مــلاحظات مهمة بخصوص الانشـــــاء السادس الإعدادي
مــلاحظات مهمة بخصوص الانشـــــاء السادس الإعدادي
بالبداية ، الانشاء هو مساعدة للطالب، والطالب ما ملزم يكتب باسلوب بلاغي، فهو طالب سادس اعدادي.
لكن اكو ملاحظات على الطالب يراعيها حتى يضمن درجة اعلى بالانشاء، ولو درجة الادب والقواعد ايضا الها دور برفع درجة الانشاء واحد الشواهد هو الكثير من طلبة الطبية حصلوا درجات 98 و 99 بالعربي على الرغم خطهم مو شي وكذلك بلاغتهم، لكن درجة الادب والقواعد ساعدت على رفع درجة الانشاء ،
بشكل عام هاي امور وملاحظات مهمة وتفيد الطالب ومو مجرد ملاحظات ما الها معنى، بالعكس ترفع من قيمة الانشاء .
اولاً : استنباط العنوان من القطعة النثرية المعطاة او البيت الشعري ، ووضعه بين قوسين في وسط الصفة كما موضح بالنماذج ادناه.
ثانيــاً: يفضل تخطيط الصفة لكي يكون الانشاء مرتب ، وعند بداية الكتابة تترك مسافة #كلمة واحدة ومن ثم الاستمرار بالكتابة كما موضح ادناه.
المقدمة: بالنسبة الي انه ما اكتب مقدمات جاهزة وانما من عندي اكتب وحصلت درجة كاملة بالانشاء ، لعد شنو لازم تكتب ؟؟ الجواب: بداية الانشاء اول 3 او 4 اسطر تحاول تكتب كلمات حلوة وجذابة حتى لو تطول 10 دقايق بيهن فماكو اي مشكلة اهم شي تنتقيهن بشكل حلو، والنماذج الي كاتبها توضح شنو نوع المقدمة ، يا اما تكون وصف او تكون مقولة كبداية للانشاء .وممكن تكبون مقدماتي الي كاتبهن اذا اجنكم ذن المواضيع .
رابعاً: جمالية الخط والحركات االاعرابية ( كسرة - فتحة - ضمة - تنوين الكسر والضم الفتح -والسكون) هاي الامور تزيد من جمالية ودرجة الانشاء وتنطي عليه طابع جميل #انصح بيها للي يعرف يكتبها.
خامسـاً : علامات الترقيم ايضا تنطي طابع مميز للانشاء ، وتشمل النقطة نهاية كل جملة ، الفارزة للفصل بين عبارتين بنفس الجملة او التعداد، علامة القول : ، والاقواس للايات والاحاجيث والمقولات .
سادسا: الالتزام في اطار الموضوع ، وتكدر تتوسع بالموضوع بجوانب عدة ، مثلا الوطن تحجي عن التضحية في سبيله وعن الشباب وتمزج جوانب عدة ، حتى اذا فرضا اجتك مقولة وما عرفت عن شنو يردون فانت افهم المقولة واحجي عن الامور الي بالمقولة وبجوانب عدة. وانتبه للاخطاء الاملائية .
سابعا: تزيين الانشاء بابيات الشعر او الايات القرانية او الاحاديث او الامثال ، هل شرط الانشاء يحتوي ذن كلهن؟ لا مو شرط ، اذا انت انشاءك راقي وممتاز فكلش حلو ، بالنسبة الي كتبت فقط 3 امثال ومن داخل كتاب الادب بدو نايات وبدون احاديث ولا ابيات شعر .. اهم شي كلمات الانشاء تحاول تنتقيها وخطك يكون واضح وبداية الانشاء كلش اهتم بيها .
حجم_الانشاء : الحجم المناسب صفحتان او صفحتان ونصف وممكن 3 صفحات ، بالنسبة الي صفحتين ويكون انشاء مركز وجذاب ف
يفضل ما تكتب اكثر من 3 صفحات.
وبالاخير، ماكو شي اسمه (ما يتطون 100 بالعربي) بالعكس اذا مجاوب صح بالادب ومجاوب جواب كامل بالقواعد ، وانشاءك مثلا يستاهل 17 او 18 ، فاعتبر نفسك درجة كاملة .اهم شي انشاءك مرتب وما بي اخطاء املائية .
بشير حميد
رد مع اقتباس