هنا

[ملكةه]

اغمض عيني بشدة فتمر علي ضحاتها كلماتها همساتها
كل شيء
لتقودني الذكريات الى
........ لحضات تؤذي قلبي بشدة .....
حين ماتت احاسيسي امام عيني
وماتت امانيي امام عيني
ولفضت حياتي انفاسها الأخيرة امام عيني

فأحتضن الصمت
حينما ادرك ان مااحاول شرحه لن يفهم مطلقا
فأقف حائرا بين الشعور والاشعور بين الشوق والأستغناء

فلم اعرف قبلها الا قلبها ولم اعرف بعدها الا بعدها عني

فأن سألتموني عن الحب سأخبركم عن سنين قضيتها احترق الما وحنينا
لدقائق من الأهتمام
حين استذكرها تنسيني عاما من الألآم

فسلاما على من ابعدت نفسها بنفسا

((اهات من محطات حياتي ))
هو عنوان قصتي
قصة تتحدث عن قلوب طاهرة لم تعرف خبث الحياة
حب في زمن لألكتونيات لكنه لايحمل نكهتها بل يحمل نكهة الزمن الجميل
كلشي يزيد عن حدة ينكلب ضدة هاذي المقولة اعتدنا علة انو نسمعهة للتحذير
فماذا ان زاد الحب عن حده
مراح اتحدث اي شي عن احداث القصة لأن لقصة اروع واجمل من انو اوصفهة بكلمات راح اخليكم تعيشون اجوائهة وتحلقون بعالم الحب والرومانسية الألم الحب الصادق الحنين والفقدان
وية ابطال حكايتنة ((نوار وسلوى ))

القصة حقيقية 100%

[ملكةه]

علي
علي

ها
علكيفك لتوكع شبيك تركض هيج

وصلت يم علي الي جان ماخذلة صفنة ومنتجي علة حايط حديقتهم
مكانة الي دائما نلتقي بي اني ويا وفيان

دكت علية ولك دكت

لا بربك صدك

والله

اي وشكلتلك

ماكالت شي

شلون يعني

بس دكت وماحجت ضلت ساكتة اني كلت الو اكثر من مرة بس ماحجت شي

لا بلله وانتة جاي خابصني عبالك محرر لاندلس
يجوز غلطانة البنية
يجوز اخوهة لزغير داك

يجوز بس اني سمعت صوت نفسهة

خرب روحك شلون سمعتة بلله
ولو هية خشمهة شكبرهة تتنفس اكثر من عدنة

نجب ولك مليون مرة كتلك لتعيب عليهة

دروح هسة هية معبرتك وكاعد تدافعلهة

ركض علي وركضت ورا

اذا بيك حض اوكف

مابية حض والله بس عوفني كرشي كام يوجعني من لركض

وكفت واني ثاني جسمي وخال ادية علة ركبي واضحك

ليش تحجي عليهة حقير ياما جنت تبوك لفتهة وتشرد حتة ماجانت تحجي لاهلهة عليك

وانتة يلنذل جنت تركض وتكل لأبوهة

طبعا غير سلوتي شلون اعوفهة تبجي
وبصراحة جنت اخاف اندك بيك جنك حولي شضخمك

دروح شفايتلك عدك مثل جسمي وعضلاتي

اوووف

ها تجر حصرة لان ماعدك مثل عضلاتي مووو

يحجي وياي ويدني ايدة يم وجهة يبوس بعضلة ايدة البارزة حييل من كثر الحديد

شبية مخبل اتحسر علة جسمك كرشك حضن

ضلينة نتداهر اني وعلي صديق طفولتي وعضيدي وتوئم روحي
الى ان كلي راح اجيب عصاير من لسوبر ماركت واجي
عيني علي وهوة يمشي اباوع علة طولة وضخامتة
وتذكرت
بيوم اجو اهل سلوى وهمة محملين غراضهم
وكعدو بلبيت الي بصف بيتنة جان وكتهة عمري 12سنة اعاين علة السيارة الي محملة غراضهم جانت جبيرة حييل
نزل ابوهة ولسايق واخوهة امير وبعد رجال وياهم وراحو لضهر لسيارة وبلشو ينزلون بلغراض
نزلت مرية لابسة كوستم تنورة وسترة لون بصلي وشال نفس الون وحذاء اسود عالي وجنطة جتف
وكتهة ستغربت من لبسهة حييل لان ماشايف هيج شي ابد
مدت اديهة للسيارة لان عالية
جلبت بركبتهة بنية وهية شبكتهة ونزلتهة للكاع
عاينت عليهة لابسة تنورة قصيرة فوك الركبة لونهة وردي طوخ وبدي نص ردن وردي فاتح ومسوية كرون
بنيت جسمهة حييل ضعيفة من شفتهة للوهلة لاولى تبادر لذهني تكون بيهة مرض لان ضعفهة جان فد شي غريب
كادتهة امهة من ايدهة ومشت فتحت قفل لباب ودخلت ضليت صافن علة ابوهة وهوة ينقل غراض بيتهم الي جان شكلهن كلش حلو وفخم واني منبهر بلمنضر لأن اول مرة احد يشيل يمنة واشوف لغراض وهية مفصخة وكواني الملابس والجنط الكبار
شوية ووكفت سيارة ثانية نزل منهة رجال تلاثيني العمر ونزلو ويا بنية وثنين ولد شكلهم بعمري ولبنية ازغر منهم
دخلو للبيت وهمة يتدافعون وواحد يريد يسبق الثاني بلدخول واني بداخلي ودي اطب وياهم واشوف لبيت وغراضهم الحلوة
شوية وصاحتني امي حتة اتغدة
طبيت تغديت وتانيت لعصر يجي حتة اطلع العب طوبة وية علي وفيان
صارت لساعة بل4 سبحت بدلت وطلعت رحت على علي وتوجهنة للساحة الي تصير مقابيل بيتنة دقايق واجة فيان ويا 3 ولد اصدقائنة وبدينة نلعب 3 ضد 3
واحنة نلعب لاحضتهة جانت كاعدة بباب بيتهم علصبة فاتحة شعرهة ومخلية قراصات علة شكل فراشات ولابسة ثوب وردي قصير وبيدهة لفة تاكل بيهة
شوية وطلعو خوانهة الي بعمرنة ضلو كاعدين بصفهة لحد ماراح فيان وصاحهم حتة يلعبون ويانة اجو وصرنة 4 ضد 4
نلعب واني عيني عليهة كعدتهة حسستني ان هية خايفة من شي ماعرف هية هادئة هيج
طول فترة لعبنة ماتحركت ابد والفة بيدهة تاكل بيهة شوية شوية عبالك عصفور
تعبنة من العب وختمنة العبة الي تبدي وتنتهي شوكت منحب
كعدنة بلكاع وعلي ضل يسأل بيهم عن اسمائهم
سعد وسرمد هاذي جانت اسمائهم
لهجتهم جانت غريبة نوعا ما
سكنهم السابق محافضة الفلوجة ونتقلو منهة بسبب لأوضاغ الأمنية الي سائت حييل بذيج الفترة
ضلينة نسولف وعلي يسأل بيهم لفضول كتلة هوة بطبيعتة اجتماعي ويخلق حديث من لاشيء
الى ان خلصت اسألت علي وعم السكوت
اخوهة سرمد كال خل نلعب لعبة الغميضة
الي هية نفسهة ختيلان عدنة
كمنة وعلي تبرع هوة الي يحسب ويدور علينة جان خال وجهة علحايط وجاي يحسب واحنة نتلاطم ندور اماكن نختل بيهة
طلعت من بيتهم اختهم الثانية شافتنة جان تصيح اييي غميضة خل العب وياكم عفية
اخوهة سعد عاط عليهة وكلهة
رنا روحي لعبي انتي وسلوى
بس هية لحت الة تلعب ويانة وضلت تتوسل بي وراحت سحلت سلوى الي بدورهة جانت تحاول تفلت ايدهة منهة حتة متلعب
سحلتهة رغم هية ازغر منهة بس تبين اكبر جابتهة واجت وصلت يمنة علي جان واصل لل40 ختلنة كلنة واختهة هم ختلت وهية ضلت صافنة متعرف وين تختل علي كال 45 46 ركضت عليهة جريتهة من ايدهة وختلتهة
يمي ليش هيج سويت ماادري
جنت خاتل ورة مجمدة قديمة مشمورة بلشارع الهة سنين
جانت مدنكة وخايفة مدري مني مدري من علي خاف يلكانة ونحترك
باوعت عليهة مااعرف شنو حسيت وكتهة شعور كلش حلو ماحاس بي قبل ابد يمكن لان وكتهة جانت بداية مراهقتي
ب

س عمري ماانسا شكد جنت فرحان وهية كاعدة يمي
رفعت وجهة وباوعت علية
هنا بدة حبي الهة
حب طفولة
جان حب طاهر ويخلو من لغايات ولشهوات
حب نقي مثل نقاء المي
وكتهة ماجنت اعرف افسر هاذي المشاعر كل الي جنت اعرفة
اني احب قربهة مني احب العب وياهة واحبهة كلش من تحجي
جانت موفاهية ولا مايعة وانما نازكة الى ابعد الحدود بحيث لكلمة من تطلع من حلكهة تستغرق وقت اكثر من وقتهة
جانت من تمشي وتركض عبالك فراشة حركات اديهة مثل راقصات لبالي عبالك جاي تركص علة لحن
رقيقة نازكة وترفة الى حد مااكدر اوصفة

علي جان شريجتهة 24 ساعة مناكر وياهة وميخليهة تلعب ويانة

اما ايناس صديقتنة فجانت حييل تغار من عدهة ومن لبسهة لأن ايناس اخوهة يجبرهة تلبس حجاب وهية تكره لحجاب
بس سلوى جانت متلبس حجاب لان زغيرة صف ثالث ابتدائي ولبسهة جان كلش حلو
الملابس الي لمفروض ينلبسن بلطلعة هية جانت تلبسهن عصريات بلبيت
صرنة فرقة وحدة اني وعلي وفيان واخوهة سرمد وهية ورنا وايناس
دائما سوة نلعب ونشتري ونسولف اغلب وقتنة سوة صرت مااطلع بلشارع بس لعصر لأن هية واخوانهة يطلعون لساعة بل4 ونص ويطبون بل6 اذا تأخرو عن هاذ الوقت ابوهم يعاقبهم ويمنعهم من لطلعة ثاني يوم
جانت بيوم متطلع اضل تايه وماالعب ابقة كاعد بلكاع والعب بلتراب وارسم دوائر بيدي
علي جان يتخبل ويكعد يغري بية حتة العب وياهم وحييل يضوج لان يدري بية ماالعب لان هية مو ويانة
مرات يحجي عليهة ويكلي
يعني الة صخلة سلوى تلعب ويانة يلة تلعب انتة لعد احنة شبينة منعجبك

اوووف ياسلوتي بكد ماترفة من نلعب وواحد يطخهة لو يدفعهة رأسن توكع
ولو علي طخهة يبوو تغدي جنازة ولازم يعورهة لان جان يتعمد يضوج منهة يسميهة لمايعة بس مايكرهة علي كلش كلبة طيب وحنين ميعرف يكره بس هوة جان يضوج من يشوفني اهتم بيهة حييل
اركض عليهة طاير اكومهة وانكت ملابسهة
وهية تكوم عاقجة وجهة و تبجي بدون صوت بس دموع حتة ببجيهة نازكة

هيوووو
صخام
لطام
نوار
نواااار
ها ها شبيك
اني الي شبية لو انتة صارلي ساعة احاجيك ولايمك وين سارح
وين بعد
اي كلة صوجك موكتلك لتحجي وتورط روحك
اي اني شمدريني ياعلي اشم كفة ايدي قابل
يلله هاك عصيرك تسمم
جيب
شبيك جايب ابو لربع قحط هوة
اي قحط متريدة جيبة
لالا اريدة وشبي ابو لربع اصلا يخبل
ودعما للمنجات الوطنية اشرب عصير رنا
اقدم بلعصير كدامي مثل لبنية من تطلع بلأعلان وعلي يضحك علية

يلله اني اروح اقرة ولا فاتج لكتاب

روح روح اني كملت نص لمادة واقرة لباقي بليل

يلله باي
الله وياك اكعد من وكت باجر مال خلك انتضر ببابكم
تنتضر غصبا ماعليك

ماطول راح علي خل اعرفكم بنفسي
اني نوار ثامر
مواليد 1992 من سكنة الكوفة عمري 18 سنة شكلي عادي ويجوز اقل من لعادي بشرتي سمراء مايلة الى الون البرونزي وبيهة لمعة طاغية على ملامحي وضايفتلي لمسة حلوة
عيوني لونهن نرجسي شعري سرح وعالي طولي 180 جسمي حلو ومتناسق بقية ملامحي عادية
صف رابع اعدادي متأخر عن لدراسة سنتين بسبب وفاة والدي الي جان ضابط جيش وتم اغتيالة بسنة 1998 وكتهة امي ماقبلت تسجلني من خوفهة علية وحتة لبيت الي جنة كاعدين بي عفنا وكعدنة وية خوالي
وكتهة ماجنت اعرف يعني شنو موت بس حييل بجيت علة بجي امي الي ملخت نفسهة وهية تعاتب ابوي وتكلة ثامر شلون تيتم نوار شلون نطاك كلبك
وحيد امي وابوي الي نكتل بسبب انسان مجرم خارج عن لقانون هاذ الي اعرفة واكثر من هيج مااعرف لان من اسأل امي تضل تبجي وتعوف لسؤال وتحتار بلبجي واني كلشي ولاتنزل دمعتهة بعد روحي روحهة الي كرست عمرهة وفنت زهرة شبابهة علمود تربيني احسن تربية تقدمولهة اشكال الزلم ووكتهة جان عمرهة 28 سنة يعني وردة مفتحة وجانت جميلة بشكل مو لأن والدتي بس فعلا كل الي يشوفهة ينبهر بجمالهة
بس رفضت تتزوج علمودي اني الي طلعت بية من لدنية والي تريدني ارفع راسهة وراس ابوي الي مات بعز شبابة وهوة يدافع عن لوطن وبلواجب المقدس
تشتغل كاتبة بمدرسة بنات ثانوية ومتقبل اي احد من خوالي يصرف علينة ودائما تكللهم ماطولني عايشة نوار ميمد ايدة لواحد
راتبهة على تقاعد ابوي معيشنة احسن عيشة يعني موعيشة اغنياء بس عايشين حد الكفاف

نتقلنة يم خوالي ببيت جدي الي مساحتة 350 متر وبي غرف هواي وحديقة واسعة
عايشين بي خوالي الثنين محمد وامجد وخالتي رضية مامتزوجة
خالي امجد متزوج وعندة 4 جهال عصبي نوعا ما وكلشي عندة لازم بنضام وميتفاهم ايدة ولضرب حتة وية جهالة
وخالي محمد هم متزوج وعندة ولد وبنية بس هاذة يختلف حييل عن خالي امجد رزن وسوالفة حلوة ومتفاهم وكلبة طيب صديقي وكل اسراري يمة
من نتقلنة يمهم امي صارت بمثابة امهم لان اختهم لجبيرة وفرق بينهة وبينهم هواي لمسواك بيدهة ولطبخ خطار لببيت وكلشي هية مسؤلة عنة واعتمادهم الكلي عليهة
نسوان خوالي يحبنهة لان طيبة وابد متدخل بشغلهن ولاحتة بأطفالهن بين قوسين جافية خيرهة شرهة وتريد تعيش وبس

اني لاعب كيك بوكسنك وماخذ جوائز علة مس

توة المحافضة اعشق الرياضة بأصنافهة وجسمي كلش رياضي من جميع النواحي
سلوى جانت حب طفولتي جنت ماشيل عيني عنهة ابد طول مااحنة نلعب

باخر فترة لبست لحجاب وصارت متلعب ويانة من صارت صف خامس ابتدائي
جنت اباوع عليهة من بعيد واتحسر بس ممنوع نقترب منهن لان وكتهة جانت اعمارنة اني ولولد شي 14 وشي 15 سنة يعني شوية كبار وطولنة شوية
صار تقربنة منهن معناهة جاي نتحارش بيهن
وبلذات اخوانهن اصدقائنة
صرنة نلعب وحدنة وهنة يلعبن وحدهن بلعاب
لعبنة صار بقتصر علطوبة وبس
جنت اشوفهة تفرح من تشوفني اسجل هدف واني احس نفسي العب الهة مو لفريقي وعيني عليهة وانتضر تشجيعهة وفيان كذلك عينة علة ايناس بهاي الفترة صار يحبهة بس هوة ماحاجي اني كتشفت هلشي بنفسي

جنة كاعدين نلعب طوبة عصرية وطلعت هية من بيتهم واجت بأتجاهنة
اباوع عليهة صفنت ولولد يصيحون
هيوووو
نوار
واني مويمهم عيني عليهة وصلت يمنة راحت علة فيان وبيدهة كتابهة جان تكلة
فيان عفية بلكي تحلي هاذ الواجب دخت بي وماعرفتة
اخذهة فيان وكعدو علة صبة بابهم واني عيني عليهم ومدري شصار بية
كلسا اصيح فيان يلله تعال خل نكمل لعب
صديقي واحبة وواثق منة بس مدري فقدت من شفتهة كعدت بصفة
لولد يكلولي يلله خل نكمل العبة وسعد ياخذ مكان فيان واني اكللهم لا الة فيان يجي يلله
دقايق ماكدرت اتحمل رحت عليهم
كتلة عود انتة صاير فهيم جيب جيب اني احلة
فيان شمر لكتاب بحضني وكام ماصدك
واني لكاع ماشايلتني من لفرحة صارلي اكثر من 4 اشهر مامحاجيهة ولا متقرب يمهة
وينة درسج
هاذ كدامك
باوعت علدرس القسمة
بديت اشرحلهة واحل وهية تباوع علية شلون احل مرتين كلتلي هاذهو فتهمت بس اني لاطش اريد اشبع منهة واريد اجس نبضهة هم تحبني لو بس اني كاتل روحي عليهة
تالي صاحتهة امهة وهية بساع جرت لكتاب مني وكامت بدون حتة ماتشكرني
صح ضجت بس يلله المهم شفتهة عن قرب وحجيت وياهة
رحت يم الولد كملنة العبة وعلي طلعلنة صوندة من بيتهم غسلنة بيهة واني ضليت ارش علولد مي ونضحك
شوية وطلعت هية ورنا كعدن بلباب فرشن فراش وكعدن يكتبن
واني ضليت احوم عليهن بس اريدلي حجة احجي وياهة وهية كلسا ترفع راسهة تعاينلي وتدنك لحد هاي الحضة مااعرف اذا جانت تبادلني نفس المشاعر لو لاء
بس اني دائما افسر حركاتهة حجيهة نضراتهة كلشي افسرة الية ولمصلحتي
اي حجاية تحجيهة اكول جاي تعنيني بيهة اي حركة تسويهة اكول حتة تلفت انتباهي
مدري فعلا هاذ الشي مدري من حبي الهة هيج احس
احنة بيوتنة بفرع مسدود يعني ميطلع علة جهة ثانية
اول بيت بلفرع هوة بيتهم وكبالة بيت ايناس بصف بيتهم بيتنة وكبالة بيت فيان وبيت علي بصف بيتنة وكبالة بيت مامسكون فارغ
لفرع موطويل بس عريض يعني جانت عدنة مسافة جبير بي نلعب بيهة
ام علي وام فيان وام ايناس اغلب الأوقات هنة يم امي عصريات دائما يجتمعن يشربن جاي وكليجة بحديقة بيت جدي ومرات يطلعن بباب الحوش
بس ام سلوى لحد هاي الحضة ماحتكت بيهن ولا دخلت على اي بيت من بيوت فرعنة
امي تكول حقهم يجوز تخاف لأن الي شافو بلفلوجة وصار وياهم موقليل وهية غريبة اكيد تخاف تحتك بينة
امي مرة فكرت كالت نعزمهم يمنة بس خالي امجد عترض وكللهة
احنة شنعرف عنهم وتردين تطببيهم لبيتنة الله اعلم شنو ملتهم يجوز يطلعون ارهابين
اني نجنيت من سمعت خالي يحجي هيج عليهم لان مهما يكون يبقون جوارينة وصارلهم 3 سنوات يمنة ماشفنة عليهم شي
امي بطبيعتهة قليلة النقاش وبلذات وية خالي امجد سدت الموضوع رأسا وبعد ماجابت طاري
جان يوم سبت واول يوم برمضان كعدنة لصبح اني وخوالي نستعد ونحضر لل....

[تّـفـاَصيلـٓ]

شكرا وردة استمري

[ملكةه]

البارت 2

كعدنة من لصبح اني وخوالي نحضر لمسواك لأن من زمن جدي متعودين اول يوم برمضان يسوون سلة رمضانية نخلي بيهة كيلو من كلشي تمن عدس حمص نشا كاستر معكرونا شعرية وجيس تمر وقوطية معجون
ونوزعهة علة كل بيوت المنطقة بمصباح اول يوم برمضان ونذبح طلي ونسوي عزيمة افطار نعزم بيوت فرعنة بثواب روح جدي لأن توفا اول يوم برمضان قبل لفطول بنص ساعة وبيومهة جان صايم
بقت هاذي عادة عد خوالي كل رمضان هيج نسوي
طلعت من لصبح وية خالي محمد رحنة للسوك اخنة مسواك السلة الرمضانية ودور اخذنة مسواك الفطور ورحنة للجوبة اخذنة طلي زغيرون ذبحنا عد لكصاب ونضفة النة وكصصة جبنا لحم واجينة لساعة ب12 وثلث
طبينة للبيت وتلكتنا تمي من لباب تحجي علة خالي تكلة تاخرت شوكت نطبخ لعد
نطيناهن المسواك
وطلعت صينية لخالي وساطور حتة نكصص الحم قطع زغار
كصصة خالي ونطاني قسم من عدة كلي اخذة لكصاب بمنطقتنة ثرمة الي ناعم علمود الدولمة بعدني واكف يم لكصاب سمعت صوت مرة تكلة بلة زحمة بلكي تمشيني مستعجلة شوية
نداريت امهة ووياهة سلوى ورنا شايلات علاليك مسواك رنا تلوحلي بأديهة من ورة ضهر امهة وتسويلي هلاوو
من يومهة رعنة ومتبالي لأحد
اني بتسمت الهة وعيني علة سلوى
مدنكة راسهة وتبعد نضراتهة عني تحاول تباوع بكل مكان بلمحل حتة لا تجي عيونهة بعيني
دائما هيج تسوي
مايوم باوعت بعيني ابد علي يكلي متحبك عوفهة ليش تضحك على روحك واحنة بعدنة زغار نكبر وندخل جامعة ونحب وننحب
بس اني ماجنت اهتم لحجية
لحب ميعرف لا عمر ولا وقت
شعور كلش قوي منكدر نمنعة شكد منحاول
دائما اكول خلص بعد مااهتم بيهة ولا افكر بيهة
بس مامرة كدرت اسوي هاذ لشي
بس حجي لسان

الولد ترخص مني كلي راح امشيهن بس لف الحم مالتك بعلاكة اشرلي على مكان العلاليك وكلي حسابك الغين

تقربت يم لولد كتلة شكد حسابهم كلي 12 الف طلعت فلوس من جيبي ونطيتهن الة وطلعت بسرعة
فتت من يمهم رنا كفختني علة جتفي وتضحك
شخصيتهة تختلف تماما عن سلوى مرات احسهة مسترجلة بكد ماعدهة حركات تشبه حركاتنة
علي جان يسميهة حميد الوصخ
يكللهة بيج رجولة اكثر من صدام حسين
جنت احسهة تضوج من حجي علي بس تاخذ الموضوع بلضحك وتكلة يلله سلوى تعوض بيهة انوثة اكثر من الازم
ويرد عليهة علي وهوة يرفع تك حاجب
لاهاي مو انوثة هاي عيارة ومياعة
هواي جنة نتعارك اني وعلي بسبب سلوى بس ميطول عركنة دقايق ونتصالح والي جان يفاككنة ويصالحنة هية رنا ههههه



علي جان يضحك من تكللنة يلله ولكم كافي عرك موزغار انتو وتندار علة سلوى تكللهة
وانتي هيووو بطلي مياعة يومية متكاتلين من ورة عيارتج
علي يباوع علية ويكلي اخونة لجبير يكول بطلو عرك انتو موزغار وبنفس الحضة نتراضة ونتصالح وبكل مرة نتعارك بيهة علي جان يزيد وية سلوى ونكرتهم ومعاركهم يزيد
رغم اني جنت احاول شكد مااكدر اهدي بيناتهم واصالحهم بس ميفيد علي جان واكفلهة علكلمة وينتضرلهة لزلة
هية جانت تتجنبة هواي ومن يحاجيهة تكتفي بلسكوت ولو زاد بأذيتة الهة بلحجي تكوم تبجي
هنا جنت افقد تماما انجن واكوم مااشوف بعيوني اتخبل من اشوفهة تبجي ولمصيبة الي يبجيهة جانلي روح سند واخو ماجابتة امي بس جابتى الي لأيام جنت دائما اشكر ربي علي
ياما يتعارك وينضرب علمودي
محد جان يتجرء يحاجي نوار لان بضهرة علي الي جان لقبة بين الولد حايط الكونكريت
كبرنة وكبرت اخوتنة وصداقتنة بطلنة لعب لطوبة وكمنة نروح للجم نشيل حديد ونبني اجسامنة علي جان ضخم ومن بلش يشيل حديد جسمة ستقام وصار حلو بس شي مبالغ بي ضخامة وعضلات مرات اشوف لجهال يخافون من يشوفو بلشارع بكد ماضخم
اما اني جنت ضعيف ولحديد حلة جسمي وبين معالمة يعني ضافلي فد لمسة حلوة
اما فيان جان يضوج من لحديد حييل بس يجي ويانة يتفرج علي يضحك علي يكلة تعال شيلني هاذ لوزن وهوة مجرد ان يلزمة ينثني ضهرة ويدنك
جان يسمي شبيه سلوى
يكلة لمفروض احنة نخاوي رنا مونخاويك وانتة تلبسلك ربطة وتلعب وية سلوى توكية
هوة جان حيييل فطير ويضحك لسبب وبدون سبب بس جان جميل بشكل ابيض حييل علة شكار ولون عيونة شهل وشعرة لونة بني خشمة رفيع حلكة زغير ومرسوم طولة حلو اكصر مني شوية جان شكلة حييل ملفت ومرغوب من قبل البنات بحيث جنة من نمشي بلشارع علي بكلة انتة تمشي ورانة ياهي لتفوت عينهة عليك احنة شنو خراعة خضرة جاين وياك
شوية خليلنة ولو بنية باوعت علي جان يوم فكرة
يلزمة علي يشبعة كتل يكلة شدعوة هلكد حلو انتة حتة الي يشوفنة نمشي وياك واحنة ملحان جلحان وانتة اشكر يفكر غير فكرة
هوة جان بس يضحك ولو كلش ضاج يزعل ويروحلة علي يكفخ بي يكلة ولك عود شنو تزعل هوة بكيفك يعني
هههه وبهاي الطريقة جان علي يراضي ويجيبة سحل من ياختة
محد جان يزعل من علي لان يراضينة بلكفخ وغصبا ماعلينة نرضة
بكد ماعصبي بكد مابي حنية وطيبة
حنت احسة من لداخل طفل وجنت اعرف ن

قاط ضعفة واعرف شلون اقنعة بمنتها السهولة
لأن محد يعرفة بكدي
............

.........................
رجعت للبيت نطيت الحم لامي وبدن هية وخالتي رضية يلفن بلدولمة ونسوان خوالي يسوون تشريب وتمن ولجهال طابيت طالعين وخالي امجد يلعلع وكلسا لازملة واحد من لجهال لاطخة بلحايط
وخالي محمد يتأفأف وكوة لازم روحة لأن يتخبل اذا يشوف خالي امجد يضرب الجهال

هاذة شبي تخبل هسة همة جهال شيفتهمون كلسا ضاربهم
يلله خالي شتسويلة اسكت ليسمعنة هدور يزيد هوة لويطيح بيدة حتة اني وياك يمطلنة هنا بلحديقة ويكتلنة
ههههه اي والله يسويلهة هلأرعن هاذ
اكلك خالي اريدك تعلمني سياقة
ليش لا انجح للثالث وطلع معدل حلو واعلمك
حيييل موت ياحمار
شني السالفة خالي شراح تعلمني قابل
النحت علة الصخور اشو هية لسياقة اسهل منهة ماكو واني اعرف لأساسيات
منين تعرفهن ولك
نصي صوتك ليسمع خالي امجد
جنت من يطيني سويج سيارتة اغسلهة ابوكهة اخذلي بيهة فرة بلمنطقة وارجعهة بلة ميدري
ها هيج لحجي
اي لعد اغسلهة ببلاش
ها هيج يعني امججججد
لا مروتك خالي ابو كلب لطيب ترة اكلة علة طيورة
شتكلة ولك
عبالك ماادري بيكم فتحتو باب لقفص انتة وامي وطيرتوهن حركات لحجية نعيمة ((الي هية بيبيتي ام امي ))) حافضهن كلش زين
نجب لك
ها خالي امججججد
سد حلكك بجم القندرة هسة يهيج علينة اني وامك يهججنة بهلضهرية هاي
خوش راح اسكت بس تعلمني
دكووم لك عود هوة يستغلني
لزم شحاطتة يريد يضربني واني اضحك
اجة خالي امجد
هاي شنو صوتكم دنية لضهر عالم نايمة
خالي محمد يحجي على كيف يكلي ها اكلة
واني ائشرلة بيدي اسوية نفس جناح الحمامة من تطير واضحك

طبينة جوة وامي اول ماشافتني كلتلي يمة نوار روح علة بيت ابو سرمد اعزمهم علسفرة
اني خابرت بيوت فرعنة كلهم بس ام سرمد ماعدي رقمهة
ركضت غسلت وجهي وعدلت شعري خليت عطر وطلعت وصلت يم بابهم دكيت لباب وادعي كون هية تطلعلي
ثواني وسمعت صوت مشي بلحديقة تأكدت موهية لأن اعرف مشيتهة بطيئة ومتطلع صوت قوي
فتحت لباب جان تطلع امهة
سلمت عليهة وكتلهة معزومين
كلتلي نوار ليوم ليش دفعت حساب الحم اني شايلة
لا خالة ماكو فرق احنة اهل
فدوة للزلمة لماعدة شوارب
ههه خالة لرجولة موبلشوارب
اكيد حبيبي باجر تكبر ويطلعلك شوارب ولحية
الله كريم من رخصتج خالة مو متحون امي اكدت علية كلتلي اكلج تجون حتة فرصة تتعرف عليج
انشاء الله حبيبي اكل لابو سرمد ويصير خير
بعدهة تريد تسد لباب سمعت صوت رنا تكللهة اوكفي ماما اريد احجي وية نوار
نداريت اباوع عليهة تركض من بداية لحديقة هية وكفشتهة طبعا هية متلبس حجاب لساهة صارت بلخامس ومتلبس حجاب
بعدهة تركض زلكت علة ضعرهة
حديقتهم جانت كاشي ومنكعة مي راشيهة
هية وكعة وهية صرخة حسيت اذاني نطرشت
ركضت امهة واني هم ركضت عليهة نريد نكومهة تصرخ وتدفع ادينة وتاشر علة منطقة لحوض تكل لأمهة يمة وجع موطبيعي هنا راح اموت
شوية وطلعت سلوى تركض بدون حجاب لابسة تراك لون وردي نص ردن ومسوية ضفيرة صفح
طبعا هية اغلب لبسهة جان لون وردي متلبس غير هلون بس تنوع يعني تلبس تدرجات الون الوردي
شافتني تفاجات ركضت طبت لبست حجاب واجت
ها ماما شبيهة رنا شبيهة
جيبي تلفوني خل اخابر ابوج بسرعة
طبعا خوانهة ماجانو موجودين كلهم كل سنة بلعلطلة يرحون يم بيت جدهم بلفلوجة يبقون شهر هيج ومن يرجعون يروحن سلوى ورنا هم يبقن فترة يمهم
ركضت سلوى جابت تلفون امهة دكت علة رجلهة كللهة اخذيهة وروحي للمستشفى واني راح اخذ اجازة والحكم
طبعا هية متقبل نحركهة وبس واحد يلزمهة تصرخ
طبت المرة بساع لبست صاية سودة وحجاب واجت تحاول تشيلهة متقبل وتدفع بأيد امهة المرية حتارت شتسوي منين متلزمهة تصرخ كعدت بلكاع وكامت تبجي
اني ترخصت منهم وركض لبيتنة صحت خالي محمد طلع سيارتة واجينة اني ويا
دك لباب وطبينة لكيتهن علة وضعهن
خالي تقرب يمهة كللهة عمو جلبي بركبتي ومعليج هية ستحت من عدة جلبت بي وشالهة وية ماشالهة صرخت صرخة بحيث فتحت حلكهة علة حيلة
امهة تخبلت تكل لخالي خاف اذيتهة
كلهة لعد شلون تبقة هيج غير ناخذهة نشوف شبيهة
صعدت المرية بسيارة خالي ليورة هية ورنا سلوى رادت تصعد وياهم امهة كلتلهة رجعي الكدورة علنار طفيهن ولغسالة هم معلوكة طفيهة وسدي لباب ولتطلعين مكان خاف نتأخر احنة
خالي ندار علية كلي نوار خل تقغل بابهم واخذهة يم امك بلبيت
امهة كالت اي بعد احسن هاي تخاف تبقة وحدهة
ضليت واكف بلحديقة تانيتهة طبت سوت الي كلتلهة امهة علي واجت بيدهة لمفاتيح
باوعت عليهة صح لابسة حجاب بس تراكهة ضيك ومن تدنك يطلع ضهرهة
كتلهة هيج تطلعين
كلتلي ليش شبي لبسي
لبسج مامستور
ليش مامستور شلابسة اني
طبي لبسي صايتج وتعاي
مالبسهة دنية ضهر ومحد ماكو منو راح يشوفني قابل
باوعت علحبل جانن اكو ملابس من ضمنهن صاية سودة رحت عليهة جريتهة من لحبل خليتهة براسهة
جان تكلي هاي مال رنا
اي ميخالف لبسيهة
زغيرة علية
روحي جيبي مالتج لعد
ماريد حارة
تدنيت علييهة طببت ايدهة بردان لصاية وهية متفاجئة
عقجت وجهة وضاجت من تصرفي بس

ماحجت اني سويت هيج لمصلحتهة خالي امجد اذا شافهة يضل يحجي هية صح زغيرة بس طويلة الي يشوفهة ينطيهة اكثر من عمرهة
اخذتهة ورحت للبيت طبت يم امي وخالاتي وامي تخبلت من حجيتلهة علة لصار برنا دكت علة خالي محمد كللهة بعدنة ماواصلين
ضلت هية يم امي وخالاتي جوة واني احوم عليهة واختلس لنضرات ضلت تشغل وية امي وهية ساكتة ابد ماسمعت حسهة

سلوى
اني سلوى مواليدي 1997
من سكنة الفلوجة واصلنة دليم عدني اخت وحدة ازغر مني بسنة ((رنا))
و3 خوان سرمد وسعد 14 و15 علتوالي
وامير ازغرنة عمرة 10 سنين
شكلي عادي رشيقة وطويلة طولي 162 جسمي حلو وكلشي عدي متناسق
عيوني كبار بس مامفتوحات يعني بلطول وبيهن جرة ورموشي مبرومات خشمي رفيع ومستدق رسمتة حلوة عبالك مسوية عملية تجميل
حلكي وسط شفتي رفيعة بس موبقباحة
بشرتي بيضة بس موحيل اسناني الاماميات متصافات واحد وية الاخ عبالك رسم
جنة عايشين ببيت جدي مزارع وبساتين وبيئة تجنن وعدنة حلال ودواب منطقتنة مفتوحة اهل امي وابوي ناس بصف ناس
من اجينة للكوفة جنت كلش كارهة الجية وعاندت وردت ابقة يم بيبيتي لأن ماحب اطلع من مدينتنة واعوف صديقاتي ومنطقتي الي ببيت بيهة
احينة لمكان جان حييل مو حلو فرع زغير وبيتنة موذاك الكبر كلش كرهت الوضع واعتكفت علة نفسي ونفسيتي حييل تعبت امي لاحضت هاذ لشي ضلت تحاول تطلعني منتزهات واماكن وحدايق بس اني جنت مثل السمجة من يطلعوهة من لماي كل خواني تأقلمو وحبو الوضع وتعايشو وتعودو علي
الة اني كبرت واني احن لمنطقتي بيئتي وصديقاتي اختلاف جذري بين لمدينة واجوائهة واجواء لريف الي تجنن كلشي بيهة يختلف حتة هواهة نوار جانلي صديق احبة الى ابعد لحدود جنت احسة اخو جان احن علية من خواني يداريني ويدافعلي
ضليت حزينة ومعتكفة ونفسيتي تغيرت تغير جذري بيبي جانت تحجي علة امي لان جبرت بابا يجيبنة هنا وهواي حاولت تخلي يرجعني يمهة من جانو يكلولهة علة حالتي ووضعي جانت تبجي علية وتكل لابوي
سلوى طالعة علية اذا تطلع من لفلوجة تموت
راح تموت البنية من وراكم
بس امي جانت خوافة حييل من دون عمامي ابوي اجة لان جان يحبهة ويسمع لحجيهة
كبرت واني حزينة دائما ومعتزلة صرت احب لوحدة حييل رغم نوار جان يغريني بكل لوسائل الممكنة حتة يطلعني من حالتي
مرة سألني ليش ليش هيج حزينة لان عفتي لفلوجة قابل شنو المميز بيهة وانتو فارين ربع العالم وطالعين هواي دول
صفنت واني استذكر ذكرياتي وطفولتي بيهة
كتلة انتة ليش تحب امك
كلي احبهة لان امي
كلي لان هية امي
كتلة يعني مو لان احسن ام ولا لان اجمل ام
اني هم مثلك احب لفلوجة مو لان احسن مدينة ولا لان احلة مدينة احبهة لان هية ببساطة مدينتي
من يومهة بطل يسالني هاذ لسؤال
الي جان حيييل يأذيني

صار لعصر واهلهة مارجعو وخالي خابرنة كال البنية حوضهة مكسور ومجبسيهة وخالي باقي وياهم
لجوارين بدو يجون احنة فرعنة عبالك بيت واحد ونسوان لفرع كلهن صديقات امي
يعني من يجن يمنة للبيت يم امي حتة لعباية ينزعنهة ويمشن بلدشداشة وامي كذلك
خوالي وياهن شقة وسوالف وبلذات همة ازغر منهن بلعمر
ام فيان وعلي وايناس اجن يم امي من لعصر وهمة هم اجو وياهن
وايناس تباوع علينة من بعيد عود تستحي
واني ادحك بفيان وعلي اكل كلبة يكلة العاشق الولهان محد مكلبك

واني رايح لعالم ثاني عالم مابي بس سلوة روحي وشريكتهة
عيني ماتنشال من عليهة شي مو بيدي احس عيوني ميكدرن يوخرن عنهة

خالي كال صبو بلحديقة لان لكهرباء تطفة وكت المغرب بدن لنسوان يصبن بلاكل واحنة ناخذ من عدهن ونودي
سويتة سفرتين وحدة للزلم ووحدة للنسوان
اتعمد اوكف يمهة واخذ لاكل بس من عدهة من اشوفهة انسة لناس احس لدنية تفرغ من لبشر اكوم مااشوف غيرهة
كملنة كلشي وكاعدين متاني يأذن ندكت لباب فتحهة خالي امجد طلعو امهة وابوهة وخالي جايبين رنا مجبسة ونايمة بلسيارة ورة
رادو ياخذون سلوى ويرحون
بس امي وخالي ماقبلو وطببوهم كوة للبيت
جابو رنا مددوهة علفراش وعلي موتهة من لضحك
يكللهة حميد لوصخ تصوب لا والله ميستاهل
محد يدري حميد الوصخ منو
شفرة محد يعرفهة غيرنة
اباوع على سلوى غاصة بلضحك
من اشوفهة تضحك اضحك وياهة الي ولكيغي حتة لو مااعرف شنو الي مضحكهة
هيج اضحك لضحكتهة
امي كالت ياا ماجبنة الملح
طفرت هية كلتلهة خالة لتكومين اني اجيبهة
راحت تجيبة وطولت امي اشرتلي
كوم وراهة نوار يجوز ماندلتة
كمت وراهة لكيتهة دايرة وجهة علكاونتر وتدور
تقربت يمهة خليت ايدي علة جتفهة
ندارت علية مخترعة
كتلهة ا......

[حسن هاشم]

شكرا للمجهود استمري

[ملكةه]

شكرا وردة استمري

نورتي حبي قرا۽ه ممتعه

[ملكةه]

شكرا للمجهود استمري

يسعدني متابعتك نورت

[ملكةه]

بارت 3
حطيت ايدي علة جتفهة
ندارت علية مخترعة وجفلت وجمدت بمكانهة
عاينت عليهة ولكيت حلكي وحدة يتحرك
احبج
ضلت صافنة بوجهي
ماعرف شلون هيج سويت جنت مراهق ومشاعري مضطربة ماجنت اكدر اتمالك نفسي ولااعندي سلطة على كلبي
هواااي تندمت ورة ماكلت هاي الكلمة صح اني اتمنة تعرف بحبي بس موبهاي الطريقة ولا بهاذ العمر
عافتني وطلعت
واني مدري شصار بية عبالك جنت بحلم مزعج وطلعت منة
ضليت الوم بروحي ليش هيج سويت هسة تكوم تكرهني لو تخاف مني
اخذت ممالح الملح ورجعت للسفرة كاعد وعيني عليهة اريد اعرف بشنو جاي تفكر كرهتني من كتلهة هيج لو شنو
ضلت مدنكة ومتاكل بس تشرب مي
علي حس اكو شي وعينة علية وعليهة
قرب حلكة يم اذاني جان يكلي شبيهة المايعة وياك ليش رجعت ضايج ومتاكل
مابيهة شي
بس هوة ماجاز منهة ضل طول ما احنة ناكل يخزر بيهة ويذبلهة بسامير
ورنا خطية تكسر لخاطر مجبسة ونايمة متكدر تتحرك نهائيا
اهلهة مااكلو هواي وهية ماعدا لعصاير والبن ماطب بحلكهة شي وبس مدنكة مارفعت راسهة ابد لحد ماابوهة ترخص بدون حتة ميشربون جاي وكال نروح للبيت علمود رنا ترتاح واحنة هم تعبانين
طلعو واني عيني عليهة تباوعهة وتدور نضرة تكلي الي حاسة موصح سلوى ماكرهتني ولا ضاجت من تصرفي
بس للأسف ماشفت منهة اي ردة فعل تثبتلي عكس هلشي وحاولت تطلع قبل اهلهة
حتة تتحاشا نضراتي الي بيهة الف سؤال وسؤال
طلعت و طلعت وياهة فرحتي وضحكتي رافقتهة ومن يومهة مارجعتلي
من يومهة بطلت اشوف سلوى ولو حتة صدفة
ولو صارت المعجزة وشفتهة متباوع بوجهي ابد شكد مااكدر احاول من خلال نضراتي اعبرلهة عن الي بداخلي بس عيونهة جانت ترفض لحديث وية عيوني وتبتعد عني وهية تاركة براكين بداخلي
ليش شنو لصار لان حبيتهة هيج تسوي يعني كل اهتمامي بيهة بشنو جانت تفسرة مثلا
معقولة هية غبية لهلدرجة واصلا ماجانت تلاحض اهتمامي ماجانت تلاحض نضراتي الهة بشغف ولهفة
جنت من اباوعهة بتأمل
مثل نضرة الأم من تشوف ابنهة لاول مرة بعد لولادة من تضل تتامل بوجهة وهية تتخيل حياتهة و ايامهة الجاية وية هيج ملاك
تتخيل امومتهة شلون راح تكون
وتباوع علة تالي تعبهة وعنائهة وانتضارهة طوال 9 اشهر
هيج بلضبط جانت نضرتي الهة
واني اتخيل سلوتي لوكبرت شلون راح تكون
واتخيل علاقتي بيهة شلون راح تتطور
بس للأسف ماصار هلشي علاقتي بسلوى جانت من سيء الى اسوء
عدت فترة وكمت اشوفهة تطلع مرات تروح لايناس
ولوصادفهة فيان أو حتة علي جانت تسلم عليهم بس اني لاء
جنت اموت انتهي وكوة اسند طولي
واني اشوف الكره منهة والجفاء مقابل حب مالة نضير ابد حب مابي كل غاية وماطالب منهة كل مقابل غير انو اشوف نضرة عيونهة الي ادمنتهة من طفولتي جانت شمسي ومن تغيب اصلي صلاة لايات حتة اشوفهة
بس هية غابت وللابد غابت ضحكتهة الي من تشوفني اتعارك علمودهة
غابت نضرتهة الي اشوف بيهة فخر من تشوفني اسجل هدف جنت احس نفسي جاي العب للنادي الملكي مو وية شلة زعاطيط نلعب من اجل لاشيء بس هية جانت تحسسني ان اني شي مهم من كبرت بدت هاي النضرة تتلاشى الى ان اختفت تماما
وشوكت من عرفت بية احبهة
قابلت حبي وكم المشاعر الي بداخلي الهة
بجفاء موطبيعي
شي كلش صعب لمن اشوف لكره والا مبالات من انسانة مستعد اسوي المستحيل بس حتة احصل نضرة وابتسامة بسيطة منهة
هاذة اقصى طموحي وياهة ومو اكثر
ياريتني ماحاجي ياريتني بقيت محافض علة اخر خيط جان بيناتنة
لوم علي الية خلاني اندم بلزايد وحتة كرهت روحي لان خطيت هيج خطوة وبدون تفكير

مرت اكثر من سنة وبكل يوم يمر علية جنت افقد لامل تماما من سلوى لحد ماايقنت وتأكدت ان هية كرهتني وصارت حتة متطيق شوفت وجهي
اهلهة بكل سفرة رمضان جانو يجون لان ابوهة صار صديق خالي محمد وحتة امهة هم صارت صديقة امي ويتخابرن علة طول
بس هية ابد ماجانت تجي وياهم ومن نسالهم كل مرة جانو يطلعون عذر لا اني اقتنع بي ولاحتة همة

كل يوم يمر جنت اعتكف بي اكثر واتوحد
لجم نسيتة وجسمي بدة يرجع لوضعة وحتة لنادي مال كيك بوكسنج الي مشارك بي هم هجرتة تماما وكمت مااروح من يودون علية
ولشارع مااشوفة بس بلضرورة
وعلي بجي يرزل بية ويتعارك وياي وتصف ويا امي هم ومااخلص من عدة لحد مايسحلني سحل ويطلعني من لبيت
اطلع اضل اتصفن علة باب بيتهم والمكان الي جنة نلعب بي اتحصر علة ايام لطفولة واتمنة يرجع يوم واحد منهة
يوم اشوف بي سلوتي اشوف ضحكتهة والزم اديناتهة الحلوات الي عبالك ادين لعابة
اكضيهة صفنات وعلي كلسا يعيط بية ويحجي عليهة ويلومني علسويتة
نجحت من لثالث وطلعت معدل 94 وداومت رابع علمي ودرجاتي كلهة مال اعفاء
وعلي هم نفس درجاتي تقريبا احنة نفس المستوى اني ويا وفيان
بس لفرق اني مو شاطر وانما ذكي وسريع لأستيعاب يعني اكتفي بشرح المدرس واقرة لمادة مرة وحدة وقرائة سطحية
اما علي وفيان فجانو دراخين درجة اولى 24 ساعة يدوون حتة لارقام ولنواتج هم

يحفضوهة
شوية من بدة لدوام بديت اطلع من المود الي جنت حابس نفسي بي
رجعت ضحتي بس ضحكة مصطنعة لخاطر اصدقائي وامي

وبيوم رجعت من لدوام اني وعلي وفيان جان صيف ودنية حارة ولشمس عامودية نمشي حييل حتة نوصل بساع
وصلنة لفرعنة جانت اكو صوندة ممدودة من بيت فيان للحديقة لخارجية مالتهم وكفو الولد يغسلون بيهة
واني اخذتلي صفنة يم بابهم مااكدر افوت من يمة اذا مااصفن وترجع بية لذكريات
صحيت على ضربة علي علة ركبتي وهوة يكلي اصحة نوار كافي اوهام موكلشي نريدة نحصلة ولعمر كدامك وراح تلكة لاحسن ولاحلة
لاول مرة بحياتة يحجي شي منطقي وبي فائدة
نداريت علي وكتلة
اول مرة بحياتك تحجي شي بي حض
صدك ؟ مو المشكلة ماكو ياخية ويلزم بفالينتة لدلع بدون ياخة يقدمهة لي كدام
ويكلي طول عمري فاهم الدنية صح وانتو ضلو تمعشكو واحد عاشكلي وحدة عدهة افراط بلأنوثة ولثاني حابلة وحدة اذا يمشي وياهة بلشارع ميميزون منو لرجال ومنو لمرة

طبعا فيان جان احلة من ايناس بهوااااي
وفعلا من توكف يمة تبين هية لرجال بكد ماجمالة طاغي عليهة
فترقنة وكل واحد طب لبيتهم وعلي يتفل علينة ويغمغم ويصيح قيس وليلى عنتر وعبلة سواهة غنية
طبيت للبيت لكيت خالي محمد وخالي امجد يتصايحون علمود لجهال
طبيت لغرفتي سبحت وبدلت صليت وطلعت تغديت بلمطبخ اني وامي وخالتي لان همة كل واحد يتغدة هوة وعائلتة بغرفتة لأن اوقات تواجدهم بلبيت مختلفة
وامي هم تداوم ومرات دوامهة ضهري ومرات صبحي
طبعا سلوتي صارت صف ثاني متوسط وتداوم بمدرسة امي ومرات امي تجيب طاريهة بلصدفة تحجي وية خالتي رضية ونسوان خوالي واني ماصدك اسمع سيرتهة افتح حلكي واكابلهة
تكول من تشوفني تركض تسلم علية وتبوسني من راسي حبابة وخوش بنية هنيالة الي يجنيهة ببيتة
واني من اسمعهة اجر حسرات

كملنة غدة ووكفت وية امي وخالتي اساعدهن بلمطبخ اصفط لمواعين بلكاونتر واستمع لحجيهن الي بنكهة سوالف العجايز
كملن غسل مواعين وشربنة جاي

امي وخالتي طبن لغرفتهن واني هم رحت لغرفتي
لازم تلفوني اكلب بي وكلسا ادخل اباوع علة رقمهة واطلع من قائمة لارقام
رقمهة الي حصلتة من جهاز امي لأن بي مجاني امهة تخابر امي من عدة ويكعدن يسولفن بلساعات ومرات يسون مكالمة جماعية وية ام علي وفيان
عدي امتحان كيمياء ثاني يوم واني حييل اكرهة كمت قريت نص المادة ودخت بيهة طبكت الكتاب وخليت راسي علمخدة اريد انام
ضليت اتكلب لحد مازارني لنوم
اقل لربع ساعة ودك تلفوني طلعتة من جوة مخدتي واني مغمض عيوني نطيت رفض لان كل ضني علي يريد يسأل علمادة متعود علي بكل امتحان يخبلني بأسألتة
رجع دك مرة ثانية فتحت تك عين باوعت علشاشة
سلوتي
طفرت من فراشي مثل المخبل واعدل بشعري عبالك راح تشوفني
فتحت خط وكل ذرة بجسمي ترجف عبالك راح احجي وية ملك الموت
كلت الو وصوتي يرجف والحروف تطلع من حلكي متقطعة بين الفرحان وبين المتفاجئ مشاعر مااكدر اوصفهة واني اسال بنفسي منين جابت رقمي
ماكو رد
كلت الو اكثر من مرة بس ماردت
سمعت صوت تنهيدة وجرت حسرة طويلة
وراهة سدت التلفون رجعت دكيت عليهة مغلق
ضليت افكر حسبة تجيبني وحسبة توديني
لحد ماصار لعصر طلعت اركض علة علي اريد ابشرة لكيتة كاعد وماخذلة صفنة علة حايط بيتهم مكانة الي دائما نكعد بي

........................
سلوى ... بيوم كلي نوار احبج نصدمت وتفاجئت جنت طفلة ومااعرف شنو لحب وصورة بت خالي بيوم كتلوهة خوتهة وخلو جثتهة بلشارع يومين متفارك بالي
دائما من جنت اسأل امي ليش هيج سوو بيهة تكلي لأن حبت لحب علاقة محرمة واخر لحب ضياع واذية للطرفين رغم هية متزوجة عن حب ومن اكللهة شلون هيج تكولين انتي وبابا موتززجتو عن حب
جانت تكلي بس احنة كرايب وابوج مومثل اي واحد لتقارنين ابوج برجال ابد
بيوم كلي نوار احبج رأسا اجت صورة جثتهة كبالي وهية تحوم عليهة لحيوانات وبيبيتي وامهة ملخن نفسهن يردن يدفننهة ولزلم ميقبلون
لحد ما كعدنة لصبح لكينة لجثة ماهية بيومهة ضليت للصبح اتحلم كوابيس مافاركتني لحد هاذ اليوم
هاي صورة لحب بلنسبة الي ولسبب امي وحجيهة الي خلالي عقدة نفسية
لحد مااجت يمنة خالتي لزغيرة عمرهة 25 سنة خريجة تربية وتداوم بمدرسة
جانت مخطوبة وكلسا تخابر خطيبهة وبس تحجي بي سالناهة اني ورنا شلون عرفتي
وكعدت تسلولفلنة وكالت حبيتة بلكلية وحبني وتسولفلنة علة حبهم ومغامراتهم واني فاتحة حلكي بين المامصدكة وبين المتفاجئة
يعني لحب هيج لعد شو محد كتلج وماخلو جثتج بلشارع

اسم الله سلوى منين جبتي هاذ لحجي اني شمسوية حتة يكتلوني

لعد رشى موكتلوهة وخلو جثتهة ياكلن بيهة الجلاب لأن حبت

هههههههه ولج رعنة رشى حبت لوسوتلهة مصيبة اكبر من راسهة نزلت روس خوانهة وروس زلمنة كلهم الي سوتة رشا مصايب بأسم الحب تدرين هية جانت حامل من كتلوهة
هية سوت علاقة غير شرعية وجانت تستحق الصارلهة وعقاب ربج اكبر
جرتني خلت راسي بحضنهة
سلوى الحب موهيج الحب مشاعر مقدسة حرام نلوثهة بشهواتنة ونمحي كل الحدود ونن

سة الاعراف ولتقاليد ولحرام والحلال والله شنو حبينة
الحب انقة واطهر من هاذ الشي

هية تحجي واني بالي يم نوار
رجعت بية لذاكرة ليورة حييل لحد ماوصلتني لعمر 9 سنين نوار الي جان يقاسمني حتة بلحاجة الي يشتريهة نوار الي جان ياكل طن كتل علمودي عينة بس علية
صح جانت هاي لنضرات تضايقني لان احس عبالك مراقبة حتة ملامح وجهي من احركهن جنت احسة يراقبهن
كلمة حب قليلة كلش بحق الي جان يسوي نوار علمودي جان يقسم لفتة وياي
نوار جان كلب طيب كلش حتة اصدقائة جانو يعشقو لان يعرفون نوار شنو
نوار رجولة رغم صغر سنة
صاحب الصاحب واخو خيتة عندة غيرة حتة علة البزونة الي تمشي بلشارع وهلشي لاحضتة باخر فترة هوااي مو بس علية اني عدة غيرة حتة اكول لان يحبني
لا غيرتة جانت حتة علة ايناس ورنا
نوار جان كتلة من لمشاعر الي فاضحة نفسهة لكل جان كاشفة حتة خواني بس محد جان يحجي لان عمرة ماتجاوز لحدود لا وياي ولا وية لبنات

من اعترفلي يومهة خفت حييل وكمت اتجنب نوار
احساس بداخلي غريب كمت اخاف من عدة واكرهة واكره قربة وابتعد عنة شوية شوية بكد ماجنت قريبة الة
بكد مابتعدت عنة تماما وكمت حتة مااطلع حتة لااشوفة والتقي بي ومايجي ببالي غير منضر رشى

ضلت خالتي يمنة هواي اشوفهة طايرة ماتمشي علكاع اشوف الحب مبين بعيونهة وتصرفاته جنت من اشوفهة صافنة وفجئة تبتسم بدون ميكون اكو سبب
رأسا يخطر علة بالي نوار وسوالفة
نوار الي جان يخلق المستحيل حتة يخليني فرحانة ومبتهجة وبيوم يشوفني نفسيتي مرتاحة واضحك يضل طول اليوم فرحان بدون حتة مايعرف شنو السبب الي مخليني افرح
مرت اشهر واني نوار ببالي احسة ياكل ويشرب وياي وكلما اتذكرة انقهر حيييل علة معاملتي الة باخر فترة
وانقهر علة ايام حلوة ضيعتهة من حياتي واني اتختل واتجنبة مع انو هوة ميستحق مني هلشي اقلها وفائا لعشرة العمر الي بينة
وبيوم خالتي جرتني من ايدي وطببتني لغرفة امي
جان تكلي سلوى شبيج صارلج فترة تتصفنين ووضعج مريب
اكو شي؟
بيج شي؟
ضايجة من شي؟
احجي يروح خالتج
طبعا همة كلهم عينهم علية لان ماعاولو نفسيتي تغيرت ورجعت اضحك واسولف مثل قبل فأقل تغير يصير وياي ينتبهولة وخالة خولة احسهة صديقتي موخالتي احبهة حييل وكل اسراري يمهة
من كلتلي هيج رأسن كمت ابجي ندمانة حييل
ومشتاقة لنوار وياخوفي اخذ مني موقف بعد لصار
رفعت راسي بيدهة شافتني ابجي باوعتلي جان تكلي ايا كان الي مبجيج احجي وميكون خاطرج الة طيب اني احل مشكلتج مهما تكون جبيرة
كتلهة خالة هية مومشكلة
لعد شنوو
بلبداية ستحيت احجيلهة بس قويت نفسي وكلت اني محتاجة نصيحة وماراح الكة شخص اكدر احجيلة غيرهة
حجيتلهة كلشي من اول يوم شفت نوار بي لحد من عترفلي بحبة وكمت اتجنبة
احجي واني مدنكة واداري نضراتي عنهة لان حييل مستحية وخجلانة
بس سكوتهة وانضراتهة جانت تنطيني دفعة من الثقة والقوة حتة اكمل احسهة ماستغربت من الي حجيتة ولاحسستني ان هوة شي غلط او عيب مثل مااني مفتهمة
من كملت رأسن ضحكت ضحكة طويلة وجرتني حضنتني
حبيبة خالتهة الي ذاك اليوم جنت اشيلهة صارت مرة وتحب وعدهة مشاعر مثل البنوتات

اني مدنكة ومستحية

خالة اني حجيتلج لان اريد نصيحتج فدوة اني حييل خايفة وبنفس الوقت احبة وماريد ائذي لان كلبة طيب وحيل حباب ويحبني ماريد ينجرح مني

ولج سلوى مثل هيج حب ماكو يعني واحد يضحي بنص الفة مالتة علمود الي يحبهة

خالة كمتي تستهزئين صوجي حجيتلج

لا وكلام الله مااستهزء يعني الطفل اعز شي علة كلبة حاجتة ومن يريد ينطيهة لو لأمة لو ينطيهة لشخص نحرج من عدة لأن طلبهة منة
اما نوار فجان ينطيهة الج من ذاتة يجوز تضحكين بس فعلا هاذ احسن مقياس للحب
ومن خلال حجيج هوة جان يدافعلج حتة من خوانج يعني شهم من طفولتة ولج هاذة صيدة مومال يتضيع
عود مثل زمان ابو بطن يلاويني علفة كدام الطلاب
ههههههه

خالة يعني عادي احاجي بلتلفون واحجيلة حقيقة مشاعري

والله اني ماريد اعلمج هيج شغلات بس مابيهة شي لو عرف انتي تبادلي نفس المشاعر خطية حرام ضال يتعذب وينقهر وحسب كلامج تكولين حتة لشارع كام ميطلعة معناهة تاذى من ردة فعلج ونصدم
حاجي بس بحدود ولتذبين نفسج علي ولتنطي مجال ابد ورشى دائما حطيهة كدام عينج حتة لتغلطين غلطتهة وكلشي يصير وياج تحجيلي ماريد تضمين عني شي ابد اني صديقتج واريد نبقة هيج دائما حتى لو كبرتي
انشاء الله
كمت من يم خالتي بسرعة رحت ....

[ملكةه]

اهات_من_محطات_حياتي....بارت4

رحت لعلي حجيتلة وضحك علية كلي يجوز غلطانة
رجعت للبيت لكيت خالتي رضية متخربطة بطنهة تأذيهة عدهة مغص
بدلت واخذناهة اني وامي للمستشفى طلع عدهة تسمم ماكلة مركة بايتة ومعدتهة ممتحملة سوولهة غسيل معدة وعلاج وشي واني بلمستشفى تذكرت ناسي تلفوني من العجلة خلولهة مغذي ونامت ضلينة اني وامي يمهة وامي نصبت علية تكلي هاي السسترات نعجبن بيك وهنة صدك ملطلطات رايحات راجعات
لهناك صحت خالتي وهم طبكن هية وامي علية وكلسا يصيحن لسستر يحجن وياهة ويكللي الحكهة رقمهة واني اضحك عليهن
قريب ل8 كلت لخالتي يلله كومي خل نرجع هوة انتي اصحة مني
طلعنة من المستشفى للبيت طبيت لغرفتي ركض علتلفون ومثل ماتوقعت لكيتهة داكة علية
اباوع علتلفون ولكاع ماشايلتني سلوى تدك علية يا الله اني بحلم بعلم
كمت سديت باب العرفة ودكيت عليهة

كمت من يم خالتي ركض لغرفتنة اني ورنا لكيتهة كاعدة تمشط كوة صرفتهة من لغرفة كتلهة اريد ابدل
طلعت وقفلت لباب وراهة طلعت رقمة الي الة اشهر بتلفوني حصلتة من تلفون سرمد دكيت علي اول مااكال الو نزلت دموعي بكد مامشتاقة لصوتة اريد احجي مااكدر بين المستحية ومااعرف احجي وبين المقهورة وخنكتني العبرة من شوكي الة
ماكدرت احجي خنكتني عبرتي وصوتي ماطلع سديت التلفون وقفلتة مادري شصار بية ضليت للعصر ابجي تالي لفيت راسي ونمت
كعدت المغرب علة ادين خالتي وهية تلعب بشعري وتجيبة علة وجهي حتة اكعد
كوة فتحت عيوني رأسن جريت تلفوني من جوة المخدة وفتحتة اول مانفتح لكيتة داك علية اكثر من مرة
خالتي كلتلي ها
كتلهة داك علية
كلتلي اي حاجي يلله ماطولني يمج حتة اعلمج شنو تكليلة دكيت علي وخجلانة ماريد احجي ويا كدام خالتي بس استحي اكللهة
دكيت علي مرتين مارد همزين
كمنة اني وخالتي ورنا بدلنة نريد نروح للسوك لان خالتي جاي تجهز لعرسهة واجت يمنة تجهز لان ماعدهة احد بيبيتي مابيهة حيل تطلع وتفتر بلسواكة
بدلنة وطلعنة نتمشة لسوك شوية قريب علينة بطلعتنة شفنة علي وفيان كاعدين برة يقرون ويتناقشون وعلي كلسا يكفخ فيان يكلة موهيج غلط
عاينت علة رنا وهية تختلس لنضرات علة علي ادري بيهة من جنة جهال تحبة ومعحبة بشخصيتة جانت تحاول تقلدة بكلشي حتة ينعجب بيهة بس ماجانت تدري هية بهاي لطريقة ضيعتة من ايدهة صح هوة يكره البنية المايعة بس مومعناهة يريد بنية تشبهة بكلشي بس رنا جانت تقلدة لحد مانست كونه هية بنية وتقمصت شخصية الولد بأكمل صورة
هوة جان يسميهة حميد الوصخ وهواي يفشلهة
جنت اشوف لدمعة تلمع بعينهة مامرة شفتهة بجت هواي تكابر ومتحب تضهر اجانب لضعيف بشخصيتهة
علة كولتهة تكلي انتي تعوضين
تناقض بين شخصيتي وشخصيتهة من لسمة للكاع هية الي ميعرفهة بحسهة عرمة وصلفة لأن متستحي من اي واحد ولو شافت غلط ابد متسكت علي حتة لو صاحب لغلط بابا
ابوي يموت عليهة يكول هاذي زلمة ماخاف عليهة ابد
بس امي هية وياهة شرايج
امي متحب البنية وكحة تحبهة فقيرة وراضخة وتسمع حجاية لكل
بتعدنة عنهم ورنا عيونهة جانن فاضحات كمية الألم الي بداخلهة وهية تحاول تلفت نضر شخص اصلا ماحاسهة بنية ولامحسوبة علبنات جنة من نلعب لعبة ونصير فريقين
فريق الولد وفريق البنات علي جان يضحك ويكل لرنا هسة انتي محسوبة عليهن لو علينة
انتي عنصر محايد ضلي متلعبين ويانة لحد ماتحددين موقفج لوبنية لو ولد
حركات المسترجلات بطليهة
جانت تاخذ الموضوع بلشقة ومرات تلعب وياهم ومرات ويانة حسب مزاجهة

وصلنة للسوك ورنا ماخلت واحد ماحشتة
ميسلم منهة لالكيكي ولا المبهذل
بلشت خالتي تشتري واحنة نساعدهة بلأختيارات

شترت خالتي هواي شغلات واني اخذتلي بدي ورنا اخذت تراك ورجعنة للبيت
لكينة امي صابة لعشة وجاي تاكل هية وباب كعدنة ناكل واحنة جايبين ويانة لفات هم طلعناهن كملنة اكل ولمينة المواعين وغسلناهن اني ورنا كعدو كلهم علتلفزيون وخالتي خولة تطلع بلغراض تراويهن لأمي
نسيت من يمهم وكمت للغرفة طبيت وقفلت لباب وراي طلعت التلفون وطلعت رقمة
كلسا احط ايدي علأتصال واوخرهة بعدة لتلفون بيدي دك
رأسا نطيتة رفض
يا الله يا الله
ضليت اغم بروحي واضرب علة رجلي ليش نطيتة رفض ليش
خليتة علميز واباوع علمراية واعدل بشعري دك لتلفون ركضت علي رأسا فتحت خط
كال الو واني هم كلت الو
شلونج سلوى
اهلا منو
خل يولن سلوى نوار اني
لو ما انتي داكة علية
ها اي اي صح
شكد فشلت من كلي هيج ولو اني استحق دائما اتصرف بغباء
شلونج
زينة لحمد لله
ليش هيج سويتي
شنو
هاي لفترة لفاتت شسويتي بية
سيويت
ماكو شي سلوى ماكو
حسيتة ضاج واني ماابطل من هاذ لأسلوب دائما السؤال الي استحي ارد علي اتصرف بغباء واسوي نفسي مادري
نوار يعرف هاذ لأسلوب رأسا يغير الموضوع
بعدة يريد يحجي كتلة احبك
ورأسا سديت التلفون بوجهة مادري شصار بية حييل ستحيت عبالك مسوية مصيبة وبس اريد اشرد منهة
رجع دك عل

ية مرة وحدة مارديت وهوة هم بعد مادك
طلعت من غرفتي فرحانة حيل حمل ونزاح

عن كلبي اهم شي درة بية احبة لأن انقهر علي عبالة يحب من طرف واحد وميدري اني هنا احترك حالي حالة
نوار طيب وحييل نقي من لداخل حساس حييل مومثل بعض الولد الي ماعدهم احساس حتلو البنية تصدة يبقة لازك
لا نوار غيير عن كل شخص ممكن اعرفة بحياتي كلهة
مجرد ان يحس بلمقابل ماريدة او حتة مامرحب بي بنسحب بدون ميحسية ان هوة درة
هاذ لشي كلش احبة بشخصيتة

من كلتلي احبك وسدت التلفون بوجهي عرفتهة ستحت اعرفهة شكد خجولة تمددت علجرباية واني اتخيل خدودهة هسة صارن حمر من لخجل
واخيرا
احس سويت انجاز كلش جبير حصلت حب سلوى حصلتة
طلعت من غرفتي ابوس بأمي وخالتي وهنة يضحكن يكللي شبيك ليوم وامي تجر بية تشتم بحلكي عبالهة شارب شي
واني اضحك واكللهة اي والله شلون قوطية بيرة بطعم الفرولة
كامت تريد تضربني وخالتي رضية وكفت كدامي وتضحك تكللهة ولج شبيج هوة هاذ لفطير حتة ميعرف يجذب عليج
اكو بيرة بطعم الفرولة

احضن بيهة وهية تدفع بية وتكلي وخر ملعون هبطتني
هههههه هوة اني لوعدي اجيبهة بس انتي بخيلة وياي
ايا حيوان
هههههه عليج الله لا لا موبلنعال موهاذ مستواي
لعد شنو مستواك الشحاطة
جريت خالتي رضية صارت كدامي خطية اجة لنعال بجتفهة طلعت ركض وهنة ثنينهن وراي كل وحدة بيدهة حاجة
فتحت لباب وركض لبيت علي دكيت لباب حييل هرجتهم هرج طلعت امة بعدني ادك بلجرص ومانتبه عليهة فاتحة لباب
جان تكفخني راشدي وجرتني من كذلتي جانت نازلة علة وجهي فززتني
ولك نوير ركلتنة ركل عبالي اجونة مداهمة

خالة اني اخلص من امي وخالتي رضية تستلميني انتي

جان تصيح بصوت عالي نهاد كفختة الج وهية عينهة علة بابنة لأن تدري بأمي تبقة تباوع من لزرف لحد ماتتأكد مني طبيت لليت علي او فيان يلله تطب جوة
طلعت امي تضحك خليتهة تحجي وياهة وطبيت اتخنس لكيت علي بلصالة حاط لكتاب مال لكيمياء بحضنة ومغمض عيونة ويدوي دودودود

كعدت بصفة علة كيف تدنيت يمة جان اعيط بذانة كيميااااااااء هوهو
بوية بعدني اريد اوكف علة حيلي حتة اشرد وماحس الة دفرة اجت ببطني داس بمصاريني
اباوع علي بكد ماخترع دموعة نازلات كمت اضحك بصوت عالي واصيح خالة فهمية لحكيني علي راح يطلع مصاريني من حلكي
اجت وهية تدفع بي مني وتكلة
ولك حقير وخر عنة خنكتة
جرتة كوة مني وهوة يمسح بعيونة ويسب بية
رحت علي حضنتة واضحك راسي واصل لحد صدرة عبالك ابنة وهوة يدفع بية
حقير كلبي راد يوكف كلب

هسة عوفنة من كلبك وتعال حتار بكلبي

شبي كلبك عيني
ماكافيك بواري ماشبعت

لا حبيبي راحت ايام البواري
خابرتني علي خابرتني
صفن شوية وهوة متفاجئ حسيتة ضاج شوية

ها علي وين رحت

ها اي وياك الله ربك عيني بلخير

اوووف علي مومصدك
صدك عود نكبر وسلوى تصير قسمتي ونكضي العمر سوة

انشاء الله ليش لا انتة تستاهلهة

وين وصلت بلكيمياء
راح اخلص بقتلي بس اسئلة الفصل احلهة واتمرن عليهة

وانتة
كلشي ماقاري غير اخذنة خالتي رضية للمستشفى عدهة تسمم ولساني يادوب مخلص نص الفصل

يلله مينخاف عليك انتة ذكي قابل مثلي المطي يستوعب اسرع مني
لا حشاك انتة مو غبي بس دراخ يعني جان لازم تروح ادبي
يمعود اني حتة لأعدادية ماتهة ردت اروح تمريض بس شسوي لأمي الله يسامحهة

يلله هسة الي يسمعك يكول مكضيهة رسوب اشو درجاتك مثلي واحسن

يلله خل اروح اقرة ولو مااعتقد اكدر بعد ماسمعت صوتهة

اي عيني الله ربك قابل مثلنة حتة جلاب لشوارع متكلبني
ههههههه يخافن منك غير

طلعت من يم علي وعيني علة بيتهم بهاي الفترة شدو كامرات كمت مااوكف هواي يم بيتهم مومثل قبل جنت اخذلي صفنة بلربع ساعة

طبيت لبيتنة اتخنس امي وخالتي بغرفتهن بس خالي محمد ينركل وعينة بلتلفون
طببيت لغرفتي ركض للتلفون
طلعت رقمهة وكتبتلهة رسالة

ولزمت كتابي كعدت اقرة كيمياء
اقل لساعة كملت وضليت اراجع لان احس نفسي مامسيطر علمادة
اقرة وعيني علتلفون عبالي ترد علية ماكو
ب11 طبكت الكتاب وتمددت علة جربايتي اريد انام ماكو
ضليت اتكلب احد مانمت فزيت علة صوت امي تكعد بية
يلله نوار تأخرت ولك راح تصير بل7 ونص علي واكفلك بلباب
طفرت من لجرباية ركض للكنتور جان امي تصيح من وراي ذني هدومك هاك اخذتهن منهة ودفعتهة مترضة تطلع تكلي بدل كدامي علما الم فراشك اني هم اريد اطلع تاخرت

سديت لباب ولبست بساع بساع شعري مشطتة بدون لاجل لا فرجة بيدي صفطتة واخذت الجنطة وزركت بدون ريوك
طلعت برة بعدني ستوني ماد راسي اجاني لراشدي من علي خلصت روحي من عدة وركضت علة ام فيان بيدهة صوندة متعودة ترش حديقتهة من لصبح
جريتهة منهة غسلت راسي ووجهي
وصبحت عليهم ومشينة بعدنة بلفرع صاحتني امي نوااار
نداريت ووية مانداريت شفت سلوى طلعت هية ورنا من بيتهم صفنت عليهة
جان امي تصيح نوار تعال اخذ مصرفك يمة يكتلك الجوع
لا يا الله يمة هسة وكتج
اباوع عليهة بتسمت ودنكت راحن علة ايناس دكن لباب
علي يضحك علية ويكلي شلون عليك حض وجهك مورم وشعرك متكافشات علي شلة بزازين
رحت على امي اخذت منهة الفلو

س بس حتة اسد حلكهة لان ادري ليهة تلحكني للمدرسة وتجيبهن اذا مااخذهن

وصلت يمهم ووية ماوكفت عاينت علة فيان جان صافن علة ايناس هستوهة طالعة من بيتهم وجايرتسلم علة رنى وسلوى
سطرتة راشدي خليتة يكمز ذبيت حركتي وضوجتي بي وعلي يضحك بصوت عالي
هوة دار وجهة ومشة ورنا طكتهة بضحكة عبالك علي نطاهة الضوء لأخضر من ضحك
مشينة وهنة يمشن ورانة اميز مشيتهة من مشيتهن
واسمع رنا كلسا تكللهن يلله شكد فاهيات
لحد ماوصلن لمدرسة رنا فاركنهة وضلن بس هنة يمشن
احنة مدرستنة ابعد من مدرستهن
وصلنة لشارع لعام عبرنا وهنة طبن بفرع نداريت واباوع عليهن وعلي يسحول بية يكلي اول درس امتحان ماضل وكت
اختفن من كدامي كتلهم يلله واخذناهة ركضة للمدرسة

طبينة جان لدرس بادي واول درس امتحان كوة لمدرس طببنة
لأسئلة جانت صعبة وصفنتني وفيان وراي يضرب برجلي من جوة يريد السؤال الثاني فتحتلة ورقتي وكتلة دبر روحك اني مااكدر احجي
كملنة لأمتحان وعلي جان حييل ضايج لأن مانجاوب وهوة قرة هواي خطية ادري بي دائما يتعب ويهلك روحة
خلص الدوام بين ضحك وسوالف وتحشيش نتبهت لعلي جان حييل ضايج سألتة اكثر من مرة يكلي علمود اأمتحان بس ماقتنعت لأن موعوايدة يطول بلضوجة
بساع ينسة وميحب الحزن
طلعنة من لدوام وبطريقي كتلهم خل نمر علة امي
علي .. علة امك لو علة ام السوس
ثنينهن ههههه
وصلنة يم المدرسة امي تتأخر يلله تطلع تضل تدك سوالف هية وصديقاتهة
واكفين وفيان صاح ذيج ايناس
باوعت شفتهة هية وسلوى طلعن يضحكن شافتني سلوى رأسا دنكت وبطلت ضحك
بس ايناس مستمرة
تضحك وصوتهة عالي من تحجي
نداريت علة فيان كتلة
ولك فيان هاي ايناس ام لسان لطويل ليش متأذبهة
فيان..دسكت يمعود شأدبهة هية مأدبتني ومربيتني احسن تربية
لعد حل تبتعد عن سلوتي راح تفسد اخلاقهة
ديلة عيني لوماربن سوة هنة

علي صاح علة فيان اوكف اوكف تكول مأدبتك
لكفتك ولك يعني هاي هية الي جنت تحاجيهة ذاك اليوم ومن سألتك تكلي خالتي

ركض فيان وهوة يصيح لاموهية والله موهية وهنة يمشن كدامنة ويتبسبسن واحنة نمشي تذكرت امي
ولكم امي عفناهة
علي... دمشي ولك امك لويجي الحمزة متطلع
استخفر الله ليش تكفر
نجب لك انتة تعرفة للحمزة اصلا

واحنة نمشي وصلن يم مدرسة رنا وطلعت تعيط عليهن تكلهن صارلي ساعة انتضر ليش تأخرتن صدت عينهة علينة من شافتنة سكتت

مشن هنة واحنة وراهن بمسافة
كتلهم خل نخليهن يبتعدن امشو علكيف خاف يشوفنة احد يكول لاحكيهن
فشلة بنات منطقتنة هنة

شوية ودك تلفوني باوعت امي رديت عليهة جان تكلي ندار وراك
نداريت شفتهة ورانة هية ومدرسة
تانيناهن اجن وعيني علة سلوى صارت بعيدة حييل ووصلت لفرعنة هية وايناس

سلمت علمدرسة الي وية امي وعلي وفيان سلمو علة امي لمدرسة راحت لان بيتهة بلفرع المقابيلنة واحنة كملنة طريقنة وامي تسولف وية علي وفيان وتسألنة عن لأمتحان
وصلنة لفرعنة وفترقنة كل واحد طب لبيتة بعدنة نمشي بلحديقة مال لبيت جان امي تضربني علة ضهري حييل
اليوم رجال بيتي شعدة يم المدرسة ها
تغمزلي
ها ماعدي اجيت عليج وانتي يمتة شفتيني

شفتك من مشيت من يم المدرسة وانتو ولولد تمشون ورة ايناس وسلوى ترة امك ذكية انتة عليمن طالع قابل

يمة شلج بهاذ الحجي احنة مرينة بيج ومن شفتج بعدج متطالعة كلت يجوز تتأخرين رجعنة للبيت هنة جانن حالات وطريقهن هوة طريقنة قابل شعلينة بيهن

نوار ترة من رحت وراهة للمطبخ وكتلهة احبج اني سمعتك اصلا تعمدت دزيتك وراهة ردت اشوف الي شاكة بي صح لو لا

ضليت اتلعثم وابلع ريك من كالت هيج
تقربت علية باستني جان تكلي نفس سوالف ابوك
وليدي دير بالك ذني بنياتنة و عرضنة ميصير تلحكوهن هيج تجيبولهن الحجاية

لا يمة وسفة عليج والله ماجان الي نية الحكهن لا اني ولا الولد وانشاء الله متتكرر
طبيت لغرفتي اتصفن صدك فشلة لوشايفنة سرمد لو سعد شيكول بله

تمددت بفراشي وافكر بيهة
شوية وفتحت تلفوني لكيت ...

[ملكةه]

#اهات_من_محطات_حياتي...#بارت5


فتحت تلفوني لكيتهة دازتلي رسالة
كاتبتلي : من شفت اعله عينك
لمعه مال غياب
بساعتهه عرفت الشوف نعمه

دكيت عليهة رأسن
ماردت رجعت دكيت مرتين ردت علية بلثالثة

جنت بلهول وسمعت تلفوني دك علما وصلت لكيت لمكالمة مخلصة شفتهة نوار
تانية رجع دك اريد ارد طبت رنى خليتة صامت رأسا بحوشت بكنتورهة وطلعت
رجع دك لتلفون ركض سديت لباب وكعدت بلكاع يمة رديت وحاطة ايدي على كلبي احسة راح يطفر

بعدني هستوني كلت الوو جان يصيح بأذاني
احببببببج
احبج احبج احبج
وحق محمد احبج
ههههههه شبيك نوار خرعتني
اي موشلعتي كلبي ببرودج
اني باردة ؟
انتي موبس باردة كتشفت بيج شي بعد
شنوة
انتي غامضة الى ابعد الحدود
يعني اذا تحبيني ليش هيج سويتي
اوووه سالفة طويلة نوار بس اني مجنت متاكدة من مشاعري وتانيت لحد ماتأكدت يلله حجيتلك ماردت اتصرف بدون وعي
فديت التفتهم والله
هههه فدوة لكلبك
فدوة لكلبج انتي يبعد العمر كلة
بوووية شسويتي بية ولج مانقهرتي علية
جنت كلما يجون اهلج برمضان وانتي مو وياهم اموت قهر وحتة ماافطر
يوووو لساك تتذكر
طبعا اي شي يخصج ماانسا ينطبع بذاكرتي وبكلبي وبروحي
ضليت اسولف وية سلوتي احاول شكد مااكدر الزم روحي ومااتجاوز حدودي وياهة ابد حجينة جان بأطار الدراسة والدوام وبس
سوالفهة حلوة تحجي بهدوء وبرود تام وهوة هاذ لسالب عقلي وروحي هدوئهة ونزاكتهة من تحجي صوتهة لرفيع الي يعكس نقاء موطبيعي انوثة بمعنى الكلمة بس ماجانت تتمايع وترفع بصوتهة مثل ما اغلب البنات يسون حتة يلفتن الولد
جانتت تتصرف بعفوية تامة بريئة حييل وهاذ الشي احلة مابيهة

جاي نحجي اني ونوار ودفعت لباب خالتي
اني رأسا كمت ولتلفون جان علة اذاني
اشرتلي منوو
دنيت لتلفون وكتلهة هوة
جان تجرني علجرباية وخلت اذانهة يم لتلفون وكلتلي احجي
ضليت اسولف ويا وهوة كلما اكول اسمة يكلي ها يبعد لعمر كلة
اخر شي اخذت لتلفون مني كالت اريد اسلم علي

جاي احجي وية سلوى وحسيت لصوت ولنبرة تغيرت
الو مرحبة نوار اني خالة سلوى
اا اهلا وسهلا خالة
ولك لتكلي خالة اني زغيرة
ههههههه مو علعمر بس احتراما الج
ها اذا هيج اوك لعد
شلونك عيني لعاشق لولهان
ههههه لحمد لله تمام انتي شلونج انشاء الله زينة
اني اكون زينة اذا تدير بالك علة سلوى ومتأذيهة وتحطهة بعيونك
بعدهة تحجي كتلهة خالة من رخصتج
من لأخير انطيج اياهة حتة لتضلين متخوفة لأن ادري محد غيرج يدري بينة نتخابر
سلوى بلنسبة الي روح
اذا بيوم من لأيام شفتي واحد كدر يضر روحة ويأذيهة ذيج لساعة شكي بأنو اني ممكن ااذي سلوى

الله يخليك ويحفضك لشبابك خالاتي
نطت لتلفون لسلوى واني كتلهة حبيبي سدي ماريد احرجج كدام خالتج

ثاني يوم جان عطلة خابرت علة علي وفيان سوينة مكالمة جماعية
كتلهم اريد اشتري ملابس خل نطلع علي كال اني هم اريد حذاء
وفيان كال ماشي اني اجي وياكم علواهس
تانيت لعصر يجي لبست بدي ابيض وبنطرون جينز نيلي وسويت شعري ودكيت علولد علي كال اني مكمل وفيان كال بعدني جاي اسبح

طلعت برة لكيت امي وخالتي رضية يشربن جاي ويا بسكت ونسوان خوالي الي تسبح بجهالهة والي تبدللهم يردن يطلعن
كعدت يمهن اول ماشفني سكتن
ها ريا وسكينة شو سكتتن شكو شعدجن غردن يلله
لأم ....اي الله جابك نوار تعال لحضرنة
بس خليك محضر خير رجائا

ماشي ماشي كلتهة واني اضحك علة خالتي الي عاقجة لوجه وتعض شفة لأمي تيقنت وكتهة ان لموضوع يخص خطباء خالتي
الي همة واحد افكس من لثاني
باوعت علة امي كلتلهة

جان تجرين تحرياتج
وجان تلكين رجل لخالتي
وجان يطلع كصير واعور اذا موااعرج والدنية وتغدية ومتعشية علة وجهة وساحلتة ذهابا وايابا
وجان هسة اجيتي تردين تقنعيهة بحجة الرجل خيمة وستر
بهلاثناء خالتي غصت من لضحك ولجاي كام يطلع من خشمهة
وامي كامت تضرب علة ضهرهة وتحجي علية تكلي شنو من ولد انتة عون لو فرعون
اي يا يمة ميصير هي...
بعدني احجي نلطمت علة حلكي
طبعا اني وامي علاقتنة حلوة شقة وضحك
مرات حتة نتكافش بلشقة
حتة وية خالتي رضية هم نفس لشي علاقتي

اكرمني بسكوتك انتة رجائا هوة ياهو لطلع عينهة غيرك انتة ومحمد

طبعا خالتي رضية حلوة وحبابة وخريجة تجارة بس حض ماعدهة

اي يايمة خومو نشمرهة هيج
شنو مستثقلين لكمتهة قابل

نجب ولك شنو مستثقلين لكمتهة ولك يمة اني خايفة عليهة اني مادايمة باجر عكبة رايحة هية منو الهة خوالك كل واحد يحتار بعائلتة
وهية تضل ماطلطة بلبيوت اني اريد ائمن عليهة وارتاح عاد اخلص من حمل واحد موثنينكم شايلة همكم
خالتي تقربت على امي الي نزلن دموعهة علة وجهة وهية تحجي
باستهة ومسحت دموعهة وكلتلهة هاذهو يجرالج خل يجي باجر واني ابدل واطلع اشوفة عادي

امي فرحت وتبوس بوجه خالتي
واني طكيتلهن هلهولة مال عجايز
طلع خالي امجد من غرفتة يعربد عفتهن يتلاطمن يردن يختلن بغرفهن قبل مايوصل يمهن ويطلع لضحكة من عيونهن
وف

لتت لبيت فيان ادك بلباب وعيني علة بيتهة بعدني صافن حسيت لكفخة علة ركبتي عبالك نار
نداريت علة علي طفرت علي ضربتة كلة
بعلأثناء طلع فيان جريتة من ملابسة توليتة راشديات يريد يحمي وجهة مايلحك
وعلي هم ماقصر بدون ميدري شنو لسالفة يكفخ بي ويكلة ليش سويت هيج ها ليش

خطية كوة فرغ روحة من عدنة وصاح يمعودين شمسوي ولكم جلاب
ليش هيج كفار قريش ماسووهة هية هاي هم صداقة خرب روحكم خربتو لسبايكي

طب للبيت يعدل شعرة واني وعلي واحد يضحك بوجه لثاني
ولك علي هاذة فيان طالع لسانة
اي ولك هاي ايناس ام لسان طلعت عينة
ادري بي جاي يحجي وياهة بلتلفون الة فترة بس ينكر لخاين
اهاااا
كلتهة واني اداري بنضراتي من علي لأن ماحاجيلة علتطورات الصارت بينة اني وسلوى

صاح علي علة فيان
صخام يلله فضهة راح تضلم لدنية ولكم
طلع فيان وهوة يتذمر
توحهنة لسوك الكوفة
نمشي ولبنات صارن حرب على فيان
وعلي كلسا يكفخة ويكلة امشي وراي ماريد وحدة تشوف لحلو مالتنة خاف يغتصبنك مالنة خلك امك لسانهة اطول من لسان ايناس
الله يعينك تخلص من وحدة توكع بلاتعس منهة

نداريت علة فيان وهوة يمشي ورة علي من كل عقلة لان يخاف من لسانة
كتلة اطلع يوسف لصديق لو خايف علبنات يكطعن اديهن من يشوفنك

وخر من ورة علي وهوة يضحك
يكلي بمكان متكشخون بية تضموني

علي... يمعود شنكشخ بيك وزليخة مالتك اذا شافتهن شلون ياكلنك بنضراتهن تشوي علة اذاناتك بصل

وصلنة للمكان المتعودين نشتري من عدة ملابس اخذت بنطرونين و3 تيشيرتات وتوجهنة لأبو لأحذية بعدنة نتفرج اجت عيني علة ابو مجوهرات مطلية كبالنة
غافلت الولد ورحت علي اخذت كلادة علة شكل انفنتي جانت هستوهة نازلة كلش حلوة ونزاكة تلوك لسلوتي
حاسبت وطلعت شفت علي كبالي مجتف ادي وعينة علية
ها عيني قيس كول جاي تشتري السلوى المايعة هدية ليش تجذب علينة

ضربتة علة جتفة وكتلة اخذ حذاء بسرعة وخلينة نرجع صار اليل

تضايقت من جاب اسمهة كدام ابو المحل وجان اكو ولد جاي يشترون نعرفهم ويانة بلمدرسة بس موبصفنة

شترة حذاء وعينة علية يحاول بنضراتة يمتص لغضب والضوجة الي بداخلي
وهوة يعرف سلوى عدي خط احمر

كملنة وتوجهنة لمكان لسيارات وعلي يحاول يصالحني بس ميعرف يعتذر اعرفة من جنة زغار لغت لأعتذار ماموجودة بقاموسة

سويت نفسي عادي وجبت لطريق وياهم ضحك وشقة وسوالف
لحد ماوصلنة لفرعنة وفترقنة كل واحد طب لبيتهم
طبيت للبيت لكيت امي تسوي عشة هية وخالتي نسوان خوالي طالعات هنة وخوالي وجهالهن

كتلهن ها ريا وسكينة ماخذوجن وياهم

امي..يايمة شنريد منهم اهم شي يرتاحون احنة مومال طلعة
نبت خالتي رضية
ليش مومال طلعة شبينة موبشر
بس هوة موصوجهم صوج لوكت لخلانة بعازتهم
نفهرت علة خالتي ادري بيهة تتحسس
كتلهن متطولني مبدل كومن بدلن خل نروح للكوفة نزور
خالتي رضية كيفت وامي بتسمت وتكلي
فدوة لأبو بيتي يحس بأمة وخالتة
الله يحفضك الي وكون ماتغيرتك مرة يبعد امك

تخسة المرة الي تغيرني عليجن
بدلن وطلعنة زورتهن واكلنة موطة وفترينة بلسوك شترن ملابس وشغلات
ورجعنة للبيت
طبيت لغرفتي تعبان من لفرة
دكيت علة سلوى نطتني رفض
عرفتهة متكدر ترد
نمت
كعدت ثاني يوم مر اليوم عادي لعصر طلعنة رحنة للجم وبلرجعة نطيت الكلادة لفيان
كتلة يطيهة لأيناس حتة توصلهة لسلوى لان مااحب اقترب منهة ابد اخاف عليهة ومااريد اتعود علة هاذ لشي اريد تبقة بيناتنة مسافة مااحب اتجاوزهة لأن احنة مهما يكون ولد منطقة وحدة يعني بأعتبار هية عرضي

جنت بين فترة وفترة اخابرهة اطمان عليهة واسألهة علة دراستهة ومرات تكلي اكو شغلات ماتفهمهن اكعد اشرحهن الهة وافهمهة
يوم عن يوم كمت اتعلق بيهة واحبهة
اي وبجنون حب لطفولة مستحيل ينمحي من لذاكرة شكد شفت بنات كرايب وغريبات حلوات وعاديات
وجنت مراهق يعني كلبي بسرعة يتحرك واي وحدة ممكن تلفت نضري بس غير سلوة مادخلت عقلي ولا عرف كلبي غيرهة
كبرت وحبهة جان مثل لشتلة كبر بداخلي وتملكني جانتلي وطن وعيونهة جنت اضيع بيهن وانسا كوني ودنيتي انسة اهلي وكلشي وبس اريدهة فرحانة
ومرتاحة بس اريد عيونهة يضحكن
ولو شفتهة بجت يمة اكوم مااشوف بعيوني
شكد احب علي واحس روحي معلكة بي عمري ماحسيت نفسي وحيد امي لان علي جانلي اخو من صدك مو بس حجي
بس لو شفتة اذاهة انسة كلشي اروح علي اضربة بدون وعي وهوة جان اضخم مني ويكدر بضربة وحدة يصوبني بس جان يعوفني ويرخي جسمة وحتة ميدافع عن نفسة
يتانيتي تهدء ناري وارتاح ويصالحني
رغم يدري بية اموت لوشفتهة بجت بس ماجان يكدر يمنع نفسة عنهة
هاذ لشي الي جنت احاول اغيرة بعلي بس للأسف ماكدرت

شكد ارتاح من احجي ويا
سوالفة حلوة ويحشش
يرجعني لأيام قبل من جنة نلعب بلشارع
بكد ماجنت احبة حبيتة اضعاف
مثل كلب نوار ماكو
حنين كلش احسة احن علية حتة من اهلي
خواني كدامهم يضربني علي ويذبلي رجل يوكعني مالهم شغل بية
بس نوار جان يكلب لدنية يكوم ميشوف بعيونة وكوة يخلصون علي من ادي
ايقنت و

تاكدت هاذة الي اكدر ائمن علة روحي ويا
هاذة الي اغمض عيوني واتبعة وين ميروح عسما لجهنم
مرت لأيام حلوة تخبل احلة من لشهد
والي جان محليهة نوار وسوالفة جنت افقد من يضل يحشش ويسولفلي علة سوالفهم بلمدرسة
غيرلي دنيتي ولونهة بئدي من بعد ماجنت معتكفة وكارهة حياتي واحن للفلوجة واتاني العطلة يوم يوم حتة اروح يم بيت جدي
كمت احب قربة واحب روحة المرحة
سوالفة الي تنسيني همومي

اووووف ياسلوتي كلبت حياتي كلب
جانت اضافة تخبل لحياتي كملتهة الي
فعلا حياتي جانت ناقصتهة وبيهة كملت واني هم كملت
جنت انسة لدنية من احجي وياهة
الي بينة ماجان علاقة تافهة مثل اي علاقة
الي بينة جان اكبر من ان يتسمة نزوة مراهقة
الي بينة جان مشاعر جبيرة كلش اكبر من عمرنة
محد يفهمهة غيرنة
محد بينة تجاوز لحدود ولا بعمري عبرت الخطوط الي بينة
وسلوى كذلك جانت صاينة تربية اهلهة وثقتهم
جانت خالة تعب ابوهة بين عيونهة وهواي تكلي نوار اني ماريد بيوم سيرة بابا تنجاب بلموزين
وجنت ارد عليهة واكللهة ماجابتة امة الي يمس سيرتكم بلشين

وبيوم جنت راجع من ادوام ودكت علية طبعا اني مودائما احاجيهة بلسبوع مرة أو مرتين
فتحت لخط واني متغاجأ بلعادة اني ادك عليهة هية ابدك متدك

هلو نوار شلونك
هلة بلسوة روحي شلونج يبعد العمر كلة
زينة لحمد لله
عساج بخير يبعد طوايف هلي
نوار اليوم راح نروح للكوفة
شعجب
شنو شعجب كفار احنة قابل
لا حبيبي حشة موهيج بس موعوايدكم
خالتي رادت تزور واني هم بنفسي ازور هاذ المكان حبيتة بكد مااتسولفلي علي
اي حبيبي روحي شكو بيهة زيارة مقبولة مقدما
مووو
مو شنو حبيبي كولي
ها ماكو شي ماكو شي
يلله اني اروح مع السلامة
سلو...
بعدني احجي سدت التلفون متبطل هاذ لطبع
هوااي تخجل وتستحي مع انو صارت بيناتنة ميانة بس ماعافت هاذ الطبع

رجعت دكيت عليهة 3 مرات يلله ردت
شالتة ماحجت شي
سلوتي حبيبي شنو ردتي تكولين
ماردت شي
حبيبي تستحين مني
لا
ردت اشوفك نوار
بس
اي
يبعد عيون نوار يبعد العمر كلة انتي
قبل متطلعون دكي علية وكليلي حتة اطلع
اوك باي
باي حبيبي الله وياج

جنت فرحانة حييل لأن راح اشوف نوار وكعدت استعد وخالتي ختارتلي ملابس حلوات ونسقتهن الي ورنا تحوم علينة تريد تعرف شكو ليش هيج كاعدة استعد غير عن كل طلعة
خابرني نوار جان يكلي مااجي
نقهرت حيييل وكلتلهم مااطلع بس خالتي ضاجت وكلتلي اذا متجين اني هم مااجي تالي بدلت لخاطرهة وطلعنة كلنة
وصلنة يم المقام زرنة وصلينة و كعدنة برة
لهناك خالتي كالت تعاي نفتر عفناهم كاعدين ورحنة اني وياهة
بعدني امشي جان .....