سؤال وجواب في الاسلاميه.....( للصف السادس الاعدادي )
قبل كل شيئ .. الأسلامية تعتمد ع المصحح بنسبة 90% .. يعني هواي طلاب يتوقع تجيه 70 . تجي النتيجه محصل 90 .لان اغلب المصححين موشرط خط قرأني .ومو شرط شرح نصا.... الخ
1 شلون اكتب الاية ؟ بالخط القرأني ؟ لو بالخط العادي ؟
- بالاجوبة النموذجية تكتبها بالخط القرآني نفس ماموجودة .يعني اذا بالاية ( الصلو'ت ) تكتبها نفسها . بدون الف .بس الف مقصورة .. لكن اغلب المصححين بل 95% منهم يقبل كتابتها ( الصلوات) ..
2 الحركات مطلوبة ؟ وهم ينقصون اذا ما اخلي حركات ؟
- شوف اذا نرجع لنفس القرآن لا اني ولا انت يخليهن صح كلهن . بس انت خلي حركات بسيطة مثل الضمة والكسرة والي تغير من نطق الكلمة ..
اجبر المصحح انه ينطيك درجة كاملة ..
لكن ماكو تنقيص درجه ابد ..
شباب الخط ثم الخط .بيك وما تحسن خطك بالاية وبين سطر وسطر ولتنسى تكتب البسملة (بسم الله الرحمن الرحيم) اغلبكم ينسوها ..
3 الترقيم مطلوب ؟ ترقيم الايات ؟
- لا غير مطلوب انه تخلي رقم . لكن المطلوب هو وجود دائرة او نجمة بين أية واية .. حتى لو تخلي دائرة وتلونها بقلم الرصاص
4 معاني الكلمات الغير داخلات بأية الحفظ . مطلوبااات ؟
- اعتقد وحسب ما اذكر اجه بس مره وحدة وبدور 3 او نازحين ما اذكر بالضبط .لكن كدور أول ما اعتقد يجن
5 بشرح الايات . شرط ان اكتب نصا ؟
- نفس ما حجيت هي ترجع ع مصحح . لكن انت اذا تكتب شوي شرح مغاير .بس خل يكون من ضمن نفس الشرح . مو يطلب شي وانت تحجيله ع غير شي
6 المباحث شرط الشرح نصا ؟
- اذا جان تعداد ملتزم تكتب نصا .اذا شرح حتى لو مو نصا 100%
7 اكو ايات ضمن الشرح ذني مطلوبات ؟
- نعم اذا كلك استدل او وضح ذلك بدليل فتكتب الاية .او الحديث او القول عن الامام او الصحابي
8 الاحكام .اذا جاب ايه بيها فد 8 احكام وكال استخرج 5 .. شرط استخرج اول 5 ؟
- لا حتى لو تستخرج من البداية والنهاية وتعوف الي بالوسط .
9 اذا راد تعداد . وهي 8 او 7 نقاط شكد اكتبله ؟
- 5 نقاط كافي . وانته افهمها من الدرجة يعني اذا جان ع فرع 10 درجات فأكتب 5 حتى ع نقطة درجتين وهكذا
ملاحظات :
1) أبد ابد ابد لتترك شي فارغ .بالاخص بالاسلامية شتعرف اكتب متعرف صفط لتخلي السؤال فارغ ابد ابد ..
2) اهتم بدفترك لتحشك حشك . تره اكو مجال بالدفتر .
رد مع اقتباس
