هذه قصه حب كانت تربط أثنين وأفترقوا أقرو القصيده واحكموا منو الغلطان الولد لو البنيه؟؟؟
الولد"
""""
بهاي عيوني شفتج لا تنكرين
هذا الوجه ما يخفى عليه...
مو أني الي شفتج لا تكولين
أميزج لو كنتي بين ميه...
صحيح وياج جايز تغلط العين
بس القلب شافج كال هيه...
وأكولج وين شفتج أذا تريدين
بمكان الي جنه نكعد بي سويه...
وأكولج حتى شجنتي تلبسين
من شفته عليج شصار بيه...
نفس الثوب هذا كبل شهرين
جبته بعيد ميلادج هديه...
وهاي الساعه بيدج ما تذكرين
جبتها بسبب تأخيرج عليه...
المحابس والتراجي وكحله العين
نسيتي اني جايبهن بديه...
قناني العطر جانت وحده وثنين
سويتج صدك أجمل بنيه...
جبتلج كلشي حتى أنتي تتحلين
تتحلين بيهن مو الليه...
حصه غيري صابر تعب السنين
وبس المشترى صار عليه
"اللبنيه"
""""
صحيح أني اللشفتها وأنته مو غلطان
بنفس الثوب هذا اللجبته الليه...
وصحيح أني جنت ويه شخص ثاني
ما أنكر أكوللك أني هيه...
صدك كل أللي ما أنكره
صحيح أنته جبتها كولها الليه...
بس أني نطيتك كدهم أضعاف
حنان ولهفه ولوم الناس الليه...
جنت شكد أجازف من أجييللك
واتحمل حجي أمي عليه...
الأشياء أللجبتها أللك أنت
أللبسهن أني وتتباها بيه...
جبتها على ذوقك مو على ذوقي
أللبسها لخاطرك متلوك الليه...
هداياك كلي شكد تساوي
شتوازي شبابي أي هديه...
أني أنطيتك عمر سلمته بيدك
بساعه ومحبس أنته تمن عليه...
جاي اليوم تعيرني بيهن
أظن عمرك ولا مقدم هديه...
وأني ما شفت منك أي نتيجه
وصار سنين أريدك تحس بيه..
شفت العمر يجري وكلشي ماكو
كولت أللحك لنفسي أني شبيه....
منأظل وياك يتركني القطار
بأخر لحظه صرت أني ذكيه...
جبتلج... ما جبتلج هذا همك
لكن ترتبط.. ما أللك نيه...
أما الشخص هذا الجان وياي
أعتبره أني اجمل هديه...
من اول يوم عرفته حسيته صادق
أجانه البيتنا ويطلب أيديه...
وقارنتك أنته ويا مرات شفت القلب يمك
لاكن الحب حبيبي بهل الزمن عشره بالميه...
والتسعين اني بحاجه اللهن
زواج وأستقرار وأحلام ورديه....
لذلك قررت أختار غيرك
واذا أني كبرت قبل بهداياك
أسمح لي أرجع الهديه...
أني بخاتم الخطبه تزهي أيديه.
رد مع اقتباس
المشاركة الأصلية كتبت بواسطة قناصه وعيوني رصاصة
