هنا

[محامي الحب]

على امصاب الجواد العين تجري ادموم
ونعزي الكون كله اعـله الگضه مسموم
*********************
على امصاب الجواد الگلب يلهــب نـــار
ونظـل نـنـعــه بحزن كل احنه ليل انهــار
...

لان مسمــوم راح ومرمي فــــوگ الـدار
نبچيله بمصابه والگلب مالوم
**************
على امصاب الجواد انــــــوح وبعـبـــره
وانجــدد عــــزانـــه وبـالگـلــب حســره
دمعــنــه الـيــوم كله التاسع العـــتـــــره
ونتحمل ألم بالفاجعه وهموم
***************
على امصاب الجواد الــروح ماتـهـــــده
وشــدتــنــه چـبـيــره وشــده مـن شــده
ثلث تيام ظل فوگ السـطــح وحـــــــــده
واظن هذا الخبر واضح بقه ومعلوم
*****************
على امصاب الجواد الــديــن كله اينوح
لان شافه صـــريع امــــدد ومـطـــروح
مثـل جـــده ثـلـث تـيــام ظل مــــذبـــوح
فوگ اعله الثره ومن العذب محروم
********************
على امصاب الجواد بكل وكت نــنــعــه
ونـلـطم عالصدور ونسچـب الـــدمعــه
حزين الگلب بعــده ومايجــد نــفــعـــه
لچن يبقه الحزن هذا الحزن مقسوم
******************
على امصاب الجواد ادموم تجري العـين
واجب هالحــزن عـالشيعـه هــذا وديــن
بس اصعـب مصيبه امصيـبـتك يحسـين
غريب بكربله ياسيدي ومظلــوم
****************

[كبريائي قاهرهم]

السلام عليك يا سيدي ومولاي
تسلم على رووعة القصيدة الجميلة
والكلمات التي تدمي القلوب لوقعها المؤثر
لا حرمنا عبق وبديع مشاركاتك
التي انارت قسم الشعر الشعبي
لروحك كل الود و باقة ورد

[محامي الحب]

السلام عليك ياسيدي ومولاي
حضور ورد
تشكر عليه .. صديقنا العزيز

[اريج الولاية]

عظم الله اجورنا واجوركم بهذا المصاب الجلل
قصيدة رائعة واختيار راقي
حفظك الله بحق محمد واله الاطهار
تقديري لك

[نسيم العراق]

عظم الله أجورنا وأجوركم..شكرا لك محامي بوركت.

[محامي الحب]

أريج العبق والولاية ,,أبو بشير
لاطلاتكم كنسمات البحر الرطبه
دمتم بحفظ الله ورعايته