#اهات_من_محطات_حياتي...#بارت6
خابرتهة كتلهة ماراح اجي ضاجت حييل
كوة تماسكت نفسي وماكتلهة
بدلت ومشطت تعطرت وطلعت
جنت حاس نفسي ملك واني رايح اشوف سلوة عمري طلعت من لبيت اتخنس بسرعة خفت لا التقي بعلي لو فيان
طلعت من لبيت لأول مرة اطلع بدون ميشوفوني ولا يدرون بية طالع
ركبت تكسي وتوجهت لمقام مسلم ابن عقيل المكان جان فارغ لأن مو وقت زيارتة
وكفت يم باب الدخول وشغل عيوني رادارات اكثر من ساعة يلة لجحتهم هية واهلهة طبو زارو واني وراهم امشي علكيفي وبعيد عنهم طلعو من لزيارة
وراحن هية وخالتهة توجهن للسوك
رحت وراهن خالتهة وكفت يم محل تشتري
وسلوى جانت صافنة
تقربت يمهة ضربت علة جتفهة بخفة
ورحت علة جهتهة لثانية يعني ندستهة من جهة اليمين ونداريت علة جهتهة اليسار
ندارت ماشافتني فترت من لجهة لثانية شافتني جفلت وفتحت حلكهة متفاجئة
واني صافن علة جمالهة جانت طالعة كيكة تخبل وجهة منحوت نحت
كلشي عدهة رفيع
عيونهة بلطول ومفتوحات من لنهاية ورموشهة طاخات بحاجبهة ونضرت عيونهة تجنن خشمهة رفيع حلكهة رفيع بس ضحكتهة تجنن
فعلا ضحكة ساحرة
يعني ضحكة تحسس المقابل بطيبة هاذ لشخص
علي شكد عداوة وياهة بس دائما يكول ضحكت سلوى تخبل
خالتهة شافتنة ضلت تضحك
ليش جذبت علية نوار
هههه ردت افاجئج حبيبي
زعلانة منك اني ضوجتني حيييل
عافتني ومشت راحت علة خالتهة
ضليت واكف كبالهة
دزيتبهة رسالة
ليش حبيبي تعوفيني وترحين
ماردت
مشيت ضايج حييل
اني مابنيتي اضوجهة اني ردت افاجئهة
طلعت من لصحن وجاي امشي بلسوك
ماحسيت الة ايد لزمت ايدي صديت لكيتهة هية وعيونهة مغرغرات
ضحكت بوجهة رأسا ضحكت
جانت لابسة تنورة لون نيلي وسترة حلوة قصيرة هم لونهة نيلي وبدي رماني وشال بي ريم رماني ونيلي وحذاء رماني فلات حلوة
جانت انيقة حييل ولملابس كاعدات على جسمهة يجنن
هاي شطالعة ولج شدعوة هلكد حلوة
هههه
ضحكت ودنكت
ولج متخافين علة روحج انتي
لا ليش
معودة انتي مومال تطلعين بلشارع انتي هواي علة هاي العيون تشوفج انتي نخلقتي لعيوني وبس
هاذ الجمال حرام غير عيوني تشوفة
اصلا محد غيرك يستحقني
يبووووي فديت هلعيون ولج لتصدين علية هيج خاف اوكع
اوي شدعوة ههههه
امشي اخذتهة ورحنة محل مال عطور
اول ماوصلنة يمة كلتلي
نوار ماريد تشتريلي عطر العطر فراك
شنو هلخرافات حبيبي ماطول نحب بعض ميفركنة عطر
طبينة اخذتلهة عطر اسمة غلا زايد حيييل طيب وحبيت اشمة بيهة من اشوفهة
واخذت لخالتهة هم عطر ونطيتة الهة
فترينة شوية بلسوك
رادت مكياجات هم اخذت
امشي وياهة وفرحان حيييل اتخيلهة مرتي واتخيل جهالنة ويانة
بعدين كالت اريد ارجع لأهلي خالتي كلتلي لتتأخرين
وصلتهة يم خالتهة الي جانت متنيتهة يم المحلات الي يصيرن مقابيل لأمام
ودعتهة وعيني عليهة لحد ماوصلت يم اهلهة وندارت علية نضراتهة تكلي روح
جانت خايفة لا يشوفني احد من اهلهة
درت وجهي ورجعت للبيت بس ماجنت امشي علكاع جنت فرحان حيييل وطاير
جان يوم يستحق ان ينذكر بتاريخ حياتي
طبيت لفرعنة دنية مغرب اتخنس خاف يلجحني علي لو فيان
وصلت لبيتنة تلكتني امي من لباب
بساع ماما همزين اجيت
ليش شكو
راح يجون لناس يشوفون خالتك رضية وخالك امجد خابرتة يكلي اني يم نسابتي مااكدر
وخالك محمد لسا مابين
طبيت جوة شوية وندكت لباب اجو لناس
طلعت جانو رجال واحد يطلع عمرة بل40 سنة وويا ثنين نسوان طببناهم اني وامي بلهول
ورحبنة بيهم
هوة عرف عن نفسة يشتغل حداد وزوجتة متوفية وعندة 4 اولاد مزوجين وعايشن وحدهم وهوة يكول تعبت يومية ببيت واحد من ولدي اريد استقر
طبعا شكلة جان مقبول راسة مشيب من كدام واسمراني ووجهة تعبان شوية بس صحتة تمام ماعندة اي مشاكل صحية
فارق لعمر بينة وبين خالتي 11 سنة
واحنة نحجي طب خالي محمد تعرف علي وحجة ويا بموضوع المهر واتفقنة على كلشي بس باقي خالتي تطلع
راحت امي صاحتهة واجت خالتي جانت لابسة صاية سودة وحجاب
طبت مستحية كعدت بصفي
كرصتني من ايدي جان تكلي نوير صير كدامي خل اشوف جهرتة خالك محمد يخوزر بية عبالك مراهقة
غطيت عليهة وشافتة جان تشهك
ولك نوير هاذ جبير وموحلو
شبيهة روز صحلهة رجل كالت اعور
دحمدي ربج وحدة غيرج من لملحة مال امي حتة المخبل ترضة بي
نجب ولك شبية اني اشو اخبل
نلصمت علة حلكي لان الثقة الي عد خالتي كفيلة ان تخيط حلكي
شوية وامي اشرت لخالتي كلتلهة كومي
وهية تكلي هاي شبيهة امك ماخلتني اشوفة عبالهة راح اطفر علي وابوسة خرب حضي هسة لو حلو جا شسويتو
اتفقو على كلشي وحددو موعد المشية وراحو الناس وبدة لتصنيف علة خالتي رضية
خالي يغنيلهة متزوئيني ياماما اوام ياماما
دة عريسي كاي حياخدني بلسلامة
واني اركص وامي تهلهل وهية ساعة تضحك ساعة تبجي
خالة بس عرسي الة اجيب اصدقائي ونزفج لبيت رجلج بادراجات
لا ولك شنو بلدراجات عيب
لعد شتردين ستوتات
امي تضحك تكلي لا توك توك
ضلينة ل11 نحشش علة خالتي حت
ة خالي امجد من فرحتة هم كعد يصنف ويانة
ثاني يوم جان عدي دوام كعدت علة دفرات علي وفيان
نزيت من فراشي مخروع
خرررب يمة اني شكم مرة كايلج ذولة المغول ميطبون لغرفتي
علي...دكوم يلرقيق راح تصير ب8 كووووم
كمت من افراش وهمة واحد يلبسني لقميص واحد يلبسني البنطرون وعلي كلسا يكفخني بحجة اريد اصحيك بعدهة النومة بعينك
علما كملت تبديل اني ماكلي كتلة غسل ولبس
كملت وطلعنة وامي تركض ورانة مسويتلنة لفات
يمة شنو روضة احنة
نجب ابو لسان يكتلكم لجوع يا امي
علي اخذ الفات من عدهة بعدنة متطالعين من لبيت سرطهن وحدة ورة لثانية
جاي البس بحذائي وهوة ياكل
اكل اكل هوة انتة ماكبر كرشك غير الفات الي جنت تبوكهن من سلوى
وهنة شلون لفات يبووو غير طعم
دمشي امشي انتة كلشي عدك طيب
طلعنة من لبيت وريحة التراب المرشوش بصوندة ام فيان ترست خشومنة
ريحة تجنن احسهة من علامات الصباح وقدوم يوم جديد لان من احنة جهال تعودنة علة ان فيان يومية ترش حديقتهة وترش الفرع
اخذناهة ركضة للمدرسة نتسابق
وصلنة جانت لساحة فارغة ولكل طاب وفايت علدرس لاول ربع ساعة وكلعادة اني سبب لتأخير
علي... لا يا الله باع لساحة تصوفر هسة منو يطببنة كلة من ورة سلوى المايعة
علييي شعليهة سلوى كلشي وذبيتة براسهة
يعني لوما حضرتك كاعد اليل كلة تفكر بيهة ماجان سهرت ولاجان كعدت متاخر ولا جان هاذ حالنة
خلص لعد بعد لتانوني روحو لوحدكم
كلتهة واني فشلان لان كلام علي صحيح
عقب علة كلامي فيان وكال
نجب لك نروح لوحدنة مو هوة بكيفك
علي: والله وطلعلك لسان يلفاهي
نوار: والبركة بايناس
ههههههه
جاي نمشي للصف ولاكانة المعاون
حلووو هم متاخرين وهم كاعدين تدكون سوالف وين جنتو يا افندية
نوار: الله جابك استاذ فدوة تعال توسطلنة يم استاذ سامر هاي ثاني مرة نتاخر خاف ميطببنة
واذا تدرون بي شديد ليش تتاخرون
رد علي علي بأبتسامة خبيتة وهوة يكلة
والله يا استاذ الله بلاني بثنين اصدقاء مسيسن بلعسل وعاشكين ويكضون اليل يعدون نحمات ولصبح اروحلهم لبيوتهم اكعدهم بلجلاليق
ههههههه بابا بعدكم علة هاي سوالفكم
كبرو دخلو جامعة وتلحكون علة هاي السوالف
امشو يلله راح يخلص الدرس
طب لمعاون يحجي وية استاذ سامر واحنة واكفين بلباب شوية وصاح يلله عيني المستحين تعالو طبو
وية ماطبينة كام طالب من لاخير اسمة مهند عدوي وعدونة كلنة اني وفيان وعلي ودائما يكيدلنة هوة والشلة مالتة وبحفرون جوانة كام وكف جان يكل للأستاذ
اني هذيج المرة تاخرت 5 دقايق عن الدرس ماطببتني وهمة اكثر من ربع ساعة متاخرين وتطببهم اشو متطببهم
لاستاذ تعصب علي وكلة انتة شنو تعلمني شغلي بكيفي
اذا تطببهم هسة اروح للمدير واكلة
واقدم بيك تقرير للتربية واكللهم كلشي عدة بلواسطات حتة دخول الصف
لأستاذ اعتذر من لمعاون وكلة هاذ فد واحد حقير وصاحب مشاكل ويسويهة مااكدر اطببهم
ضلينة برة وفيان جن عدة عيد خلصنة من الدرس بس علي جان حييل ضايج وطول مااحنة كاعدين قابض ايدة ويضرب علة باطن ايدة لثانية ويتوعد المهند
دك لجرص وطلع لاستاذ وطلعو الطلاب نداريت علة علي اريد اكلة كوم خل نشرب ماي
وناشوف الة علي طفر فوك مهند
وكام يضرب بي من كل مكان ومهند ناعم بحيث اختفة جوة علي
ركضنة اني وفيان نريد نشيلة من فوكا مانكدرلة عبالك اسد ونقض علة فريستة
تدخلو جماعتة ولزمناهم واحد عن لثاني وعلي جان بركان هايج يعت بروحة من عدنة ويصيح هدوني علي هوة اني مفصول مفصول خل افوخ كلبي بي
ومهند جان يفشر ويغلط
شوية واجو الاساتذة تدخلو واخذونة للأدارة فتحولنة مجلس تحقيق وعلي ميرضة يهدة بس عوزة ياكل المدير بس المعاون جان صديق خالي محمد ووكف ويانة وتوسطلنة
لمدير فصل علي اسبوعين وخلا يكتب تعهد بان مراح يتعرض المهند مرة ثانية واذا صار هلشي راح ينفصل من المدرسة نهائيا
اهذنة اجازة اني وفيان وطلعنة من لبيت تلاثتنة ضليت الوم بعلي كتلة لومتانيهة بلحلة اقلهة نتضارب وكل واحد يروح لحال سبيلة خوما هسة نفصلت وراح يفوتنك امتحانات لشهر لثاني منو يرضة يعيدهن الك
يمعود طوز بلأمتحانات اهم شي بردت كلبي بهاذ المخنث ولك ضاملة كتلة مال سنين من جنة بلمتوسطة
هههههه
بس والله عفية عليك سويت وجهة خرايط
طبعا عد عيناك
مارحنة لبيوتنة رحنة للمستشفى لأن علي حلكة جان مشكوك وينزف خيطولة من يم شفتة جان لمكان مشكوك
طلعنة برة بحديقة المستشفى كعدنة تريكنة لان مومال نرجع للبيت بهيج وكت
تريكنة وسوالف وضحك وتحشيش
تانيناهة صارت ب12 ورجعنة لبيوتنة
طبينة للفرع وفترقنة كل واحد طب لبيتة
لكيت امي جاية قبلي ومتانياني هية وخالتي
شكو اليوم رية وسكينة وجوهجن فرحانة
ها لا ماكو شي حبيبي
يلله صبو غدة ميت جوع
متبدل
لا مابية خل اكل بلأول
صبت امي مرك بانية وتمن وزلاطة اكلت ماعونين وبعدني جوعان
وخالتي تضحك علية تكلي شنو اول طيحتهة لبانية وهيج تاكل شبيك ماشايف
شبيهة العصفورة وهاذ بلم التمن منو طيرة
اني اني وراي زواج لازم اتغذة
خايبة كووو
مي تشبعين بروسنة روحي هناك يمة زيني راسة اريدج كلة باجة وثريد كون كرشج يصير كدامج مترتين بحيث تكومين متشوفين رجليج
ههههه لتوصي حريص نحن لها
طبيت لغرفتي سبحت وبدلت تانيت لوطني اجت شغلت السبلت ونمت
كعدت لعصر امي وخالتي رضية فوك راسي
اعوذ بلله منكر ونكير شعدجن فوك راسي
رضية.. لاماعجبتني هاي منكر ونكير ارجعلي علة رية وسكينة
وشكو واكفات علة راسي
كوم يمة خل نروح مطعم نتعشة وناكل موطة ونجي
اهووو يمة عوفثني اريد انام تعبان لبارحة سهرت كلتهة واني احاول الف روحي بلحاف وهالتي تجر بي مني
كوم ولك ضايجين خل نطلع صارلك 4 ساعات نايم
ماريد اطلع روحن لوحدجن شنو حديثات وتخافن من التحرش
دكوم يايمة احنة مانطلع بدونك
كتلكم مابية شلون غصب
سكتن شوية بس واكفات فوك راسي بعدهن
شوية وكامن يتوشوشن بيناتهن
مديت راسي من الحاف كتلهن روحن هناك سولفن طيرتن النومة من عيني
رضية : هوة انتة مال مفاجئات وجه الجوب
الة اكلك ماخذيك نحتفل بصخامك عيدك ميلادك ونريد نسويلك سررايز
شنو شتسولي
سررايز مدري سربايز مدري شنهي
هوة انتة شكول عيد ميلاد مال واحد يسويلك كيكة بلطاوة والحك ربعة
اضحك علة حجي خالتي واعاين علة امي الدمعة بعيونهة صاجت لأن خربت لمفاجىة
كمت عليهة شبكتهة ولا يهمج هسة نروح وجني ماسمعت كلشي ولا ادري
كمت بدلت ورحنة وصلنة للمطعم لكيت علي وفيان كاعدين ومنتضرينة صدك فرحت من شفتهم امي جانت حاجزة طبلة ولمطعم مزينيهة ومرتبيهة
من شغتهة صحت اوه ماي كود يال الهول
لقد فاجئتموني وامي خربانة ضحك
كصينة الكيكة واكلنة وتونسنة
بس مكان سلوى جان خالي كلش
جان اكو كرسي فارغ عيني علي واتخليهة موجودة ويانة وكل ماانحجي تصد عيني علكرسي عبالك سلوى صدك ويانة
كملنة وطلعنة اجرنة تكسي واني كعدت بحضن امي لتكسي ماكفت
وعلي جاب لطريق كلة يحشش علية وكلسا يندار علية يسويلي اغووو
طبينة للبيت وفيان كلي تعال اريدك
علي طب لبيتهم وامي طبت هية وخالتي رحت وية فيان لبيتهم
طبيت كعدنة بلأستقبال بعدني اريد اكلة ها ولك شعدك جان....
رد مع اقتباس