيتة طردني بس بنزاكة كتلة عندي كلمتين وياك اكدر اتفضل

كلي حياك تفضل

طبيت للأستقبال وسرمد عيونة علية ونضراتة تزيد قلقي وتوتوري

صدك علية ابوهة وكانه يكلي احجي ماعندي وقت لصفناتك

مالكيت غير هلكلمة ابدي بيهة

عمو اني ماا احب بتك اني احب تراب الكاع الي تمشي عليهة ورايدهة علة سنة الله ورسولة رايدهة حلالي وام بيتي ورايد اسعدهة واحطهة بعيني وبتك تحبني واعتقد انتة صار معلوم عدك هلشي

سرمد كام يضحك يستهزء بحجيي وابوهة عين علية وعين يخزر بيهة سرمد

عمو انتة ابو وربيت وكبرت واكيد تريد تشوف بتك سعيدة ومرتاحة واني اقسملك بلله وانبيائة اني اسعدهة ولو تطلب لمستحيل اكلهة لبيك واصونهة ولي علة لسانكم ولسانهة يجرالكم وزايد

طلعتك وياهة بمطعم بحدود المحافضة شتسمي

اعرف غلطت عمو وانتة هم جنت شاب مثلي واكيد تعرف لأنسان من يحب يكوم يتصرف بدون وعي وادراك ومرات تتحكم بي مشاعرة بس اني رجعت لعقلي وعرفت نفسي غلطان لهاذ لسبب دزيت اهلي وطلبتهة بتكم نعم التربية وماشفت منهة غير لاخلاق وخوف الله واذا وصلكم غير هلحجي فأني جتافاتي

للعباس

اشششش اسكككككت
هيج حلفان ماريد ينذكر ببيتي لقسم يكون بسم الله وبس بلله تلله والله غير هلشي يعتبر ككككفر

حاضر عمو يجرالك متسمع هيج شي ولا راح اناقشك بلعقيدة والمذهب لان موهاذ موضوعي ولا هاذ الي جاي علي واحنة اكبر من انو نختلف
نبينة واحد وربنة واحد
ونبينة جان يدعو للسلام والالفة والمحبة بين لاديان فما بالك اذا احنة دينة واحد ونبينة واحد

انتة شنو جاي تنطيني محاضرات بلدين وانتة ذاك ليوم جنت تسويهة علة روحك

لا عمو لعفو اني لا انطيك محاضرة ولا اتفلسف براسك بس كل ما بلموضوع الي ردت اوصلة الك مومعناهة مختلفين بلمذهب يعني ناس تكفر ناس وسلوى اذا اجت ببيتنة تبقة علة عقيدتهة ومذهبهة

الحجي جان هواي بس الي ستغربتة سرمد مافتح حلكة بكلمة حجيت لحد ماوكعت من لساني وذرة ردت اوكع علة علتة واعرف منة السبب لحقيقي بس كلعادة اجاني الرد ابرد من الثلج نفسة وهوة يكلي

انتة شلزكت متكلي كتلك البنية محجوزة ومحجي بيهة ليش تخلينة نخرب
ماطول لنفس بعدهة طيبة عليك تفضل عمي روك لبيتكم وسلملي علاهل

لميت ماتبقى من كرامتي الي تبعثرت واني احاول قدر المستطاع احصل سلوى بكل الوسائل بس كلشي فشل كدام قسوة كلب ابوهة وتفكيرة

طلعت من بيتهم واني عيني علة كل ركن بي واتذكر شلون جنت ادفع لباب واطب وهسة صرت اجي وانطرد
طلعت برة اباوع علباب والكامرات لان اعرف بسلوى هسة جاي تباوعلي بيهن

مشيت واني استذكر العهد الي قطعتة علة نفسي لان بعد مابقة بية كلشي يرضة بهلاهانة حتة جسمي كمت احسة يرفض يروح لبيتهة ويبطأ خطواتي لمن اوصل يمهة واني اعرف الرد بس شسوي بداخلي كلب عاشك يرفض يستسلم ويتخلة عن حبة

طبيت لغرفتي موجوع احس حتة لنفس يوجعني مالكيت روحي غير واني اطلع ورقة وقلم واكتب بيهة

سويت الي علية حبيبي وعذريني اذا قصرت بقيتهة يم ربج الي مايرضة بلضلم وكلي ثقة بي وبحكمة العادل اني بيتكم بعد ماعتبة هواي نزلت الراس علمودج وماندمان لا والله بس خايف الح اكثر وتتأذين انتي
يبعد العمر كلة امنتج عد ربي الي ماتضيع عندة لامانات واني علوعد يبعد عيون نوار وعلة حلفاني بأمير المؤمنين ماتطب غيرج بعرفتي مرة ولا المس غيرج

طبكتهة وتانيت اجة لصبح بليلتهة مانمت ابد ولازارني النوم لحضة
احس كلشي وية لدنية ضدي حتة عيوني عبالك بيهن ملح للصبح مانطبكن جفوني

صبح الصبح وهوة جايبلي اسوء ايام حياتي بدون كلشي اخذتت الورقة وطلعت دكيت لباب علة بيت اهل ايناس فتحتلي امهى سلمت ونطيتهة الورقة كتلهة خالة هاي امانة نطيهة لأيناس وكليلهة خل توصلهة السلوى من يصيرلهة مجال

رجعت لغرفتي وبقيت حبيس البيت 5 ايام حتة دوام مارحت لحد مااجاني علي بليل ضل يحجي علية ويلوم بسلوى لان هية لسبب جنت مثل القنبلة ونفجرت بوجه علي طلعت كل لوعتي وخنكة صدري ووجع كلبي بي
صيحت وصحيت وصيحت وحتة ضربتة
طلع بدون ميجاوبني ولا يحرك ساكن طبك لباب ورا واني المح ثوب امي جانت واكفة ورة لباب تخاف تطب كمت علة حيلي فتحت لباب لكيتهة تبجي وحاطة ايدهة علة حلكهة حابسة صوتهة جريت ايدهة وحضنتهة بس موحضنة احس مثل لدنبوس الي مر علة كل جروحي ولجمهن الية
يمة خسرتهة خسرتهة وللأبد
يمة خسرت روحي وحبيبة كلبي سلوتي حب طفولتي ومراهقتي وشبابي

اسم الله يمة لاتبجي انتة زلمة

وشنو يعني
يعني اموت من الوجع وماابجي حتة بهاي مالي حق عوفيني يمة عوفيني

طلعت وخلتني

مرت لايام والدقايق طويييلة حيل احس كل دقيقة تمر تاخذ من عافيتي عبالك اسرنجة وتسحب بروحي سحب كل يوم احس جسمي يفرغ شوية شوية
حنت فعلا اموت علبطيء وياسوئهة من موتة
امتحنت شهر ثاني ومستواي جان صففففر
بس لاساتذة جانو يعرفون مستواي من المتوسطة وعلي وفيان يكلولهم عندة ضروف صعبة ونفسيتة تعبانة وهلشي جان يخليهم ينجحوني مع انو هلشي ماجان يعنيلي ابد
علي جان كلش متعاطف وياي بس هوة ميعرف يعبر عن هلشي يضل يلومني ويحجي علية بس اني احس بي جان اكثر واحد مكسور علية ومتأذي وفيان كذلك بس كلشي مابيدهم حتة الكلمات الي يحجوهة حتة تداوي جروحي صارت ماتسوي شي بطل سحرهة علية وصرت ماتأثر بيهة ابد

جان يوم احد وجنت متمدد بغرفتي وعيني علسكف سمعت صوت رمي كلش قوي عبالي اكو شي طلعت من لبيت مخبوص ووضح صوت لرمي وين جان
ركضت علة فرعنة القديم منا جان مصدر لصوت طبيت وليتني ماطبيت
جانو واكفين كلهم والكشخة فووول السيارات احدث الموديلات
يرمون بحماس وفخر وهوة جان يرمي ببيكي سي
فرحانين اخذو سلوة روحي الي ربت على ايدي وحتة كامت تحلف بلعباس مثلي
بيومهة قرو فاتحتهة وقرو الفاتحة علة روحي الي بلحضتهة نرمت بطلقة من طلقاتهم
مااكدر اوصف شعوري لحضتهة حسيت نفسي ضعيف حييييل واني اشوفهم يزوجون حبيبتي كدام عيني وواكف اتفرج عاجز
لميت دموع تطشرن من عيوني غصب
ورجعت لبيتنة مهزوز مكسور موجوع مجروح
وااااااخ ياجرحي شيطيبك الك الله يكلبي

احس حتة لهوة من يدخل بريتي يجرحني
اووووف يا سلوتي سلميلي علة روحج وكليلهة نوار جان يتمنة يطو

ل الشمس ويحطهة بيدج
بس شسوي الوكتي وابوج الي وكف عثرة بطريقنة حسبي الله علي جان السبب

مرت مدة موطويلة وسلوة جانت توصلي اخبارهة يوم عن يوم جانت تذبل وعلة طول مريضة لتلفونات نسحبن منهة هية ورنى من يوم المشية وابوهة صاير اقسة واقسة من قبل

اجت عطلة البكلورية جنت مكمل بس دخلت بقرار وهم ماجان يعنيلي ابد ولا يهمني ادخل اوما ادخل

كلشي جان بحياتي يهمني
صار اصلا مايعنيلي ولا يهز شعرة مني لان الي خسرتة كون بكبرة
اي شي ممكن يصير مو اسوء من الي صاير بية
جنت من برة هادء حيييل مثل هدوء ماقبل العاصفة بس داخلي جانت براكين تغلي
حنت انزف وبليوم اموت بدل المرة الف

لحد ما حددو يوم عرسهة الي هوة بنفس اليوم تعقد ابوهة هيج جان رايد يكللهة متستاهلين خساير ويرحون ويرجعون يومية
لان دافعت عن حبهة كام يكرهة كره العمة وحتة رنى هم كرهة لان توكف بوجهة وتدافع لاختهة

اكثر من مرة تتصل بية من تلفون ايناس وتحاول تقنعني انو نشرد اني وسلوى واعقد عليهة واتزوجهة غصب عن اهلهة
صح اني عمري 20 سنة بس لحمد لله تفكيري عقلاني فكرت بأهلي واعرف ابوهة صاحب مشاكل وراح يشويهة عشاير واهلي يوكعون بيهة وموبعيدة عن طريق واسطاتة ومعارفة راح يندلنة بسهولة ويوصللنة ذيج الساعة الله لعالم شنو ممكن يصير
كل هاذ اجة ببالي من غير خوفي علة سلوى وسمعتهة رفضت وكلت لرنى الي ربي ماكاتبة الي ميصير بلغصب انتضر رحمة ربي وحكمة العادل

لحد ما بليل دك تلفوني جنت نايم علة بطتي ووجهي علمخدة
كلعادة انطي رفض بدون حتة مااشوف منو متصل
بس لاتصال تكرر مرة وثنين وعشرة ساعتهة عرفت انو المتصل لا علي ولا فيان رديت والنومة بعيني جانت ساعة 2 بليل

كلت الو وجان تطلع....

[ملكةه]

#بارت...29


دك تلفوني
رديت وجان تطلع امهة جانت تحجي بسرعة وصوتهة يكطع ومامفهوم نص الكلمات مافهمتهن بس عرفت منهة هية بلمستشفى
طفرت من فراشي لبست هدومي وطلعت بدون محد يدري بية لان اكيد متدك علية الا علمود سلوى
غير سلوى مابينة شي حتة لجورة ولعشرة راحت

كوة حصلتلي تكسي وصلت يم المستشفى دكيت عليهة اريد اكللهة وينج شفتهة واكفة برة بلحديقة وتلوحلي بيدهة
حجابهة جان مخربط وحتة جبتهة
عرفت اكو شي رحتلهة ركض واحس حيلي باد وصلت يمهة اتنفس بصعوبة
جانت تبجي بغزارة
ها خالة خير شكو

سلوى نوار سلوى

شبيهة خالة هبطتي كلبي احجي

شفتهة تلهث وكلمة ولثانية تبجي وضعهة جان يرثى له ركضت جبتلهة مي من الكشك
شربت وغسلت كعدتهة علة مصطبة واني كل حيل مابقة بية وعيني عليهة متانيهة تحجي

سلوى نوار سلوى ابوهة صكطهة

شنووو وو و ليييييش كمت بدون وعي اريد اطب جوة

اسمعني خالة هسة هية نايمة جانت فاقدة كلش مساع يلله فتحت عيونهة وكامت تتوجع نطوهة ابرة ونامت

خالة احجي ممشي عليج زينب مو كلبي راح يوكف

كلة منهة هية تعاند وجابتهة لروحهة
لبارحة ابوهة طب يكفر وكلب لبيت بلصياح يكلي مصلح يكول سلوى غلطانة وية واحد ولهاذ لسبب متريد تتزوجني وعلساس مخابرتة تتوسل بي وكاياتلة الله يخليك استر علية وشهرين وطلكني

خرررررررب
ضربت لمصطبة حيييل فقدت كسرت خشبتين من عدهة
امهة لزمتني وكامت تبجي تكلي كافي ابوس ايدك خالة كافي علينة ابوهة هسة حرك لبيت على روسنة

لازم ايدي الي احس نار تطلع منهة وكتلهة كملي شصار

اي خالة طب هوة وكللهة عكب باجر يجي مصلح يعقد عليج وياخذج
وهية تخبلت كامت تلطم وتبجي ورنى مدة السان شطولة خلن الرجال تسودن وكام ميشوف دربة

ركضت هية علة براميل نفط بلصطح ذبت علة روحهة ونزلت ناكعة تريد تاخذ جداحة من المبخ لزمناهة اني ورنى وهية تماطل بينة تريد تاخذ الجداحة من ادينة سمعو ابوهة وسرمد
اجة ابوهة متخبل كللهة معناهة فعلا حجي مصلح مصخمة وجوهنة وتردين تموتين روحج هية لغبرة كلتلة اي اني غلطانة وية نوار زوجوني الة وكلو لمصلح لجبان سلوى غلطانة وية ابن جوارينة

هية كالت هيج وهمة واحد لزمهة من شعرهة ووكعلهة لطخ بلحايط ولثاني سحلنة اني ورنى وطلعنة من المطبخ وقفلو لباب شسوو بيهة ماندري بس صياحهة وصراخهة ماوكف ابد لحد ماطلعو ثنينهم طبينة لكيناهة جثة ولمطبخ مفلش فوكاهة

اكثر من ساعة هية بلكاع وابوهة حلف يمين علية اذا اجيبهة للمستشفى يطلكني بلثلاث واني الوب لحد مانامو وجبتهة شوفة عينك

هية ماثمنت كلامهة وجفصت بلعرض وهمة اصلا شاكين بيهة ومصلح حاطلهم علامة اكس عليهة وغاسل دماغهم من ناحيتهة

امهة تحجي وتبجي جانت منهارة تماما بحيث الكلمة جانت تطلع من حلكهة متقطعة بين حرف وحرف جان اكو شهكة

دنكت راسي احسة ثكل من الي سمعتة اوووووف يا سلوى ليش هيج تسوين بروحج
رفعت راسي شفت رنى نزلت من تكسي لوحدهة واجت علينة امهة كامت علة حيلهة تلكتهة تصيح عليهة بس رنى جانت فايرة عافتهة واجت علية جان تكلي

نوار اذا متاخذ سلوى هسة معناهة انتة صدك مورجال ولك شمتاننييييييي كلي شمتاني يكتلوهة الك يلله ترتاح

رنى نصي صوتج منا عالم

من خررررة بلعالم هوة شطيح حضنة غير العالم شو دوخررررر

دفعتني بجتفي وراحت

ماانكر للحضة ردت اسويهة واخطف سلوى واروح بس ادري بأبوهة قبل مانخطي ونعبر الكوفة راح يلكانة
والزلم الي شفتهم همة وسياراتهم وسلاحهم كلة اجة كبالي وتخيلتهم يهجمون علة اهلي ويرموهم تعوذت من الشيطان وبعدت هلفكرة عني

اجت امهة يمي كتلهة اريد اطب اشوفهة

اوكف خالة اني ماجبتك حتة تشوفهة اني اريد احجي وياك اوريدك تسمعني فدوة خالة اذا صدك تحب سلوى اسمعني

تفضلي خالة احجي

نوار ابوهة حلف اذا متاخذ مصلح يكتلهة خالة وهية ماترضة تكسر الشر وتاخذة
وهوة متخبل يكلي اكيد غلطانة وية واحد ولو تموت مازوجهة الة لواعرف اذبحهة

وهوة الك ماينطيهة صدكني لو بعد ميت سنة رجلي واعرف تفكيرة وحتة لو هوة قبل عمامهة يكلبون الدنية

واني شنو المطلوب مني خالة

اريدك تحاجيهة فدوة خالاتي كللهة قبلي بمصلح واني اسامحج وانساج فدوة خالة اذا تحبهة سوي هيج والله ابوهة ناويلهة علة شر وحلف يمين لو تاخذ مصلح لو يكتلهة
بعد خالتك فدوة نوار ابوس ايدك كلله ماريدج كللهة اريد اخطب كرايبي اي شي بس خل تقتنع فدوة خالة ابوس ايدك

جرت ايدي تبوسهة

استخفر الله خالة

اوووووف ليش هيج ليش والله ردتهة بلحلال اي قابل رايد انهبهة وهيج كارهيني

كمت من يمهة تمشيت شوية احس لهوة يحشر بزردومي مايرضة ينزل شعور ماتمنا لعدوي كل ذكرياتي وياهة اجن كبالي من يوم كعدو يمنة غيرت حياتي كلهة وهاي جانت اخر لمسة الم ضافتهة الي

طبيت جوة واني ليأس مخيم علية
يعني 7 مرات خطبتهة وابوهة قافل خل تتزوج وخل ينتهي هلوضع اني تأذيت وهية هم راح تموت
يجوز ز

واجهة بي صالح النة ماطول هلشي ختيار الله اني راضي بحكم ربي واعرف كلشي يسوي بمصلحتنة بس كلبي موراضي يقنع ااااااخ يعينك الله يكلبي

طبيت ليجوة لكيت رنى كاعدة ومتضايقة شافتني دارت وجهة مني
طبيت للغرفة المستشفى جانت اهلية والكل نايم وهادئة

دكيت لباب علة كيف وطبيت جوة لكيتهة نايمة كعدت يمهة اريد الزم ايدهة ومتردد ماريد اعلقهة بية اكثر

لمست ايدهة جان تفتح عيونهة حلكهة جان مورم ووجهة كلة زراك وعينهة مطفية
باوعتلي وبتسمت ابتسامة يائسة

لزمت ايدهة بستهة وشميتهة حييييل كتلهة سلوى حبيبي هاذة ماعرف غيرج حبيبة
وتشهد علية اليالي الي كضيتهة ابجي من هملتيني ومن تمرضتي ومن سافرتي ونقطعت اخبارج وووو
عمري ماجنت حاط بحياتي احتمال ثاني
لوسلوى لوسلوى
هيج وية النفس جنت اشتمج
ولو عرفت واحد مأذيج بوووووية الله بكبرة ميخلصة مني لومو علي
خطبتج وتوسلت والله حبيبي هوااااي علمودج وابوج جان يتفنن بعذابي وبذلي حيييل نزلت لراس علمودج والله سلوى
وماندمان لا والله حشة كلشي سويتة بأسمج عمري ماندمت علي
بس شوفت عينج حبيبي ابوج مايرضة بية لو اعلكلة العشرة شمع ومصلح يحبج صدكي وكل الي يسوي حتة يحصلج
وان جان هددج هوة ميعرف يعبر عن حبة الج يجوز يحبج اكثر مني لان بعد كل هلرفض وهوة رايدج

اني احجي وهية تباوعلي وتبجي ماابدت اي ردة فعل غير الدموع
واني متت اي متت كاعد اقنع بحبيبتي حتة تاخذ غيري شعور مجرد ان اتذكرة تنزل دموعي قسما بلله مااتمنا لعدوي الله ليحط بشر بمكاني عشت لحضات اصعب من الموت نفسة
شما احجي ماراح اوصف احساسي ولا راح يحس بية بشر

سلوى حبيبي سمعيني ...تبجي وتضحك بيأس وحزن

تزوجي حبيبي وخلفي جيبي وليد سمي نوار

عليج الله سلوى سولفيلة عني

كليلة جان يتمنة يكونلك ابو

تبحي وتهزلي راسهة وضحكة لحزن وليأس احسهة تذبح بكلبي

اي حبيبي لتبجين ضحكي الحب موكلشي بلحياة عادي تتزوجين وتخلفين وتنسيني بس اني حالف مااكدر انساج عذريني

حبيبي تزوجي وعيشي حياتج واني باريج الذمة من كلب ولسان والله سلوى
كل صورج امسحهن واسمج ماجيبة علة لساني ابد ولا بيوم اجيب سيرتج ولا اكول جنت اعرفهة

امني ورتاحي سلوى اني موجبير بخت واحلف بأمير المؤمنين جذب ماتطب غيرج غرفتي ولا بحياتي المس غيرج
بس حبيبي انتي ليش لابسة اسود

على خالتك ام فاتن موهية خالتك يعني خالتي

ماكدرت بعد عفتهة وطلعت بلحديقة بجيت بجي بس الله يدري بي
رجعت للبيت حطام نوار
بقايا نوار
عدة فترة بس احسهة قرن سلوى تحسنت واجت يمهم خالتهة
جنت شبح جثة بلاية روح احس ماتت بية كل مشاعر صرت مجرد من كلشي حتة من لعافية صفيت اني والماكو سوة
لشارع نسيتة علي وفيان يجون يبجون يمي ويرحون ورنى لساهة تحاول وياي تكلي شردو

كتاب لساني مافاتح والوم اكل كلبي اكل
اجت متحاناتي ومتحنة شنو جنت اكتب ماادري يمكن كتبت اسمهة كتبت ذكرياتنة كتبت شكد احبهة شكد موجوع عليهة وعلة فراكهة
كتبت من دم كلبي
حبيتهة ومافكرت بسالفة المذهب والطائفة لان احنة الشيعة ماعدنة هيج ابد خالتي ام احمد زوجهة سني يعني ماتصورت همة ياخذون من عدنة عادي بس ماينطونة
مافكرت ودفعت الثمن غالي كلش
حددو عرسهة يوم خميس
هنا بديت اكتب قصة عذابي واتفنن بكتابتهة تمنيت الله ياخذ هلروح ويخلصني
تمنيت القدر يتدخل ويرحم واحد بينة بس عذابي وعذابهة محد حط الة حد

سلوى: اجت خالتي وجانت تحاول تهديني وتخليني اتقبل هلشي بس محد يدري الموت اتقبلة اسهل عندي من انو اتقبل مصلح
مصلح الي طعن بشرفي وسواني موزينة وطلع هوة الشريف الي راح يستر علية

جابولي بدلة بيضة من شفتهة شفت موتي
شفتهة جفن موبدلة عرس
بس مابليد حيلة سرمد حتة سلاحة محضرة جان يطب ويطلع يكلي فكري تفتحين حلكج وترفضين مثل ذيج المرة وشوفي ساعتهة شلون اطشر مخج بهاذ

رحنة للصالون ودانة فيان بسيارة ابو
بابا كال حتة تخابرو ويرجعكم ونطة رقمة لخالتي
نزلنة اني وخالتي سوولي مكياج وكلسا ابجي واخربة حتة ام لصالون عصبت علية
كملنة وطلعت حلوة بس مو لنوار
خابرنة فيان يجينة طلعت من الصالون امشي بصعوبة وخالتي تلم ببدلتي جاي اصعد بلسيارة جاان ..

رغم غيابها عني
أتأمل حضورها المعدوم
هل ستأتي !
لترى الشوق الذي أتعبني
في بُعدها عني
يكفي إلا تسمع صدى أنيني
تذكري ماذا كان بيني وبينكِ

كُنتِ ولا زلتِ طفلتي التي أحببتُها منذُ الصغر

أشياء مزقت قلبي
متاهات أخذت بي لمحطات اليأس والفراق
أُريد إن أحتضنكِ
قيدني حُبكِ و لا زال قلبي ينتظر
رغم الألم و الجروح التي لم تُفارقنا أنا وأنتِ

أُصبنا بتلكَ الأوجاع
تعايشنا في محطات الضياع

و النهايه لا نُريدها تُختتم بالوداع

[ملكةه]

#بارت...30والاخير


جان اشوف نوار واكف يم السيارة رأسا رفعت البركع
وجهة جان يخوف جوة عيونة كلة سواد علة زراك وشفتة بيضة ووجهة شاحب حييل عبالك شخص مريض
شنو حسيت وقتهة مااعرف اوصف
ولا بعمري كدرت افرزن هاي المشاعر
كل الي اكدر اكولة احساسي جان مثل احساس الشخص من الي يفقد اهلة كلهم بيوم واحد
ويبقة شبه عايش لا هوة الميت وخلصان من الحزن والشوك ولا هوة العايش عيشة طبيعية

ضليت مدنكة مالي عين ارفعهة واباوع بوجهة
نزل لبركع على وجهي حييل
ندار على خالتي وكللهة غير تسترين وجهة متشوفينهة شلون مكشفة

باوع علية ونزلت دموعة واني دموعي ماوكفن جان يكلي
اسف بعد مومن حقي احاسبج
راح تخلصين من مضايقياني وتكومين تلبسين براحتج عذريني اذا جنت مأذيج بس يشهد علية ابو فاضل من خوفي وحرصي عليج
تالي تعبي راح لمصلح
اووووووف ياعشك الزغر
سلوى هايم بيج والله هايم
روحي ومحوللة وموهوبة وربي يسعدج ويهنيج وانشاء الله يطلع ابن حلال ويصونج
انسيني عليج امير المؤمنين حتة تكدرين تتعايشين ويا
واني عذريني مااكدر انساج تدرين بية حالف
حبيبي طمأني والله ماجيب سيرتج بيوم ولا اكول جنت اعرفهة قبل
وكل صورج مسحتهن

سلوى اليوم ارنبج كلش مريض عفتة شبه ميت

دنكت وكامت تبجي حييل وخالتهة تكلي كافي عوفعة كافي عليهة الي بلبيت

لزمت جتفهة وادية يرجفن
سلوتي ادري بيج خايفة من عدة واني هم والله ميت خوف عليج ومادخل بزردومي غير الماي وليلي مانامة

ضليت مدنكة وابجي
تقرب يمي حييل
جان يهمس بصوت مسموع

عليج الابيض يلوك
وعلة شفافج الحمرة توزع الوان
اليوم غيري يسولف وياج
واني وية الحزن والدمعة صحبان
الله وياج تتهنين ياريت
واشوفنج سعيدة واحلة عرسان
بس خايف عليج بيوم تنسين ويسألونج علية شجان ماجان
كلش خايف تكولين لا والله نسيت وناسية فلان

كالهة و ندار بسرعة ومشة
ضليت جامدة بمكاني وعيوني تراقب خطواتة وهوة يبتعد عني وللأبد

تمنيت وكتهة يصير بينة حادث واخلص
تمنيت مصلح النذل يموت وهوة بلطريق
تمنيت الله يلتفتلي وينزع هلروح مني وينهي عذابي
تمنيت وتمنيت
بس كلشي ماصار
وصلنة للبيت لا ضل مكياج علة وجهي لا ضلت تسريحة لكل تحجي
كافي لتبجين
خرب مكياجج
على شنو رايحة للصالون لعد

بس ماجنت اسمع كلشي
جنت كاعدة بسينما وتنعرض كدام عيني كل ذكرياتنة بحلوهة ومرهة
نوار يانور عيني الله لايوفقهم وانشاء الله تطلع حوبة كلوبنة بيهم

رنى:طبت سلوى للبيت ماجان اكو احد بس بيبيتي وامي وخالتي وبابا وسرمد طالعين راح يتلكون الزفة لان شايلين سلاح كوومة والصيطرة موكفتهم

ماجان اكو اي بوادر عرس بابا كال عزمو بس اني وكفت بوجهة وكتلة علة شنو تعزم علة موت سلوى عوفهة خل تشبع بجي براحتهة اننتة تريد تجيب لناس تشمتهة بينة

جنت لابسة دشداشة وعيوني راحن من البجي وبيبي وامي كلما يحجن اعيط بيهن كلبت البيت علة روسهن ودعيت عليهم دعاوي اشكال
وكدامهم جنت احجي
جنت مفرفحة علة نوار وسلوى
قصة حب ولا بلاحلام وتنتهي هيج نهاية حتة الله مايرضاهى
يمكن لو اي واحد غير نوار ماجان نقهرت هيج
بس نوار يختلف
رجال بكل مااكو بهاي الكلمة من معاني
شهم وسبع واخو خيتة
خلوق ويخاف ربة ولة لو واحد غيرة جان خطفهة وكسر خشومهم بس هوة رزن وعاقل ندعيتلة من كل كلبي الله يدزلة بت الحلال الي تسعدة وتنسي سلوى

كعدت سلوى وكابلتهة بلدشداشة ابجي
واي واحد يحجي لو يكللهة بطلي بجي جنت اطلع كل حركتي بي

الله اكبر علة روسكم حتة البجي حرام
ولكم ذبحتوهة وتكلولهة لاتبجين

ولج رنوة ام لسان عش ماتكضبين لسانج

سكتي بيبي سكتي
انتي لجبيرة العاقلة المتدينة بركة البيت ماعرغتي تدخلين تحجيلج كلمة حق تحاجين ابنج تكليلة حرام هاي عقوبتهة النار تحاجين ذاك العار الصكط مصلح تكليلة خلي عدك ذرة كرامة وعوفهة لو بس حاضرة تكليلهة لا تبجين
الله لايوفقكم انشاء الله

خابرنة بابا كال حضرو الضيافة شغلة نص ساعة ونوصل

صاحتني سلوى كلتلي اريد اطب لغرفة ماما البس ستريج خاف يطلعن رجلية من يشيلون بدلتي

كتلهة يلله كومي طببتهة للغرفة جان تكلي طلعي اني ابدل واصيحج

ولج شنو تستحين مني عوبة اني البسج كعدي علجرباية

طلعي رنى داكلح طلعي اني البس

طلعت طلعت بس لتصيحين

طلعت برة سمعت صوت المفتاح تقفل بلباب

تقريب ربع ساعة وجان نسمع صوت

نوار: عفتهة ورجعت موجووووع حيل
مرت علية لحضات جنت انازع الموت بيهن
قسما بلله بهلحضات جنت اطلب الهوة من الله طلبة احس لهوة موراضي يدخل زردومي
لحضات اصعب من كل لحضات عمري
متاني الزفة تجي وتاخذ حبيبيتي
ووراهة مادري شنو ممكن يصير جنت اتأمل من تروح زفتهة اموت
دعيت هواي الله ينهي عذابي وياخذ امانتة
جنت كاعد بغرفتي وراسي بين رجلية ولدموع خطن علة وجناتي اثر

دك تلفوني مدري ليش بهلضحة لزمتة مع انو طول هلمدة الفاتت يدك يدك وماجنت ارد

ولا حتة اشوف منو المتصل

وية مالزمتة صديت علة ارنب سلوى جنت خالة يمي بقفص لان مريض
فجأة سكت وسلمهة عرفتة مات
باوعت رقم غريب
كلت الو واجاني صوتهة مثل التيزاب وندار علة كلبي جانت تشهك وبصعوبة يطلع صوتهة
هنا اني نتهيت ردت صوتي يعيني حتة اكول الالو ماكو

نوار اني احبك

كالتهة ونسد التلفون
بعدني لازم التلفون بيدي و كاعد سمعت صوت طلقة ثارت وصوتهة جان قريب علينة
احس كلبي نخمش طلعت وكل ضني اجت زفتهة مشيت من بيتنة حافي اجر خطوات متعوبة احس حتة رجلية معانداتني طبيت لفرعهة ومابقة بية كل حيل خطواتي جانت رتيبة كلش وبطيئة مثل الالي جنت امشي وكفت بباب فرعهم جنت اسمع صوت صياح دقايق وطلع ابو فيان شايل سلوى بيدة جانت بدلتهة لونهة احمر من منطقة بطنهة
وكفت الدنية عدي احس جن واحد شالني للسمة وهبدني بلكاع

رنى: شوية وسمعنة صوت طلقة رجت لمكان رج
حاولت ادفع لباب جان مقغول وامي اغمة عليهة وبيبيتي وخالتي يصرخن
ركضت بدون حجاب وبدون نعال دكيت لباب علة بيت فيان طلعلي ابوهم مادري شنو حجيت وكتهة
جبتة وطببتة دفع لباب كسرة وطبينة لكينة سلوى بلكاع وبصفهة تلفون ماما الي من لصبح ندور علي ولمسدس مال بابا بصف ايدهة ومنطقة بطنهة كلهة دم
اني شفتهة وكمت اصرخ كل قوتي شالهة ابو فيان واني طلعت ورا بدون وعي شكيت ثوبي وملخت شعري

ركضت اخذتهة من ايدة وهوة راح جاب سيارتة صعدت ليورة ومنومهة بحضني ورنى صعدت كدام وصراخهة جان مرعب

وعلي وفيان ورانة بتكسي

سلوى بحضني واني ابوس بديهة واعاتب بيهة ليش حبيبي هيج سويتي بروحج موتدرين روحي معلكة بيج
كتلج كوني بخير لخاطري عيشي حتة اني اكدر اعيش
وصلنة للمستشفى وسلوى جانت فاقدة
نزلناهة علسدية ونركض بيهة لدكتور بلة ميشوفهة كللنة كبل للعمليات
ندفع بيهة واني طول الطريق لازم ايدهة واكللهة سلوى عيشي لخاطري سلوى لاتموتين ابوس ايدج
وصلنة لطابق لعمليات بعدنة بلممر اجة دكتور يركض قاس نبضهة وباوعلنة بنضرة يأس
رفع ايدهة وكال فقدناهة البقاء في حياتكم

تهسترت نتهيت كمت اصرخ بدون وعي
ليش يسلوة روحي ليش يبت كلبي ولج ليييييييييييييييش

اخر شي شفتة رجلين فيان
حسيت راسي نلطح علكاشي مال المستشفى ووراهة ماحسيت علة شي

فتحت عيوني بصعوبة
اني نايم علة سدية بلمستشفى اشوف بس موواضح
امي وفيان وعلي وخالي محمد وخالتي رضية كلهم جانو يمي من شافوني صحيت
كامولي يبوسون بدية وراسي وامي تبجي وعلي وفيان عيونهم حمر
باوعت علة علي كتلة يعني صدك اني ماجنت احلم
دنك راسة يبجي وجسمة كلة يختض
شمرت لجرجف وكمت علة حيلي
يعني راحت يعني دفنوووووهة
يعني دفنو سلوتي
دفنو بنيتي الي ربيتهة علة ايدي
باوعت علة علي يبجي وبهز راسة بيأس كلتة علي كوم وديني لكبرهة وامي تخبلت تتوسل بية تكلي اكعد يمة صير زين وروحلهة
لزمهة خالي محمد واشر لعلي كلة اخذة
اخذوني هوة وفيان
نزلت من لسيارة ورحت للكبر كوة امشي
وصلت يمة جان عبارة عن كومة تراب
ولج سلوى ولج سلوى ليييييييييييييييييييييش
ولج حبيبي ليش هيج سويتي بية وبروحج
ولج كتلج تزوجي وعيشي ونسينيييييييييييي
كتلج باريج الذمة من كلب ولسااااااااااااااان
كتلج خلفي وسمي علة اسمي ولج لييييييييش كتلتيني ولج ليش
ولج سلوى ردي ردي
رديلي ابوس ايدج سلوى رديييييييييييييييي
ولج فلوس نيشانج ذنيج وينهن ضامة ولج ليش يبعد عيون نوار
كومي كومي وياي خل نتزوج علة عنادهم
ولج اني صوجي
صوجي ماخذتج ونهزمتتتتتتتتت
اني نذل وحقير اني ضحيت بيج وخليتج ترحين من ادية
بس والله جنت خايف عليج وعلة سمعتج

هسة شنو
هسة شنو راح تنامين هنااااااااااااا
ولج كومي كوميييييي الكبر مو الج
انتي عروسة انتي مولابسة بدلتج كومي خل نشرد سلوى كوووووووووووومي
ولج الله مشتاقلج واللللللللللللللله
ولج ليلي مانامة والله من حددو عرسج لليوم ليلي مانامة
ولج سلوى حاجيني ولج كومي ام ضحكة الحلوة كوووووووووووووووومي

علي: جان يبجي ويصرخ بطريقة مفجعة
واني وفيان كاعدين يمة نبجي علة بجية اصلا صحتة ماجانت تمام ولدكتور كال ضغطة كللش هابط وهلشي ابد موزين علي بعمرة
تقربت يمة حضنتة حسيتة مات بين ادية

كافي نوار كافي جاي تأذيهة هيج
غربت الدنية كوم خلي نروح

هد روحة مني وتمدد بصف الكبر وكلي انتو روحو اني ابات

كوم نوار شنو هاذ الحجي تعوذ من الشيطان وكوم يخوي مايجوز تسوي هيج

انتة شنو ماتفهم كتلك انام هنا
ولك سلوى تخاف لوحدهة
سلوى تخاف من الضلمة ابات هنا يمهة اخفف عليهة وحشة روحي وروحهة
عوفوني بهمي وروحو روحوووو

تمددت يم لقبر وكتلهة حبيبي امني وطمأني اني اليلة يمج شلون اعوفج باول يوم الج بلكبر
هسة ضلمة يمج مووو
سولفيلي حبيبي شجاي تشوفين جوة وشنو جاي يصير وياج احجيلي خل اشاركج بوجعج حجيلي

ضليت اسولف وياهة لحد ماطر الفجر وهوة جايبلي يوم اسود وكئيب
من كد مابجيت احس جفني ثكل وبعد مااكدر افتحة غمضت عيوني اريد وجع كلبي يسكن حسيت فيان غطاني بشي
حضنت كومة الت

راب وممد بصفهة لحد ما سمعت صوت امي من بعيد تبجي

ولك يمة سودة بوجهي يبعد امك

تقربت يمي شالت راسي من التراب حطتة بحضنهة وضلت تمسح علي وتقرة ايات

كوة شالوني من كبرهة ورجعوني للبيت

مرن علية 3 اسابيع اسوء ايام حياتي شفتهن بهلاسابيع
فيان وعلي يمي يباوتون
3 اسابيع مازارني النوم لحضة ولا غمضت عيني افتر بلبيت مثل الفاكدة ضنة
ساعة ابحي ساعة اضحك ساعة اصرخ ساعة الطم
وليلية اني يمهة بلمكبرة اضل ابجي لحد ماكوة يشيلوني فيان وعلي شيل ويرجعوني للبيت
ارجع اكابل لارانب وابجي افرفح
لحد ماكامو يحطولي منوم بلاكل يلله كمت اناملي ساعة لو ثنين
هيج بساع بساع سلوى تروح من ادية
وين جانت مضمومتلك نوار
تحسرت علة كل لحضة كلتلي بيهة رنى شردو وماشردت
ابوهة وسرمد من جاين للمستشفى طالبين يسولهة تحليل الطب الشرعي
وسوو واثبت انهة طاهرة
ورة لفاتحة اهلهة شالو رجعو للفلوجة ونقطعت اخبارهم عنة
ورة شهر ستلمنة لنتايج كلنة ناجحين حتة ايناس
معدلي 88 بس ماكو فرحة كلش
رفضت اداوم وماقدمت وعلي وفيان هم اجلو لسنة وماقدمو وحتة ايناس هم اجلت

عدت سنة كاملة واني يومية يمهة
بلشتة بلصيف بلمطر بلعيد بلحزن بلفرح بلمناسبات مامر علية يوم مارحت بي لكبرهة واكعد اعاتبهة وابجي لحد مااخوة
عافتني للهموم وراحت
عافتني احضن بصورهة وابجي ليلية عليهة
عافتني موجوع وكل دوة مالي
عافتني جسد ولروح يمهة
علي وفيان ابد ماعافوني
دخلت مستشفى اكثر من مرة وابقة بلاشهر بلقسم النفسي
جنت من ابجي عليهة اوصل مرحلة افقد وائذي نفسي

اهلي واصدقائي كتلو نفسهم رادوني بس ارجع نوار لقديم
بس شلون ارجع واني روحي نسلبت مني
شلون اضحك وسلوى جوة لتراب

بدة الدوام وهم جنت ماناوي اداوم بس علي وفيان كلولي اذا متداوم احنة هم منداوم نقهرت عليهم ضيعو سنة من عمرهم علمودي
راحو قدمولنة كلنة نفس الاستمارة حتة ايناس هم
واحنة معدلاتنة جانت متقاربة
اني 88
ايناس 86
فيان 85
وعلي 82
قدمولنة وطلعت القبولات نفس الشي كلنة هندسة مدني
داومت وماكو كل فرحة جنت جثة بلاية روح
جنت جسم خالييي من كلشي
مجرد جسم لا اكثر
لشباب فرحانين الي يكبل والي يصادق واني اعاين علبنات وابجي
سلوتي لوباقية جان هسة وردة مفتحة مثلهن
وعدن 4 سنين الكلية واني الدمعة مافاركت عيني لحضة ومامر علية يوم مازرت بي سلوى حتة واني مريض
الكل بلجامعة صار يعرف سلوى
صار لقبي ابو سلوى
الكل يتعاطف وياي
باخر سنة فيان وايناس نخطبو فرحتلهم بس ماحضرت العرس
ماكدرت موبيدي
كلما يصير عرس ينعاد الحادث كلة كدامي
وارجع اشوف سلوى ببدلتهة مدماية
وارجع اشوفهة تلفض اخر انفاسهة بين ادية
وتخرجت وصرت مهندس بس سلوى ماكو
حفلة تخرجي جانت غييير لان سلوى مابيهة
دخوليتي جانت غير عن الكل
صاح المنضم يتفضل الطالب نوار ابو سلوى
دخلت وبيدي بدلة عرسهة الكلهة دم
واني اتذكر رنى من رادو يشيلون اجتني للببيت وجهة جان يخوف وحالهة مواحسن من حالي
لازمة البدلة بيدهة شمرتهة علية وكلتلي هسة رتاحيت نوار
شكد كتلك اشردو اشردو
بس ااااااخ من عنادك حضنتني حييييل
شميت ريحة سلوى بيهة بجت وبجيت
هدتني ودموعهة يجرن وكلتلي لاتنساهة فضلت الموت على انو يلمسهة غيرك لاتنساهة نوار
اني رايحة ومااعتقد بعد اكدر ازورهة من تروح سلملي عليهة وكللهة رنى تكول والله شتاقيتلج والله غرفتي وحشة بدونج

طبيت حاضن البدلة ومن شافومي الطلاب كلهم فتهمو
وصلت بنص القاعة كعدت بلكاع وحاضن بدلتهة وابجي كل صوتي
تقربو علية زملائي وزميلاتي كعدو بلكاع ويبجون يمي صارت موحفلة تخرج صارت مأتم سلوى

طلعت من الحفلة ببدلة التخرج ركبت سيارة ورحتلهة للكبر
ذبيت روحي علي وكتلهة
سلوى شوفيني حبيبي صرت مهندس موجنتي تكولين اريدك تصير مهندس حتة من اروح مكان يكولون اجت مرة لمهندس
هاي اني صرت مهندس علمودج
ولج سلوى ماكافيج فراك
ولج بعدج محد كلي احبك
ولج سلوى كلهة ملتني بكد ماانوح عليج
ولج حبيبي ترابات النجف بعدج سكنتهة
حتة الكبور حنت علية وعلة بجاي
ولج مارايد شي بس شوفتج مارايد غيرهة
ولج فاكدج سلوى والله فااااااكدج

وعدت 7 سنوات علة فراك سلوى
بعدني اسهر ليلي ابجي عليهة واتذكر مخابراتنة
بعدني يومية يم كبرهة ومابطلت هلعادة ابد
بعدني اطلع صورتهة وابجي



كمت مااحجي ولا اشكي
لان كلهة ملتني كد مابجيت عليهة ونحت
صار عدي ضعف درجتين من البجي والسهر
عشت ليالي بس الله يعلم بيهة
تشهد علية حيطان غرفتي شكد بجيت علة سلوى ونحت

سبع سنوات مافاركت خيالي لحضة
وشلون انساهة وهية سنين عمري خطتهن بديهة
وشلون انساهة واني حياتي كلهة تتمحور عليهة
جانتلي عافية ومن فاركتني ضليت عليل

علي صارو عندة 2 ولد
وفيان مرتة حامل بتوم ولد وبنية ومقرر يسميهم نوار وسلوى
وخالتي رضية تزوجت

ولارانب صارن كووومة
يشهدن على حبنة الي مات مذبوح



وامي طول هلسنين اكلت كلبي تكلي تزوج وتحاول تقنع بية وجنت ارد عليهة واكللهة

ماتحلة بعيني

مرة غير سلوى
سلوى ماتت بلنسبة الكم بس هية عايشة
عايشة بكلبي ومستوطنتة

من بعد سنين وجع ومرض وحزن قررت اسافر
جان قرار اخذتة من بعد ماجتني سلوى بلمنام
جانت هاي اول مرة تزورني بيهة خلال سبع سنين
جنت مستلقي وداير مدايري ضلام تقربت يمي وجانت لابسة ابيض وكفت بصفي كلتلي نوار سافر سافر بعييييد

وراهة فزيت من النوم اتنفس بصعوبة جانت هاي اول واخر مرة زارتني بيهة بلمنام

فتحت الموضوع وية اهلي والكل كب علية

بس ماتأثرت لان جنت مقرر
بلشت باوراق السفر وورة العيد راح اسافر للسويد
يجوز هلشي بي راحة الية وللكل
خلوني اتغرب من صدك
خليهة غربت جسد موبس غربة روح
بس سلوى ماراح انساهة وبعدني علة حلفاني الهة بامير المؤمنين ماتطب غرفتي غيرهة مرة
اني نوار
صديق الدمعة والحزن
اني الي ملوني اهلي بكد مانحت علة سلوى
اني الي صرت التزم الصمت ومااشكي لان اعرف كلهة ملت مني وكلهة تكول علية تبالغ
حقهم مافكدو الي فكدتة ولا ماتت احلامهم كدام عيونهم
من يموت الكون بين اديكم ذيج الساعة راح تحسون بناري وتعذروني



اغمض عيني بشدة فتمر علي ضحكاتها همساتها كل شيء

لتقودني الذكريات الى........
لحضات تؤذي قلبي بشدة
حين ماتت احاسيسي امام عيني
وماتت امانيي امام عيني
ولفضت حياتي انفاسها الاخيرة امام عيني

فأحتضن الصمت
حينما ادرك ان مااحاول شرحه لن يفهم مطلقا
فأقف حائرا بين الشعور والاشعور بين الشوق والأستغناء

فلم اعرف قبلها الا قلبها ولم اعرف بعدها الا بعدها عني

فأن سألتموني عن الحب سأخبركم عن سنين قضيتها احترق الما وحنينا
لدقائق من الأهتمام
حين استذكرها تنسيني عاما من الألآم

[ملكةه]

فسلاما على من ابعدت نفسها بنفسها
.....النهاية....

لهنا انتها مشوارنة وية نوار
نوار الشهامة الاخلاق الطيبة خوف الله بمعانية
نوار كلب ماكو مثلة ثنين
رجولة بكل معنى الكلمة


القصة تحمل رسالة جدا سامية
اتمنة امهاتنة وابهاتنة يقروهة
كافي تخلف
كافي طائفية مو دمرتو جيل بحالة
بسبب العادات والتقاليد الي متمت للدين بصلة والي بسببهة ماتو شباب وندفنو بلحياة
سلوى خسرت الدنية والاخرة ودمهة بركبة اهلهة ومصلح
ونوار تمدر وهوة والماكو سوة

بس اكيد العبرة من القصة واضحة
وارجع واكرر اني مانشرت هلقصة حتة ابجيكم
نشرتهة لان روح سلوى الطاهرة الي ماتت بدون ذنب تستحق ان تنزل عليهة رحمة وتذكروهة بلدعاء
و نوار يستحق ان يسمع نصيحة منكم من بعد ماعجزو اهلة واصدقائة ويا

القصة حقيقية 100% وجميع الاسماء صحيحة وهلبارت بلتحديد ماضفتلة اي حدث مني ماعدا بعض المسات الخفيفة كلشي بلبارت جان صحيح ومابي اي مبالغة يشهد ربي


لهنان انتهت القصه انتضرونا بقصة جديدة
تحياتي زنوبه ㋡

[ملكةه]

ذكريات سلوئ ونوار








احاول اجيب اغنية بصوت نوار

[Ano0 Ano0]

شبعت بجي تقهر جنت اعرف ما رح يتزوجها بس ما عبالي رح تقتل نفسها مسكينة الله يرحمها ويغفرلها

[ملكةه]

شبعت بجي تقهر جنت اعرف ما رح يتزوجها بس ما عبالي رح تقتل نفسها مسكينة الله يرحمها ويغفرلها

الشيطان شاطر من يلعب بعقل الانسان
نورتي حبي